تجمع امهات العالمية الامريكية

[caramella]

قوة أمهات
إشلونكم و شخباركم
مروووو المصيبه إن الصبح ما في خدامه الطلبه إهم مسئولين عن بعضهم بعض أقولها ليش ما تطلع وياهم مشرفه تقولي هذي سياسة المدرسه هذا رد؟؟؟؟؟؟
إي والله صاجه هالهاله ما تنبلع أررررررررررف يأرفها زلمه و تتفلسف
هم في ولي أمر قبلي قام منرفز منها متهاوش وياها إلا إشوي

 

[ملكة بيتها]

مروو... الخليج دوامهم يوم 12\8 هذا متأكده منه بس الطلبه يمكن يوم 7\9 وياشين الزلمات لما يتفلسفون

 

[بسكوتة]

هاي بنات انا يديده على التجمع لان ولدي ان شاء الله هالسنه كي جي ون رحت امس شريت له الهدوم الصيفي والشتوي عشان افتك حتى الدلاغات منهم خذيتها وسالتهم عن الدوام قالوا اول يومين يصدف اربعه وخميس راح يكون الدوام سبع ونص ومن الاحد تسع او تسع ونص ولي الحين ماوزعوا الاسماء على الصفوف

 

[ReeMaN]

مساء الخير احبابي شخباركم حبايبي .......

هلا بالضيفه الجديده حياج الله معانا بالدوانيه رحبو فيها صديقاتي لاتستحون هههههه حبيبتى بسكوته خودي نصيحتى ببلاش دام ما وزعو اليهال على الصفوف ردي المدرسه مره ثانيه وطلبي يحطون ولدج عند صف مس ويندي وايد يمدحووون فيها واتهبل وحبوبه وفي بنات هنى سجلو عيالهم بصفها ..... وبالنسبه للدوام من قالج عن دوام اليومين من السبع نص جنى وايد مبجر لان هم هاليومين رمضاااان

 

[Fouz]

مبرووووووووووووووووووووك الحمال فوز الله يتمم عليج يارب ويسهل لج امورج .... صفوني معاكم بالصمووود اصلا احنا فينا ولاء حق ديرتنا مانساااااااااااافر ونخلي ديرتنا <--- ولحد يطالع عيونهها

حبيبتي ريمان الله يبارك فيج ، أهم شي ما نخلي الديرة بروحها صححححححححححححححح كلامج

شلونكم مامات
وتحملوني لزقه ما اقدر اهد هالتجمع

أهلين ليالي احنا اللي ماراح نخليج تهدينا

فوز مبروك عليج الحمال والله يتمم عليج

مشكورة مرووالغالية و الله يبارك فيج

سلام مامات .....فوزمبروك الحمال

هلا والله ملكة و الله يبارك فيج

هاي بنات انا يديده على التجمع لان ولدي ان شاء الله هالسنه كي جي ون رحت امس شريت له الهدوم الصيفي والشتوي عشان افتك حتى الدلاغات منهم خذيتها وسالتهم عن الدوام قالوا اول يومين يصدف اربعه وخميس راح يكون الدوام سبع ونص ومن الاحد تسع او تسع ونص ولي الحين ماوزعوا الاسماء على الصفوف

حياج الله بسكوتة ويانا،، بس 7 و نص من صجهم؟؟؟ الناس رمضان

 

[Fouz]

شلونكم أمهات
شخباركم كلكم
شوفوا يا جماعة انا عندي راي، اذا الحبايب ماراح يعطونا كلام عدل عن الانفلونزا شكلي بغيب بنتي الاربعا و الخميس و اخليها تروح الاسبوع اللي وراه يمكن تستجد الامور
و عندي سؤال حق اختي مرو بحكم ان لها خبرة بالمدرسة، اذا عندنا ملاحظات او شكوى منو المسئول اللي نقدر نتكلم معاه، لاني مزهبة لهم ملاحظات ياريت تقولولي رايكم فيها:
1- الويب سايت مافيه اخبار يديدة بالمرة،، بالعربي ماكو متابعة
2- اذا دزيتي ايميل بالمشمش يردون بعكس المدارس الثانية اللي كنت مقدمة حق بنتي فيها
3- ياريت يلغون البدالة لان الوحدة تروح المدرسة بنفسها و تحصل الرد أسرع
4- موظفات الاستقبال لازم يكون عندهم معلومات كافية و اذا ما عندهم هالمعلومات أكو اسلوب يبين اهتمام الادارة، مثلا تقول حق ولي الامر عطوني رقمكم و نتصل فيكم اذا وصلنا اي خبر مو تقول مرونا الاسبوع الياي جنا فاضين و ما عندنا شي
باختصار الضعف وايد واضح بعملية الاتصال بين الادارة و اولياء الامورسواء بالتلفون او الايميل او الحضور الشخصي يعني لازم يشوفون حل حق الموضوع لان هالطريقة تعطي الناس انطباع سيئ عن المدرسة
انتو شرايكم؟؟؟

 

[caramella]

السلام أمهات
إي والله ملكه يا شين الزلمات لما يصدقون عمرهم و يتفلسفون علينا عبالهم بس أهم اللي يفهمون و إحنا قواطي
حياج الله بسكوته معانا بيكون ولدج مع ولدي و بنت فوز إهني بهالتجمع عيالنا كي جي 1
والله ما قصرت ريمان من العام راحت سألتلنا أولياء أمور باليوم الرياضي عن المدرسات التوب للكي جي 1
وأجمعوا إن ويندي وايد زينه فا من التسجيل بلغتهم إن أبي ولدي بكلاس ويندي و هم مرتهم فوز بلغتهم إن تبي مس ويندي فا مريهم نفس ما قالت ريمان و طلبي منهم إن إحطونه بهالكلاس إذا حابه لأن التلفون لا حياة لمن تنادي
هالهاله اللي بالتسجيل تقولي دقي عالبداله قلت لها عمره ما يلقط قالت ليش 20 خط قلت بقلبي 20 خط عالطل
و كلامج عين العقل يا فوز لأن فعلا نفس الكلام اللي بقلبي
هذي مشاكل إداريه أتمنى ما نواجه مشاكل بالتعليم اللي أهو أهم شي

 

[lyale]

فوز
خخخخ وانا ما راح اهدكم ومبروك الحمال فوز وعلي قولتج هذا العيب الوحيد بالمدرسه انا الاتصال ضعيف والبداله نفس ما قلتي لو يلغونها احسن وبخصوص السايت وااااايد اخبارهم قديمه لا جديد
اذكر دخلت مره ولا اصور وايد قديمه لحفلة القرقيعان فا حاشني احباط وقمته

 

[mr000]

أهلين بسكوته حياج الله معانا بالنسبه حق الدوام أخاف اللي قالتلج تخوره لأنه الدوام من بدايته راح يصادف برمضان العام هم جذي وداوم من أول يوم 8ونص حتى ماكو 9 ولا9 ونص طول الشهر بعد مادري أذا الصغار دوامهم غير بس ماأعتقد لأنه الباصات الصبح ماتوصل مرتين ماعتقد ناس اييبهم 8ونص وناس 9ونص ألا أذا لهم نيه هالسنه يخلون الدوام 9 يجوز لازم نتأكد!! ومن ناحية التواصل مع الأداره آنا اللي بردت قلبي العام مدرسة الراضيات بس اللي كان بينا أيميلات وتواصل وألا باقي المدرسين ماكانوا يدزون شي ويغيرون أيميلاتهم بحجة أنه الطلبه يدزون لهم فيروسات! ومن ناحية المسؤولين آنا بالمتوسطه عندي الناظر ومساعد الناظر زينين ألى حد ما يعني أذا طلبت مقابلتهم أقابلهم ويسمعونج وياخذون ملاحظاتج بس الأخصائي كان ممتاز ومادري أشفيه قلب علينا بالكورس الثاني قام مايرد عالتلفون بي للأمانه أذا راح له ولدي أو كتبت له رساله وطرشتها مع ولدي مايقصر!! بس شوفي فوز آنا من رايي أنج تقابلين نوره الغانم مديرة المدرسه بنفسها وتقولين لها كل الملاحظات هذي عن التواصل والسايت التعبان مالهم والبداله وأي أستفسار عندج لأنه مره بنت عمي قالتلي !نها مقابلتها بخصوص مشكله صارت حق ولدها بالثانويه مع مدرس وتمدحها في أسلوبها ومقابلتها وتجاوبها وانها حتى خلت المدرس يعتذر حق ولدها بالصف! وبصراحه آنا العام لوعت جبدهم كل يوم والثاني رايحتلهم كيفهم مدرسه يديده على ولدي وماأعرف نظامهم وصار فيه شغلات احتجت أكلم الأخصائي والمدرسين وبدام مالت الريسبشن ماتدري عن شي فكنت أقولها أني بروح فوق عند المتوسطه أكلمهم!!

 

[Fouz]

كاراميلا شخبارج حبيبتي، و الحمدلله انج تشاركيني الراي و ننطر الباجي نشوف اذا عندهم اضافات و نقدر نكتبهم بالعربي و الانجليزي و نسلمها الادارة اذا مافي احد يقابلنا، الوحدة بصراحة تبي الراحة و المعاملة الحلوة والا جان رحنا الحكومة و افتكينا من العبالة، يعني اذا ماكو اهتمام شنو اافرق عن المدارس الثانية
عاد كاراميلا تهقين ما يكشتون فينا على سالفة ويندي؟؟ والله قمت أشك بكل شي

ليالي الله يبارك فيج حبيبتي و الساعة المباركة اللي تكونين ويانا

 

[Fouz]

هلا والله مرو، حسب كلامج شجعتيني أشوف المديرة و ان شاءالله تكون مداومة بهالفترة لان برمضان مافيني شدة نساة و صيام، بمرهم الاسبوع الياي و بطلب مقابلتها علشان يبرد قلبي،
بس اللي انا مستغربة منه ليش محد فكر يقولها قبل خاصة ان المشكلة مزمنة و تلوع الجبد و المشكلة الاكبر اذا عيالنا كبروا هم نبي المدرسين يتواصلون ويانا ما نبي حقران

 

[mr000]

شوفوا حبايبي آنا بقرق عليكم بس ميخالف تحملوني آنا أكثر منكم أحاتي لما تبتدي المدرسه لأنه العام ولدي صارله كذا موقف مع بعض الطلبه والمدرسين لأنه يديد عالمدرسه ومايعرفونه ولايعرف نظامهم وحصل كم عقاب ظلم بسبة طلبه كذابين بس رحت وكلمت الناظر والأخصائي والمدرسين والحمدلله مشى الحال وفي شغلات مثل تغيير المدرسين أو مدرسه تغيب وايد هذي تصير بكل المدارس آنا لما أتكلم مع أمهات عيالهم بمدارس ثانيه يقولون حتى هم صادفهم هالشي بس المهم أنه الاداره تتصرف يعني في أحد ثاني أيي يدرسهم موهادينهم هدد وهذا شفته بمدارس ثانيه ولايظلمونهم بالدرجات وهذا هم شفته بالتكامل يعني بالعالميه المدرس يديد عليهم فما حط لهم درجات بالريبورت ودزولنا رساله اشرحوا الموضوع أنه المدرس يديد عليهم ومايبي يقيمهم وهو مايعرفهم ودزولنا عقبها بفتره ريبورت بس حق هالماده!! اللي أبي أوصل له أنه لايحوشكم أحباط ترى هذي الشغلات موجوده بأغلب المدارس وآنا أعتبرها أهون الشرين يعني من بعد الغانم والتكامل ودرت وايد مدارس كل ما أقابل أمهات وأسألهم كل وحده تقولي ومن قالج هالمدرسه زينه أحنا بننقل عيالنا أو ناطرين نحصل قبول بمكان ثاني أو متحملينها علشان القرب من البيت يعني أعبي الطلب وأدفع فلوس اختبار تالي أهون من اللي أسمعه بس شنسوي ماكو مدرسه كامله عالأقل العالميه تعتبر مدرسه قديمه وأداره قويه وامكانياتها زينه والله ماشفتوا اللي آنا شفته بالمدارس الثانيه من واسطه وتسيب وخواره بالتدريس واداره ضعيفه وبينهم خلافات ماتلاقين أحد يعطيج كلمه واضحه بعدين العالميه سهلين في تعاملهم آنا جربتهم لما بقيت أسافر بالأيستر وكنت بغيب ولدي يومين وطلع عنده امتحانات والله ماقالوا شي امتحنوه قبل الطلبه وعطوه الواجبات ومدرسته الرياضيات دزلي أيميلات عن درجاته والواجب فرق عن التكامل اللي أقولهم فيه نزله معويه ويايبته من المستشفى خل يمتحن وآخذه موراضين لأ خل يغيب ونأجل الأمتحان لي باجر يمتحن امتحانين أبي أفهمهم أنه مايقدر يداوم دوام كامل فيه أسهال تكرمون ويرجع لأ ممنوع يطلع من نص الدوام!! فلا تحاتون ماكو ألا الخير انتوا عالأقل وضعكم أهون عيالكم توهم بالروضه بس آنا ولدي آخر سنه متوسط ومنتقل 3 مدارس حرام الولد تخسبق وأحسن شي أنه الياهل يستمر بالمدرسه من الروضه لي التخرج! والله آنا أكثر منكم أتمنى أنه يكون كلشي تمام وماأضطر أنقله لي يتخرج! بس آخر ملاحظه أن النتيجه اللي وصلتلها عقب هالسنين أنه ماكو رقابه من وزارة التربيه التعليم الخاص بس منظر آنا من قبل رحت واشتكيت ماسووا شي!!

 

[Fouz]

والله مرو انا ارتاح من كلامج و بالعكس ياريت ما توقفين، و كلامج عدل ماكو شي كامل بس الوحدة ودها بالاحسن، و بالنسبة حق عيوب المدرسة اللي شفناها الحين كلها ادارية يعني تتصلح بسهالة، و الجانب التعليمي لما الحين ما شفنا شي و ان شاءالله يكون بالمستوى اللي يرضينا.
أدري المثال بعيد بس خليني اقولج، انا من قبل لا اشتغل كان حسابي بالتمويل و ما اذكر رحت لهم الا اذا ابي اجدد بطاقتي او اغير ليميت الفيزا و كانت نفوسهم اعووووووووووذبالله جنج ياية تطرين، اول ما اسمعوا عن بنك بوبيان و شافوا اكثر الناس تشتكي تعالي شوفي المعاملة من عند الباب اهي اللي تفولج السلام عليكم و هالشي فعلا يحببج بالمكان، يعني اتوقع اذا وصل المسج حق المديرة لازم يتغير الوضع

وعلى طاري المدارس الثانية، رفيجتي عيالها بالابداع، لما اولياء الامور سمعوا عن زيادة الرسوم اعترضوا تصدقين وصلهم حجي اذا ما يبون الاسعار اليديدة قولولهم اللي على الويتنغ ليست مستعدين يدفعون، للاسف صار مافي تقدير اهم شي يحصلون رسومهم و خلاص

 

[Fouz]

شلونكم أمهات
هذا رد مديرة المدرسة بجريدة القبس،، لا تعليق
صاحبة المدرسة العالمية الأميركية نورة الغانم: التأجيل لن يقضي على المرض أو يمنع تفشيه

اعتبرت صاحبة المدرسة العالمية الأميركية نورة الغانم أن تأجيل الدراسة في البلاد لن يؤخر من انتشار مرض انفلونزا الخنازير في البلاد أو يقضي عليه، مشيرة الى أنه عبارة عن فيروس عادي ينتقل في الهواء سواء داخل البيئة المدرسية أو خارجها، بحسب شهادة أطباء متخصصين في مثل هذه الفيروسات.
وقالت الغانم إن ما يقلل من خطورة المرض وجود مضادات وعلاج تشفي المصابين بالانفلونزا خلال أيام، حيث يتم علاج الكثير من الحالات المصابة في المنازل.
وتساءلت قائلة: «الى متى نؤجل الدراسة؟ هل نؤجلها حتى نهاية العام الدراسي، أو الى حين شفاء جميع المصابين من المرض».
وعن استناد بعض المطالبين بتأجيل افتتاح المدارس كإجراء احترازي لحماية الطلبة، قالت الغانم ان حماية أي شخص من الاصابة بمثل مرض انفلونزا الخنازير صعب للغاية، خاصة أن هذه انفلونزا تنتقل في الهواء، وعليه هل نمنع الناس والطلاب من التنفس سواء داخل المدارس او خارجها.

تفكير عشوائي
ووصفت اقتراح التأجيل بالخطوة غير المدروسة والتفكير العشوائي الذي يذهب اليه البعض للتعبير عن قلقهم من تفشي المرض بصورة أكبر، مضيفة بالقول: «هناك فيروسات أخطر من انفلونزا الخنازير، هل نلغي حياتنا ونتقوقع كإجراء وقائي»؟.
واشارت الى ان جملة الاحتياطات التي أوصت وزارة الصحة المواطنين باتخاذها لن تقضي على المرض، بل تقلل من امكانية تفشيه، مشيرة الى أن أصحاب المدارس الأجنبية سيتعرفون على هذه الخطوات خلال الاجتماع الذي سيعقد يوم الأربعاء المقبل، تمهيدا لاعتمادها مع بداية العام الدراسي الجديد.
وتابعت قائلة: «لا يمكننا أن نتخذ اجراءات أكثر وقائية ولا مبرر أن نصل الى اغلاق مدارسنا، فالدول الكبيرة وصل اليها المرض واتخذت اجراءات وقائية وطبية معينة ولم تصل الى مرحلة اغلاق المدارس أو التقوقع».

 

[Fouz]

بصراحة عجبني كلام السداح
"اشترطت فحصهم في الصحة الوقائية قبل بدء الدوام المدرسي
نائب صاحب مدرسة الكويت الإنكليزية نائلة السداح:
لن نقبل أي طالب أو معلم قبل التثبت من خلوه من الأمراض"

على الاقل تطلب فحصهم بالصحة الوقائية علشان نضمن بيئة صحية بالمدرسة

 

[mr000]

والله آنا توقعت أنهم يقولون هالكلام وبعدين من قالها بره ماسكروا المدارس في بريطانيا أكثر من 400 مدرسه تسكرت بس شافوا أنه طلع بكم طالب! ومن ناحية فحص المدرسين يلا عندهم هالفتره قبل دوام الطلبه خل يفحصونهم بس أشلون عاللي يوصل ليلة الدوام وألا المدرسين اليدد اللي أيون بعد شهر وشهرين والطلبه الأجانب اللي يوصلون ليلة الدوام أو بعد ما يبتدي الدوام بكم يوم ويداوم سيده؟؟؟؟؟ انزين هالموضوع وعرفنا رايها فيه بس ياريت يوصلها علم عن الشغلات الأداريه حتى لو برساله أذا مو مقابله شخصيه وعلى كلام جيهان مره قالتلي كتبي اللي تبينه وسلميه لسكرتيرتها وتركي رقم تلفونج عندها بس آنا قبل لاأقابلها والله بس قلت حق الأخصائي آنا طلبت موعد أقابل نوره الغانم شنو هذا طلبه يكذبون تسمعون كلامهم وتعاقبون ولدي وماتعطونه مجال يدافع عن نفسه بس علشان يديد وماتعرفونه وعلبالهم أنه شيطان وياي بيستهتر بمدرستهم فبيأدبونه وبيعلمونا أنهم موسهلين قلتله آنا حتى لو بنقل ولدي أول أقابل نوره الغانم وأقولها عن أسلوبكم في التعامل معانا والله ماشفت ألا الناظر صار جنه حمار تخسبق وترك الشغل اللي بأيده وقالي تفضلي وقولي كل اللي تبينه وآنا أرحب فيج بأي وقت وآنا قاعد أستفيد من كلامج وملاحظاتج.....بقيت أقوله أيوه اتعدل!! المهم من عقبها تغيرت معاملتهم مع ولدي والحمدالله عدت السنه على خير!!

 

[mr000]

بعدين فوز ترى موبس المدارس الديره كلها متخسبقه وموعارفين شيسوون أزيد من المستشفيات كل يوم قاعدين أيبون لهم حالات والموظفين مساكين قاعدين يشتغلون بجو موبوء يعني مايدرون بأي وقت ينعدون من المرضى أمس ولدي يقولي عندهم ممرضين متعادين من المرضى وولدي يعالج المرضى قاعد يدخل قسم فيه حاله حتى ربعه بالمختبر والأشعه يقولون له لاتيي تسلم علينا وانت تدخل عالمرضى!!! ولما سأل عن التطعيم قالوله موزين وخطر وماله داعي وماتدرين صج هالكلام وألا بس علشان يطمنون الناس وماأيون يتراكضون عالتطعيم!! الله الحافظ أن شاءالله يكون كلامهم صح وماكو ضرر على أحد!!

 

[mr000]

ألحين بتلفزيون الأمارات قاعدين يتكلمون عن انفلونزا الخنازير بس قال معلومه بتأكد منها أن التطعيم لعمر فوق ال5 سنوات

 

[ReeMaN]

السلام عليكم حبيباتي شخباركم ؟؟؟؟؟

ماشالله شهالمشاركات اللي اتبرد الجبد والله يابنات كلامكم على راسي بس دام الوزاره مو راضيه اتسويه شي بعد مو بايدنا ....والمديره مصممه على كلامها الدوام بيظل نفس مااهو ورايي من راي فوز بنقطتين ان نكتب شكاوي واقتراحات برساله او وحده من الامهات اتقابل المديره وتقولها كل شي لان صج مافي تعاون بين الاداره واولياء الامور ..... والسايت اللي ملوع جبدي الصور اللي فيها من 2006 غير البداله وغيره وغيره .... والنقطه الثانيه اللي قالته فوز ان نغيب عيالنا بهاليومين يمكن يصير في تطورات

 

[caramella]

السلام أمهات
أموت على هالتصريح من نورة الغانم
إي والله صاجه فوز خوش كلام قالته السداح
بدال لا تقول لا والله أقل ما فيا أطالب بفحص المدرسين الأجانب اللي يايين من أمريكا تقول خل يداومون و اللي يحوشه يحوشه لأن ما نفدر نمنع المرض بس في مثل إقولج الوقايه خير من قنطار علاج يا نورة الله يهديج بس
و هالعيال الكبار صيام برمضان و مرض بعد
و البزران الصغار وين يتحملون انفلونزا الخنازير الفلونزا العاديه ما يتحملونها هالنوبه خنازير
أهو لو المرض مو خطير جان ما خلو علاجه بالأمراض الساريه و يعزلون المرضى
مو أهو حاله حال الفلونزا العاديه خلاص ليش لمن الواحد تصيرفي فلونزا عاديه ما يعزلونه عن الناس
إنشالله يا ربي إشوفون لنا صرفه بإجتماع باجر