تجمع الي عالجو ويهم عن طريق حبوب الراكوتين ؟؟..

[حنان الذكريات]

وينكم بنات ؟؟

 

[DốǾốDї]

اختي دودي... حبيت اسالج جم شغله
انا عبالي بتعطيني الدكتوره حبوب روكاتين بس عطتني نفس الحبوب اللي انتي استخدمتيهم (كورانكي)
بغيت اسالج بالبدايه حسيتي ان ويهج صار فيه حبوب وايد مع الاستخدام ؟؟
وحسيتي ان ويهج يتقشر ولا بس ناشف وعادي تستخدمين مرطب مع فاونيدشن ؟؟؟
انا اليوم اول مره استخدمهم ....واخذ جرعه 20 ملجم حبه وحده باليوم ..وانتي جم جرعنج وجم مره تستخدمينهم باليوم؟
واقدر استخدم العدسات عالاقل مره او مرتين بالاسبوع؟؟؟

هلا حبيبتي

اي اهو اول ما تاخذينه تحسين الحبوب تزيد بس انا دكتوري قال اهو قاعد يطلع الحبووب الي دااخل كلها بره وعقب اسبوعين يبدي ينشفهم وتحسين ويهج يتقشر بس انا مو وايد تقشر انا الي ذبحني شفايفي حييييل ينشفووون ويطلع دم وتشقق
وانا عن نفسي ما احط فنوديشن الا بالمناسبات والمرطب كل ما حسيت ويهي ناشف احط يعني مره بالاسبوع

انا العام كنت اخذ حبه وحده فادني بس قطعت وردت الحبوب تطلع لاني ما كنت اواظب ورديت استخدم اول شهر 3 بس زدت الجرعه اخذ حبتين و ويهي تحسن وايد يعني حتى ملمسه صار ناعم

والعدسات احط بس بالمناسبات واذا حطيت عيوني تدمع وتحرني ما اخليها اكثر من 4 ساعات لانها تضايقني فا اشيلهاا

 

[miss angel]

قوووة بناات شلووونكم

حبيباااتي بسألكم عن الرواكتااان

انا اليوم رحت داار الشفا عند دكتورة هدى مصطفى وشافت بشرتي

بنات بقوولكم مشكلة بشرتي (انا ما فيني حبوووب وااايد يعني كللش ما يبين الي يشووفني من بعيد يقوول ويهي صاافي بس مشكلتي الحبوب الصغاار الي تحت الجلد الي تبين مع الليت القوي واكثر مكاان تطلعلي بحنجي ويبهتيي وهالحبوب مافيهم راس ابيض لااا عاادي مثل لوون جلدي اتمنى فهمتم علي ولما افقصهم حييل يطلع منهم وصخ وييع سوري لوعت جبودكم واااايد مضايقيني خصووصا الي يقرب من ويهي حيييل يلاحظ انه ويهي مو صاافي)

المهم وقالتلي ان فيييج دهووون تحت الجلد وما يروحون الا بالرواكتااان !!

طبعا انا قارية من قبل عن الرواكتااان وانه ما ياخذووونه الا الي عندهم حبووووب وااااايد !!

فا قلتلهاا ماكو علاج ثاني غيره قالتلي لأ اذا بعطيج علاج ثاني راح يردون يطلعوون مرة ثانية وماراح تخلصين فا الرواكتان علاج نهااائي

وطبعا سوتلي التحاليل وشافت وزني وكل شي بالتحاليل اوووكي وكتبتلي 30 mg باليوم وهم كتبتلي على مرطبات حق الويه والشفايف وغسول وكتبتلي على (ديفيرين وبنزاك) طبعا تعرفوووهم مقشرات واستخدمهم طووول فترة العلاج

السؤال الحين:

تنصحووووووووني آآخذهم ؟؟ ابي بشرتي بيبي تكفووون بنات شووروا علي شسوي ابلش بالعلاج حدي زهقت

ثاني شي عادي فترة العلاج اسوي ليزر ؟؟ انا سمعت انه ما يصير راح عن بالي اسأل الدكتورة ؟؟ اذا مايصير باكل هواا توني مخلصة ثاني جلسة حق ويهي وحدي مرتاحة من الحف

 

[miss angel]

اب بنات وييينكم

 

[DốǾốDї]

^
^

والله مادري حبوبه خلي البنات يفيدونج

بس حرام اذا انتي الحبوب مو مشوهتج وعلى قولتج خفيف الحبوب بتأذيج انا وايد اتأذى منها وانطر يخلص الكورس

بس انا حبوبي كباار بس الحمدالله خف واااايد

 

[مميزة خلقة]

بنات انا صارلي شهر استعمل الروكاتان وامس رحت موعدي عند الدكتوره نور جيهان وزادت لي الجرعه وبصراحه العلاج يبيله ميزانيه الواحد ب26 دينار فرحت للحكومه وعطوني كوراكني جي وقالي نفس الروكاتان
من جربه وصج نفس فعاليته؟؟؟؟

 

[law love]

انا استخدم الكوراكني من بوحمره الحمد الله هذا اخر شهر لي وواااايد مرتاحه كلمنن اقولي ويهج كله تغييير معنه ما كان فيني حبوب واايد بس اثار من حبوب الدوره و شوية بقع صغيره بس الحين و لاشي حدي مرتااحه
لا تخافون بنات
و قالي عادي سوي ليزر بس انا ما سويت الا لمه خلصت فترة التقشير كنت حدي خايفه ياثر علي
اكره شي نشافة الشعر و الشفايف صج اذوووني
بس كله يهون

 

[law love]

انا استخدم الكوراكني من بوحمره الحمد الله هذا اخر شهر لي وواااايد مرتاحه كلمنن اقولي ويهج كله تغييير معنه ما كان فيني حبوب واايد بس اثار من حبوب الدوره و شوية بقع صغيره بس الحين و لاشي حدي مرتااحه
لا تخافون بنات
و قالي عادي سوي ليزر بس انا ما سويت الا لمه خلصت فترة التقشير كنت حدي خايفه ياثر علي
اكره شي نشافة الشعر و الشفايف صج اذوووني
بس كله يهون

 

[catwiti]

قققققققوه شلونكم بنات انا من زمان عنا لموضوع بس خلصت علاجيييي نسييت الموضوع لوول مع اني انا الي كاتبته

بغيت اقولكم صارلي تقريبا مممم سنه من خلصت العلاج والحمد لله راحه نفسيه تنسين الحبوب واثارها نهائيا مشالله صصج بيبي فييييييييييييييس والله انه احسن شي سوييييييته اني تعالجت بهالحبوب وابي الي متردده وخايفه من فترة العلاج اقولهااا مااااا يستهال خوف او تردد لان النتيييييجه راحه والله بتنسين فيوم انه بشرتج كانت محببه

وانا ترا مو من النوع الي عانيت من مشاكل مع العلاج كان علاجي مريييح وشفايفي على اخر شهر نشفو بس بشكل معقول مو يخرع وحته ويهي كان على اخر الشهر مو دهني ولا جااف كان زين وارتحت من الدهووووون لان كانت مشكلتي
والاثار مالت الحبوب خفت واايد والحين بشرتي من احلى مايكون من عقب العلاج صج انصح الي تعاني من الحبوب تتوكل على الله ولا تحاتي شي ان شاء الله

 

[swarvoski^girl]

انا جربته طبعا تحت اشراف دكتوره بمستشفى السلام الله يذكرها بالخير اهي اللي انصحتني

المهم انه صح اكثر شي عانيت منه اهو انه ينشف الشفايف حييييييييييييييييل
وكانت هذي اكبر معانات لي
وكان ممنوع علي الحمل خلال فترة العلاج
بس بصراحه النتايج على البشره روووووووووووووعه
وانا الحين تاركه العلاج من تقريبا سنه

بس الحبوب بدت ترد
بس مو نفس قبل طبعا
بس ايام الدوره تطلع نفره والا 2 بس طبعا اخف بواااااااااااايد من الحبوب اللي كنت اعاني منها قبل ايام الدوره
كان ويهي يلوع الجبد من الحبوب وقت الدوره


ومتم سالمين

 

[قدساويه!!]

ان شاء الله نفتك من هالاثار


بغيت اسأل عن تقشير باحماض الفواكه؟؟


منو جربته !!! وبجم؟

هل يقشر الويه واايد ويتغير لونه؟؟

 

[توفـــا]

السلام عليكم بنات شلونكم شخباركم ؟؟



انا اليوم اول يوم انشاءلله ببلش بالروكاتين وحدي خايفه واحاتي واوسوس وكل شي لا تشوفون حالتي بس غصبن علي باخذه لان جد تعبت من لحبوب مو راضيه توقف وكبار وحمر واثارررهم ويييييييييع ويييع كرهت نفسي ولله والسبه هل حبوب لا اطلع ولا اروح مكان واذا بطلع لازم احط مكياج هذا اذا طلعت طبعا بالسنه سنه اطلع صار فيني اكتئاب والسبه لحبوب واثارهااا ما احب اروح مكان عشاان محد يقولي شي عن ويهي او مراكز تجميل اذا بتشتري شي مكياج ما اقدر استحي ويضيق خلقي اانا نوعي ما اتقبل اي كلمه احد يقطها علي ودي الارض تنشق وتبلعني ماكو ثقه كلش والحين عاد بالمره عقب سالفه لحبوب مادري اول كان ويهي مافيه شي فجأه الحين صارلي سنه علي هالحال مادري شسالفتي ادري قرقت وايد بس ولله مو مني من الخرعه الي فيني والمشكله اناضعيفه وزني 40 وماخذه 20mg الجرعه والله يستر بنات ادعولي ومنو معاي مبلشه عشان تشجعني اشوي وانشاءلله تصفي بشرتناا ونفتك من لحبوب والاثار نهائياااااااااا خير شرر :yaaaaaarb: آميييييييييييين


الحين بسألكم بليز جاوبوني

بالنسبه للمكياج ماراح احط انشاءلله بس بسأل عادي مثلا مره او مرتين اذا كنت مضطره ؟؟

وشنو نوع الغسول او الصابونهه الي تستخدمونهاا حق العلاج انا الحين من قبل العلاج صارلي فتره استخدم صابونه اكني ايد اشرايكم؟ بس طبعاا مانفعت وايد لان حبووبي كبيره وملتهبه الله ياخذهم


وبالنسبه حق الحف ما احف خلال فتره العلاج ولا بين فتره وفتره عادي يعني من شهر لي شهر ؟؟

وعطاني قطره حق العين قالي تستخدمنها 3 مرات باليوم وكريمات للجسم ترطبهاا وكريم حق الشفايف ماعطاني حمايه ضد الشمس عادي بنات ؟؟

والي حست بدوخه عقب لحبوب يعني توقفهم ولا تكمل عادي ؟؟ وشلون علي الام المفاصل اذا حسيت فيهم يعني ما اكمل طبعا اكيد انا اذا حسيت بهل اشياء راح اكلم دكتوري بس ابي استفسر منكم لان انتو مجربين واتطمن :eh_s(11): :eh_s(11):


مشكورين بس بليييييييييييييييز ردوو علي حدي مخترعه ومختبطه بس غصبن علي باكلهم ماكو حل ثانيي فادني كلش كلش:eh_s(16): :eh_s(16):



دعواتكم بنااااااااااات فديتكم ​

​

 

[توفـــا]

بنات هذا ثاني يوم بس بقيت اسألكم القطره حق لعيون والمرطب استخدمهم من اول يوم ولا لما احس بجفاف سواء في بشرتي او عيوني ؟


بليز ردو علي وينكم

وشنو احسن نوع صابونه تستخدمون ؟؟ انا عندي اكني ايد اشرايكم ؟

 

[توفـــا]

up up up

 

[law love]

توفا حمايه من الشمس لاااازم سواء بالعلاج او بدونه انا عطاني ماركة avene
و الغسول من ماركة Australian Bodycare
و بالنسبه للمكياج راح اتيج فتره ما راح تقدرين اتحطين فاونديشن من التقشير شكله راح اصير ماساة بس عق عادي انا احط ما اثر
و الدوخه ما حسيت فيها كلش و لا الم المفاصل اي شي اتحسين فيه راجعي الطبيب و ان شاء الله ما كو الا العافيه
و المرطب على طوووول بعد كل غسله و كل ما حسيتي بجفاف
قطرة العين متى ما حسيتي انها بدت تجف ابدي حطي

 

[توفـــا]

توفا حمايه من الشمس لاااازم سواء بالعلاج او بدونه انا عطاني ماركة avene
و الغسول من ماركة australian bodycare
و بالنسبه للمكياج راح اتيج فتره ما راح تقدرين اتحطين فاونديشن من التقشير شكله راح اصير ماساة بس عق عادي انا احط ما اثر
و الدوخه ما حسيت فيها كلش و لا الم المفاصل اي شي اتحسين فيه راجعي الطبيب و ان شاء الله ما كو الا العافيه
و المرطب على طوووول بعد كل غسله و كل ما حسيتي بجفاف
قطرة العين متى ما حسيتي انها بدت تجف ابدي حطي

مشكوره حبيبتي ماقصرتي انا الحين ثالث يوم لي بس ماحسيت بجفاف كلش شفايفي نفس ما اهم يمكن تو الناس عليه والله يرزقج البشره الصافيه اللهم آمييييييين ​

​

 

[Faru7a]

السسسسلام عليكم ...
انا تو وقفت العلاج بتاريخ 17/5/2010
بعد ما كملت 7 شهور ..
الحمدلله كل شهر اسوي تحاليل والحمدلله كلها تمام
سويتها عند الدكتور سلطان العتيبي بالمنقف
يقول جميع المخاطر الموجوده بالروشيتا ما تصيب إلا 1% فقط
اللي جاني جفاااااااااااف حاد
وتساقط شعر يخرع
ودم ينزل من خشمي
جميع الاعراض تتوقف بتوقف الكورس ..
وكل الاعراض اللي جاتني لها بديل ...
الجفاف بديله كريمات الترطيب والد بعد له مرهم
بس الشعر بصراحه بعدني ما بلشت فيه ...

الحمدلله راحت اللحبوب ..باق الاثار الحفر لازم اقعد من 2 اشهر الى 6 اشهر مااسوي شيء في بشرتي
بعدها ابلش علاج الاثار ...
واوصيكم بالصدقه ( داوو مرضاكم بالصدقه)
دعواتكم لي بأني اقدر اشيل الاثار



على فكره يمكن تصيرين عصبيه اول 3او 4 اشهر
وحده من بناتنا ما اقدرت تمشي بسبتها واول ماوقفتها عاااااااااااااااااااااادي
ارجعت تطامر في المجمعات ...
اذكركم ترى الاعراض تتوقف مع توقف تناول الحبوب ...
اللهم اذا تضررت الكبد او الكلى بعيد عنكم يارب..
لاااااااازم تأخذونها عند دكتور شاطر وبوصفه ممتازه
والحين اختي تأخذها عند مستشفى الشركه بالاحمدي ..
والحمدلله الامور بخير الله يتمم عليها


دعواااااااااااااااااااااتكم

 

[توفـــا]

^
^
^
يمه خرعتيني وانا هذا ثالث يوم لي وماحسيت بجفاف للحين صج ماقامت تمشي من لحبوب يعني @@ انصدمت الله يستر بروحي خوافه اناا



والله ينولج البشره الصافيه الخاليه من لحبووب والاثار انشاءلله للأبد

 

[قدساويه!!]

السلام عليكم بنات شلونكم شخباركم ؟؟

وعليكم السلام ورحمه

انا اليوم اول يوم انشاءلله ببلش بالروكاتين وحدي خايفه واحاتي واوسوس وكل شي لا تشوفون حالتي بس غصبن علي باخذه لان جد تعبت من لحبوب مو راضيه توقف وكبار وحمر واثارررهم ويييييييييع ويييع كرهت نفسي ولله والسبه هل حبوب لا اطلع ولا اروح مكان واذا بطلع لازم احط مكياج هذا اذا طلعت طبعا بالسنه سنه اطلع صار فيني اكتئاب والسبه لحبوب واثارهااا ما احب اروح مكان عشاان محد يقولي شي عن ويهي او مراكز تجميل اذا بتشتري شي مكياج ما اقدر استحي ويضيق خلقي اانا نوعي ما اتقبل اي كلمه احد يقطها علي ودي الارض تنشق وتبلعني ماكو ثقه كلش والحين عاد بالمره عقب سالفه لحبوب مادري اول كان ويهي مافيه شي فجأه الحين صارلي سنه علي هالحال مادري شسالفتي ادري قرقت وايد بس ولله مو مني من الخرعه الي فيني والمشكله اناضعيفه وزني 40 وماخذه 20mg الجرعه والله يستر بنات ادعولي ومنو معاي مبلشه عشان تشجعني اشوي وانشاءلله تصفي بشرتناا ونفتك من لحبوب والاثار نهائياااااااااا خير شرر :yaaaaaarb: آميييييييييييين
امييييين ياا رب


الحين بسألكم بليز جاوبوني اووك

بالنسبه للمكياج ماراح احط انشاءلله بس بسأل عادي مثلا مره او مرتين اذا كنت مضطره ؟؟
خل اقولج عن نفسي انا في بدايه العلاج ما احط بس معاج حق ساعات مضطره احط بس كونسيلر ومسكرا لان كان في بخدودي لو احط فاونديشن راح يكون شكله مو حلووو بس ترا اول ايام تاخذين الجرعه تحسين ويهج بدا يجف وشفايفج تكون مشدوده حلوه< هذا اللي كان حلو:dوشنو نوع الغسول او الصابونهه الي تستخدمونهاا حق العلاج انا الحين من قبل العلاج صارلي فتره استخدم صابونه اكني ايد اشرايكم؟ بس طبعاا مانفعت وايد لان حبووبي كبيره وملتهبه الله ياخذهم
لا تستخدمين شي من غير شور الدكتوور اهوا راح يعطيج غسول(اذا ما عطاج قوليله) لاني قبل العلاج كنت احب العب بويهي سوالف خلطات وسنفرات بس من بديت العلاج كنسلتهم

وبالنسبه حق الحف ما احف خلال فتره العلاج ولا بين فتره وفتره عادي يعني من شهر لي شهر ؟؟
لا بالحف تزيد الحبوب اذا بشرتج حساسه
حتى التقشير بس اذا مضطره اخر الشهور ممكن لاني كانت بشرتي غثيثه و حساسه والدكتور منعني

وعطاني قطره حق العين قالي تستخدمنها 3 مرات باليوم وكريمات للجسم ترطبهاا وكريم حق الشفايف ماعطاني حمايه ضد الشمس عادي بنات ؟؟
بثالث شهر صح حسيت عيوني جافه شوي حتى ما البس عدسات طول مده العلاج بس عادي ما عطاني قطره بس اهم شي ترطيب الويه والجسم وشربي مااي
وانا معاناتي مع الشفاييييييف حيييييييييل صار فيهم جفاف وهم عطاني مرطب
والي حست بدوخه عقب لحبوب يعني توقفهم ولا تكمل عادي ؟؟ وشلون علي الام المفاصل اذا حسيت فيهم يعني ما اكمل طبعا اكيد انا اذا حسيت بهل اشياء راح اكلم دكتوري بس ابي استفسر منكم لان انتو مجربين واتطمن :eh_s
(11): :eh_s(11):
عن نفسي ما عانيت من هالشغلات ولله الحمد بس في ناس تصير معاهم هالاعراض واكيد الدكتور راح يوقف العلاج
ونسيت شغله لازم تحاليل دوريه للوظائف الكبد \دم

مشكورين بس بليييييييييييييييز ردوو علي حدي مخترعه ومختبطه بس غصبن علي باكلهم ماكو حل ثانيي فادني كلش كلش:eh_s(16): :eh_s(16):
ولو العفووووووو


دعواتكم بنااااااااااات فديتكم ​

​

ان شالله تتعدل بشرتج وكثري السوائل( الماي) واي استفسار انا بالخدمه حبيبتي​

 

[قدساويه!!]

هههه حبيبتي توو النااااس على الجفاف توج ماخذتهم نطري عليهم اسبوع عالاقل وتشوفين العجب
يبدي جفاف بسيط وبعده تطلع حبه ورا حبه
لا تخافين سهالات ان شاء الله