تجمع أولياء أمور مدرسة التكامل(صباح السالم)للعام الدراسي2009-2010

[كويتيه ذربه]

رفرف تدرين العام ماكان في زحمه هالكثر بس من امس ماشاءالله وايد
بس انا اكثر شي منرفزني ماخلصوا الحفريات للحين ماتسوى علينا نمشي بهالتراب على ما ندش ونطلع من المدرسه

 

[نواره الحلوة]

بنات واللي يعافيكم اللي اعيالهم بقريد 2 عطوهم كتاب الألعاب اللغوية والإ لأ لأن ولدي ما عطوه ما أدري ما وزعوه عليهم والا عندهم بالصف ؟؟؟

 

[كويتيه ذربه]

بنات واللي يعافيكم اللي اعيالهم بقريد 2 عطوهم كتاب الألعاب اللغوية والإ لأ لأن ولدي ما عطوه ما أدري ما وزعوه عليهم والا عندهم بالصف ؟؟؟

انا بنتي عطوها امس

 

[نواره الحلوة]

انا بنتي عطوها امس

عيل اللي عندي قلبه ميت يقول ما عطوني !!!!

 

[كويتيه ذربه]

تدرين الظاهر عندهم نقص ولا شي بالكتب لان حتى دفتر العربي معطين حق ربع الصف والباجي طلبوا منهم دفاتر قالوا لهم ييبوا دفترين واحد100 ورقه والثاني60 ورقه

 

[نواره الحلوة]

بغيت أسأل بتروحون باجر الOpen Home أنا بروح عشان بشوف ليش مغيريين قعدتهم بالكلاس لأنهم لما كانوا بقريد 1 كانوا يقعدون على شكل U ألحين مسوينهم لاينات أحس ولدي ماراح ينتبه لأن في جدامه يهال وماراح يشوف المس ولا راح تشوفه وخصوصاً إنه نوتي وايد يحتاج واحد يراقبه وصار كرسيه باللاين اللأخير <<<<< ياسلالالالالالالالالام عشان يستانس
شغله ثانية اهم خلوهم يكتبون الهومورك بالدفتر الصغير مال المتابعة بس ما حددولهم أي sheet لازم يحلون!!!!! ضيعنا اليوم يعني ولدي كاتب finish the english worksheet, finish the math worksheet بس مو كاتب رقم الصفحة خصوصاً انهم يعطونه ملوت الأسبوع كله
وتذكرت شغله شنو سالفة التوقيع على هوموورك العربي ؟؟؟؟ وبعد مدرس الدين نفسه مدرس العربي ؟؟؟؟ بقريد 1 كانوا غير !!!

 

[كويتيه ذربه]

نواره لا مدرسين العربي غير عن الدين
وبعدين الopen home الاربعاء مو باجر بس ليش بالليل
والماث مايحددون الصفحه انا عندي طريقه جدول العام وايد كان احسن احس الحين وايد يضيع وبالنسبه للجمل مو محددين باي كلمه
واحنا ماطلبوا منهم التوقيع على هوم ورك العربي

 

[manarah]

السلام عليكم ... شخباركم ...
بصراحه العطله كانت احسن لا تحاتين نوم امبجر ولا تحاتين هووم ورك ولا تحاتين عربي ولا انجليزي لا وبعد ورانا سبيلنغ تيست .. ابي عطله ماعليكم مني هذي هلوست ما قبل النوم .... المهم بسألكم عن السبلينغ تيست لاصحاب الخبره اللي اعيالهم الحين ماشالله بقريد 2 الحين لما يملونهم الكلمه يقولونها لهم نفسها والا يجزؤونها لترز ويقولونها .. مادري فهمتوا سؤالي والا لا بس اللي فهمته تجاوبني ...

الحين ارد حق امهات قريد 1 .. بالنسبه للقصه اللي نقراها كل يوم .. امس كانوا معطينه كتاب القصص بس اليوم ما عطوه بالله اشلون نقراها ؟؟؟؟
رفرف احنا الهووم ورك لازم انطره يتغدى وبعدين يلعب ويلعب وهم يلعب وبالمساحل الحمدلله يكتب بس عاد يكتبلج واجب الماث ويلعب ويرد يكتب الكلمات ويلعب وبعدين يقرا وهم يلعب يعني الهووم وورك اللي ينكتب بخمس دقايق نكتبه بساعه .. انا ما احاتي الحين احاتي بعدين لي صار عندنا نسخ عربي وكلمات انجليزي اصعب .. امهات قريد 2 وخصووووووصا امهات الاولاد اشلون تغلبتوا على هالمشكله طرقكم بالمساحل الله يخليكم ...

 

[كويتيه ذربه]

السلام عليكم ... شخباركم ...
بصراحه العطله كانت احسن لا تحاتين نوم امبجر ولا تحاتين هووم ورك ولا تحاتين عربي ولا انجليزي لا وبعد ورانا سبيلنغ تيست .. ابي عطله ماعليكم مني هذي هلوست ما قبل النوم .... المهم بسألكم عن السبلينغ تيست لاصحاب الخبره اللي اعيالهم الحين ماشالله بقريد 2 الحين لما يملونهم الكلمه يقولونها لهم نفسها والا يجزؤونها لترز ويقولونها .. مادري فهمتوا سؤالي والا لا بس اللي فهمته تجاوبني ...

الحين ارد حق امهات قريد 1 .. بالنسبه للقصه اللي نقراها كل يوم .. امس كانوا معطينه كتاب القصص بس اليوم ما عطوه بالله اشلون نقراها ؟؟؟؟
رفرف احنا الهووم ورك لازم انطره يتغدى وبعدين يلعب ويلعب وهم يلعب وبالمساحل الحمدلله يكتب بس عاد يكتبلج واجب الماث ويلعب ويرد يكتب الكلمات ويلعب وبعدين يقرا وهم يلعب يعني الهووم وورك اللي ينكتب بخمس دقايق نكتبه بساعه .. انا ما احاتي الحين احاتي بعدين لي صار عندنا نسخ عربي وكلمات انجليزي اصعب .. امهات قريد 2 وخصووووووصا امهات الاولاد اشلون تغلبتوا على هالمشكله طرقكم بالمساحل الله يخليكم ...

لا جزئيها احسن عشان يستوعبها
وبالنسبه لكتابه الواجب انا هاليومين صار فيني اعصاب من البطىء

 

[رفرف]

الله يعينكم بنات على التدريس انا عندي الهوموورك هين بس شلون تقنعينهم يكتبون هاذي العلة ..

وانا مو ذابحني الا القلب الميت شلعت قلبي امس ناسية كتبها بالمدرسة واليوم تقولي ماما ليش مو حاطتلي البنسيل كيس !! اقولها موجوودة تقولي لا مالقيتها خذيت اقلام من التيجر .. لما شفت جنطتها الا موجودة بطت جبدي !! عاد لما دخلت اغراضها بالجنطة قلت لها شوووووفي حطيتها هني لا تقولين مو موجودة !!

والريدينغ امس عطونا القصة بروحها واليوم معاها الدفتر اللي نوقع عليه وتقول اهمه قارين القصة هناك فيعني ماتعبت معاها كلش .. والسبيلينغ اشوه الكلمات سهله كل يوم امليها الكلمات كاملة وحلينا اليوم واجب الاسلامية بعد والعربي ليلحين ماشفت لا كتاب ولا دفتر ولا واجب بس قالتلي الابلة قالتلنا اليوم حكاية جمييلة عن الفراشات !

وشلونكم مع جدول النوم ؟؟ انا الحمدلله ماعانيت لأن من تصير الساعة 7 قامت اهيه تدور المخدة بس هم الصبح ماتنشلع من الفراش بااااردة يبيلها نص ساعة بس اقنعها تقوم ونص ساعة تدش تكرمون الحمام ونص ساعة تشرب حليبها ونص ساعة تبدل .. هذا واحنا ما نتريق بالبيت وجذي كل يوم انا تأخير على الدوام وزحمة مدرستها بروحها كوم حتى لو اروح مبجر لازم انحكر بالزحمة ..

 

[manarah]

رفرف احنا العربي معطينه اوراق ومسوينهم بالصف فراشات وملونينهم وكاتبين كلمة أمل وكاتبين كلمة إسراء .... الله يعينا على هالفراشات عسى نصيدهم وما يطيرون منا بس وبالنسبه للنوم احنا يوم انام 6 ونص ويوم انام 9 لأن بيلعب تدرين عطله شطولها ما لعبنا وانا اقوله كيفك انت اللي بتتعب شسوي عيزت وانا احن صايره جني عيوز

 

[نواره الحلوة]

نواره لا مدرسين العربي غير عن الدين
وبعدين الopen home الاربعاء مو باجر بس ليش بالليل
والماث مايحددون الصفحه انا عندي طريقه جدول العام وايد كان احسن احس الحين وايد يضيع وبالنسبه للجمل مو محددين باي كلمه
واحنا ماطلبوا منهم التوقيع على هوم ورك العربي

تصدقين ولدي يقول المدرس نفسه درسنا القرآن بعدين عطانا نكتب أنا أحب لغتي العربية >>>> موقلتلج قلبه ميت
وبعدين آنا كل ظني اليوم الثلاثا اتحسين ودي الأسبوع يخلص بلعت يوم يمكن بعد هذي هلوسات قبل النوم على قولة رفرف خخخخخ
واليوم على ما خلص الهوموورك طلعت روحي حتى ما خلاني اسويله سبيلنغ تست لأني معودته كل يوم أسويه بعد ما ينسخ الكلمات :eh_s(14):

 

[كويتيه ذربه]

مناره اشلون ريولج ماراجعتي بعد

 

[كويتيه ذربه]

تصدقين ولدي يقول المدرس نفسه درسنا القرآن بعدين عطانا نكتب أنا أحب لغتي العربية >>>> موقلتلج قلبه ميت
وبعدين آنا كل ظني اليوم الثلاثا اتحسين ودي الأسبوع يخلص بلعت يوم يمكن بعد هذي هلوسات قبل النوم على قولة رفرف خخخخخ
واليوم على ما خلص الهوموورك طلعت روحي حتى ما خلاني اسويله سبيلنغ تست لأني معودته كل يوم أسويه بعد ما ينسخ الكلمات :eh_s(14):

تدرين يمكن لان طريقه الواجبات تغيرت اشوي نسخ الجمله والمهاره عشان جذي مو متعودين وبعدهم بطيئين
واشلون النشيده حفظتوها

 

[manarah]

يزاج الله خير كويتيه ذربه على سؤالج بعد عمري والله ما تقصرين صج انج ذربه المهم اليوم كانت مراجعتي والحمدلله شال الجبس بس حط رباط وقاللي هم اخليه اسبوعين بعد وما زلت عالعكازات بس قاللي تقدرين تمشين عليها بس خفيف كلش عاد والله عشان جذي ودي اروح الاوبن دي يوم الاربعا على الاقل اشوف ابلته اشوف شسالفه احس اني ضايعه وانا قاعده بالبيت .. عاد انتوا بنات لي شفتوا وحده تعري هذي انا

 

[نواره الحلوة]

تصدقين ولدي يقول المدرس نفسه درسنا القرآن بعدين عطانا نكتب أنا أحب لغتي العربية >>>> موقلتلج قلبه ميت
وبعدين آنا كل ظني اليوم الثلاثا اتحسين ودي الأسبوع يخلص بلعت يوم يمكن بعد هذي هلوسات قبل النوم على قولة رفرف خخخخخ
واليوم على ما خلص الهوموورك طلعت روحي حتى ما خلاني اسويله سبيلنغ تست لأني معودته كل يوم أسويه بعد ما ينسخ الكلمات :eh_s(14):

وي طلعت مهلوسه مثل مناره مو رفرف ظلمت المسكينة السموحة السموحة :dddds: لاتلموني مو مني

 

[نواره الحلوة]

تدرين يمكن لان طريقه الواجبات تغيرت اشوي نسخ الجمله والمهاره عشان جذي مو متعودين وبعدهم بطيئين
واشلون النشيده حفظتوها

الله وكيلج النشيدة سوها قصة وغير كلماتها بس ما صلحتله قلت مو مهم يحفظها مع المدرس

 

[كويتيه ذربه]

يزاج الله خير كويتيه ذربه على سؤالج بعد عمري والله ما تقصرين صج انج ذربه المهم اليوم كانت مراجعتي والحمدلله شال الجبس بس حط رباط وقاللي هم اخليه اسبوعين بعد وما زلت عالعكازات بس قاللي تقدرين تمشين عليها بس خفيف كلش عاد والله عشان جذي ودي اروح الاوبن دي يوم الاربعا على الاقل اشوف ابلته اشوف شسالفه احس اني ضايعه وانا قاعده بالبيت .. عاد انتوا بنات لي شفتوا وحده تعري هذي انا

تسلمين وماتشوفين شر واجر وعافيه يارب
خلاص عرفت اميزج الاربعاء

 

[رفرف]

الله يعينكم ع الهلوسات روحو نامو ..

 

[manarah]

تسلمين وماتشوفين شر واجر وعافيه يارب
خلاص عرفت اميزج الاربعاء

ايه عاد اذا شفتيني عرفيني على نفسج مو تشوفوني وانا لأ :dddds: