تجمع امهاات 2007 خلونا نستفيد من بعض

[lolo77]

السلام عليكم

شلونكم بنات وشخباركم

والله جد لكم وحشه

بس شسوي ماكان عندي وقت كلش

حبيت ابشركم
خدامتي وصلت والحمدلله

بس طبعا مثل ما تعرفون ابيض ميح ولا شي

واي تعبت بس ميخالف بديت اعلمها على طريقتي وشنو ابي
واهم شي تعرف تكوي
وتغسل المواعين ونخم ...(( بعد اشتبين ))

بس للحين ما شالت جود ومالها شغل فيها كلش (( احسن))
بس لي بغيت ادش اطبخ اقولها تروح تقعد يمها على ما اخلص

واوديها الصبح عند امي تتعلم وتكون تحت عيون امي

بنات مشكورين وايد وايد على السؤال

كت كات
====
ماتشوفين شر والله يثبت حملج يارب


نونو
==
هلا والله شخبارج
شنو اخر اخبار علاوي وعزوز

منورة الكويتيه
=======
شخبارج وشخبار البنوته الحلوة

ملاك الروح
=====
الله يسلمج

مس تايقر
=====

ما تقصرين حبيبتي

بنك
==
مشكوره حبيبتي عالسؤال
والله يعوض عليج يارب
شخبار اسويه يحليلها
الله يخليها لج وتترسين البيت اخوان وخوات لها

رفرف
===
الحمدلله على سلامتكم ما تشوفون شر انتي وبناتج


بنات كلكم ترى جودي تسلم عليكم
وتسلم على رفيجاتها و رفيجانها
احم احم يعني عن حمودي وعزوز
هههههههه

 

[Miss_Tiger79]

رفرف ما تشوفون شر انشالله

ولولو قرة عينج هههه
والله يعينج على التعلوم اليديد
ويسخرها لج ولعيالج

وكيت كات شخبارها والله احاتيها
الله وياج انشالله

 

[كيت كات]

هلا وغلا بكل حبايبي شلوووووووووووووووونكم
صج صج ولهانه عليكم بس والله تعبانه والحمد لله
ظهري وبطني وخواصري الله يستر لا وابشكرم بواسير
بموت منها وحمودي اسم الله عليه ماتن وشغالتي باااااردة
بس يالله الله يهون
بنات ادعولي جد انا بحاجة للدعاء
وصارت مواعيدي للطبيبة كل 3 اسابيع لاني حاله خاصة
الله كريم

 

[pink]

كيت كات حبيبتي الله يحفظ البيبي و ما يطلع إلا بأوانه
و يكون سليم معافى إن شالله .. و الله يعينج على التعب و
إن شالله أيام و تعدّي أهم شي سلامتج و سلامة البيبي و
الباقي يهون .. و على حمودي ديري بالج لا تشيلينه كلش
مو وقته أدري يكسر خاطرج بس مو زين تشيلين حمل ثقيل
خلّي غير الخدامة يساعدج أهلج أو أهل ريلج اللي يصير بس
لا ترهقين نفسج ..


Miss_Tiger79 .. الله يعينج على الخدامة آنا خدامتي صارلها
عندي سنة و ليلحين تشلّني بحركاتها و برودها غير نفسيتها كلّه
مكتئبة و مكأبتني معاها بس اللي مصبرني عليها إنها تحب بنتي
و تعرف لها و حتى بنتي تحبها يالله شنسوي لازم نتحمل و نصبر ..


رفرف .. ما يشوفون شر صبوي و كوكي .. و على سالفة الحباي هم
سوسو شكلها مو ناوية لا تقلب و لا تحبي و بالغصب نقعدها كلّه تبي
توقف مع إن ما عندها توازن بس شنسوي رااااسها ياااابس ..


لولو .. تسلمييين حبيبتي .. و الله يعينج على الجهاد مع الخدامة و دامها
تعرف تغسل الصحون و تخم و تضرب أوتي مبروووك في منها أمل بس
يبيلج صبر ..


و باقي البنات شلونكم و شلون الأمامير ؟؟؟؟

 

[zoba]

شلونكم بنات شخباركم
وشلون عيالكم وحوسة رمضان والقرقيعان والدوامات

انا عندي مشكله مع بنتي
اهي خوش بنيه تضحك وتعلب وتونس بس من نروح عزيمه تصير شي ثاااااانييي
ماتبطل حنه وبجي ومحد عاجبها ولا احد يقدر يسكتها وتدرون الحين رمضان وقت الزوارات بس مادري شسوي فيها لما اروح لازم اقعد بغرفه بروحي عشان اقدر اسكتها لانها من تشوف ناس مومتعوده عليهم تهستر
شسوي وياها

 

[Miss_Tiger79]

اهلين زوبه
ماشالله عندج وعندي خير
انا بنتي نفسج بالضبط من اروح عند احد تصرخ وتبجي وما تبي احد غيري كلش
والكل يقولي اقري عليها اخاف عين او فزة نفس او شي جذي وقريت وليلحين مثل ما اهيه وبرد اكمل قراية عليها والله يهديها ويهدي بنتج

 

[Miss_Tiger79]

والله يتمم حملج يا كتكات بسهوله ويسر
ويحفظلج البيبي معافا وتولدين انشالله بالتاسع ويقر عينج بشوفته يا رب

والله يعينج بنك على الخدامة بس اهم شي انها تعرف حق بنتج هذا اهون من اي شي ثاني
انا كانت عندي خدامة اتحب عيالي حيل وعيالي حبوها حيل بعد (فلبينيه) وتخانقت معاها خالتي وراحت بيت ثاني مسكينه طفرت كل اشوي خالتي مهاوشتها
وليلحين صارلها اكثر من شهرين وعيالي يقولون متى ترد مارسيل نبيها احنا نحبها والله يضيق خلقي وتخنقني العبره لانه بهالوقت وين تلاقين خدامة تحب اليهال واليهال يحبونها

 

[zoba]

Miss_Tiger79 زين في احد حاس فيني
انتي عالاقل تسكت عندج انا ولا حتى عندي تسكت اذا قاعده بين الناس لازم اوديها ابمكان مافيه احد عشان اسكتها مادري شسوي وياها مابي شي بس ابيها تلها بشي يخفف الحنه عالاقل
الله يهدي كل اليهال يارب ويريح كل الامهات

 

[رفرف]

انتو نفس حالتي بنتي تخصص نكد عند الناس
مع اني لما اوديها سوق او جذي عادي تحب العربانة والاوادم
بس ماتبي احد يكلمها ولا يطل بويها
حتى لما اروح حق اهل ريلي واااااااي
اكره الروحة والسبة من ادش لين اطلع وانا شايلتها وافتر فيها ولا تسكت
مادري انا رايحة اوسع سدري والا اتنكد
من جذي كرهت الطلعة
اتفطر بروحي بالبيت جني قطو بسبتها ..

 

[malak_alroo7]

zoba

حتى بنتى جذي امبيييييييه تبجى بجي!! تعالي شوفي دموعها عاد تعور القلب .. ما تحب الحريم سبحان الله تروح حق الريايل عادي بس الحريم لاااااا هههههههههههههههههههه يمه منها!

الله يهديهم ان شاء الله ,, بس الحمدلله الحين اهي وايد احسن من قبل .. يعني صج تبجي و تصارخ و دمووووووع !!بس هم مو نفس قبل اذا اقعدت الحين عندي تسكت بس قبل لا لازم اطلع اقعد في غرفه مافيها احد

بنااات كلياااتكن كيفكم و كييييييييف رمضان معاكم جهزتوا حق الهيد و القرقيعان؟؟ انا لين الحين ماشريت لى درااريع .. مادري شنطر ههههههه بس اشوه مجهزه حق العيد

 

[منورة الكويتية]

هلا وغلا لولو قرة عينج وان شاء الله تصير خوش خدامة
والله يعطيج خيرها ويكافيج شرها يارب>>>حشا سياره :s

زوباااا انتي نفس البنات رفرف ومس تايقر اذكرهم كانو يعانون من نفس السالفه انا نويرة بالبداية تستنكر بعدين على اخر القعده تسفهل خخخخخخ ش باقي بعد


كت كاات حبيبة قلبي الله يهوون عليج وييسر عليج وتولدين بالف سلامة يارب
بس انتي اتبعي تعليمات الطبيبه وريحي نفسج والله ييسر لج ياقلبي


بنوووووووووووكة هلا والله وغلا ازيك وازاي البنووووته وشلون الوضع مع رمضان ان شاء الله تمام

مس تايقر ورفرف ازيكوووو وازاي الورعان؟

 

[malak_alroo7]

امبيه الهيد شنو بعد هههههههههه العييييييييييد العيييد

 

[منورة الكويتية]

ملكلك ازيك يابت وازاي نويره





بنات شرايكم بالشعار السنع:d

 

[malak_alroo7]

اهلا اهلا بالبت ام نوير ههه
انا و نوير كويسيييين و بنسلم عليكووو انتو عاملين ايييييه؟

همممممم منووووووور اي شعاااررر؟؟

 

[Miss_Tiger79]

اهلين بنات
انا خلصت حق العيد بس بقى التناتيف
منوره الورعان طيبين وعليه عليهم مرضى كل واحد منتشل وبنتي سخونه وشكلها بتطلعلها اسنان

انتو شخباركم

 

[malak_alroo7]

مس تااايقر
هلاااااا والله

ما يشوفون شر الف لا باااس عليهم .. عاد حتى اناا منشووووله و ماقدر اخذ شئ والحين حيااتي نونو منشوله بعد

 

[منورة الكويتية]

ملكلك خخخخخخخخخخخخخخخ انتي مثلي انا ماشريت ولا دراعه تخيلي بس قاعده البس دراريع من تجهيزي مالبستها خخخخ والعيد ابشرج ماجهزت لي الحين مادري شناطرة

والشعاار قصدي شعار المسابقه بتوقيعي شفيكم كاشخه فيه ماشفتوووووه خخخخ


مس تايقررررررررر بسم الله عليهم مايشوفوون شر بس شالسالفه حتى انا نويره منشوله بعد قلبي ونويره بنت ملكلك بعد اخاف فايروس

 

[رفرف]

عادي بنات تغيير الجو ...
هالاسبوع انا وبناتي طايحين كل وحدة بزاوية كلنا منشولين وبلاعيم وصخونة وحالة واكره شي لما تكونين انتي مريضة تبين اللي يعابلج ويالله شايلة روحج وعيالج مرضى وتسهرين معاهم واي انا اكسر خاطر روحي شنسوي ضريبة الأمومة ..

 

[malak_alroo7]

منووووووووووره

اي شحلاااااااااااااته والله يهبل قصدج شعار المسابقه هههههههه معلش يختى ما فهمت قصدج

بس صج روعه و صور الكتكوته نونه اسم الله عليها يهبلون خاصه ام بوز و اللي انتى تقولين عنها جنها كاوليه ههههههههههه والله تينن سلم قلبه ياربي
و سلااامتج انتى و نونه

رفرف
سلامتج انتى و بنااتج ما تشوفون شر .. صاجه والله هذا كله من الجو اصلا اهلى كلهم بعد منتشلين الله يعييييييييييييييييين

 

[malak_alroo7]

بناااااااااااااااااااااااااااااااااات لحقو على

ولد حماي توه بيبي صغنوون و حاشه مرض السحايا وايي اسم الله على السامعين ,, و اهم قاعدين في بيت خالتي .. يعنى كل اللي في بيتهم لازم ياخذون تطعيمه حق المرض .. و احنا زرناهم مرتين و مرة حماي قالت لى ناخذ التطعيم بعد بس انا مابييييييييييي اخاااااااف بعدين حامل .. حتى نونه اخاف عليها من هالتطعيمه

بس هم مو هنى المشكله
المشكله ريلي الله يهديه الا يبينا نروح بيت خالتي و انا مابي اروح اخاف يا بنات على نوير اسم الله عليها شسويييييييييييييييييي اففففففففففف الله يهدييييييييييييييييييه