تجمع امهاات 2007 خلونا نستفيد من بعض

[al_gardenia]

منوره تسلمين

لولو طلعي بنتج وايد حتى السوق معاج وديها خليها اتشوف ويه غريبه وايد عشان تتاقلم مع اي مكان اتروحين

 

[كيت كات]

هيلب هيلب
حمود قام يقلب على ويهه وهو نايم بنات
حدييييييييي متصرقعه اخاف يختنق وهو نايم اسم الله عليه
جم مرة اقلبه الاقي ويهه احمممممممممممممر
شسوي بليييييييييز

 

[Miss_Tiger79]

هلا بنات شخباركم

رفرف عادي تتسبح بس مو وقت تكون الشمس وايد حاره

لولو عندنا وعندج خير نفس بنتي
وليلحين ما يتلج خدامة
انا قبل اسبوعين طلبت اثيوبيه ووصلت اليوم والله يهديها ويسخرها لنا انشالله

ومنوره وكيت كات وقاردينيا
شخباركم

 

[رفرف]

ِلونكم بنات ؟؟؟

كيت كات ..
واي مشكلة جذي مسوكة بعد توها تقلب وتصير على بطنها ما تعرف تتعدل وتنبل ماتبي ترفع راسها عندها تختنق ولا ترفع راسها تبيلها احد يرفعه خخخ ..

تايقر ..
مبروك الخدامة اليديدة ويعطيج خيرها ويكافيج شرها انشالله والله يسخرها لج ولعيالج ..

منورة ..
صبوية كانت جذي ما تحب التسبح ..
يمكن ماتحب الماي ايي بعيونها ...
ميليها لما تغسلين شعرها وحطي فازلين فوق حواجبها طريقة سحرية او لبسيها الكبوس مال السبوح من مذركير او سنتربوينت نفع مع صبا لما كانت صغيرة ولي اليوم تستعمله الدعلة ..


لولو ..
الله يعينج يايج رمضان ودوامات وانتي بدون خدامة (قاعدة اضيق خلقج) ..
متى توصل خدامتج انشالله ؟؟
انا بنتي بعد صايرة دععععععععععععععععلة تبيني انا وبس واي مخلوق يشيلها سمعي الصراخ ..
ومااااتسكت كلش كلش وتشاهق لين ارضعها ومرات هم ما تسكت يعني اتعذب لي رحت مكان احاتي لحد تشوقه ويشيلها
اللي خالتي ام ريلي تقولي عفية لي بغيت اشيل بنتج لا تخليني لا يقص علي ابليس وتشوقني واشيلها هالعسرة ..

غاردينيا ..
ما تنفع هالطريقة مع كل اليهال للأسف ..
كوكي كنت اوديها معاي كل مكان من طلعت من النفاس ولي اليوم تحب الطلعة بس ما تحب احد يشيلها ولا يكلمها ..
تحب تشوف الناس من بعيد لي بعيد ..


المهم ...
بالآخر رديت من الشاليه ولا سبحت كوكي ..
بس صبا تسبحت يمكن باليوم 10 مرات تدش وتطلع صارت سوووووووووووووووودة وجلحة وملحة ..

 

[lolo77]

مشكورين بنات ما تقصروون

 

[كيت كات]

رفرف بسم الله عليها صبويا تبي لووون برونز حق الحضانه هههههههه
منورة انا حمودي يستااااانس بالسبوح الله يخليه يارب ماوده يطلع بس هاااا لا يي الماي على عيونه حاطتله سممج ودلافين وبطات خخخخخخخخ وهو مستااانس
مس تايقر شلونج انتي انا يابنات رديت خذيت اجازة يعني داومت بس اسبوع

 

[Miss_Tiger79]

هههههه يحليلج كيت كات وايد داومتي (اتغشمر)
ورفرف ليش ما سبحتيها عاد جنج انا لما رحت الشاليه شريت حق منى مايوهين ولا لبستها واحد فيهم ورسبحتها بعد كلش مالي خلق اسبح اخوانها والا اسبحها
والحمدلله على سلامتكم ردتكم من الشاليه
والله يبارك فيج والله يسخرها لي ولعيالي انشالله

 

[Miss_Tiger79]

وترى بنتي مثل بنتكم بالضبط ما تبي احد يشيلها كلش ولما اكون شايلتها تضحك حق الكل بس لا تجيسوني كلش والا ياخذني يسمع شي يزهقه منها من البجي
والله يهديها ويهدي عيالكم

 

[كيت كات]

مس تايقر هااااااااااا ترا هالكلمة سمعته من وحدة بالدوام بس كان مصجها
زعلت













لا لا استعبط
ياحليلهم بناتكم خجولات وما يبون الا امهاتهم وانا شفيه حمود ياحظي خفييف كل من قاله تعال او ضحكله قام يتنطط ومايبي يسكر الكشرة ساعات احسه رقله خخخخخخ
وديته امس صالون اليهال مات عليه الريال يقول حق ريلي ياريت كل زبايني مثله هااادي ويوزع ابتسامات للفلبينيات بس خوش صالون روحوله دزني لاند اللي بقرطبة

 

[nono78]

بنات اشلونكم شخباركم

بنات شسوي بويه عزوووووووووز احمررررررر ومقشر كاسر خاطري

وديته الموساه جلديه الدكتور اردني ما ادري شنو اسمه عطاني كريم مرطب بس مافي اي تحسن

ابوه يابله كريم مرطب من للويه من سيباميد وشامبو وصابون سيباميد

ما ادري شسوي يكسر خاطري يحك ويهههههههههههههههههههه

شنو احسن كريم حق الحساسيه بس من غير كروتيزون

 

[nono78]

ونسيت شي مهممممممممممممممممممممممممممممممممممم










































صوتوا حق عزوزي

شكلكم كلكم مصوتين حق مرت حمودي نوره هههههههههههه

 

[أمواج البحر]

حبيبتي نونو في كريم بالصيدليه اسمه ( ديكوبال )

يهبل هالكريم حق الحساسية و يرطب المنطقه الجافة و الاهم انه مافيه كورتيزون

 

[lolo77]

ادعولي بنات انشالله يرضون يعطوني اجازة

تعبت من المشاوير رايحه بيت امي ويايه
مسكينه امي وقامت تطبخلنا جدر بروح

والخدامه للحين ما يات

 

[كيت كات]

واااي لولو ان شاء ربي يسعدج وييسر اموورج حبيبتي
نونو شكله انطق عين هههههههههههههههه
لا بس في كريم يهبلل من دكتورتي وتقول استخدامه يومي
واحد نهار والثاني ليل يومييييييييييييييييييييي
وهذي صورته

 

[malak_alroo7]

السلام عليكم
شلونكم بناات شخبااركم؟

نونو الله يعين ولدج الصراحه

نوره بنتى نفس عيالكم ما تبي احد يشيلها وااي يمه تصارخ و الدمووع اربع اربع!! \

عاد قبل شوي طاحت طيحه بعد عمري زين ما شقت عنونها حياتى

 

[malak_alroo7]

منوره الكويتيه
الف الف الف مليوون مبروووووووك حبيبتي فوز نواره سلم قلبه والله
يالله يبيله حفله ههههههه

 

[منورة الكويتية]

نونو اسم الله عليه عزوزي اخاف احد طقه عين بعد عمري اقري عليه


حبيبه قلبي ملكلك الله يبارك بحياتج ونبي نشوف نويرتج بالبارت الثاني مال المسابقة

 

[RO$E]

هاي بنات شلونكم ؟

حبيباتي ممكن اتساعدوني بنوتي توها مكمله 4 اشهر

ينفع ااكلها الحين ؟
وشنو اعطيها ؟

بليز ابي مساعدتهم

لاني ماعندي خبرة كلش

 

[منورة الكويتية]

روز حبيبتي معظم الاطباء الحين ينصحون ماتوكلين الياهل الا لمن يدش السادس لانه امعائه ليمن الحين ماتجهزت عشان تقوم بوظائف الهضم ولاحقه ان شاء الله

عطيها مريسه تمر وهالسوالف والاكل لا توكلينها الا بالسادس احسن لج

 

[منورة الكويتية]

بنات وير ار يو

مختفين مره وحده

مبارك عليكم الشهررر