تجمع أولياء أمور مدرسة التكامل(صباح السالم)للعام الدراسي2009-2010

[Miss_Tiger79]

شانيل نمبر5
تسلمين حبيبتي والله
تدرين نيو لوك

وأيامج سعيده انشالله وعساكم م عواده

 

[رفرف]

شلونكم بنات ؟؟

عيدكم مبارك وتقبل الله طاعتكم ..
شلون عطلة العيد معاكم عسى استانستو ؟؟
احنا اخييييرا اخيييييرا خلصنا اوراق المراجعة وشرينا طلبات المدرسة الحمدلله ..

بغيت اسألكم الدوام من الساعة جم لي جم عقب العيد ؟؟
اهوه من 7 ونص اتوقع بس لي متى ؟ طبعا دوام قريد1 .. ؟؟

 

[كويتيه ذربه]

هلا والله رفرف اشلونج
الدوام من 7:30 الى 2:20

 

[ام حسون وفطومه]

مساء الخير وعساكم من عواااده

 

[كويتيه ذربه]

هلا والله مساء النور
وانتي من العايدين

 

[رفرف]

مشكوورة ذربة

الحين صبوية مو متحمسة حق السكول مادري شفيها تقولي لا انا ابي ارد كيجي2 مابي اروح قريد1 !! بصير كسلانة علشان يردوني ماحب ولا تيجر بس مس فرح .. شسوي بهالبنية ؟؟
والثانية العكس كلما ركبنا السيارة ماماااا ابي اروح سكول .. ولي رحنا اي مكان تقول لا مابي هني ابي سكول .. ولا هي عارفة يعني شنو سكول .. ماجنها بتبجي بجي لي وديناها ..

 

[ام حسون وفطومه]

حبيت استفسر اذا احد عنده خبر شلون على كي جي1 راح يداومون شهر12 شلوون على لفلوس راح ندفعها كلها لاني سمعت انه المدرسة البريطانية راح يردون فلوس الاشهر اللي ماداوموها....

 

[manarah]

السلام عليكم .. شخباركم بنات ..

رفرف .. يحليلها صبويه خلاص بترد كيجي 2 وهذا ليلحين ما شافت شي من قريد 1 عيل انا اللي عندي وضعه أحسن يقول انا بس بروح اول يوم بشوف التيشتر واشوف اصدقائي وبعدين خلاص مابي اروح !! علباله بكيفه ...واوراق المراجعه الحمدلله خلصناهم اليوم وماااابغينا لان احنا عادي باليوم نحل نص صفحه بس ..

كويتيه ذربه شخبارج واشلون البنوته ..

ام حسون وفطومه المدرسه قالوا دوم الكي جي لي شهر 7 يعني بيعوضونهم عن هالشهرين فبالتالي الرسوم تندفع كامله ... وهم تأكدي احسن .

 

[رفرف]

مناره ..
اي عندنا وعندج خير حتى احنا اذا مالها خلق والله حتى النص صفحة ما تحلها وتقعد سااااااعااااات تلون تقول تكسرت ايدي وانا الون !! انا مادري شلون بتحل هومووركاتها كل يوم !!
يحلووونا قبل من نرد من المدرسة نبطل جناطنا ونحل الواجبات واهلنا نايمين الظهر ما يأذن العصر الا واحنا خالصين والخط شحلاته والدفتر مرتب ونطلع الاوائل ..
ونفرح لي صار عندنا احتياط بالمدرسة نخلص واجباتنا ونرد البيت خفاف ولا في احد يتابع ورانا ..
الحين احنا فوق راسهم والورقة تلوع الجبد من التمسح رايح لونها ومعفسة والخط لوووعة نطوف بس لن زهقنا وطول اليوم على ورقة وحدة وااااي حدهم دلاليع عيالنا ..

المهم انتي شلونج وشلون ريولج الحين ؟؟
خلاص الحين انتي وتايقر من يبدا الدوام بويهي كل يوم صرنا ربع

 

[Miss_Tiger79]

هلا بنات شخباركم
استعديتو ؟؟؟؟

رفرف ومناره
انا ولدي من داوم كل يوم يقولي شنو هذا قريد1 كله تعب تعبت وانا اكتب بالوورك شيت


وصاجه رفرف قبل كنا جذي بس عيالنا ةاخواني الصغار كلش مو جذي

 

[كويتيه ذربه]

السلام عليكم .. شخباركم بنات ..

رفرف .. يحليلها صبويه خلاص بترد كيجي 2 وهذا ليلحين ما شافت شي من قريد 1 عيل انا اللي عندي وضعه أحسن يقول انا بس بروح اول يوم بشوف التيشتر واشوف اصدقائي وبعدين خلاص مابي اروح !! علباله بكيفه ...واوراق المراجعه الحمدلله خلصناهم اليوم وماااابغينا لان احنا عادي باليوم نحل نص صفحه بس ..

كويتيه ذربه شخبارج واشلون البنوته ..

ام حسون وفطومه المدرسه قالوا دوم الكي جي لي شهر 7 يعني بيعوضونهم عن هالشهرين فبالتالي الرسوم تندفع كامله ... وهم تأكدي احسن .

الحمدلله بخير والبنوته بخير
انتي اشلونج واشلون ريولج الحين؟؟؟

 

[manarah]

السلام عليكم .. شخباركم بنات ...
بالنسبه للاستعداد ليلحين والله ما شرينا الطلبات لأني موكله هالمهمه للأبو وكل ما اقوله ما شريتهم يقولي ميخالف الدوام مو باجر عاد احنا ننطر لي صار الدوام باجر ابنشتريهم انشالله وااااااااااااي لوانا اقدر امشي جان من اول يوم شاريتهم :0bee2e8d89: بس قدر الله وما شاء فعل والحمدلله على كل حال
وريولي والله ليلحين اخر مره راجعت الطبيب قالي يبيلج شهر بالجبس بعد :eh_s(16): يعني ماراح اشوفكم بالمدرسه اول الايام بس الله كرييييم ونلتقي في وقت لاحق على خير انشالله

 

[نواره الحلوة]

بنات شوروا علي رحم الله والديكم أبي رايكم شنو بتسوون حق اعيالكم اللي اجلوا دراستهم يعني آنا العود بداوم بإذن الله يوم الأحد بس الثاني أجلوا الدوام لأنه بكي جي 1 وهو تعود ان اخوه وياه الصبح غير ان نومته وقعدته راح تختلف مو مثل قبل وآنا ودي اشوي اتأخر نومته عشان ما يقعد من الصبح مع الخدامة والنهار اشطوله على مايرد أخوه من جذي بخلي الكبير ينام امبجر والصغير يتأخر بالنومه والله بحيره مآدري شسو كاسر خاطري وحتى التلفزيون مايعرف يبطله ولا يرد على التلفون والخدامة ازيد منه كنت معتمده على الكبير بكل شي بس الحين حدي متوهقه ؟؟؟؟؟؟؟

 

[manarah]

نواره والله حالي من حالج بالحيره .. يعني انا اسم الله عليهم كان المفروض وحده بالكي جي 1 وواحد بالحضانه واثنينهم تأجلوا طبعا .. الحين اللي بيداوم اشلووووووون بينام واخوانه قاعدين ؟!!! والله مادري شسوي واشلون بيداوم واهم بالبيت هم مادري لأن اهو ليلحين مو متقبل الموضوع وحاط في باله ان اخته وياه والله يعيني عالبجي والتطنقر كل يوم ... انزين نواره ما تقدرين تودينه الصبح عند احد مثلا امج او اختج .. او انج تشغلين التلفزيون من قبل لا تطلعين من البيت وتخلينه عالقناه اللي يحبها وتزهبين العابه والوانه وكل شي يمه بمكان واحد وحاولي ان يسهر وينام الصبح لي الضحى والله يعينج ويعينا

 

[رفرف]

انا عندي نفس مشكلتج نواره وحدة بالحضانة ماراح تداوم واللي بقريد1 طبعا دوام ..
انوم الكبيرة واخلي الصغيرة تسهر شوي خلاص تعرف ان وقت دوام والله يعينكم ع الاحتجاجات
امس تقولي والله انا احسنلي لو انا صغيرة !! اقولها ليييش ؟ تقولي بس علشان اسوي اللي ابيه مثل اختي كلشي تبيه تسويه !! كسرت خاطري

 

[نواره الحلوة]

عندنا وعندكم خير من عرف ان اخوه ماراح يداوم واحنا بحاله و آخر شي اقتنع انه بياخذ اللنش بوكس مالت اخوه لأنه ماراح يداوم وعلى الصغير صارلي يومين وآنا اعلم الخدامة اشلون اتشغل التلفزيون وراح اركب الوي من الليل علشان يقزر عليه الوقت

 

[Miss_Tiger79]

حالتي من حالكم
شسوي بعد
المشكله اني شارتلهم اغراضهم فتخيلو يشوفون الجناط والاغراض وليلحين ما يداومون
وهالصغيره كل ما نمر يم المدرسه تقول كاهي سكولي

الله كريم انشالله ما يطول التأجيل

 

[كويتيه ذربه]

الله يعينكم والله اذا واحد يداوم والصغار مو مداومين
والله صارت شغله سالفه التاجيل
انا ماعندي اصغر من بنتي عشان جذي بروحها تداوم

انشاءالله نلتقي بالمدرسه

 

[شانيل نمبر 5]

شلونكم بنات؟؟
وان شاءاالله بنتي بكره ادوام.....
وانتم شنو صار عليكم تبون تخلو عيالكم يدوامون او لا؟؟

 

[كويتيه ذربه]

شانيل اشلونج
اشلون استعدادكم مع باجر
ضبطتوا نومه اليهال
من باجر راح يدرسون ومافي مراجعه يعني لازم يداومون