تجمع الي عالجو ويهم عن طريق حبوب الراكوتين ؟؟..

[law love]

انا اعرف هالماركه ddf جنه موجوده بالشاميه بمركز التجميل او الصيدليه
بنات لا تستخدمون شي قبل استشارة الطبيب حرام مدة العلاج اتروح على الفاضي من تجاربنا

 

[مرايم2000]

خلللللللللصت

ياربي لك الحمد

 

[**شـوشـو**]

مبرووك مرايم
انا خلصت من اسبوعين بس ادخل الاقي ماكو احد قلت يابنت الناس كلهم خلصو قبلك وراحوو ماله داعي تكتبين
بس زيين طلع في احد مثلي يشيك ع الموضوع
وش قالك الدكتور حق الآثار؟

 

[مرايم2000]

توني سويت تقشير بأحماض الفواكه مع ابر الميزو للآثار
وان شاااااااالله يكون في نتيجة .... دعواااااااتكمممممم

وانتي "شوشو" شنو سويتي للآثار؟؟؟؟؟؟

 

[Temor.Ayam]

انا عندي خواتي ثنتين استخدموهم ويههم صار شحلاته من بعده يعني ويهم صار صافي حيييل لدرجه مو لازم يحطون كريم اساس ويهم جنهم حاطين
بس مع السنين مادري يمكن تطلع حبوب مره ثانيه مادري عنهم مومراقبتهم لول

 

[**شـوشـو**]

انا استخدم تركيبه طبيه مع جل كتبهم لي الدكتور واشوف بدا يتقشر وجهي خفيييف واحس تفتح لون الاثار بس توني بعد يبي لي وقت
الله يكون بالعون يااارب توفقنا ووتصير بشراتنا احلى شي

 

[law love]

انا اليوم دخلت بالشهر الثالث
و الاثار ياااله تنشاف وااايد مستانسه الحمد الله الصبح قمت ما احط فونديشن
اول شهر تقشر و يهي ثاني شهر جني مو قاعد استخدم شي
الله يعيني على الشهر الثالث اليوم موعدي
شوشة شكثر صارلج ؟
مبرووووك مرايم

 

[aya faid]

هاي بنات

زمان عالتجمع

انا خلصت ابشهر 10 الحمدلله



واقسم بالله بعد معاناه 9 سنين مع حب الشباب


الحمدلله والشكر الحين ولا حبه
قولوا ماشالله




الحين انطر اي احد سود تقشير


عندي اثار رهيبه وحفر وخرايط

وحلم عمري والله اسوي تقشير مضمون مهما كان ثمنه بس يصير ويهي مثل الاطفال




اتمنالكم جميعا التوفيق وبشره ناعمه صافيه

 

[ميســـا]

مرحبا

انا استعملتها من زمااااان يمكن سنة 1996

حتى كانت توها تعتبر شي غريب استخدمتها يمكن 5 شهور كنت اكل حبتين باليوم

الصراحه وايد نتايجها روعه

صج انها تنشف الجسم والشفايف بس الحمد لله من يومها ماردت لي الحبوب

بعدها صرت اعالج الاثر والحمد لله بشرتي صارت حلوه

 

[بدور ...]

هااي بنات

انا استخدم الروكاتين .. اوكي اهم الحبوب صج خفوا

بس الاثر او مكان الحبة نفسه.. وععع يلوع الجبد .. احمر واذا كليت شي حار ولا دسم .. يصير احمر غاااامج .. وعع .. يعني انا صج استفدت ان الحبوب والبروز راح .. بس الاثر ..

يعني يروحون اذا خلصت العلاج ؟؟؟

انزين وانا اعالج عند الجلدية .. دكتوري ماعطاني ولا مقشر ولا شي .. بس مرطب .. وما استعمله وايد .. الا اذا بطلع واحط كريم اساس
اما بالاوقات العادية .. مااحط .. لان ما احس ان بشرتي جافة حيل

بس الشعر

ااااه من الشعر .. جااااف حده ويتساقط .. خصوصا اني اخذ حبوب منع حمل

يعني انا كله شعري مفلول .. بس ذاك اليوم امي قالتلي تعالي اعجف هالكشة >> يعني تسويلي عجفه

وعقب ماسوتها حاشني احباااااط مو طبيعي .. ماااكو شعر اهئ اهئ

وبس

وان شالله تصير بشراتنا حلوة زي البيبيات

 

[aya faid]

بدور جم صارلج مع العلاج



بنات احب اقول شي مهم جداااا



الشي الوحيد الي تضرر من هالعلاج السحري


الي عندهم امساك مزمن او الطبيعي مالهم ان يحوشهم امساك





احترسو من الريكوتين





انا عانييييييييييت امساااااااك شديد والله لو اقولكم 3 اسابيع مع ادش الحمام - عزكم الله

يمكن ماتصدقوني


واشد علد نفسي بالحمام لين صابني شرخ

وشاكه يكون فيني بواسير بعد

 

[**شـوشـو**]

انا اليوم دخلت بالشهر الثالث
و الاثار ياااله تنشاف وااايد مستانسه الحمد الله الصبح قمت ما احط فونديشن
اول شهر تقشر و يهي ثاني شهر جني مو قاعد استخدم شي
الله يعيني على الشهر الثالث اليوم موعدي
شوشة شكثر صارلج ؟
مبرووووك مرايم

انا خلصت الكورس مدته 7 شهور واللحين لي اسبوعين اعالج الاثار لاعبه فيني لعب ادعو لي ترووح وتصير بشرتي بيبي فيس ياااارب.

 

[**شـوشـو**]

هااي بنات

انا استخدم الروكاتين .. اوكي اهم الحبوب صج خفوا

بس الاثر او مكان الحبة نفسه.. وععع يلوع الجبد .. احمر واذا كليت شي حار ولا دسم .. يصير احمر غاااامج .. وعع .. يعني انا صج استفدت ان الحبوب والبروز راح .. بس الاثر ..

يعني يروحون اذا خلصت العلاج ؟؟؟

انزين وانا اعالج عند الجلدية .. دكتوري ماعطاني ولا مقشر ولا شي .. بس مرطب .. وما استعمله وايد .. الا اذا بطلع واحط كريم اساس
اما بالاوقات العادية .. مااحط .. لان ما احس ان بشرتي جافة حيل

بس الشعر

ااااه من الشعر .. جااااف حده ويتساقط .. خصوصا اني اخذ حبوب منع حمل

يعني انا كله شعري مفلول .. بس ذاك اليوم امي قالتلي تعالي اعجف هالكشة >> يعني تسويلي عجفه

وعقب ماسوتها حاشني احباااااط مو طبيعي .. ماااكو شعر اهئ اهئ

وبس

وان شالله تصير بشراتنا حلوة زي البيبيات

هلا حبيبتي انا خلصت الكورس واللحين اعالج الآثار اللي تلوع الجبد ع قولتج ونفسج لما كنت آخذ الحبوب فقط مرطبات طبيه مايصير تقشير اثناء الكورس حتى الدكتور قالي هالشي كنت ابي اعالج الاثار بنهاية الكورس قال لازم تخلصين حبوب بعده نبدا بالآثار مضر التقشير مع الحبوب عاد اللحين عطاني تركيبه طبيه مع جل احطهم بالتناوب وفيه تقشير بسيط بس الآثار بعدها موجوده بس مالي الا اسبوعين كلي امل انها تروووووح من غير رجعه يااااارب ونفس المشكله الشعر جاااف ويتساااقط بعد الله يعين ياارب

 

[NoNa20]

بنات سؤاااااااااال؟؟


عقب شكثر من انتهاء الكورس اقدر اسوي تقشير ؟؟

 

[سعوديه حزينه]

السلام عليكم

حبيت استفسر منكم بشي لاني تعبت من قراءة الردود ولاهم راضيين يخلصو

انا فيني حب شباب بس راح وظل الاثر الاسود واحيانا كم حبه صغيره تطلع ..
سويت 3 جلسات ليزر وبغيت اموت من البكى والالم وبعدها صار لي 5 شهور اشرب رواكتين وباقي شهر . وكل شهر لما اروح لدكتورة اسوي تحليل وتقولي طبيعي الحمدلله الحين انا احسه خف كثير بس لسا جبيني غامق الحب الي فيها وقالت لي بتسوي لي تقشير بعد ما اكمل الـ 6 شهور .. واحتمال تسوي لي جلسة ليزر رابعه .,, سؤالي هو ..
هل في وحده صارت لها حاله مثلي وبعد ماخصلت راح الحب وصار وجها صافي ..اتمنى تفيدوني رجاءً .. ​

 

[**شـوشـو**]

بنات سؤاااااااااال؟؟


عقب شكثر من انتهاء الكورس اقدر اسوي تقشير ؟؟

فيه بنات هنا قالو بعد الكورس ب3 شهور تسوين تقشير بس انا بعد ماخلصت الكورس بـ14 يوم تقريبا الدكتور كتب لي تركيبه وجل استخدمهم حاليا وبدا وجهي يتقشر ويااارب الاقي نتيجه حلووه

 

[**شـوشـو**]

السلام عليكم

حبيت استفسر منكم بشي لاني تعبت من قراءة الردود ولاهم راضيين يخلصو

انا فيني حب شباب بس راح وظل الاثر الاسود واحيانا كم حبه صغيره تطلع ..
سويت 3 جلسات ليزر وبغيت اموت من البكى والالم وبعدها صار لي 5 شهور اشرب رواكتين وباقي شهر . وكل شهر لما اروح لدكتورة اسوي تحليل وتقولي طبيعي الحمدلله الحين انا احسه خف كثير بس لسا جبيني غامق الحب الي فيها وقالت لي بتسوي لي تقشير بعد ما اكمل الـ 6 شهور .. واحتمال تسوي لي جلسة ليزر رابعه .,, سؤالي هو ..
هل في وحده صارت لها حاله مثلي وبعد ماخصلت راح الحب وصار وجها صافي ..اتمنى تفيدوني رجاءً .. ​

هلا فيك حبيبتي انا خلصت الكورس مدته 7 شهور الحبوب الحمدلله راااااحت لاتحاتينها يارب ماترجع بس حاليا اعالج الآثار اللي غاااثتني ويااارب تصير بشراتنا احلى شي قولي آآمين

 

[سعوديه حزينه]

آمين يارب وتسلمين غلاي على ردك لي

 

[بدور ...]

aya faid

بصير لي تقريبا شهرين



**شـوشـو**

وانا مثلج الدكتور مو راضي يعطيني مقشر

يقولي تبين روحي خاص ولا اي دكتور ثاني .. بس انا مااعطي

ورفيجتي تقول عندها خلطة للتقشير كانت تستخدمها ايام ماكنت تاخذ الروكاتين .. وماضرتها .. بس انا خايفة ومادري شنو الصح ؟؟


وانزين سؤال

قالولي عقب فترة من العلاج تطلع الحبوب الي تحت الجلد كلها ويتهيج الويهه ؟؟ متى يعني ؟؟ عقب جم بالضبط ؟؟

 

[مرايم2000]

السلام عليكم ..
شلونكم بنات ...

انا مثل ماقلتلكم خلصت الكورس
.. وانا خلال فترة العلاج كانت الدكتورة معطتني كريمات مقشرة ومبيضة للآثار من أول شهر بديت فيه بالعلاج
وكانت تغيرهم لي من فترة لفترة ...
لكن : ما كان ويهي يتقشر أبدا أبدا أبدااااااااا
ولا قشره خفيفة .. يعني تخيلوا ست أشهر وأنا أعالج بهالكريمات والنتيجة صفر :eh_s(16):

... وفعلا مثل ما قلتوا يا بنات .. أنا لاحظت من استخدام هالحبوب الآثار غمجت أكثر
تهقون ليش؟؟؟؟؟:gr4uu:

وأكملكم ..
وبعد الانتهاء من كورس الحبوب بثلاث أسابيع تقريبا سوتلي الدكتورة تقشير بأحماض الفواكه
والنتيجة أنه قشر ويهي .. وأحس إنه غمج لي الآثار أكثر :eh_s(2):.. بالإضافة انها عطتني ابر الميزو ..غززتهم بويهي تقول عشان الحفر..... ولا أكو فايده

ورحت لها بعد اسبوع من التقشير ... وسوتلي الحين تقشير كيميائي سطحي .. بس ويهي يخرررررررع ووللحين الويه ماقشر
...
بنات والله تعبت حيييييييييل من سالفة هالآثار :eh_s(2):
تكفوووووون لاتبخلون علينا بذكر تجاربكم عسى ربي يوفقكم وييسر عليكم

وبعد بالنسبة للشعر ... صار ليــــــفه ومؤرف صراحه:eh_s(2):

.... بانتظار ردودكم وتجاربكم .. وعسى ربي يرزقني واياكم بالعافية والبشرة النضرة
​