تجمع الي عالجو ويهم عن طريق حبوب الراكوتين ؟؟..

[**شـوشـو**]

aya faid

بصير لي تقريبا شهرين



**شـوشـو**

وانا مثلج الدكتور مو راضي يعطيني مقشر

يقولي تبين روحي خاص ولا اي دكتور ثاني .. بس انا مااعطي

ورفيجتي تقول عندها خلطة للتقشير كانت تستخدمها ايام ماكنت تاخذ الروكاتين .. وماضرتها .. بس انا خايفة ومادري شنو الصح ؟؟


وانزين سؤال

قالولي عقب فترة من العلاج تطلع الحبوب الي تحت الجلد كلها ويتهيج الويهه ؟؟ متى يعني ؟؟ عقب جم بالضبط ؟؟

هذي رفيجتج كانت تقشر وقت الروكتان وبعد مرايم هنا شوفيها تقول انها تقشر وقت الكورس بعد بس انا الدكتور مارضى يقشر الا بعد الكورس وانا سمعت كلامه وهذاني استخدم مقشرات خفيفه الله يجيب النتايج الحلوه باسرع وقت وانا اقول سمعي كلام دكتورج وانتي براحتج،،
وبالنسبه لسؤالج انا خلال اول شهرين طلعت حبوووووووب اللهم ياكافي وفي نهاية الشهر الرابع بديت احس بشوييييية تحسن

 

[**شـوشـو**]

السلام عليكم ..
شلونكم بنات ...

انا مثل ماقلتلكم خلصت الكورس
.. وانا خلال فترة العلاج كانت الدكتورة معطتني كريمات مقشرة ومبيضة للآثار من أول شهر بديت فيه بالعلاج
وكانت تغيرهم لي من فترة لفترة ...
لكن : ما كان ويهي يتقشر أبدا أبدا أبدااااااااا
ولا قشره خفيفة .. يعني تخيلوا ست أشهر وأنا أعالج بهالكريمات والنتيجة صفر :eh_s(16):

... وفعلا مثل ما قلتوا يا بنات .. أنا لاحظت من استخدام هالحبوب الآثار غمجت أكثر
تهقون ليش؟؟؟؟؟:gr4uu:

وأكملكم ..
وبعد الانتهاء من كورس الحبوب بثلاث أسابيع تقريبا سوتلي الدكتورة تقشير بأحماض الفواكه
والنتيجة أنه قشر ويهي .. وأحس إنه غمج لي الآثار أكثر :eh_s(2):.. بالإضافة انها عطتني ابر الميزو ..غززتهم بويهي تقول عشان الحفر..... ولا أكو فايده

ورحت لها بعد اسبوع من التقشير ... وسوتلي الحين تقشير كيميائي سطحي .. بس ويهي يخرررررررع ووللحين الويه ماقشر
...
بنات والله تعبت حيييييييييل من سالفة هالآثار :eh_s(2):
تكفوووووون لاتبخلون علينا بذكر تجاربكم عسى ربي يوفقكم وييسر عليكم

وبعد بالنسبة للشعر ... صار ليــــــفه ومؤرف صراحه:eh_s(2):

.... بانتظار ردودكم وتجاربكم .. وعسى ربي يرزقني واياكم بالعافية والبشرة النضرة
​

وعليكم السلام والرحمه هلا مرايم،،
تهقين انا مثلج بشرتي عنيده ماتقشر:eh_s(10): اشوف قشور بسيييييييييطه وجفاف واكثر شي لونها احمممممممر واااي لما اتوضا وانشفها تصير جنها محروقه وانا احس مولازم اشوف قشوور احس الاحمرار والحساسيه الزايده يمكن استجابه للمقشر<<جنها تتفلسف

وفعلا نفس الملاحظه اللي قلتي الآثار مع العلاج غاااامجه يعني قبل ابدا الكورس الحبوب الي تروح آثارها تقعد ايام وتختفي اما اللحين اللآثار قووووويه متأصله

احس دكتورتج هلكتج بالتقشيرااات انا ماقشرت كيميائي تقشيري كله كريمات ومابديت فيه الا بعد الكورس بس عندي أمل انها بتروووح<< تأمل نفسها
والشعر بعد صار جاف والله انه كان شعري دهني كنت اتذمر منه متعبني لو خليته يومين ماغسلته يبين عليه بس اللحين لو اقعد سنه مادرى عني جاااف صرت لازم اسوي حمام زيت يلينه شوي، صج الشعر الدهني احسن مظهره صحي اكثر

وحبيبتي لاتحاتين واايد ترا النفسيه لها دور بعد اسمعي كلام دكتورتج والله يسهل عليج وعلينا ياارب​

 

[law love]

انا من اول ما بديت العلاج ستخدمت مقشر و الاثار 80% رااااحت و الحين انا بالشهر الثالث و عطاني سيرم للنظاره

 

[law love]

Up up up

 

[بدور ...]

هذي رفيجتج كانت تقشر وقت الروكتان وبعد مرايم هنا شوفيها تقول انها تقشر وقت الكورس بعد بس انا الدكتور مارضى يقشر الا بعد الكورس وانا سمعت كلامه وهذاني استخدم مقشرات خفيفه الله يجيب النتايج الحلوه باسرع وقت وانا اقول سمعي كلام دكتورج وانتي براحتج،،
وبالنسبه لسؤالج انا خلال اول شهرين طلعت حبوووووووب اللهم ياكافي وفي نهاية الشهر الرابع بديت احس بشوييييية تحسن

امممم انا الدكتور حتى مو معطيني كريمات تقشير .. ومثلج بشرتي مو راضية تقشر .. تقهرررر

بس الي فالح هالدوا فيه ان خلا شعري لوووعه

المهم .. مادري على سالفة المقشر .. ذاك اليوم سالت دكتور بالمستوصف .. قالي الروكاتين اهو بروحه علاج قوي ومايحتاج شي معاه .. وسمعي كلام دكتورج الجلدية احسن لج

عاد مادري .. سامعه عن خلطة الرتن أ بس خايفة استخدمها ... افففففففف متى يخلص الكورس وافتك ..

 

[مرايم2000]

انا من اول ما بديت العلاج ستخدمت مقشر و الاثار 80% رااااحت و الحين انا بالشهر الثالث و عطاني سيرم للنظاره

يالغالية اكتبي لنا اسم المقشر اللي استخدمتيه للآثار

 

[law love]

اسم المقشر royal acne lotion بس ترى ما ينباع الا بالصيدليه الي يم بو حمره كلنك اسم الصيدليه الميدان لان اهوه ايبه حق الي اراجعون عنده بس لا تستخدمين شي بدون مراجعة طبيب سعره 6.500

 

[law love]

رفع

 

[law love]

صخهههه

 

[tolay]

مرحباااااا بنات

شلون الروكتان معاكم ؟؟؟

حبيت كل وحده فيكم تحطلنا صوره علبه الدوا اللي تتعالج منه

حبيت اعرف كلنا نفس الشي ولا غير ؟؟

وياريت لو هالموضوع يتثبت

 

[آلمترٍفه ِِِ~]

مررحبآ بنآت

تووني آشوف آلتجمع


آنا سآرلي يمكن شهر وزيآد ع آلحبوب بس شكلهآ حلووه وبدت تجفف آجسم عندي وخسوسآ آلوجه

 

[tolay]

كانو يقولون شهر

بس اكو واحدة معانا بهالموضوع حملت عقب شهرين وطاح جنينها لانه تشوه الله يعينها ويعوضها خير

يفضل على الاقل 3 اشهر

يمه بسم الله :/

بناااااات عشان ماتحاتون اعملو احتياطكم ولاتحملون الا بعد 5 او 6 شهور بعد الانتهاء من الدوا

يعني لاحقين على الحمال اهم شي البيبي يظل سليم

 

[آلمترٍفه ِِِ~]

آلمهم آسمعو آلسسآلفه


آنآ خذيتهآ من مستشفى حكومي لآني سمعت عنهآ

وسويت تحليل وخذيتهآ يمكن على شهر 1 آو 2

وآلدكتوره قآلت آكلها مرتين بآليووم


وآنآ آسآسآ من قبل مآخذه موعد عن عيسى بشور وطلع لي شهرر 3

ويوم رحت له شآف بشرتي قآل تستخدمين حبوب آلروكتين قلت إيي

قآل منو سرفهآ لج وشلون طريقتج وآقوله ويعسب قآل منو هآلدكتوره

آسلآ آنتي مآتحتآجين حبتين بآليوم وحتى لو كليتيهم لي شهر 7 مآرآح يسير شي

لأزم كريمآت معآهآ

عآد قآلي تآخذين حبه بآليوم وسرف لي كريمآت مقشر آتوقع ريتن إيه ومعآه شي ثآني حق آلليل

وخلطه آلثآنيه آلسبح وقآلي بعد شهرين تعآلي

وبسس تعبت

كني طولتهآ وهي قسيرره

بس ترى للحيني مآستخدمت آلخلطآت مآرحت آلسيدلييه

 

[NoNa20]

Loool elmtrfaaa. Bdleeyatch

 

[NoNa20]

Na9eeeeeeeeeeeeeeeeee7aaaaaa


La7ad ysawt
Y taqsheeeeer elaa 3gb shreeeen minute ent'haaa2 elcouuuurs
L2na elbashra 7eeeel 7saaasa w y9eeer 7ooofar bil wayh

Alaahomaa balaa'3t ,, allahoma fa esh'haaad

 

[آلمترٍفه ِِِ~]

حبيبتي مو بدليآت

دلع بنآت حرف آلسين


آحم آحم :$

 

[أم جوني]

بنات كنت بسأل عن كل الي خذوا الحبوب مارد طلعلهم مره ثانية معقوله انا صارلي ستة أشهر مخلصه بس والعام خذيت الحبوب بعد بس خذيتهم مرتين 3أشهر وبعد سنه 3أشهر والحين قبل شهر تقريبا ويهي انترس حبوب ميته من القهر الكل كان يضرب المثل بشرتي والحين تعالو شوفوا اشصار اكزيما وحبوب تلوع الجبد نفسيتي حيل حيل تعبانه والمشكله مابي اخذهم بعد مره امفكره احمل فمادري قريت مواضيعكم الكل مدح معقوله محد طلعله حبوب ولا أنا حاله شاذه

 

[حنان الذكريات]

حبيت اسالكم ....انا اليوم ببدا بالعلاج
وانا رحت للدكتورة اماني اللي بطيبه كلينك
ووصفت لي هالحبوب ..بس اليوم بسوي تحليل واخذ نتيجته عشان تشوف اذا اقدر اخذ الدوا ولا لا
بس انا شفت من كلامكم ان الحبوب تسوي جفاف للبراطم والويه
يعني الويه يصير متشقق ؟؟ ولا بس ناشف ولازم احط مرطب ؟؟
لاني من النوع اللي احط فاونيشن ... شرايكم الويه يتشقق واايد؟؟؟

 

[DốǾốDї]

انا استخدم كوراكني نفس النوعيه تقريبا

وصارلي شهرين بس استخدمتهم بدون تحليل

والنتيجه لحد الحين حلوووه اللهم جم حبه على خدي اليمين اما خدي اليسار صفى

بس اثارها شفايفي لوعت جبدي متشششششققه ومرات يطلع دم واايد وما اقدر البس عدسات لانه العين ناشفه والشعر يطيييح وايد

بس يلاا بستخدم لين يخلص الكورس لانه اعرف وحده استخدمتهم بشرتها كانت كلهااا حبوووب واثااار والحين جنها بيبي صاااافيه

بس الحين باقي المسامات شلون اسدهم تهقون ينسدون عقب ما اخلص الكورس ؟؟

 

[حنان الذكريات]

اختي دودي... حبيت اسالج جم شغله
انا عبالي بتعطيني الدكتوره حبوب روكاتين بس عطتني نفس الحبوب اللي انتي استخدمتيهم (كورانكي)
بغيت اسالج بالبدايه حسيتي ان ويهج صار فيه حبوب وايد مع الاستخدام ؟؟
وحسيتي ان ويهج يتقشر ولا بس ناشف وعادي تستخدمين مرطب مع فاونيدشن ؟؟؟
انا اليوم اول مره استخدمهم ....واخذ جرعه 20 ملجم حبه وحده باليوم ..وانتي جم جرعنج وجم مره تستخدمينهم باليوم؟
واقدر استخدم العدسات عالاقل مره او مرتين بالاسبوع؟؟؟