تجمع امهات العالمية الامريكية

[ملكة بيتها]

سلام مامات .. شلونكم حبايبي ...سلام خاص حق ليال ...
مروو.... مشكوره وايد طمنتيني أنا أثق بكلامج وما شاء الله معتمده بكلامج من أكثر من مصدر يا عمري
ريمان ....صاجه مساكين الطلاب صيام ودراسه وحر الصيف ..الله يعينهم ويخفف عنهم آمين

 

[caramella]

السلام عليكم أمهات
إنشالله باجر بمر المدرسه إذا أمداني عشان أبي أغير الملابس مثل ما قلتلكم بالمره بسأل عن سالفة فلونزا الخنازير الله لا يبلاكم إنشالله ما قصرتي مرو فطنتينا على سالفة هالمرض اللي قعدتأحاتي و أفكر فيه معنه كلش مو طاري على بالي من قبل
واللي مخليني أحاتي إن المدرسة فيها طلبه و مدرسين أمريكان و أكيد بيون قبل الدراسه بيوم ولا يومين و هالمرض وايد منتشر بأمريكا
الله يستر إنشالله يا رب ويعدينا و يعديكم الشر
الله يساعد العيال على الصيام والدوام مساكين بس مروووو المدرسه مو مسكره من داخل و كلها سنترال ؟؟؟
إشوي أهون على العيال من المدارس المكشوفه اللي حده فطسه

 

[mr000]

مشكوره ملكه على ثقتج بس ترى آنا نومجربتها سبحان الله على كثر ماكنت ميته عليها وأتمنى أدخل ولدي فيها سبحان الله ماصارله نصيب فيها أول مره أبونا مارضى تالي وديته بغريد2 بشهر 11 وقلتلي نقبله بس تدرسينه اللي فاته وخفت مايمشي معاهم وهم رديت وديته بغريد6 وسووله اختبار وانقبل وهم ترددت خفت مايمشي بالنظام الأنجليزي وهو يايهم متأخر بس هم خيره!! بس آنا أنقل لج كلام اللي مجربينها وترى كل مدرسه لازم تشوفين شغله أو مدرسه ماتعجبج تكلمي معاهم عادي بس بشكل عام هي مدرسه قديمه تخرجوا منها وايد أذكر وحده معاي بالدوام تقول طلعت ولدها من الحكومه عقب رابعه ابتدائي تصوري يعني وايد متأخر وعلى أيام قبل اللي ماياخذون الانجليزي ألا بأولى متوسط وودته الخليج تقول أول سنه كانوا يعطونه دروس تقويه وهي بعد سجلته بالمعهد البريطاني ومن ثاني سنه خلاص مشى بالدراسه وماشاءالله دخل هندسه بالجامعه وأكيد ألحين تخرج لأنه كبر ولدي الكبير!! كراميلا هو صج المدرسه سنترال ومكيفه بس تدرين دوام طويل ومع الصيام وعيالي مايتسحرون مايبون أحد يقعدهم لي ناموا فأكيد يحس بصداع وتعب غير اللي نايم طول النهار!!

 

[mr000]

ياربي لازم هالبدليات نومجربتها= مومجربتها ميخالف نصها انجليزي!!

 

[caramella]

مروووو إي صاجه الصيام ودوام طويل الله يساعده حبيبي

 

[ملكة بيتها]

سلام مامات .... مروو.. أنا قلتلج ثقه لأنج ماتبالغين بالشغله وتبينين إنه مو رايأج الشخصي وخلاص بالعكس دايما تذكرين المصدر ..

 

[mr000]

سلام أمهات اشلونكم شخباركم! أمهات عفيه اللي تروح المدرسه هالأسبوع ياريت تتأكد لنا من الدوام الساعه كم يبتدي الصبح! آنا بدق عليهم وان شاءالله يردون علي ودي والله أروح المدرسه هالأسبوع بس ماأعتقد اقدر اطلع عندي شغل بالمطبخ حق رمضان والصغيره اللي ماتخليني أسوي شي ولا أطلع ألا هي معاي!

 

[ReeMaN]

صباح الخير صديقاتي شخباركم حبيباتي عساكم بخير ؟؟؟؟؟؟ مرووو غاليتي انشالله باجر راح امر المدرسه عشان اغير الملابس وراح اسال عن الدوام بالرمضان وسالفه اجراءاتتهم حق المعرض الله يكافينا الشر ..... وبعد شنو اسال عنه ؟؟؟ افيدينا

 

[mr000]

أهلين ريمان اشلونج! تصدقين آنا هالسنه ماشريتله ملابس رياضه من عقب سالفة العام اللي صغروا عليه وهم يدد مالبسهم ومتحيره أخاف ماأشتري ويعطونه الجدول اول يوم يكون عنده باجر رياضه وعلما اشتريهم ثاني يوم واخاف البنطلون يحتاج خياط حق تقصير وهم أخاف اشتري من ألحين ويطلع ماعنده رياضه ألا آخر شهر!! وحتى حق طلبات كل ماده والله العام تاذيت كل يوم بالمكتبه وشي ماألقاه واضطر اروح مكتبه ثانيه أو مركز سلطان والله طول الاسبوع الاول قزرتها كل يوم مكتبه والمشكله كل يوم اييب طلبات ماده وألا مادتين ياريت يعطونهم ورقة الطلبات من هالايام مثل بعض المدارس العام سالتهم كذا مره تقولي لما يداوم يقولون له! أي على فكره ملكة سألي الخليج عن الطلبات لأنه مرت ولد أختي تقول عطوها ورقة الطلبات حق بنتها بتروح غريد1 أو ريسيبشن والله مومتأكده بس هي خلصت الروضه!

 

[ReeMaN]

هلا مرووو ... اللي اعرفه او يمكن بس حق الروضه ان ملابسه الرياضه شورت مو بنطرون طويل عشان تحاتين خياط البنطرون

وصج ليش مايسوون نفس باجي المدارس اغلبهم يوزعون اوراق الطلبات اخر السنه حق السنه اليديده ....

 

[ReeMaN]

مرووو اتوقع تقدرين اتردين الملابس اللي شريتيهم العام حق ولدج وطلعو صغار عليه ....

 

[lyale]

السلااام مامات ملكه ومرو بعد جبدي مشكورين علي السؤال انا استقريت علي abs وفتحت لي تجمع حياكم عندنا بتجمع abs
بالنسبه حق طلبات المدارس الabs حاطينهم بالسايت بسس والله استغربت حتي قواطي كلنكس طالبين منا خخخ ليش موو المفروض المدرسه توفر هالشغلات

 

[mr000]

أهلين ليالي مبروك عالتجمع اليديد يعني بتهدينا خلاص؟ لا عفيه طلي علينا بين فتره والثانيه! ريمان هم حق الكبار عندهم برمودا وطبعا ولدي مستحيل يلبس لاشورت ولابمودا وعندهم بنطلون عاد تصدقين العام البنطلونات لما شريتهم كانوا طوال عليه وقصرتهم بالخياط يعني مااقدر ابدلهم والحين تقصملوا عليه اسم عليهم الصبيان بسرعه يكبرون وجسمهم يتغير وعليه على بنتي بالجامعه وندورلها xs بكل شي وساعات تاخذ شغلات حق البيت من تامي مال اليهال والله أقولها انتي لو موقاطه هدومج جان ليلحين تلبسين مال أيام المتوسطه:dddds:!!

 

[mr000]

وي ليالي على سالفة الكلينكس هذا عادي بكل المدارس شوفي ولدي اشكبره وليلحين يطلبون عليه كلينكس! وأعطيه الربطه الكامله 6 مع بعض أقوله اشدعوه انتوا كبار و25 طالب كل واحد يايب هالكثر شتسوون فيه وبعد فتره قصيره مايكمل شهر ألا رد طلب ومحد يطلب ألا مدرس العربي الأردني!!!!

 

[mr000]

ودي مره اكتب بدون بدليات بمودا =برمودا

 

[mr000]

سلام أمهات أشلونكم في أحد راح المدرسه اليوم ؟ قولولنا شنو صار شنو عرفتوا عن الدوام!!

 

[ReeMaN]

هلا صديقاتي شخباركم ليالي الف مبروك على التجمع وسالفه طلبات الكلينكسات عادي حتى ولدي طلبو منه وطلبو قلاصات مكتوب عليه اسمه وملابس داخليه له يمكن عشان اولى روضه .... او بس مرحله الروضه يطلبون منهم هالسوالف ....

مروو شخبارج حبيبتى اى اليوم الصبح عالثمان رحت المدرسه ماكو احد من الاداريات وبعد ماطلع لهم القرار متى دوام الرمضان ...
ولا كان في احد من المسؤولين مداومين سالت مسؤوله اللي مالت الاستقبال اذا عندها فكره استغربت من سؤالي هم قالت ماعندي فكره محد قال لنا شي بخصوص هالموضوع ..... قلت لها انشالله امر وقت ثاني

 

[lyale]

هلاااا مامات الله يباركم فيكم مروو وريمان مروووو اشدعوه عااااد بهدكم لا بدش اطمن عليكم وعلي المدرسه الي احبها
ريمان لا عادي هذي الطلبات مالت الروضه لانهم صغار فا لازم لبس اضافي يظل بالمدرسه انا بعد طلبو ملابس مدرسه وملابس داخليه كلهم ينكتب الاسم عليه وغير صحون بلاستيك وعلبه تنظيف الاذن ( كيو تبس ) ومعقم الايدين وووووووووووايد اشياء
هههه

 

[mr000]

سلام أمهات أشلونكم شخباركم آنا أسبوع الياي بمر المدرسه لأنه الظاهر ألحين بس الأداره مداومين يمكن المدرسين ماداوموا مادري مومتأكده بس بسألهم عن توزيع الطلبه بالصفوف لايحطونه مع كم واحد من الشياطين العام ولدي تأذى منهم مادري أخاف يوزعونهم من ألحين تالي مايرضون يغيرون الصف! ومن ناحية موضوع المرض ماأعتقد راح يسوون شي لأن حتى التطعيم مو بأيدهم اليوم أقول حق ولدي ليش ماتطعم وأنت تشتغل بالمستشفى وكل يوم يايبين لكم حالات قال لا موزين فيه دكتور قايلهم اليوم اللي مافيه شي موزين يطعم ترى يأثر عالمخ حتى اللي يمرض لازم ماياخذ تطعيم أو العلاج الخاص بهالمرض ألا من بعد التحاليل ولما تطلع النتيجه أنه فيه الفيروس مال المرض يالله يطعم!! الله الحافظ وان شاءالله ماكو ألا الخير!!

 

[mr000]

ريمان والأمهات اللي عيالهم بالروضه مثل ماقالت ليالي حطولهم بالمدرسه ملابس احتياط مو بس ملابس داخليه لأنه صج مايسوى يدقون عليج أييبونج من دوامج علشان ملابس أذا احتاج والله آنا لما كان ولدي بالغانم كنت حاطتله ملابس طلعه يعني شورت وبنطلون وتيشيرتين حتى ماكانوا ملابس مدرسه بس يمكن هذوله يبون ملابس مدرسه!!