تجمع امهاات 2007 خلونا نستفيد من بعض

[منورة الكويتية]

اهلين بنات شخباركم
منوره انا اليوم كنت بزارا الفنار وشفت جوتي احمر اشحلاته
وبعد بالمحل الي فوق يم فيلا مودا كله انسى اسمه فيه جوتي احمر بعد

هلا والله مس تايقررر

حبيبة قلبي مشكوووووورة

بس تهقين القاه ب شرق ولا افينيوووز ؟

بس يبيله اذا كاان مايتطووف اروح الفنار ليش لا

ماننحرمش ياعسسسسسسسسل:eh_s(17):

 

[malak_alroo7]

انزين ولى يعافيج شنو اعشيها والله انى تعبت ماادرى شنو اوكلها حق العشا
مقترحاتج لو سمحتى لو بعد اتقولين لى شنو اغديها لانى ماودى ارد الديره وتدرين الخالات عطيها ليش ماتعطينها ولويه واعصاب مالى خلق انا يايه ارتاح[/QUOTE]


خوش سؤال .. انا بعد مو عارفه شعطيها .. يعنى الصبح سيريلاك بعدين اعطيها شويه شوربه او عيش سلم قلبه .. و بالليل يا بطاط ويا جزر او كوسا او زهره او قرع

مادري ودي اغير خاصه وجبه الصبح اللي اهي السيريلاك و الغدا

 

[منورة الكويتية]

انا الصبح اعطيها روبه مع تووست ومرات روبه مع موزه

والغداء خضار مع عيش مصري

والعشاء من عشاء اهلي مثلا تشريبه ولا قبوط ولا هريس ولا جريش

 

[miss fabulosity]

منوره ماشفتى شى الشيطانه يايتج بالطريج مشاء الله عليهم فيهم طاقه الله يحفظهم
والله كنا ميننين اهلنا واحنا صغار :eh_s(6):

 

[malak_alroo7]

منوره يعنى تخلطين العيش مع الخضار ؟
و يصير عيش عادي؟؟

 

[miss fabulosity]

وينكم ياامهات يعنى وينكم اكيد قاعدين تتفطرون عليكم بالعافيه ويتقبل الله منكم انشاء الله
احنا للحين جدامنا ساعتين:eh_s(4):

رفرف بليز ردى على والله انى احاتى رده الديره ونشبه خالتى

ملاك تروالى عادى انا اوكل بسبوسه عيش عادى وكثر المرقه او الصوص علشان يلين شوى وجربى معكرونه النجوم الصغار

 

[رفرف]

وسومه جم عمر بنتج ؟؟؟؟

انا الحين بس اعطي بنتي وجبتين .. وجبة خضار ووجبة فواكه ..
السيريالز ماحب السيريلاك كلش كلش يتفخ الياهل ويسوي حساسية بس ممكن اعطيها رايس سيريالز اذا بطلع ومتوهقة ..
وثاني شي ينفعني حق الوهقة روب الفواكه او دانينو منقذ بس ليلحين ما بلشت اعطي بنتي يقولون من 7 شهور وفوق ..

وجبة الخضار : اخلط نوعين من الأشياء التالية طبو وتخيرو (تحملوني أبلة شسوي):
كوسا - جزر - بطاط - عيش - قرع - عدس (عقب ال8 شهور علشان الغازات) - فاصوليا - بامية - بزاليا - زهرة - بروكلي - طماط ...

وجبة الفواكه : نوع واحد مع رايس سيريالز أو شوفان او بروحه ومرااات اخلط نوعين ..
تفاح - عرموط - خوخ - بطيخ - مشمش - رقي - افوكادو
عمر أكبر شوي علشان الحساسية : موز - جوافة - برتقال

وسومة انا مشكلتي خالتي عندها عادي يوكلون الياهل كلشي من اكلهم شوربتهم كلشي وانا ما اوكل بناتي شي فيه بهارات تخيلي حتى صبوية بالروضة احاول كثر ما اقدر اكلها مايكون فيه بهارات وايدة ولا ملح زايد مو زين حق الكلى توهم يهال اهيه مو مشكلة بس انا وايد وسواسية من هالناحية ..
وعندج كتاب د.ريم قنواتي يهببببل اخذيه وطبقي احلى شي فيه وصفات اكلات حق اليهال وايد حلوة ومنوعة ..

 

[رفرف]

خلصت فقرة المطبخ ..
شسويتو بقرقيعان عيالكم ؟؟
اشوه دراريع بناتي مع انها كانت بسيطة بس باللبس واااااااااااااااااااااااااااايد حلوة ..
وكوكي حياتي لبستها احمر تشوق بس مارضت تصور ولا صورة تبي تنام استعسرت ..
وليلحين ما وزعنا قرقيعانهم عالاهل ولا روضة بنتي بس خلصت منه وشكله الحمدلله حلو ..

 

[Miss_Tiger79]

اول شي قولو ماشالله
ههههه


على القرقيعان هذي بدلة بنتي

وهذا قرقيعان ولدي حق اليهال الي وياه حق الروضه

وهذا قرقيعانه حق ابلاته

وترى قرقيعانهم ماخذته من زهور الشرقيه
وانشالله يعجبكم

 

[miss fabulosity]

رفرف حبيبتى بسبوسه عمرها 11 شهر اكبر من كوكى
عندنا وعنج خير خخخخ انا خالتى اتقول لى سويلها على العشا همبورغر مشوى مع شويه شبس انا طبعا مو عاجبنى ماادرى احس انها توها صغيره على هالخرابيط لاحقه على الشبس وبعدين بسبوسه ماتحب الاكل الناشف تبيه شوى مريس

متى اوكلها سمج وبيض ادرى يمكن بتنصدمون بس ماوكلتها لانه اهنى بالمانيا مايوكلون اليهال الا بعد السنه انتوا اشرايكم

 

[awasha]

شلونكم يا احلى تجمع امهات اليدد الي مثلي :eh_s(3):


بغيت اسال بنتي صار عمرها اسم الله عليها 7 شهوور وللحين ماتنام عدل وااايد اتفزز بليل

يعني جنها يوعانه معني اعطيها وجبتين باليوم وجبه غدا + وجبة فاكهه


المصاصه قاعد احاول اقطعها عنها لانها الحين كبرت بس ------ بس ماكو فايدة وايد تقووم


طبعن احنا عندنا --- حليب مع بسكوووت ممنوووووع + نومه على البطن ممنووووع


مادري شسوي عشان اخليها تهدااا يعني حتى لو اكووون توني مرضعتها هم ترد تقوووم واكوون قارية عليها مادري شنو استغفر الله مادري شسوي مع هالدوام والسهر


تعبت :eh_s(11):

قولولي من خبراااتكم شسوووووي شلون اخليها اطوول بالنووومه ؟؟؟؟ ​

 

[رفرف]

وسومه الهمبرغر والشبس لا تعطينها حتى لو يصير عمرها 10 سنين
انا قمت ماشتريه بالبيت ولا اسويلها كلش كلش بس لي طلعنا طبعا تاكل مو تعذيب بس لا يصير يومي لأني شفت عيال اختي عافو الأكل كله وهذا عشاهم اليوووومي همبرغر وسوسج وشبس انا افضل الأكل الصحي ..
وهسوالف حق بره البيت مو محرومة منها بس مو بشكل يومي ..
والسمج والبيض زين تسوين ما يضرها انشالله بس احسن اتاجلينه علشان الحساسية ..

تايقر ..
دراعة مناوي اتهبل ماشالله ..
وقرقيعانهم بعد حلو خل ارد البيت واخلص تلفلف الشرايط واحطلكم صور قرقيعان بناتي ..
بس انا السنة ما سويت حق الكبار لا امي ولا خالتي ولا يدتي ولا احد كنت ناوية بس مافضيت والحين خلصنا وقرقعنا حلاتها بحزتها بس سوينا حق اليهال واشوه عجبهم ..


عواشه ..
يمكن بنتج من النوع العسر ومابي اضيق خلقج بس اذا كلشي اوكي (البامبرز - شبعانة - دافية) معناتها انها عسرة مابيدج شي تسوينه ..
انا بنتي الصغيرة كانت آدمية وتنام مع انها عسرة طول اليوم بس بالليل تنام الله وكيلج الحين لا ليل ولا نهار عكس اليهال تتعدل نومتهم عقب 4 شهور اهيه اعتفست نومتها مادري ليش جذي من بدت تقلب وقمت احطلها مخاد يمها علشان ماتقلب هم ماكو فايدة مادري ليش اتقوم ..

 

[awasha]

امبية رفرف ضيقيتي خلقي ------- يعني ماكو فايده

الله كريم وتدرين شنو الي يحر ابووها يحن يبي يالله متى ؟؟؟ امبييية مايحسوووون ​

 

[Miss_Tiger79]

مشكوره حبيبتي رفرف والله من ذوقج

عواشه الله يعينج بس حاولي لا تنومينها قبل نومة الليل ب4 ساعات واكثر

 

[Miss_Tiger79]

يالله رفرف ناطرين نشوف قرقيعان صبويه
ها اشلون قرقيعانهم باجر اقعد معاه والا اقطه مثل كل يوم واطلع
قلت بييب كامرت فيديو عشان يصورون اليهال الي بالصف بالقرقيعان

 

[رفرف]

تايقر الورقة اللي مطرشينها ان ماكو اهل وبيوزعون القرقيعان اخر الدوام يعني لا اتعبين روحج ولا تودين كامرتج ...
على طاري الكامرا تذكرت اول يوم دوام ياحليلهم الامهات الولد يفححححححط ويدورون الصف والأم ماسكة كامرتها ولاحقة ولدها اللي يفحط من صف لي صف والأبو يقرا الأسامي على الصفوف يدور صف ولده فراغة حسسوني اني مو خوش ام ما يبت كامرا ولا صورت

وباجر انشالله انزلكم الصور صورتهم بس متأخر الحين مايمدي اصغرهم وانزلهم بروح انام

 

[Miss_Tiger79]

اي والله يا رفرف مادري اشلون اول يوم واليهال كله بجي مالهم خلق والاهل بالكاميرا
على الاقل لو يصورون الياهل لما يسكت من الجام الي بره احسن
بس والله ما ينلامون الاهل مستانسين بعيالهم لانه اول سنه دراسيه له بالمدرسه

 

[رفرف]

شلونكم امهات مع القرقيعان ؟؟


تفضلو قرقيعان عيالكم ..

وهذا قرقيعان صبوية اللي وزعته بالمدرسة على صفها

 

[Miss_Tiger79]

رفرف مو طالعه الصور

 

[lolo77]

السلام عليكم بنات شلونكم

الحمدلله عدى القرقيعان على خير
وعلى قد اللي وزعنا حصلنا واكثر بعد
هههه
ماشالله الخير وايد


باقي العيد
للحين ما شريت حق جودي
يقولولي بالمنشر محل حلو ودي اروح

والصبيان يبيلهم بدله وجوتي ودشاديش