تجمع أولياء أمور مدرسة التكامل(صباح السالم)للعام الدراسي2009-2010

[ام حسون وفطومه]

ام حسون وفطومه اللي اعرفهم مس جاكي ومس نيلي ومس ايرما هذوله زينين بس عموما ابلات الكي جي كلهم زينين وحنونين وبالكي جي 1 يعطونهم كل الاحرف والالوان والاشكال والارقام من 1 لي 10 وتحسين الياهل يبدي يندمج مع اللغه ويفهمها بس طريقه التدريس على لعب والتأسيس اكثر يكون بكي جي 2 اهني تبدي تقريبا الدراسه الصج ويبدي الياهل يكتب وعلى اخر السنه يعرف يقرا ويكتب الكلمات البسيطه ...

بالنسبه للعربي اتوقع صح مستوى الانجليزي افضل من العربي لان كل شي كماث وساينس وغيره يندرس بالانجليزي بس طبعا هالمرحله انا ما وصلتلها لان ولدي توه بيروح قريد 1 بس اللي اعرفهم واعيالهم بقريد 3 و 5 و 6 كلهم يقولون ان مستوى اعيالهم بالعربي مو ذاك الزود .

مشكورة حبيبتي على هالمعلومات بس اقدر اروح انا اختار اي صف احط بنتي وحبيت اعرف طريقة الاكل يحطوون بالهم على اليهال لانه بنتي بالمرة ماتاكل شي

 

[nawal_ku]

كل عام وانتو بخير وعسا الله يعودنا وياكم على الشهر الفضيل
آنه دايما ادش على التجمع واشوف المشاركات بس بصراحه اول مره اشارك معاكم
وشفت بعض الاخوات متخوفين من الدوام بسبب انفلونزا الخنازير
احب اقول لكم ان الوضع الحمدلله مطمئن وانشالله ماكو الا العافية
آنه ولدي الحين في جريد 1 عند مس " موانا " أحد يعرفها او سامع عنها
بصراحه اهي ويهها سمح وولدي حبها يسولف عنها وايد واشوفه مهتم ويرد البيت يحل اللي تعطيه

 

[نواره الحلوة]

nawal_ku
ولدج للحين اداوم ؟؟؟

 

[كوكو لاتي]

بنات انا ولدي بيروح كي جي 1 بس ماني عارفه او متحسفه ادفعله 1400 واهو 4 شهور قاعد بالبيت يعني ادفعله سنه كامله واهو مداوم نص سنه ؟؟؟؟؟ انتوا اشرايكم؟؟؟؟؟

 

[nawal_ku]

نواره الحلوه
اي والله ولدي يداوم لانه مل وطقت جبده من العطله

 

[نواره الحلوة]

بنات اشرايكم بمس باتريشا توها كلمتني عن تأجيل الدراسة للكي جي وطلع ولدي عندها

 

[نواره الحلوة]

نواره الحلوه
اي والله ولدي يداوم لانه مل وطقت جبده من العطله

اشلون الوضع الحين في حضور من الطلبة وشسوون واياهم لايكون جامعينهم بصف واحد !!!!!

 

[nawal_ku]

حبيبتي كوكو لاتي لا اتحسفين على شي بتدفعينه حق مصلحه عيالج لان من وجهة نظري
ان العيال اهم الاستثمار الحقيقي فاستثمري فلوسج في عيالج وانشالله بيعود عليج بالمنفعه
وصدقيني المدرسه سواء عطوهم المنهج بسنه او بنص سنه اهو اهو الاستفاده وحده انشالله

 

[nawal_ku]

لا والله نواره مو جامعينهم ويعطونهم مراجعه واليوم ولدي اخذ معاه طلبات المدرسه والحضور نوعا ما زين تقريبا اللي مداومين 8
بس شرايج يداوموون الاسبوع الياي والا لأ والله محتاره لاني اروح صلاة القيام وماخذه اجازه والابو بعد فما ادري محتاره والله اوديه والا اغيبه

 

[manarah]

السلام عليكم ..

ام حسون وفطومه بالنسبه لاختيار المدرسه مادري والله يصير الحين والا لا روح الاسبوع الياي شوفي .. وبالنسبه للأكل لا تحاتين اهي المرسه تطلب منهم ياكلون واليهال يشوفون بعض ويتشجعون ...

كوكو لاتي اعتقد الرسوم لازم تندفع كامله ولا مو حسافه لان اول وتالي انشالله بيداومون ..

نوال انشالله يكون الوضع مطمئن واحنا انشالله بنخليهم يداومون ورا العيد والله يحفظهم

 

[الميهاف]

بصراحه مس نيللي حق كي جي اتهببببببببببببببببببببببل صج صج اتهبل جان زين اتدرس كي جي 2 هالسنه اما مدرسته العربي و الاسلاميه فيلم ماتدري وين الله حاطه كلللللللش ولدي ما استفاد بس بالانقلش اوكي واللي تعرف مدرسات زينين خصوصا العربي والاسلاميه حق كي جي 2 تقولنا .......

 

[Miss_Tiger79]

شخباركم بنات

نوال
هلا فيج والله
ولدي قريد 1e
واليوم عطوهم الجدول والاحتياطات الي لازم يسوونها الطلبه واولياء الامور
وقايلين انه لازم اولياء الامور يتعاونون معانا
وطلع حتى ولدي معلمينه على الصور الي منتشره الي في اللوحات الي بالجمعيات
والله الحافظ

 

[manarah]

الميهاف مدرسات العربي للكي جي 2 وايد زينين اللي اعرفهم عبير والمدرسه الاولى نسيت اسمها بس مستواهم ممتاز ...

مس تايقر اشلون الحضور .. والجدول اللي معطينهم شنو فيه ميخالف تعبناج باسئلتنا بس انتي مراسلتنا الاخباريه من المدرسه

 

[كويتيه ذربه]

بنات اشرايكم بمس باتريشا توها كلمتني عن تأجيل الدراسة للكي جي وطلع ولدي عندها

ولد اختي كان عندها وماشاءالله واايد كان يمدحها
واحس تاسس صح منها

 

[كويتيه ذربه]

انا غيبت بنتي ماادري للحين مداومين ولا لأ

 

[الميهاف]

يعني اقدر الحيين اعرف مدرسات ولدي (كي جي ) ! يقولولي اذا سألت بالتلفون؟

 

[كويتيه ذربه]

يعني اقدر الحيين اعرف مدرسات ولدي (كي جي ) ! يقولولي اذا سألت بالتلفون؟

انا اقول روحيلهم احسن

 

[Miss_Tiger79]

هلا مناره
لا عادي ما تعبت ولا شي
والحضور مثلهم كل يوم 8
والجدول كاهو

 

[كويتيه ذربه]

مس تايجر ماقالولهم اذا الاسبوع الياي في دوام ولا لأ

 

[Miss_Tiger79]

كويتيه ذربه
اي قالو في دوام
وسألهم ريلي ن التأجيل قالو لا مافي تأجيل الحمدلله الأوضاع زينه الحمدلله
بس سألهم عن الروضه وشلون ندفعلهم لانهم راح يبتدون شهر 12
قالو عند المحاسب


بنات شرايكم انا ولدي kg2 ومع التأجيل احس ما راح يتأسس بالقراءه عدل ولا بشي عدل ....
مادري مو مقتنعه امنهم بيدرسون منهج السنه بكورس؟؟؟؟