تجمع امهاات 2007 خلونا نستفيد من بعض

[keeka]

اهليين وسهليين فيكم
كيت كات بنتوتي عمرها 6 شهور والتطعييم لعب فيها لعب فقيره يوميين صخونه تكسر .

المهم انا ابي بعد لها باندات جذي كشخه تصلح للعيد وابي تكرموون جوتي من وين ؟

 

[malak_alroo7]

رفرف

واااااااي نفس ريلي ترى الريايل ما يدانون السوق خاصه ريلي .. لا و يبينى اسوق بس عشان يفتك من شئ اسمه سوق شفتى شلوون هههه


منووووووووره
شحلاااااااته قرقيعااانكم حبيبتى تستاااااااهل نواره .. تصدقين من الحين قاعده افكر شنو اسوي حق السنه الياايه ماكو شغل ههههه


عواشه
انا بعد عندي هالمشكله !!

بناااااااااااااااات سؤاااااااااااااااااااااااااااااال

ساعات اسوي حليب حق نوره بس ما تشربها كلها حدها رقم .. المهم سؤالى
شكثر اقدر اخلى الحليب بالثلاجه؟؟

 

[miss fabulosity]

قوه ياامهات اشلونكم نفر نفر
واخيييييييييييييييييييييييييييييييرا برد الديره انشاء الله يوم اليمعه اوصل :eh_s(9):
والله يعين يوم السبت سيده السوق ابى بدله عيد حق بسبوسه وتكرمون جوتى وباااند

صج بسالكم منو اتعرف رانيا الى بقصر الكرستال وغولدا الى بانتركونتننتال اى وحده تهقون زينه حق القص والصبغ ابى لوك يديد حق العيد

واى الله يعينكم على الصخونه انا الحمدالله تطعيمات بسبوسه كلها بالمانيا والحمدالله ماتييب صخونه عكس مالوت الديره

 

[منورة الكويتية]

وسووومة انصحج ب منى الباكستانية الي ب مس ون عجيبه بالصيغه والقص

 

[pink]

أهلييييين بنات .. شلووونكم ؟؟؟؟

منورة .. تسلميييين حبيبتي عيونج الحلوة و الـ 100 فلس حصلتها
من عالم الحلويات - جنه جذي اسمه - اللي بالشويخ تدرين الكل استانس
على هالـ 100 جنها خربت على باقي شغلي بديت أحقد عليها
و قرقيعان نونو حدّه رااااقي الفضي و الذهبي تستاهل والله .. ترانا من
زمان عن نونو ؟؟؟ شنو آخر تطوراتها ؟؟؟ و شلونج مع رمضان
والجامعة؟؟؟


awasha و keeka .. نفس المشكلة رحت كذا مكان ما حصلت اللي
أبيه - قصدي على الدلاقات - و آنا أبي أبيض فيه كشكش بسيط أو فيونكة
ناعمة بس اللي ألقاه يا بيج يا أوف وايت أما على الباندات بشوف شنو
عند اختي من سوالف بنتها غير إني شايفة تاج باكسسوريز ناوية آخذه
و أوديه عند وحدة من بنات المنتدى تحط شوارفسكي على لون البدلة لأني
تعاملت معاها حق الجوتي و المصاصة سوتهم نفس البدلة و شغلها حلووو
و فكيت نفسي ..


malak_alroo7 .. أسوية نفس الشي ما قامت تشرب الحليب وايد من
بدت تاكل و من غيرنا حليبها من نان 1 الى نان 2 عشتو البنت حساسة
فقامت تشرب رقم رقمين و الباقي أغلب الوقت ينقط و آنا لما اسوي
الحليب أخليه بس ساعتين في السخّان و لا مرة حطيته في الثلاجة بس
يمكن انتي حليب طبيعي مو صناعي أتوقع شي ثاني و إن شالله البنات
يفيدونج ..


وسومه .. الحمدلله على سلامتج مقدما .. و الله يعينج على زحمة السوق
اختصري اماكنج أحسن انصحج تروحين الراية و مجمع مريم و المهلب
و بلازا حولي فيهم كذا محل لليهال .. و سامحيني حبيبتي ما عندي فكرة
عن هالصالونات و إن شالله كل اللي تسوينه يطلع حلووو عليج .. و على
سالفة التطعيم في المانيا شكلي بودي سوسو هناك حق تطعيم السنة
اريحلي :eh_s(6): و الله يخليلج بسبوسه ..

و باقي البنات شلووووونكم ؟؟؟ الله يتقبل اعمالنا و اعمالكم إن شالله ..

 

[Miss_Tiger79]

شخباركم بنات
كيت كات سلامة حمودي ومايشوف شر انشالله

 

[pink]

السلاااااااااااام

وبنات الله يعييييييينكم على تطعيم ال6 شهور انا حمود صخخخخخخخخخن
وتعب وااايد منه مع ان كل طفل يختلف عن الثاني بس ان شاء الله مايصير لكم اللي صارفيني سهر علشان بس اراقب الحرارة

اي و الله هالتطعيم حده بائس و متعب .. و صاجة كل ياهل غير عن الثاني
أسوية حبيبتي ما صخنت بس اتعبت حيل كانت تحس بعوار يخليها تبجي
من قلبها المسكينة .. المهم انتي شلونج إن شالله قاعدة تريحين عمرج ..
و حمودي شلونه و شنو آخر تطوراته ؟؟؟؟ الله يخليه لكم يارب و يتمم
أمورج على خير ..

 

[pink]

شلونج حبيبتي مس تايقر .. ها خلصتي أغراض العيد ؟؟؟

 

[كيت كات]

اهلييييييييييييييييين
شلونكم
وسومة الحمدلله على السلامة مقدما تنورين
باجي البنات شلون بيبياتكم ؟؟
وبالنسبة للباندات سمعت عن محل بكويت مجك فيه فلبينيه
تسوي كلللل انواع الشباصات والباندات وكل الالوان والموديلات
تقول اختي الحريم زحمة عليها وكل وحدة يايبه بدله بنتها على شان تشوف لها باند وشباصات

وحمود آآآه يامودي ودي اشيييله والمه بس بديت اثقل ومو قادرة واهو اسم الله عليه ثقيل
اهم شي ان اهو مرتاح على الدراي وتشلع الوايرات هههههه لا وقام يبطل الجرارات
اليوم واحنا نتفطر ما وعينا اللي غاط ايده بالحلو والكريمه وخرب الحلو مالنا تخيلو قمنا من الفطور واحنا ميتين من الضحك

 

[miss fabulosity]

منوره حبيبتى مشكوره وماقصرتى بدق اخذ موعد عندها وانشوف شنو يطلع معاى


بنوكه الله يسلمج اليوم بليل طيارتى والله انى قاعده احاتى بتلعوزنى بسبوسه وراح تعتفس نومتها باجر الصبح بنوصل والله يستر واذا على سوسو انا برد انشاء اللهلنا اتكمل بسبوسه سنه انشاء الله علشان تطعيم سنه مايمنع سوسو وام سوسو ايوون معاى الى بلاد النازيه

كيت كات الله يعينج حبوبه انتى باى شهر
واذا حمود للحين بالدرايه فحمدى ربج للحين مايحبى هذى ماساه ثانيه تخيلى مااقدر تكرمين ادش الحمام الا واهيا وراى

 

[malak_alroo7]

هههههههههه وسومه .. ذكرتيني بنوارتى تلعوزني اذا كنت بروحي ماقدر اسوي شئ حتى على قولتج الحمام الله يعزكم !!..

لين الحين احطها بالدرايه اذا ازعجتنى حيل .. حبيبتى عاد ما تحبها تلعوزني على ما تقعد فيها بس ما اقعدها فيها وايد بس على ما اخلص الشغله اللي بسويها ..
و ان شاء الله توصلين لنا بالسلامه حبيبتي



كيت كات

حبيبتي الله يعينج .. انا بعد ماقدر اشيل نواره بس شسوي اضطر اشيلها و ظهري احسه شوي و ينكسر من كثر ما احوس وراها اسم الله عليها.
و هي بعد قامت تبطل الجرارات هههههههه و غرامها تلفون البيت و الموبايلات !!
و لا امس طحت عليها ماسكه سمبوسه الحبيبه تحاول تاكلها و مو قادره والله مت عليها من الضحك

بنك
حبيبتي مشكوووره .. بس لا انا اعطيها صناعى.. يعنى تهقين لازم اقطه على طول ما احطه في الثلاجه؟


مس توتوووووووووو
احنا تمااام
انتى شلونج شمسويه؟؟

كلكم بنوتاااااات شلونكم؟

بنااااااااااااااات ردو على سؤالى بليييز

 

[Miss_Tiger79]

الحمدلله على سلامتج وسومه مقدما
وتوصلون بالسلامه انشالله

بينك انا بخير الحمدلله وانتي شلونج
انا خلصت اغراض العيد بس بقالي تكرمون جواتي حق الصبيان وطبعا لازم جوتي عادي حق دشداشة الصبح وجوتي رياضه حق البدلات
وبنتي بس بركبلها شوارفسكي على بدلتها واخلص
وترى الشباصات رحت خذيت من دورا الي بالفنار فوق شباصاتهم حلوه حق اليهال

وملاك الروح شخبارج وترى ما يصير اتحطين الحليب بالثلاجه

ومنوره اشلونج

وعواشه شخبارج

وباجي البنات

 

[كيت كات]

صباح الخير
وسومه انا بالخامس
وبالنسبة للحباي تصدقين انه قاعد يحاول هههه بس انا مو معطيته ويه كله بالدراي او الديرفه
وشلونكم انتو............؟؟
عساكم بخير
تصدقون بالفتره اللي غطيت عنكم ولهت عليكم

 

[كيت كات]

هذا حمودي بلبس القرقيعان

وهذا قرقيعانه

 

[pink]

أهلييييين بنات .. شلوووونكم ؟؟؟ إن شالله طيبين ..

وسومه .. الله يعينج حبيبتي و إن شالله ما تطول بسبوسه و تتعدل نومتها
وعلى التطعيم ترى قبلنا الدعوة .. مو تطعيم بو سنة حق الحصبة الالمانية
فالأحسن إن نطعم عيالنا بألمانيا - كل واحد أدرى بشغله


malak_alroo7 .. مثل ما قالت مس تايقر لا تحطينه بالثلاجه مادام
إنج تستخدمين صناعي و خليه في سخّان المميات ساعتين مو أكثر و من
عقبها قطيه جذي كاتبين جنه على علب الحليب .. و ترى حالي نفس حالج
أسوي و تشرب شوي وتعدّي الساعتين و استغفر الله اقطه .. شنسوي
النفس و ما تشتهي ما نقدر نغصبهم ..


Miss_Tiger79 .. آنا بخير حبيبتي و الحمدلله اليوم افتكيت و رحت
شريت تاج حق سوسو من اكسسوريز اللي بالمطار - منحاشة من زحمة
السوق - الصراحة مو تاج تيجان و شبابيص شغلهم يغري و ما بقالي غير
الدلاقات مع ان ما اتوقع سالفتي سهالات لازم يطلعلي شي حق هالسوسو..
الحمدلله انج خلصتي شغلج تقريبا لأن السوق الحين ما ينبغى يالله تكملين
الناقص مو تبلشين تشترين ..


كيت كات .. و الله حبيبتي انتي لج وحشة كبيييرة بعد و مكانج مبين
بالقسم .. الله يعينج و يتمم امورج على خير .. أما حمودي اسم الله عليه
سنو هازا ربي يحفظه إن شالله يشوووق لو مادري انه خاطب نونو بنت
منورة جان خطبته حق أسوية .. آنا ما صورت سوسو بلبس القرقيعان
و كان بخاطري بس ما مدى الوقت و المفروض على هالأسبوع نصورها
للذكرى بس أبونا راد دوامه من بعد اجازة هالاسبوع فما أتوقع إن نصورها
.. الله كريم

و باقي البنات شخباااركم ؟؟؟

 

[lolo77]

هلا والله بنات شخباركم

شلونكم بنات ؟؟

لولو
الله يعينج شلون خدامتج عسى زينة ؟

الخدامه طبعا لج عليها
اول مره تشتغل
فعلمتها من الالف

طبعا الله ستر علينا ولا جان رحنا كله مسويتلنا اشياء خطره وحوادث

رايحه امشغله الغساله شاده حيلها بروحها
وحاطه الموصل بالحمام وبلاك الغساله
طبعا تغسل وينقط الماي في البلاك
وتنطفي الكهربا وكنا نايمين
جان توقف يم باب غرفتي وتناديني
قمت مخترعه تقولي لمبه مافي

رحت فتحتها من الرئيسي
وقمت اجيك من شنو انطفت
ولا لمن دشيت الحمام ولا الموصل ينقط ماااااااااااااي

قتلها شنو مسويه ومنو قالج غسلي ملابس اصلالالا
جان متي هذي كهربا وااشر لها طبعا ما تعرف كلامي لازم اشاره
ولا انجليزي تعرف


واي تعبتني

بس الله كريم انشالله تتعلم يوم عن يوم

والحين خذيت اجازه اسبوعين ورا العيد اداوم



كت كات
يا حلات رفيج بنتي اللي اكبر منه بيوم
يسلم قلبه والله

بنات شخباركم والله صج لكم وحشه
احس ويه من زمان مو داشه المنتدى عدل

اخيرا شريتلي بدله حق جودي
وباقي الشباصات بروح مجك اقربلي
وجواتي حق الشباب وجودي بعد​

 

[منورة الكويتية]

تسلمين بنووووكة من ذوقج ياعسل والله والله يخلي لج اسوية يارب


كتكات عسى ربي يعينج ويهون عليج يارب


وسوومة توصلين بالسلامة يارب وتوها ماتنور الكويت
هذا رقم مس ون 5333201

 

[منورة الكويتية]

هلا وغلا بمس تايقر شلوونج شخبارج مع رمضاان

ملكلك شنو سالفه الحليب والثلاجة
الي اعرفه الصناعي مايتخزن بالثلاجة ديري بالج
وسلم قلب نوااره والله الي ماتطيع تركب الدراي نفس الي عندي ماتواطنه بس غصب احطها اذا انشغلت شسوي بعد



كت كات واي واي سلم قلبهمممممم
بسم الله عليه حافظه ربي مال تقرص خدود
بنوووكة بليزززز لا تلمحين حق تخطف ريايل حق بنتج من الحين :d
الصبي حاجزينه وخالصين ودافعين عربون بعد خخخخ
وسلمم قلوووبهم والله

 

[منورة الكويتية]

لولووووووووووو

واي الله يعينج والله هالخدم بلشه
انا ذاك اليوم رادة ويا اختي من الجمعية وداشه بيتنا ومخليه الخدامة ونوره عند امي مادشينا الا على دخنه البيت كان كلللللللللله دخاااااااااااااااااااااااااااان يخرع والريحة تكتم ولا الاخت شمسويه مخليه الرضاعات عالجدر بالنار وناسيتهم واشوى اخوي داره يم المطبخ وفطن للريحة ولاجان راحو اهلي بشربه مااي

صج يحررون

الله يعييينج

 

[كيت كات]

بنك اخجلتيني والله بكلامج المعطررررررررررر
وبصراحه انا مابغيت اطوف هالمناسبة من غير صورة
وبالنسبة للقطاعه عن المنتدى حملي واجهه مشاكل والله يتمم
ولولو والله يسلملي هالنونوه اللي ماشفناها عاد يالله بشوفهاااااا

منورة حبيبتي شخبارج
وكل البنات ولهاااانين عليكم