تجمع امهاات 2007 خلونا نستفيد من بعض

[Om Banati]

مشكووووورة رفرف ماقصرتي على النصايح والله حليتيها لي وانا كنت شايله الهم ... وقالي ريلي جربي اسبوع اذا مشى الحال تمام واذا حسيتي ماتقدرين ردي اخذي اجازه انا دوامي سهاله الحمدلله والله كرييييم

 

[Om Banati]

الله يحييج ويسلمج لولو ماقصرتي عاد انا بنيتي سميتج :eh_s(6):

 

[Miss_Tiger79]

هلا والله فيكم
ومشكورين على كل من سأل عني بس لاني داومت وارد ما انام الظهر عشان اعود عيالي حق المدارس وعلى ما يصير الليل الا انا ما اقدر ابطل عيوني

 

[منورة الكويتية]

ان شاءالله يا قلبي .. والله انا ماخذه امومه من دوامي بيخلص هالاربعاء حدي خايفه مادري شلون بداوم أول شي لي الحين مو راضيه تشرب اي حليب صناعي اسم عليها ما بقى نوع ماجربته كلهم ماتبيهم قلت يمكن اذا جربت الحليب من 6 شهور تحبه ادعولي وثاني شي ماودي اخليها بروحها مع خواتها انا عندي بنتين اكبر منها وحده 5ونص والثانيه 4ونص امينينينها مسكييييييينه ودي اخذ اجازه زياده من رصيدي ومرات اقول خل اداوم ليمتى يعني كل شوي اقول بقعد بعد مع اني اب بناتي اللي قبل كنت اسبوعين واداوم وانا بالنفاس لاني كنت بالجامعه بس لولو ليش جابلتها عدل احس جني ماقدر اخليها والفرق بعد اول كنت في بيت حمولتي خالتي الله يخليها لنا كانت مجابلتم بس الحين انا شريت بيت وسكنت فيه .. الله يعينا

الله يعينج ياقلبي وصاجة مردج لازم تداومين خلاص رجعي لدوامج وسوي مثل ماقالت لج رفرف والله يكون بعونج ياقلبي

 

[منورة الكويتية]

هلا ام بناتي شلونج ؟؟
اذا بنتج 6 شهور لا تعطينها صناعي ولا شي ..
خلاص وكليها يعني رضعة الضحى وحدة بدليها بوجبة أكل ووحدة شفطيلها حليب ..
ومن ترجعين شفطي رضعة خليها حق باجر ورضعيها لأن بيكون متيمع فيكفي انشالله ..
انا بحاول اسوي جذي لي داومت بس المشكلة تكون بعدها صغيرة عالاكل يمكن ما تتقبل وجبة كاملة بدال الرضغة فمادري شلون ..
والبنات سهريهم خل ينامون الضحى لا يأذونها او اذا بيت حمولتج او اهلج يمج قطيهم عندهم ..


منورة شلونج وشلون نويرة ؟؟

بخير الله يسلمج ونويره لاعبه بحسبتي لعب ماكله قلبي هالايام بزيادة مادري ليش وعقب كل هذا تقول باااه وانا نشف ريجي وانا اقولها ماما ماما هئ هئ قهر والله

انتي شلون بنوتاتج صبوية ومسووكة ؟
الا بسألج شنو مشاعر صبوية لمن شافت مسوووكة ؟ والحين شلونها معاها ؟ عسى مو مأذيتج معاها

 

[منورة الكويتية]

السلام عليكم
شلونكم بنات​

صج صج لكم وحشه
هلا بام بناتج
حياج الله معانا
شلونكم بنات كلكم

كت كات شمسويه بنساتج الله يعينج
ويحليله حمود يمكن بيسنن انا جودي كانت تعضني لمن ارضعها
وامرضت قلت اتسنن ما سننت

منوره
شخبارج بعد وشلون السفره
ومبرووك الاسنان عاد نبي نووووووووووون ما يصير

رفرف
شخبارج وشلون صبويه مع اختها شنو اخر تطوراتكم

سبحان الحمدلله

شخبارج

بنك
وينج

ذكريات
الله يوفقج يارب
ما بقى شي ويخلص الصيفي

والبنات الباقي

مس تايجر
امواج البحر
ام حيدر

لكم وحشه كلكم واحلى شي لمن نتيمع كلنا​

بخير الله يسلمج لولووو
والله السفرة كانت زينة الحمدلله
والنون خليه برمضان احسن <<< وحده تتهرب:eh_s(9):

انتي شلونج وشلون عيالج وتجهيزاتكم للسفر ها مابقى شيئ

 

[منورة الكويتية]

هلا والله فيكم
ومشكورين على كل من سأل عني بس لاني داومت وارد ما انام الظهر عشان اعود عيالي حق المدارس وعلى ما يصير الليل الا انا ما اقدر ابطل عيوني

هلا والله وغلا ب مس تايقر وين كل هالغطه والله لج وحشه
وبعدين توالناس عالمدارس بعد قلبي خليهم يتهنون بالعطله
والله يعينج ياقلبي

 

[lolo77]

ام بناتج
اي يحليلها لولو
انا وايد احب هالاسم

منوره
الله يخليها نويره
اي امبين تتهربين وبرمضان قولي لهم يبتلكم قرقيعان
ههههههههههه
والتجهيزات ساريه على قدم وساق
تقريبا اليهال خلصوا باقي اانا والابوو
انشالله السبت راح نطير 4/8


مس تايقر
اها عدل داومتي
انا بعد باقيلي شهر 8 كله
وزين اتسوين انا بعد قاعده اعدل نومتهم

 

[ذكريات]

حياتي والله ذكريات
الله يكون بعونج
ميخالف ان شاء الله خيره وتتخرجين وتفتكين اسرع
وانتي خوش ام لاا تحاتين بس شتسوين شيئ مو بيدج
والله يوفقج ياقلبي ويوفقني ونتخرج ونفتك
انا السنه اليايه تخرج ان شاء الله وانتي؟

انا ان شا الله سنة و نص

منورة اتذكرج يوم عفستي منتدى الحمل و الولادة ... ابي اسوي تحليل وين و متى و و و

ههههههههههههه الايام بسرعة تطوف:eh_s(6):

 

[رفرف]

شلونكم بنات ؟؟

تايقر شلونج وشلون الدوام ؟
جنه مبجر تعدلين نومتهم من الحين ؟
انا انوم صبوية 11 وتقوم 10 ونص الضحى يعني مو وايد معفوسة بس انا اللي يبيلي تعديل نوم وطبعا مسوكة ..


منورة ..
صبوية اول ما يبت اختها كانت وايد تغار بس الحمدلله انا بنتي اصلا مو شيطانة وايدها مو طويلة فما تطق او اتأذي اختها حتى لعبها معاها مو دفاشة ما تجيسها تحبها تموت عليها حتى مسوكة العيارة مع اختها غير تتضحك وتتكعكع ..
بس عاد لازم شوي غيرة لي رضعتها اتيي تنسدح بحضني تقول انا بيبيه ..
والا لي لعبت اختها تقولي سويلي مثلها عاد المشكلة اذا كنت قاعدة انقزها اسمالله عليها صبوية كبيرة شنقز فيها ...

 

[Miss_Tiger79]

اهلين منوره ولولو ورفرف
شخباركم
اي والله يا رفرف الله يعينا على الغيره
وعلى نومة عيالي انا عيالي على ما تتعدل نومتهم الا باديه المدارس عشان جذي من الحين باديه اعلمهم لانهم عسرين بالنومه ماشالله عليهم
بس انا الحين خدامتي بتسافر اخر 8 ومتوهقه شنو اييب غيرها

 

[hessa82]

شلوونكم بناات وشخباركم؟؟ انا دايما ادخل اقرا الدوود واطلع مايمديني اكتب شي بس صج ودي ندمج معاكم..
ذكريات وسبحاان الله عيالهم من عمر بنتي الله يحفظهم اشنالله

رفرف حليتيها حق ام بناااتي حليها لي
انا ارضع بنتي طبيعي ودوامي بعد جم يووم وعمرها انشالله راح يكوون 3 شهوور.. دوامي من ال7 ونص؟؟ فشنو الحل؟ انا حتى لو تيمع صدري وااايد من ارضعها واحاول اشفط عقبها مافيني حليب غريبه!! شسوي؟
سؤالي الثاني من ال 7 ونص ليما الظهر بالدواام شالحل؟؟ فووق ال 7 ساعات وشوي .. شسوي بصدري؟؟

 

[hessa82]

صبااح الورد
حبيباتي من وين احصل كتااب عن تغذيه الطفل؟؟
شتنصحووني فيه؟

 

[أمواج البحر]

صباح الخير يا امهات يا حلوين

هلا ومرحبا حصه حياج الله بينا

ممكن اجاوبج بدال رفرف الاجابة تقرقع بقلبي <<<<< اشدعوة مدرسة

المهم حبيبتي حاولي تتغذين عدل وتكثرين من الحليب هذا اولاً

والشي الثاني لازم بالدوام يعني جذي على الساعة 12 ونص تروحين تشفطين الحليب من صدرج

اختي و هم رفيجتي جذي يسوون و تحط الحليب اللي شفطته بالثلاجة واذا بغت تمشي تاخذه وياها

وبالنسبة لكتاب تغذية الطفل في كتاب مال ريم قنواتي وااايد حلو و الاكلات اللي فيه بسيطة وسهله

تلقينه في المكتبات اختي خذته من مشرف

واي سؤال بالخدمة <<<< تراني أم متمرسة خخخخخخ

 

[lolo77]

هلا والله بنات شلونكم

مس تايجر
انا بعد خدامتي حجزتلها على اخر 8
والمشكله ما خليت مكتب الا ادق عليه
وكله يقولون مافي اندونيسيات او خلصوا طلبات

كله من زوجي الله يسامحه اقوله خل نطلب قبل لا نحجزلها
يقول انزين باجر وباجر
ليما ما بقى شي وتروح

الله يعينا ونلقى لنا خدامه زينه يارب

المشكله انا اول 9 اداوم باذن الله
واعيالي الاثنين مدرسه
بس تبقى جودي
وايد محتار
اشوه اني راح اسافر وما ارجع الا اخر الشهر الياي

 

[رفرف]

حصة اذا تقدرين تشفطينه بالدوام تمااام ..
اخذيلج ماكينة الشفط من ميديلا تشتغل علبطارية والكهربا مكتوب عليها ميني اليكتريك ممتازة ..
شفطيه كلها ربع ساعة واخذيلج علب حافظة خزنيه فيها وحطيه بجنطة حافظة مع اجياس التبريد ثلجيها ...
ونصيحة لا تحطينه بالثلاجة جدام الكل الا اذا كانت عندج ثلاجة خاصة لأن في ناس الله يهداهم عينهم ما ترحم ..

واول ما ترجعين رضعيها من صوب واحد .. وشفطي الصوب الثاني حق باجر بيكون متيمع يكفي انشالله ..
انتي تهقين انه ما يكفي بس جربي منتي خسرانة شي وخلي حليب صناعي لها احتياط انشالله ما تحتاجينه ...

 

[سبحان الله^الحمدلله]

مرحبا بنات

اهلين لولو الحمدلله انا بخير انتوا شلونكم؟؟

 

[hessa82]

مشكوووره امواااج البحر لاخلا ولا عدم تسلمين وكذلك انتي يارفرف بعد قلبي
عااادد انا ولا مره جربت ارضعها من صدر واااحد شكلي انشالله بجرب من باجر باذن الله
انزييين اذا شفطت مايصير اخلي الحليب بره؟ يعني بدرجه حراره الغرفه واول ماارجع البيت احطه بالثلاجه؟ والا مايصير؟؟
ومن يومين قريت ان الحليبه اللي محفوظه بالفريز لازم اول تنحط بالثلاجه بعدين يالله تنعطى البيبي! انا على طوول اسخنها من الفريز واعطيها بنتي! تهقون غلط اللي سويته؟

 

[pink]

شلووونكم بنات ؟؟؟ و شلون بيبياتكم ؟؟؟

lolo77 .. Miss_Tiger79 .. الله يعينكم على سالفة الخدامة و إن شالله الوقت يقزر بسرعة على ما تلاقون وحدة زيييييينة ..
lolo77 لا تحاتين وااايد عشان لا تخترب السفرة روحي و استانسي و خلّي اعيالج بعد يستانسون و جودي خصوصا الله يسلم البنات والله..

منورة .. مبرووووك على نونو الأرنبة اللي يخليها لج يارب .. آنا ناطرة خيانة أسوية بأي وقت لأني قاعدة أعلمها تقول ماما و ما أييب
طاري بابا إلا في التهديد - الحين أخلي بابا يزفج يطقج أم شريرة - ومحذرتها إنها ما تقول بابا أول شي دادا بعدين تقول بابا ميخالف بس
قبل لأ .. يعني آنا اللي مجابلتها طول الوقت و مستحملة عسارتها و البابا بس يقول سلام يا حلوة شلونكم يا بنات و تقووول بابا .. ده زلم

Om Banati .. الله يعينج على ردة الدوام آنا باقيلي شهر و نص و من الحين متكدرة و شايلة هم الردة .. الله كريم

سبحان الله^الحمدلله .. شلون الصبيان مع التطعيم إن شالله ما تأذّى و تأذيتي وياه ؟؟؟؟؟

رفرف .. شلوووون الأميرات ؟؟؟ آنا الأميرة اللي عندي - أبوي لازم يناديها الأميرة مع إنها ما تعطيه ويه و كله باجية بويهه- موريتني
الويل دلع و ملل و صراخ وبجي و تمجع بشعري غير ملفعي كله بحلجها يعني ما يبلش تذوقها إلا بملفعي غير التسعبل واااي ما أتحمل
بس أحاول أسيطر على روحي مهما كان بنتي فلذة كبدي و أخاف من أبوها يزفني .. رفرف شنو تعطين مسوكة حق لثتها ؟؟؟؟ لأن ما بقت
عضاضة ما شريتها ما بقى مخدر حق اللثة ما خذيته غير أصابعي و الفواكة بس صج أسويتي صايرة تكسر الخاطر بس بعنف :eh_s(13):

أمواج البحر .. كأم متمرسة إذا الياهل يعشق صوته و اهو يبجي لما يشرب الحليب يبجي و لما ياكل يبجي و لما أحد يلعب معاه يعطيه ويه
دقيقتين و بعدين يزف و يبجي و يبجي و يبجي بس هالياهل عسل على قلب أمه بس اتعبتتتتتتت .. شنو الأم تسوي بهالياهل ؟؟؟ تستسلم
و اللا هم تستسلم ؟؟؟؟

hessa82 .. حبيبتي حبيت أفيدج بس آنا أم فااااشلة ما رضعت بنوتي إلا 20 يوم و احسهم واااايد من كثر ما العبت في حسبتي الله يخليها لي
و تكبر ويهديها ..

ذكريات .. جم عمرج ؟؟؟ شكلج ليلحين بعمر الزهور و الياسمين ؟؟؟ الله يعينج على الدراسة و مسئولية البيبي .. آنا اختي عندها ياهلين و تدرس
طب مااااكلة هواااا .. الحمدلله آنا تخرجت و توظفت و بعدين تزوجت .. جني قاعدة أحبطج لا حبيبتي صدقيني الوقت يمر بسررررعة و اللي يخليه يمررر
بسرررعة ولدج الله يخليه لأن كل يوم له حركة و سالفة و تلهين معاه و ماتحسين بالأيام إلا وانتي متخرجة .. إن شالله انتي و منور



و بسسسس جني هالمرة واااايد قرقت .. اعذروني :eh_s(22):

 

[Miss_Tiger79]

أهلين بنات اشلونكم ..... صغرتكم صح هههه

وشخباركم مع بيبياتكم
وااااي بنك ضحكتيني ويه سوالف بنتج عسى الله يخليها
وانا بعد بنتي ما تستحلي اتحط شي بحلجها غير الملفع واتله من صوب ومتبهذله بالطلعه بس كله يهون من اشوفها نايمه او تلعب انسى كل هذا ومسكينه عسااااااااااااااااااااااااااااااااااااااره على سبة الاسنان بعد قلب وايد اتعرها لثتها ومادري شسويلها وحتى العضاضه تمل واهيه تعضها

كيتكات وينج اظاهر لاهيه ويه النساة الله يعينها

ولولو انشالله انحصل خدامة بأسرع وقت بس ريلي مو راضي اييب غير الهنديه او السيلانيه يقولي احسن عشان اليهال
بس محتاره من وين آخذ واي منطقه وكبيره او صغيره
الله يعيني مادري شسوي