تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

بسالكم اللي عندهم عيال بقريد تو
العام بقريد ون كانوا يعطونهم مع الشهاده كل مره شهاده صغيره يصير عندهم مثل نقاط 15 وبعدين 25 شنو الحد الاقصى للنقاط

 

[manarah]

هلا كويتيه شخبارج .. انا عرفت انها طابور بس استغربت اشلون طابور يحطونه من ضمن المواد بالجدول فنطرت اسأل رفيجتي عشان ارد عليكم .. وحلوه حركه توزيع الشهادات للأطفال المتميزين عشان يتشجعون .. يارب توفق اعيالنا وتحفظهم من كل شر

 

[كويتيه ذربه]

يارب يوفقكهم ويحميهم من كل شر

بنتي تقول مستر براين يقعد يشوفهم وهما يغنون وبعدين يوزع الشهاده

 

[ام حسون وفطومه]

مساء الخير على الجميع شلونكم شخباركم

 

[كويتيه ذربه]

هلا والله مساء النور بخير الحمدلله
انتي اشلونج

 

[ام حسون وفطومه]

الحمدالله بخير انا حابه اني اشارك معاكمانا الصراحة دخلت بنتي هالمدرسة جذي بروحي ارتحتلها لم زرتها وشفت لصفوف بس خفت من السلالم وانشالله تكون المدرسة قوية

 

[كويتيه ذربه]

والله المدرسه قويه
وانشاءالله تستفيد بنتج
ولا تحاتين السلالم الصبح ينطرون الخدم عند الباب وينزلونهم
بس انا افضل اوصل بنتي بنفسي لي الصف

 

[Miss_Tiger79]

هلا بنات

نوال
مشكوره حبيبتي
وهذا انا قاعده مجابلتهم ما بقى كتب تعليميه حق عمر كل واحد ما خذيته ومن اشوف نفسي فاضيه طلعت الكتب وقعدنا نحل
واليوم دقيت على المدرسه وقتلهم دوام الروضه اذا بدا شهر 12 متى يخلص قالولي يخلص تقريبا اخر شهر 7 او نصه يعني قبل رمضان السنه اليايه ان شاءالله
والابتدائي لانه راحت علي نومه وولدي ماراح قالولي ماكو تأجيل

مناره وكويتيه ذربه
مشكورين وخوش حصه والله تشجع الياهل انه يتنافس مع غيره

ام حسون وفاطمه
هلا والله انتي شخبارج
لا تحاتين
في فراشات عند باب المدرسه ياخذون اليهال منج ويودونهم تحت وفي فراشات عند الدري تحت ناطرين اليهال لا تحاتين انشاءالله

 

[كويتيه ذربه]

مس تايجر اليوم دقيت على كل اهلي اللي عيالهم بالتكامل طلعوا كلهم مودين عيالهم وكل يوم يداومون
واللي بقريد 3 يعطونهم واجبات وبشوف يمكن اودي بنتي

 

[Miss_Tiger79]

كويتيه ذربه
اي ناس وايد اعرفهم مداومين عيالهم
بس انا ولدي قاعد يروح يوم وترك مادري ليش لانه تروح علينا نومه ونقوم متأخر

 

[شانيل نمبر 5]

شلونكم يالغاليات...
بنتي تقول انه اليوم داوموا طلبه جديد.......تقول كل يوم يجي شخص يديد

 

[رفرف]

شلونكم امهات ؟ انا غطيت شوي ..

بس شجعتوني على الدوام ..
انا فكرت اوديها هالاسبوع وهي متحمسة ملت من العطلة بس حده ما يسوا جم يوم وبنعيد ..
خلاص تداوم عقب العيد انشالله ..
وبروح هالاسبوع اجهز لها اغراضها انشالله وطلباتهم والله الحافظ ..

 

[كويتيه ذربه]

والله اليوم نمت وماوديتها مفكره باجر اوديها

 

[manarah]

شخباركم بنات ... حلو التفاؤل اللي عندكم والحافظ اولا واخيرا الله سبحانه لا الغياب ولا حكرت البيت بتسوي شي والله شجعتوني اني اوديه خصوصا ان ودي بالمراجعه بس مشكلتي انه ينام الساعه 3 ويقعد 1 الظهر مو قادره اضبط نومته بالمره لا واسم الله عليه مره راح الجيام وهالايام يصوم يحلوه فعشان جذي ماراح يقدر يداوم الحين و قاعده اشد حيلي معاه بالبيت واحاول اراجعله كثر ما اقدر ويداوم ورا العيد بإذن الله ...

مس تايقر يعني افهم من كلامج ان الروضه بيعوضونهم عن التأجيل هالشهرين ؟؟ الله يبشرج بالخير والله الحافظ انشالله ويزول هالمرض عاجلا غير اجلا يا كريم .

 

[Miss_Tiger79]

مناره
يختي والله الي يروحون الجيام .. اسمالله عليه .. الله يهديه انشالله
اي والله يقولون جذي
وانا توقعت انهم بيسوون جذي
وعلى قولتج المراجعه زينه وخصوصا لما تكون بالصف مع اليهال


رفرف
هلا والله
ولكم باك
على الاقل خليها اداوم حتى لو يومين تعرف شتسوي قبل لا يداومون الطلبه كلهم .. منها تعرف ابلتها وتتعرف على ربعها الي بالصف مدامهم شويه من غير شر انشالله

شانيل نمبر5
هلا والله شخبارج

 

[شانيل نمبر 5]

شلونكم بنات؟؟؟؟؟؟؟
شلونج مناره؟وشلون رجولج؟؟طولت وايد وريولج مجبسه

مس تايغر
انا الحمدالله بخير .......انتي شلونج؟؟

كويتيه ذربه...
الله يخليج له..زين تعلمينه الوازع الديني من الصغر.......

 

[رفرف]

تايقر يعني اتهقين اوديها ؟؟ انا قلت ما يسوى يومين وتعطل ..
انزين شلون المس معاهم ولدج مستانس ؟؟ انا قلت لها لي حليتي كل اوراق المراجعة تروحين وهي بعد ملت من قعدة البيت كل يوم تحن لأن مو قاعدة اطلعها ..

اليوم قلت بتهور انشالله واطلعهم صج زهقنا من الحبسة

 

[manarah]

السلام عليكم ... شخباركم بنات من منكم اعيالها داوموا اليوم .. وهل من جديد ؟

شانيل نمبر 5 مشكوره وتسلمين حبيبتي على سؤالج عني بس والله ريولي هذي اهي مجبسه وانشالله عندي موعد اشعه باجر والله كريم .. الطبيب قايلي اقل شي بالجبس شهر والحين صارلي اسبوعين .. بنات طلبتكم ادعولي الله يجبر كسري ويشفي ريولي وارد امشي مثل قبل .

رفرف احنا اول شي بالاوراق خلص التلوين يموت عالتشخبط وشوي شوي الحين بنخلصهم انشالله وانا من جهه ثانيه اراجعله السايت ووردز والجمع والطرح .

 

[كويتيه ذربه]

السلام عليكم

اليوم وديت بنتي بس تحسفت وايد اني كنت مغيبتها
اول شي كانوا لابسين بدله الرياضه وهي مو لابسه بنتي انحرجت وايد وضميري انبني تقول قلت حق المدرس انا كنت بلبس بس امي ماتدري ان اليوم رياضه
ثاني شي تقول ماما هما عندهم وايد اوراق كاتبينها وحتى دفاترهم انترست انا دفتري بعده يديد
حسيت انها كانت ضايعه
كسرت خاطري قلت بوديها هاليومين انشاءالله
على الاقل تتعود عليهم شوي

 

[jolie_q8]

السلام عليكم

انا متابعتكم من بعيد ,, لانه عيالي ماداوموا للحين

ان شاءالله بعد العيد اتابع معاكم