تجمع الامل

[bnt_kwt]

اليوم اليوم الثامن
ونزل علي دم خفيف

موعدي انشالله يوم السبت

 

[Q8tya_GirL]

بنات ودي اسالكم سؤال ما ادري مستغربه من هالشي و اول مره يصير معاي
انا تقريبا صارلي 16 يوم من غسلت من الدوره فامس صار جماع ويوم قعدت بالليل والا ينزل علي دم بس مو احمر مايل عالبني فستغربت لانه توني على الدوره وانا دورتي مضبوطه يعني و اللي شككني انه بس فتره بسيطه وبعدين ما قام ينزل علي شي فالمهم رحت حق الدكتور وسوالي سونار فقالي الدم هذا مال فترة التبوويض و اول مره يصير معاي ما ادري في احد منكم مر بهالشي

 

[جارة القمر]

bnt_kwt

أن شاء الله تبشرينا عن قريب حبيبتي



nwera

حبيبتي


بالكتب اللي قريته دايما مكتوب من علامات التبويض نزل دم خفيف


وأن شاء الله تبشرينا بعد الشهر الياي أنج حامل:eh_s(17):

 

[bnt_kwt]

بنات ودي اسالكم سؤال ما ادري مستغربه من هالشي و اول مره يصير معاي
انا تقريبا صارلي 16 يوم من غسلت من الدوره فامس صار جماع ويوم قعدت بالليل والا ينزل علي دم بس مو احمر مايل عالبني فستغربت لانه توني على الدوره وانا دورتي مضبوطه يعني و اللي شككني انه بس فتره بسيطه وبعدين ما قام ينزل علي شي فالمهم رحت حق الدكتور وسوالي سونار فقالي الدم هذا مال فترة التبوويض و اول مره يصير معاي ما ادري في احد منكم مر بهالشي

انا يصير معاي جذي ساعات

انشالله ياربي تبشرينا بالخير ونفرح بخبر حمالج قولي امين

 

[bnt_kwt]

حبيبتي جارونه اشصار عليج رحتي الصباح ولا لأ ؟؟

 

[-Bello-]

نويره انا هم من قبل صار فيني نفس الشي ... بس قالولي هذا يكون دم قديم انه يكون متجلط ونزل ... ومادري احس ماله داعي مسويلج سونار وانشاءالله خير ولا تحاتين ترى هذا شي عادي انشاءالله


بناااااااااااااااااااااااااااات نجمعنا وينكم ...
ماكو تعليقات ماكو سوالف بينا من زمان زيتونه فقدتج وبنت الكويت وذكريات شكلها نستنا الله يتمم عليها انشاءالله وجارونه والباجي كلكم وينكم نبي سوالف ولوووويه هني قبل كلساع اتشوق اني اشبك بسرعه بس عشان اشوووفكم شكاتبين اللحين ادش 5 مرات باليوم وما الاقي شي يديد خوو عطونه ويه :eh_s(2):

 

[ذكريات]

بنوتة اشلون انساكم

لا مو ناسيتكم انا موجودة وكل يوم ايي اشوف الموضوع شصار عليه

اشلونكم بنات ؟؟

 

[-Bello-]

واااااااي حياتي ذكريات ... انا عن نفسي زينه عايشه اب هالدنيا وانتي اشلونج واشلون الباجي

 

[ذكريات]

حياتي بنوتة انا زينة شوي ماله من امريكا و بنفس الوقت ما ودري ارجع و اخلي ريلي بروحه يكسر خاطري

الاسبوع الياي تبدا الدراسة انتي تدرسين و الا تشتغلين انا حدي مشتاقة حق الدراسة

 

[جارة القمر]

السلام عليييييييييييييكم

شخباركم

ذكريات حبيبتي رحتي الطبيب ولا بعد

وطمنينا عليج

هلا بنت الكويت

أنا بخير انتي شخبارج

لا والله مارحت ريلي مو راضي

اقول حط فلوسك بالشمس وأقعد بالظلال
وأمي قاعده تحن علي تبيني أروح البحرين عن الشافعي

وحده من أهلنا أحملت عقب ما عالجت عنده وكانت وايد تطرح

خليه علي الله حبيبتي

 

[bnt_kwt]

هلا بنات بنوته حبيبتي انا موجوده وعلى طول ادخل الموضوع واسأل عن الكل انتي انا فاقدتج من مده

ذكريات حبيبتي اشلون على ردتج الكويت ؟؟؟؟ وانتي توج حامل ديري بالج واذا كلش كلش وقفي قيدج هالكورس ولاتسوين شي تندمين عليه تالي وانتي كنتي تنطرين الحمال انطاره والدرب من امريكا الكويت بعد ما يبيله حجي

جارونه ليش مو راضي قميضه روحي وجربي والله انا اعرف وايد ناس اسنين يتعالجون بره وسبحان الله من راحوا الولاده الله كتب لهم شوفي وجربي حظج جود الله والرحمن يرزقج على ايدهم ما تدرين بعد

 

[جارة القمر]

bnt_kwt

هلا حبيبتي تري صج المشرفات يسألون عنج بديوانية المشرفات


حبيبتي قولي أن شاء الله الله يهديه

ويرضي عيزت وأنا أحن وأزعل

صار عادي

عنده

حتس ساعات معاشي ما استانس فسه كله علي العلاج


الله كريم حبيبتي

====================

ذكريات

أنا رأي من راي بنوته

 

[bnt_kwt]

بنات انا الحمدلله وقف الدم علي من عقب ثامن يوم يعني هالعاده طولت معاي 8 ايام غريبه بس احس اني نظفت عدل وما يندري

وانشالله باجر يوم السبت موعدي بالمستشفى وبقول حق الدكتور عن التلقيح الصناعي وبشوف يارب يارب يارب ما يضيع التعب اللي تعبته والالم والمعاناه النفسيه اللي احسها صج عذاب بس كله كله كله يهون



اليوم رحت دار الشفا مع ريلي
وانا داخلين ولا هالعربانات الكبار اللي يشيلون فيها الاغراض ولا شتشوفين اهو حلويات ومعجنات وكاكاو التوزيع واشايء عجيبه غريبه
ريلي استغرب يقول ليش الحريم يسوون جذي بكل شي مبالغه قلت له بنات الكويت وحبهم حق المظاهر والفخفخه والتفلسف والله يا بنات ما يدرون انه كل هذا يفتح العين عليهم انا بنت عمتي بسبه هالفلسفه بغت اتموت بالنفاس سوت استقبال بالشفا وصار فيها حما النفااااااس وصارت فيها اجزيما حاده اهي وبنتها وتلعوزت واييييييييد وايد وكل هذا من شنو من التفخفخ ما جنه زايرين وحده والده لا جنه رايحين حفله الصراحه مصاخه

اشرايكم بنات باللي قاعد يصير صح كل واحد حر نفسه بس والله عيون الناس ما ترحم

 

[جارة القمر]

bnt_kwt


يارب

ما يخلص شهر رمضان يا بنوته الا وأنتي تنسين يارب

وتكون نساتج خفيفه




قولي آآآآآآآآآآآآآآآآآآمين


أي والله هالفساقة بهالأستقبالات صج شي

مو طبيعي

تبين الصج أنا ما صارت أحب أروح للأني أشوف شي مو طبيعي

يعورني قلبي علي الشغلات


رفيجة أختي مسويه بس استاند الكاكاو الواحد ب450 دينار وكانت مسويه 3

ليش أشدعوه

وأشلون بنت عمتج ألحين أن شاء الله أحسن

 

[bnt_kwt]

هلا جارونه هلا حبيبتي اي الله انا مقصره مع المنتدى شوي كنت لاهيه حييييييييل بس راح اتفرغ وبدش ديوانيه المشرفات

وبنت عمتي الحمدلله والشكر يارب صارت زينه اهي وبنيتها وما عليهم الا العافيه انشالله عاد هذا درس لها فهل من معتبر ؟؟

 

[-Bello-]

هاااااي بنوتات ..
اشلونك شخباركم انشاءالله تمام .. ذكريات الله يسلمج اي انا ادرس
ويالله لاحقين .. انشاءالله

بنت الكويت ياحلوه الحمدالله دام انه نزل عليج دم وايد انشاءالله تكوون فاتحة خير عليج يارب

وانا بالنسبه لي الله يسلمكم لا اقولكم اشصار معاي الله يسلمكم رحت حق مركز طفل النبوب لانهم دقوا علي قالولي تعالي فتحي ملف المهم انا رحت اهناك والله والله خنقتني العبره كله كبااااااااااااار حيل بس انا كنت صغير وايد وايد عليهم :eh_s(2): الحمدالله ووالشكر وانشاءالله الله يرزقهم يارب وطبعا كنت رايحه بروحي انا قلت يمكن شي عادي وانه اللي صادفوني بس كبار المهم قالولي اسوي تحاليل الا وانا ناطره ولا في حريم قاعدين ولا يحليلهم حدهم طيبين وكلهم قلبهم على بعض يعني تحسوون انه حاسين ابمعاناة بعض المهم كلهم شافوني جان يقولولي انتي اشيايبج قتلهم بسوي تحاليل قالولي ترى اخاف غلطانه قتلهم لا دكتورتي قايلتلي انه اسوي حقن قالولي انتي جم عمرج قتلهم 20 انصدموا قالولي ماما روحي انتي توج صغيره ترى احنا عيايز ولما فقدنى الامل يينه اهني حرام عليج لاتلعبين بنفسج قالوولي ريلج فيه شي قتله لا الحمدالله لا انا ولا اهو فينه شي جان كلهم يصرخوون وانتتي شياييبج ماله داعي يايه اشهالخواره دكاترتنا قالولي شككثر صايرلج متزوجه قلت سنتين لووووول جان كلهم يقولولي قومي انحاشي لا يلعبون فيج انتي تحتاجين تلقيح صناعي مو حقن لا يلعبون فيج انا خفت وقمت اضحك سكت المهم راحوا جان اتيي وحده تقعد يمي عاد انا شفتها صغيره جان اتليقف قتلها انتي يايه اتعالجين جان اتقولي لأ انا يايه مع اختي شفت اختها ولا هم كبيره جان احبط جان تقولي حبيبتي انا سمعت الحريم مساع يتكلمون عنج انه لايلعبون فيح وانتوا مافيكم شي بس انسي الموضوع وانشاءالله يصير وعين الناس ماتشووف خير ورقي نفسج قتلها اي والله انا الحين حسيت فيها كرهت اليوم اللي سويت فيه عرس عيووون الناس ما ارحمتني كلهم عينهم علي وقالتلي يحليلها انها بتعطيني رقم الحداد عشان اروحله يقرى علي انتوا شرايكم بالموضوع اكمل ولا لأ؟؟امي هم تقولي كلساع لاتلعبين بنفسج اهما قالولي روحي واذا بعد اربع سنين ذيك الساعه فكري ابهالموضوع... وامي تقووول مشي معاهم تحاليل وشي ومواعيد عشان لايرووح عليج شي لانه يومهم بسنه وانتوا شرايكم محتاره حدي:eh_s(10): الله يرزق كل محروووم ويدور على الذريه اللهم امين يارب اب مرة ملك قووولوا امين

 

[ذكريات]

بنات انا سالت الدكتور عن السفر و قالي عادي مع اني اللي اعرفه مو زين

و مادري شلون نظامهم بامريكا ما يسوون سونار الا مرتين و المرة الاولى بالاسبوع 20

بس انا سوالي هالمرة لاني سبق و حملت خارج الرحم و الحمدلله كان في مكانه الطبيعي

جارة القمر من صجج ستاند ب 450 !!!

بنوتة صج حرام اذا انتوا ما فيكم شي ... انتوا جربتوا شي ثاني ؟؟

 

[-Bello-]

ذكريات حبي الحمدالله على صحتج
وبالنسبه انه جربنا شي ثاني شنوا قصدجالشي الثاني ؟؟ مافهمتج سوووري
وطمنينه عليج ياقلبي

 

[ذكريات]

قصدي مثل التلقيح الصناعي

 

[-Bello-]

لا مومجربتها بس اتوقع هذا اللي يبوون يسوونه لي عندهم ..انتي مجربته؟؟