تجمع امهاات 2007 خلونا نستفيد من بعض

[رفرف]

ام بناتي يه يه يه مشكورة على هالدعوة الحلوة ما تقصرين ..
اقول ما عرفتينا على بناتج يالله نبي اساميهم واعمارهم ...

انا شريت جدر البخار لأن فعلا الأكل لما ينفاح تروح فايدته بس مو اللي قلتي عنه !! انا جدري عادي عبارة عن جدرين فوق بعض اللي تحت جدر عادي واللي فوق مشخل ينحط الماي باللي تحت والأكل بالمشخل وينطبخ ...

وترى العيش المصري فايدته نفس العادي بالضبط انا سائلة دكتورة اطفال وخبيرة تغذية قالو جذي فاللي ماعندها عيش مصري لا يضيق خلقها

ياربي أحلى فترة اللي تبدين توكلين الياهل واي حلاتهم تفافيل وسعابيل بس اريح وقت الطلعة من الحليب والعبالة ...
فجي العلبة ووكلي الياهل وخلصنا ...
اليوم بالجمعية اشوف اكل الياهل المعلب واي تشوقت اوكلها مع اني ماوكلها منه بس العصاير بس تعوذت من ابليس وقلت ليش العيلة مردها بتكبر وتاكل انشالله ..

لولو ..
الله يسخرلج الخدامة انشالله لج ولعيالج ..

 

[^^رغد^^]

بنااااات جاوبوني الله يخليلكم عيااالكم
انا بنتي عمرها 4 شهور واحيانا تحول عيونها اذا مسكت شيء وقربتة من وجهها حيييل خايفة عليها
وديتها دكتور عيون وقال عندها طول نظر ولازم تلبس نظارات والله صار لي يومين وانا بضييييييييييييييقة احس اني بمووووووت خايفة على بنتي ماجبتها الا بعد تعب احبها وخايفة عليها اللي عندها خبرة تقوللي ممكن عيالكم نفس بنتي وانة الموضوع طبيعي؟؟؟؟؟

 

[&**زمردة**&]

السلام عليكم
اختي رغد اتوقع امرج عادي لا تحاتين
الظفل بالسن هذا بالذات تحسين انه حول لكن يقولون انه عشان بدأ عندة التركيز و التقريب ع الاشياء فتحسين ذيه اتوقع الامر عادي و ماتشوفون شر
اما انا بنتي عمرها شهرين و الغازات ذابحتها جربت ماي غريب بس ماكو ايدة ياليت الاقي حلل
و شكرا

 

[رفرف]

رغد اتوقع عادي انتي ليش تستعيلين عليها ...
اللي اعرفه ان اغلب اليهال يحولون بهالعمر ...
انشالله ما تحتاج نظارة انا اقول نطري شهرين ثلاثة وشوفي شيصير تروح هالحالة منها والا تستمر وان استمرت راجعي دكتور ثاني ...


زمردة ...
عادي الغازات بهالعمر الله يعينج ...
حاولي تعطينها ماي غريب بس مو المعلب الجاهز ...
لا روحي المستوصف اخذيه من صيدليتهم لأنهم اهمه يسوونه مفعوله أحسن من الجاهز عن تجربة ودكتورتين أطفال قالولي نفس الحجي ..
وفي دوا غازات اسمه bimbi gas وايد زين بس ما تكثرين منه مرة باليوم ...

 

[Om Banati]

هلا وغلا بحبيباتي كلكم ... شلوونكم وشلون الصغار الحلوين ؟:eh_s(6):

شعبالج رفرف نعجبج احنا:eh_s(15): تستاهلين كل خير والله
أنا عندي ديمه 5ونص وفطومه 4ونص ولولو 6 شهور الله يخليهم ويحفظهم مبدعين فيني مرات احس جني انا بنتهم مو اهمم لوووول

رغد لا تحاتيم ان شاء الله ماكو الا الخير في وايد يهال جذي اذا ركزوا وبعدين يثبت نظرهم الله يشافيها انشاءالله

lolo77 الحمدالله انج لقيتي وان شاءالله تطلع زينه يارب وتفتكين

هلا زمرده الله يعينج هالعمر كله غازات وكل ماكبرت تخف ان شاءالله انا كنت استخدم disflatyl وايد زين 10 نقط مرتين باليوم والله يشافيها ان شاء الله

منوره وينج لا تتغلين علينا ولهنا عليج شخبارج ؟ ونواري ؟

 

[سبحان الله^الحمدلله]

هلاااااااااا دانة اشتقنالج والله

والله يعينج عالطبخ والبيبي والغربة

حتى انا مارضعت طبيعي لان ولدي الله يحفظة اول ما ولدتة تعب وقعد بالمستشفى 10 ايام وبهالوقت المستشفى عودوه على ممية اشكبرها nukماركتها وصار مايحب غيرها ..... وانا بعد ماعندي حلمة كلللللللللش

الله كريم

 

[Miss_Tiger79]

السلام عليكم
هلا رغد انشالله مافيها الا العافيه اليهال بهالوقت لما يقربون شي عندهم حيل يحولون عيونهم

وزمرده هالوقت يعمر الياهل يكون بعز الغازات وفي دوا اسمه ديسفلاتيل اهيه نقط تنحط بالحليب وتريحه من الغازات

وام بناتي الله يخليلج بناتج انشالله وتشوفينهم عرايس

ورفرف انا اول مره ادري انه فوح الخضار يروح فايدتهم
ومن وين ماخذه الجدر مال البخار

ولولو من صجج مافي خدم بحولي والا مكان ثاني
والله ضيقتي خلقي
والله يسخرلج خدامتج الا يايه
وانا مدحولي الاثيوبيات بي مادري اهمه يعصبون بسرعه والا حنونين
وتدرين لولو انا ولا مره يبت هنديه او سيلانيه كانت عندي فلبينيه والحين اندونيسيه واهوه يقولي الهنود حنونين وحتى لو عصبيتي عليها ما اتطنقر وتعصب عليج
والله ما يمدي ما سويت شي ولا دورت خدامة حتى

ودانه هلا والله فيج

انا امس رحت الخبر بس يوم واحد رحنا الصبح ورديت بالليل بس اول مره آخذ عيالي الكبار معاي الصراحه كلش ما تسوقت عدل كله اشوف هذا وازف هذا الله يحفظهم بس اشوه بالروحه وبالرده نامو بالسياره واستانسنا وغيرنا جو اشوي

 

[hessa82]

قووه بناات شلونكم قلت اطل واسلم شلون بناتكم واولاكم؟؟

 

[رفرف]

شلونكم بنات ؟؟؟

تايقر الحمدلله عسلامة وزين تسوين غيرتو جو شوي ..
جدر البخار ماخذته من سوق المباركية بس اتوقع في بمركز سلطان منه على كهربا وتلقينه بالاسواق الشعبية ..

ام بناتي الله يخليهم لج ويبلغج فيهم انشالله ..

حصة ولولو ومنورة وسبحان الله وأم حيدر غاطو ماتبين والكل شلونكم ؟

باجر بودي مسوكة الطبيب شاكة ان اذونها فيها شي وايد تحط صبعها باذونها وصايرة وايد تبجي وتصرخ بجيك عليها لأن عندها تطعيم ومابي اطعمها وهي اصلا تعبانة ..

 

[منورة الكويتية]

قوووووووووووة بنات كلكم
لولو رفرف ام بناتي مس تايقر سبحان الله
حدي اشتقت لكم بس صارلي جم يوم مادش هالقسم لووول مادري ليش انسى
انتو شخباركم شمسوين
رفرف ذاك اليوم ب دكتور فيل مع اني ماهضم هالريال بس مقابل دكتور يهال يقول لااتوكلون الياهل قبل السادس لان معدته وامعاءه لمن الحين ماتهيئو عشان يهضمون الاكل ف نطري لاحقه ان شاء الله

مس تايقر ليش ماطولتي القعده ماسوت يوم واحد جان قعدي 4 ايام بس يالله اسم انج غيرتي جو بعد جبدي انتي احس يبيلج اوووف تريحين

ام بناتي لا والله ماتغلى شلون اتغلى على خواتي بس والله انسى ادش هالقسم اروح احوس بالقضايا الاجتماعية والزوجية وانسى

سبحان الله شلوووووونج وشلووون وليدج


زمردة حياتي لا تحاتين بنوتج مافيها الا الخير ان شاء الله وصج عادي الياهل بهالعمر لمن يركز ينحول بس انتي لاتعطينها مجال على طول اذا شفتيها حولت لعبيها خليها ترد

لولووووو مبروك الخدامة اليديدة والله يسخرها لج يارب

 

[كيت كات]

مس تايقر الله يعينج والله وان شاء الله تتسهل امورج
رفرف طمنينا على مسووووكة
منووووورة مشتاقين وايد
وكل البنات تحياتي لكم ولبيبياتكم
والله يستر انا وكلت مودي تفاح مهروس وبلاوي وموز

 

[malak_alroo7]

al salam 3laikom

shloonkom bnaaaat
long time no c lol

7bait asalim 3laikom mn zeman ma solft m3akom

 

[lolo77]

هلا بالامهات شخباركم

انا ماشالله اليوم ماليزيا
والله يعيني على اليهال

وسلامي لكل الامهااااااااااااااات

 

[كيت كات]

هلا والله فيكم حبيباتي احسنلكم انتو برا هاليومين لااااهوووب يخرع
وانا اقول وين ملاك الروح ولولو الله يعيييييينج

 

[منورة الكويتية]

ملالاك الروووووووووووووووح واي حدي اشتقت لج ودائم فاقدتج والله بالتجمع ومضيعه اقول وين ام الحلوين حياتي انتي والله ممشتاقين لج طلي علينا دائما

لولو حياتي تروحون وتردون بالسلامة يارب واستمتعييييييييييييييييي على قد ماتقدرين ياحلوه


كيت كات عاش من شاف هالنك وينج ياقمر وشخبار القمور بدوري

 

[رفرف]

شلونكم بنات ؟؟

اليوم وديت مسك مراجع طلعت اذونها شوي فيها احتقان الدكتورة تقول لأنها تشرب الحليب وهي منسدحة فالسوائل تتيمع باذونها ...
ةبعدين خذيت البنات ورحنا تغدينا بمارينا عالسريع والله استانسنا انا وبنياتي ومسوكة تطالع الأوادم وهي بالعربانة حياااااااااااتي ...
وبعدين وديتهم فوتوكينا صورتهم لقطات ...
حسافة كل وحدة صورها بروحها حلوة بس لما يينا ينصورهم مع بعض جان مسوكة تبجي وتستعسر وما صدنالها الا لقطة وحدة ومو حلوة بعد ..
وبعد عمري ونستها وباجر انشالله بطعمها ...

 

[كيت كات]

منورة تسلمين ياقلبي
رفرف واعليه بعد قلبي ماتشوف شر مسوكة
وشرايج بمصور فوتوكينا حلوووو؟؟؟والا تشيكيتا؟؟؟

 

[tolip2tolip]

مرحبابما انكم تتكلمون عن الحليب ابي اسال منو اللي تعرف خلطه يسونها للاطفال بعد عمر سنه وهي عباره عن حليب نيدو+نوعين او ثلاثه من السيرلاك+جلي + ماادري شنو(لاتستغربون اني اقول ما ادري شنو) لان وحده معاي بالدوام قالت نص الخلطه وبعدين تحسفت ماكملت وكل ما اسالها تضيع السالفه!!!!! والله ناس غريبه بس الله يخليكم اللي تعرف تقولي ودي اعطيها حق ولدي لانها قالت وايد مفيده للاطفال[/]

 

[Miss_Tiger79]

اهلين بنات شخباركم

هلا والله منوره والله كان ودي اطول بس ليش كنت مخليه بنتي عند خالتي فما قدرت اطول

ولولو تروحون وتردون بالسلامه انشالله والله يهديلج عيالج بالسفره

وسلامة مسوكه والله يا رفرف وما تشوف شر انشالله والصراحه زين سويتي رحتو تسوقتو بالمجمعات عاد انا غرامي التسوق لو زعلانه ارضى اذا وديتيني السوق هههههه

وهلا كيت كات وشخبارج ويه النساة
وتعالي نبي نشوف قرقيعانج عشان نسوي عندج واذا عندج لبس حق القرقيعان بعد

 

[سبحان الله^الحمدلله]

هلا والله منورة الحمدلله انا بخير ووليدي الحمدلله بخير .... ضيقتي خلقي لما قلتي الاكل من 6 شهور انا الحين ناطرة يكمل 4 شهور عشان احط له مثلا ربع بسكوتة بالحليب وهالسوالف ؟؟؟؟؟

بس انا عندي كتاب ان بهناية الرابع وبداية الخامس ابدي ادخل هالاشياء

مادري شبسوي بس على حسب ان احس توه عالاكل حدة.........