تجمع امهاات 2007 خلونا نستفيد من بعض

[رفرف]

شلونكم بنات ؟؟

حصة ماظن يصير انتي حطيه بجنطة حافظة اضمن ...
وعلى التسخين مرة صخنت الحليب من الفريزر على طول شصار زبد واخترب قطيته تكرمين بالزبالة على طول عورني قلبي ...
انا اطلعه من الفريزر واخليه بحرارة الغرفة ...

بنك ضحكتيني على بنتج واي حلاتهم بس لا تخافين انشالله البيبي الياي يكون اهدى ...
انا صبوية شسوت فينييييييييييييييييييييي والله بدعت بدعت ماظن في ياهل ينافسها بالعسر والدعالة طول الليل والنهار تصرخ وتبجي واي ما تنبغى حتى الحين نوعا ما عسرة ...
بس اختها مع انها بعد عسرة بس محلله يم اختها وايد وايد وايد اهدى الحمدلله مادري اهيه اهدى والا انا عقب صبوية قمت اشوف اليهال كلهم هادين
الله يرزقج بياهل هادي ينسيج عسر أسوية ...
وانا لي الحين ما اعطي مسك ولا شي حق لثتها جنه تو الناس !!

تايقر ...
الله يعينكم على حوسة الخدم واي ذكرتيني !!

 

[منورة الكويتية]

بنات استفسار ضروري بسرررررررررررررعه
انا اخر مره طعمت نويرتي حق الشهر الرابع يمكن 6 -6 واليوم تمت 6 شهور ولازم تطعيم بس اشوف بالدفتر مال التطعيم مالها ان 6-8!! تهقون صح ولاا غلطانه الي حاطتلي الموعد لانهااليوم تتم6 شهور

 

[رفرف]

منورة عدل التاريخ لأنهم يحسبون من اخر تطعيم مو من يوم انولدت يعني ان تأخرتي بتطعيمها يتأخر التطعيم الياي عرفتي ؟

 

[ام غمازات]

السلام عليكم

شلونكم واااااااااااااايد ولهانه عليكم

انشالله تكونون بخير انتو وعيالكم

حبيت اسلم عليكم

 

[hessa82]

مس تايقر ليش ماتجربين اثيويبه؟؟امي يايبه اثيوبيه هبت ريح طالبتها انها تكوون مشتغله في لبنان قبل ويحليلها حليوه مع اليهاال
بنك ياحلييلن بنيتج عياااره
رفرف انتي نفسي عساره بنتي الاولى مخليتني اقول الله يحلل بنتي الثانيه عنها
اليوم جربت ارضعها من صدر وااحد نص ساعه او 35 دقيقه وقلت اشفط من الثاني ..مامداني ببلش شفط قامت تصيييح بتكمل ترضع!
شالحل؟؟
منووره دقي استفسري احسن من المستوصف

 

[رفرف]

حصة مادري انا متعودة ارضع بنتي كل مرة من صوب واحد من يبتها ...

 

[رفرف]

تايقر انا خدامتي اليديدة اثيوبية بس مو مشتغله من قبل والله اتحب اليهال ولها مقاقتهم مع ان صبوية مبدعة فيها

 

[Miss_Tiger79]

اهلين حصه وشخبارج
والاثيوبيات زينين يعني مافيهم حقد على اليهال؟؟؟
ورفرف من وين ماخذه خدامتج أي مكتب
والله احس جني اول مره اييب خدامة
وتعالو صج الاثيوبيات يثلين مع نه في وحده من اهلنا عندها أثيوبيه وتهبل حق اليهال وناااااااااااااااعمه قصيره وضعيفه
ورفرف من أي منطقه بعد
مشكورين والله والله يهدي خدمكم لكم انشالله

 

[ذكريات]

بنك اي انا بعمر الزهور :eh_s(3):

توني داشة الـ 23

بس لاني حولت و وقفت قيدي سنة و حووووسة

و بيتي و بينج بس لا تقولين حق ريلي خخخخخخخخخخ

يتلي فترة ينيت ابي اوقف قيدي و اسافر مع ريلي و اكمل دراستي بعدين بس اهوا مو راضي فقمت اسقط روحي و اقوله انا كسلانة ليش اضيع عمري الحين .. خلص انت اول بعدين انا :eh_s(1):

بس ما نفع .. يقولي انا ادري انج شاطرة و راح تعوضين الكورس الياي

 

[nono78]

اشلونكم بنات شخباركم

وشخبار عيالكم

انا عندي علي وعزيز


وعلي مطلع روحيييييييييييييييييييييييييييي مع عزيز

ما اعتقد في ياهل اشطن من ولدي عليوي

والله اروح بيتنا اشوف عيال اخواني

اقول حق امي شطانتهم مومثل عليوي

بنات شسوي ودي اسجله حضانه بس مشكلته على شطانته لاصق فيني وايد

يعني اذا بسجله بالحضانه اكيد بيطق نفسه من البجي


شسوي

 

[رفرف]

تايقر ...
لا والله اللي شفته انها حنونة الله يعلم بالباجي بس كذا موقف شفته يبين هالشي وانا عموما ماخلي بناتي عندها ليلحين ما تجرأت ..
ولا مو يثلة بالعكس صغيرونة ..
ماخذتها من مكتب اممممممممممممم والله ماذكر اسمه بالفروانية العربيد جاليري كانت جاهزة على كفالة المكتب طبعا اغلى بس توهقت لأن خدامتي تنحرت ووديتها المكتب بس والله صارلها عندي شهر ونص تقريبا شكلها زوينة والله يهديها ويسخرها ...


نونو
من صجج ؟؟؟
دخليه حضانة خل يفج عنح وعن اخوه شوي ..

 

[Om Banati]

هاااااااااااي بنات شلوونك وشخباركم ... ابيييييييييه اليوم داومت اول يوم دوام عقب الامومه ماتدرون شصار فيني طبعا يمكن ثلاث مرات اوصل الدوار وارجع اجيك عليها تبجي ولا ساكته وطووووول الطريج تغورق عيوني وتدمع دمعه واقول لا ماكو الا العافيه وارد ادمع ياربي مادري شفيني تعلقت فيها وايد واحس محد يعرفلها ولو ان خدامتها حلييييوة وتحبها وايد طبعا زهبتلها حليب بالثلاجه الله يعافيج يارفرف على النصيحه والله يوسع عليج يارب بس الحمدلله ماحتاجتها رضعتها على 9 وعلى 11 وكلوها سبريلاك وانا رديت على الوحده الا اهيا نايمه جان اشفط حليب حق باجر اكسترا هيهيهي ويوم اقعدت الا انا ميته من الوله عليها وتصدقون تطالعني وتحاجيني جنها تتشره حياااااااتي بس عموما عدى اليوم على خير والله يتمم يارب ... ومشكوورين كل من عطاني نصيحه او سأل عني
والحيييييييين شلونكم انتو ؟ وشلون كتاكيتم ؟
منوره سيم سيم لولو كملت 6 شهور وموعدها للتطعيم الاسبوع الياي عادي ترى
الله يخليلكم عيالكم كلكم يارب ويفرحكم فيهم دوووووووم

 

[دانـــه]

مرحبااااا..

انا بعد ويااكم ولدي عمره 3 شهور وجم يووم

اشلووونكم ذكريات وسبحان الله ان شاء الله تمام والله انا قطعت عن المنتدى لاني رديت امريكا .. وحووسه ولدي والبيت والطبخ مو ملحقه بعد بس يالله ماعليه

ها ذكريات متى ان شاء الله بتين امريكا..؟

بنات انا مارضعت طبيعي من ولدت ماطلع فيني حليب والحين بس ع الصناعي

وبسألكم متى نبدي نوكل الياهل .. ؟ الشهر الرابع ولا ااخرها ابي تجاربكم

..
.​

 

[Miss_Tiger79]

مشكوره يا رفرف والله والله يسخرها لج ولبناتج انشالله

ودانة تبتدين اتوكلين الياهل من يصير عمره 5 شهور احسن شي مو قبل

 

[om shoyokha]

ياحليلكم بنات ياحلوووو تجمعكم ودي لو اندمج وياكم اذا ممكن :eh_s(22):

بنيتي شيوخه من مواليد 24-2-2007


حسافه مانطرت العيد الوطني :eh_s(3):

الحين الله يحفظها اكملت خمس شهور واسبوع تقريبن

بالبداية قالي الدكتورة لا توكلينها الا اذا كملت ست شهور بس يتها فتره قامت ماتبي الحليب جان يقولي وكليها ------ بط جبدي الصراحه:eh_s(14):

الحين مو جذي المشكله هذي بجري ومااعرف شلون اوكلها عطيتها بس مليوبا الارز وماعرف شوكل فيها ياليت لو تفيدوني ​

 

[Miss_Tiger79]

اهلين ام شيوخه
تعطين حق بنتج ميلوبا الارز جم يوم وبعيد عطيها خضره مفيوحه ومهروسه اشوي اشوي كل يوم زيدي اشوي وبعدين عطيها فواكه الصبح مهروسة طبعا

 

[رفرف]

بنات ليش ما تبدون توكلون عيالكم اكل طبيعي افيد من السيريلاك والميلوبا ؟
لأن اللي اعرفه انهم ممكن يسببون حساسية للياهل فالأحسن اذا بتعطون عيالكم فوق ال10 شهور .. وقبلها عطوهم اكل صحيييي
انا كنت اسوي حق صبوية اكلها بالبيت والحمدلله ماحتجت الاكل الجاهز والميلوبا كنت اخذه معاي حق الطلعة بس لأنه اسهل ...

أم بناتي ...
تسلمين على الدعوة الحلوة وادعي الله يسهلها علي لي بغيت اداوم مع
ان باقي شهر بس مسوكة معورة قلبي احس محد يعرفلها والله مع ان خدامتها حليوة بس على اعصابي ..
وهم سالفة الأكل بيكون عمرها 5 شهور وداشة بالسادس فقلت اقطع عنها رضعة الظهر ويعطونها اكل لين ارد يعني تشرب رضعة الصبح وعقبها اكل لين ارد ...

 

[Miss_Tiger79]

اي والله يا رفرف ماكو احسن من الاكل الطبيعي انا كله اوكلهم من اكل البيت خالتي اتزفني اذا شريتلهم سيريلاك واهوه اصلا يسوي حساسية

 

[Om Banati]

هلا بحبيباتي ...
رفرف الله يسهلها عليج مثل ماسهلها علي ويسخرلج خلقه قولي آميييييين
أكيد الأكل الفريش وايد أحسن .
Miss_Tiger79 &om shoyokha و شلونكم ؟ :eh_s(6):
بقولكم ترى فوح الخضرا يطير فايدتها حرااااام اشتروا الجدر البخاري الي فيه steamوايد أحسن ويحفظلج الفايتامينات بالأكل جربوه وادعولي وبعدين هم افك اذا خلص الأكل يطفي من نفسه انا شاريته من يوريكا اللي بالسالميه يم مجمع زهره واتوقع موجود بكل مكان مو بس بهالمكان واللي يفك بعد فيه من تحت الجدر يطبخلج العيش بنااااااات اشتروا العيش الكامل المصري ترى افيد شي انا شريت ماركته صنوايت بالجمعيه تشوفين حبته متينه بس ترى واااايد مفيد واذا طبخ خلص حطي العيش ويا الخضار اللي تبينها بالبلاندر مال مولينكس مخصص للأطفال ووكليها :eh_s(9):

 

[lolo77]

هلا امهات شخباركم
صاير ما عندي وقت
احس هالاسبوع مر بسرعه

مس تايقر
رحت طلبتلي اندونيسيه جديده
اصلا ما لقيت غيرها
اول دقيت على مكاتب اللي بحولي كله تقولي مخلصين الطلبات
وقلت لازم اروح بنفسي
ورحت فحيحيل بس لقيت بمكتبين وكل مكتب عندهم وحده بس
توكلت على الله وطلبت
ونشوف يبيلها شهر بالكثير توصل انشالله تطلع زينه
انا عكسج ريلي يقول ما احب الهنود ولا السيلانيات خلينا عالاندونسيات
والله يستر

حياكم الله يا الامهات اليدد اللي انضموا لنا


ام شيوخه
انا بنتي اصغر من بنتج ب 4 ايام
بنتي 28/2/2007
انا توني بديت اجرب اعطي بنتي بسكوت الصبح


نونو
الله يخليهم لج
هالعلاوي هذا لازمله حضانه سمعي نصيحتي

امحيسن كان جذيه
ترتاحين انتي والله