تجمع امهاات 2007 خلونا نستفيد من بعض

[د.شريفة]

عواشه
بنتج احتمال كبير تكون يوعانه
ليش ماتحطين لها قطعة فيرلز بالحليب ترى عمرها زين
صدقيني شبعيها وشوفي الليلة شلون راح تنام
سيريلاك
او خضار مطبوخه
كوسه جزر بطاط هرسي لها ووكليها
او تفاحه طبخيها وهرسيها وذري عليها شوية دارسين وعطيها
بالليل حزة العشاء على الساعة تسع
واخر شي قبل نومتها عطيها رضعتها
وقولي بنتي مانامت
البنت كبرت الحليب خالي مايشبعها

 

[رفرف]

وي حسافة

مرة ثانية هذا قرقيعانا ..

وهذا قرقيعان بنتي حق الروضة

 

[منورة الكويتية]

قوووة بنات ازيكوو

 

[منورة الكويتية]

شحلاته قرقيعانج رفرف حيييل مرتب وذرب

 

[awasha]

ماشاء الله قرقيعانج رفرف وايد راقي من وين حصلتي هالعلب الغريبه
ماشاءالله

ود.شريفة والله ودي اعطيها حليب مع بسكوت على قولتج احسها تيووع بليل بس الدكتاترة قايللين لنا ان مو زيييييييييييييييييييين كلش مع انه الكويت كلها تسوي جذي

طبعن ابوها من يسمع يخترع بس شنسوي نصبر او الله كريم

 

[malak_alroo7]

اهلييييين بنات
شخبااركم

مس تايقر و رفرف شحلاته قرقيعان عيالكم
حسااافه انا ما صورت قرقيعان نوره


منوره

ها لقيتي جوتى احمر و الا بعدج؟؟

رفرف
لقيتي دلاغات و الا بعدج؟ قبل جم يوم رحت دريم مول و شفت عندهم بس مو ذاك الزود

انا لين الحين ما لقيت لها جوتى سنع و كبرها

كيت كات
شخبااارج مع الحمال حبيبتي؟؟

بنااات كلكم كلكم عاملين ايه؟

 

[منورة الكويتية]

هلا والله وغلا ملكلك
لا والله ماشريت ولاا دورت لي الحين
بس امي يابتلي حق نويرة بدلة اتيننننننننننننننننننننننننننننننننننننننننننننننن
وردي ب ابيض وعندي جوتي اينن من مذركير وردي بشرايط بيضا نفس موديل البدله ولا مره لبسته باقي الحين باند ولا شباصات

 

[رفرف]

شلونكم امهات ؟؟؟

عواشة هاذي مو علب جاهزة ..
هذول بزل من بو100 فلس انا لصقتهم وركبتهم وكان عندي افكار حق التزيين بس حدني الوقت هذا اللي قدرت عليه واشوه شكلهم طلع يشووووق بالطبيعة ..

ملاك الروح ..
والله مالقيت قالولي عن محل بالسندس عنده دلاغات اشكال والوان وتخيلي ابونا ودانا اليوم بس امبجررر السوق مو فاتح جان يتملل ويعصب ونرد ولا شفنا المحل ولا شريت شي
بحاول استأذن من الدوام وامرهم خو كلش مو شي الزحمة هالايام ماشتهي اروح السوق ..
غير جذي شغلنا خالص الحمدلله ومن كثر ماتعقدت وانا ادور بدلات حق بناتي طلبت لهم من النت من الحين حق عيد الأضحى الله يحيينا انشالله ...

 

[منورة الكويتية]

شحلاته قرقيعانج رفرف حيييل مرتب وذرب

:eh_s(8):

 

[pink]

شلووووونكم بنات ؟؟؟؟ لكم وحشة كبييييرة ..

شلونكم مع ما تبقى من رمضان ؟؟ إن شالله كل شي أوكي
و قرقيعانكم خلّص على خير .. آنا شفت قرقيعانكم في كذا
موضوع ( رفرف.. لولو .. منورة .. مس تايقر .. د.شريفة )
و الصراحة كان شغل عدل مدل و يشوقون تسلم أياديكم
اللي لفت و حطت هالقرقيعان و الله يخلّي لنا عيالنا و نسوي
لهم كل سنة ..

آنا اليوم أخيرا رحت و طعمت أسوية تطعيم الـ 6 أشهر و الله
انشلع قلبي و آنا أشوفها تبجي و موقادرة تتنفس من البجي
و كان ريلي معاي و الله يسامحه مثل كل مرة قام يضحك علي ..
يا ربي هالرياييل صج قلبهم قوي يشوف بنته تحتقن من البجي
و عاااادي يقول بنتي ما فيها شي !!!!!

بس الحمدلله بعد مارديت نامت و لما قامت ما بجت وايد بس كانت
وااايد تحن حتى طلعنا و افترينا فيها بالسيارة خصوصا إني باجر
بداوم بعد 6 أشهر و نص صج مالي خلق كلش خصوصا إن دوام
رمضان ميت بس الحمدلله إنه قصير ..

 

[منورة الكويتية]

هلا والله وغلا ببنوكة
فديت اسووويه انا
عادي حبيبتي قووي قلبج
وارتاحي التعطيم الياي بعد 6 شهووور
وانتي سويتي قرقيعان حق اسويه ولالا وشريتي لها دراعه ههههههههههههه واي فديتها
والله يعينج عالدوام بس ييالله سهالات دوام رمضان خفيف
واله يسهل عليج يارب

 

[lolo77]

السلام عليكم بنات
شخباركم
بنك
يالله الله يسهلج انشالله
عاد انا خذيت الحين اجازة اخر اسبوعين من رمضان
تعبت اودي جود والخدامه عند امي كل يوم من الصبح واودي اليهال مدارسهم وارجع الدوام
فقلت اخذ راحه اسبوعين
ونداوم عقب العيد


وعيدكم مبارك مقدما

وللحين ما شريت حق جودي شي
عندها بدله وحده يبيلها غيرها
ومع اغراضها

 

[رفرف]

شلونكم بنات ؟؟

منورة تسلمين عيونج الحلوة ...
عسى كل وحدة خذت من قرقيعاننا حق عيالها ؟


واي دااااااااااااااايخة ..
وعقب يومين تطعيم كوكي حق ال6 شهور ...

بينك ..
انشالله ما تصخن بنتج واي التطعيم عوار قلب بس ترى ابوكم صاج البنت مافيها شي احنا اللي قلوبنا تعورنا على أدناة الدون ..


لولو
الله يعينج شلون خدامتج عسى زينة ؟

 

[منورة الكويتية]

اي انا خذيت خمطة :d

شلوونكم صبايا

 

[keeka]

اهلا اهلا امهات يا حلوين من زمااااااااااااااااان عنكم ادري قاطه عنكم كلش بس شسوي حوسه حوسه بهالدوام ما عندي وقت كلش وبالبيت ويا هاليهال اسم الله عليهم
طعمت جناني قبل امس عورت قلبي فرفرت لما قالت بس وامس طول اليوم مصخنه حياتي حتى ما تبي ترضع مني تكسر الخاطر
طبعا جوجو توها باديه تقعد وقمت احطها بالدراي بس ما تتحرك خخخخ بس قاعده تنطر احد يدزها مدلعا روحها بروحها خخخ
والاكل الحمدلله قمت اوكلها عادي يزاها الله خير رفرف قالتلي عن كتاب قنواتي وشريته وايد حلو ووصفات الاكل تشوق لان الواحد يحتار شسوي لليهال اسم الله عليهم

 

[malak_alroo7]

اهليييييييييييين بنااات
شخباااركم بعد و شلون البيبياات ,, الله يعينهم حيااتي على التطعيم والله

keeka
جم عمرها بنتج الحلوه؟؟

بنااات ما شفت صور قرقيعان عيالكم بس طلعو لى صور رفرف و صوره وحده حق مس تايقر
منوره انتى مصورته و الا لا؟

لولو ما طلعو الصور و بنك قرقيعانكم شحلااااااااته ما شاء الله يهبل

شفتو القوري اللي على سدو اعتقد ام جمانه ماذكر النك نيم مالها المهم انا شاريه نفسه حق امي و اختى

و خالتى اخذت لها صندوق و حطيت فيه مبخر و بخور و ماي ورد و هالسوالف و جارتى ما شاء الله عليها اهي اللي سنعته لى

و اليهالو جياس هم جارتى لزقت عليهم سوالف قرقيعان تهبل
و مقاالم حق اللي توهم داشين الروضه و بس

 

[pink]

مساء الخير أمهات حلوات ..


منورة .. هلا فيج حبيبتي سويت حق سوسو نفنوف حق القرقيعان حده
يونس عليها و قرقيعانها حطيته بموضوع في قسم الصور جنه شنو سويتوا
قرقيعان حق عيالكم على ما اتأذكر .. و الدوام عدَى أول يوم باستئذان و ثاني
يوم سوالف على ردتي و اليوم هم سوالف و باجر الله يستر :eh_s(6): ..
ما قلتي لنا شلون نونو مع القرقيعان ؟؟؟؟


lolo .. الله يعينج و يقويج على التعب صج اللي تسوينه يهد الحيل و زين سويتي
و خذيتي اجازة نوعا ما يخف ضغط الدوام عنج .. آنا اضطريت آخذ أوله بدل ما
آخذ مرضية لما سويت -الله يبعد عنكم الشر - تنظيفات و ما حبيت أخلَص رصيدي
كله خليته للطواريء .. " وعيدكم مبارك مقدما " علينا و عليج حبيبتي ..


رفرف .. شلون ما ناخذ من القرقيعان ؟؟!! الصراحة حده يشوق أحب الألوان ..
تسلم ايديج و الله يخلَي احلى أميرات صبوية و كوكي .. و على التطعيم الحمدلله
ما صخنت بس من ثاني يوم قامت تبجي من العوار مع إني أحطلها الجل و ادلك
مكان الابر بس غلطت و استعيلت و قطعت التالينول و الحين رديت اعطيها إن
شالله يخفف عوارها .. الله يعين كوكي على هالتطعيم و إن شالله ما يعورها و
ما تصخن ..

keeka .. أهلييين و سهلييين بالغالييين .. و يسلم البنات و الله اللي ينحطون
بالدراية و على التطعيم ما تشوف شر و كلنا في الهوا سوا .. إن شالله يكبرون
و ينسون ..


malak_alroo7 .. تسلميييين حبيبتي عيونج الحلوة و قرقيعانكم شكله حلووو
بعد بس حسافة إنج ما صورتيه أو احتفظتي بنموذج عندج .. آنا محتفظة من كل
نموذج واحد عشان لما سوسو تكبر تشوف آنا شنو مسوية لها بأول قرقيعان -
أم منَانة

 

[كيت كات]

السلاااااااااااام
شلونكم امهات شخباركم
شمسوين من وراااانا
رفرف ماشاء الله شهالشغل الزييييييييييييين
وبنات الله يعييييييينكم على تطعيم ال6 شهور انا حمود صخخخخخخخخخن
وتعب وااايد منه مع ان كل طفل يختلف عن الثاني بس ان شاء الله مايصير لكم اللي صارفيني سهر علشان بس اراقب الحرارة

 

[منورة الكويتية]

هلا والله وغلا كيكة
من طووول الغيبات
واااسلم والله يركبون دراي بعد
************

ملكلك هلا والله وغلا
اي انا حاطته بس مادري ليش مايطلع لج الحين احط لكم الصور


هذا قرقيعان امي وخالتي

وهذا حق خواتي وخوات ريلي وحريم حمواني بس ماعجبني حيل الذهبي احس الفضي اذرب

لووول طبعا الجنطة داشه عرض

وهذا الدزاين الفضي

واليهال سلال للبنات على شكل بنيه لابسه بخنق شايله السله والصبيان صبي لابس غترة شايل السله بس ماصورتهم للاسف يعني


________________________


بنوكة ماشاء الله تبارك الرحمن قرقيعان اسوووية اينن ومرتب وذرب حدة

خخخ كلش ولا الامية فلس من وين يايبتها

تستاهل اسوووية فديت قلبها اهي والنفنوووف واسلم قلبههههههههه

____________________________________

كت كاااااااااااات لج وحششششششششه وين غاطة هالجم يوووم

وشسويتي قرقيعان حق حمادين ؟

وشلون الحمال ان شاء الله مرتاحة؟

 

[awasha]

هاااي بنااات شلووونكم


الي عندهم بنات نفس حالتي من ويييييين تلقووون لهم بندااات او كلبسات حلوة حق العيد

غير سوالف اكسسوريرز و كليرز في شي احلى ؟؟؟ بلييييز