تجربتي في شفط الدهون .... يا ويلي عليها من تجربة

[ميموووورااا]

حبيبتي ان شاءالله الالم قع يخف وتبان النتيجة بس بسالج 9 ليتر مو وايد؟؟وكم كانت نسبة الدهون؟

 

[أم هيثـم]

ياي .. الله يعينج مصيبه و الله ..

انا احاتي الم الولادة ،، يا ربي .. ماتشوفين شر حبيبتي

و الله ينولج منالج ..

 

[** رش رش **]

متابعتنج حبيبتي وطمنيني أول بأول لأني بلحقكم في الشفط قريبا بإذن الواحد الأحد
بس إدعوا لي أقوم بالسلامة
وبسويها في كوزموسيرج الإمارات عند الدكتوره سحر
إدعوا لي بليييييييييز

الله يقومج بالسلامه ان شاء الله ام مياسه
و انا اسمع عن كوزمسيرج الامارات يمدحونه ... بس امانه استخيري قبل كل شي

 

[** رش رش **]

حبيبتى ررررررررش ررررررررررش الحمدالله على سلامتج .........وانشالله تطلعين منها بصحه وعافيه .....


بس سوال ..انتى جم طولج ..........وذكرتى ان وزنج 83 ...يعنى بعد العمليه المفروض جم تنزلين .........10 كيلو او اكثر ..............



انتى سويتى شفط فقط ولا شديتى بعد ............وشنو الفرق بينهم اذا بس شفط ............

الله يسلمج يا قلبي
شوفي حبيبتي انا طولي 155 و وزني قبل العملية 83
بس الهدف الاساسي من العملية ما كان تخفيف الوزن كثر ما كان تحسين لشكل الجسم لان عندي زوايد وااااااااااااااايد مضايقتني
و الشي الثاني اني كنت ابي هالعملية دافع لبدايه نظام مختلف لمحاوله تخفيف الوزن لان وزني ثابت عند هالرقم من سنوات مو راضي يتزحزح ..... حتى حملت و ولدت و رديت عند نفس الوزن
و انا الي سويته بس شفط للدهون بدون شد ..... و الفرق بينهم انه الشفط يتم خلاله ازاله الخلايا الدهنيه من فتحات صغيره انا الشد فهو فتحه كبيره يتم خلالها ازاله الدهون الزايده و الجلد الزايد

 

[** رش رش **]

الحمد لله على السلامة وما تشوفين شر ان شالله
بس انتي ما سويتي شد انزين شلون على الترهلات بعدالشفط يبينون والا شالتهم بالعملية والا شلون على المكان اللي شفطتيه ما يحتاج شد ؟
الله يقومج بالسلامة

الله يسلمج و الشر ما يجيج ان شاء الله
و انا فعلا ما سويت شد لان دكتورة شرين قالت لي اني بالفخوذ و الازنود ما احتاج شد لان الجلد عندي مرن و ممكن يشدون اذا التزمت بالكورسيه
بس بالنسبه للبطن قالت لي راح يصير عندي بعد الشفط ترهل بسيط و اني ممكن اسويله شد بعد ما اخلص من ولاداتي .... و بس تظهر النتيجه النهائية ان شاء الله راح ابلغكم اذا فعلا الجلد شد لاني ناويه التزم بالكورسيه لآآآآآآآآخر مدى

 

[** رش رش **]

وااااااااي صج الله يعينك قاعدة اقراء ووقول اشلون تحملت الله يعينها
بس الف حمدالله علي سلامتك ومشكورة انك نقلتي تجربتك بكل امانه لان بعض البنات الله يهداهم يصورون العمليه كانها شربة ماي وهي بالواقع شي ثاني

الله يسلمج يا اوووفه .... و العفو ما سوينا شي :eh_s(7):

و انا فعلا من البنات الي كنت متخيله ان العملية سهله و ما كنت متوقعه ان الام فيها لهالدرجه
بس الحمد الله عدت على خير و الله يبلغني نتايجها الحلوه :yaaaaaarb:

 

[** رش رش **]

حبيبتي ان شاءالله الالم قع يخف وتبان النتيجة بس بسالج 9 ليتر مو وايد؟؟وكم كانت نسبة الدهون؟

الحمد الله الالم قاعد يخف شوي شوي
بعد العملية سالت الدكتورة عن كميه الي اشفطتها ... قالت لي انها اشفطت 9 لترات بس هي اشرحتلي انه طبعا مو كل هالكميه دهون لان هالكميه فيها حوالي من لتر و نص الى لترين سوائل و دم يعني كميه الدهون الي انشالت مني تقريبا 7 لترات :krkrkr:
و طبعا هالكمية من البطن و الاخواصر و الافخاذ و نص الظهر و الزنود يعني من اكثر من مكان مو من مكان واحد

 

[اثير الدلع]

حبيبتي الله يقومج بالسلامه وانشالله تصيرين نفس ماتبين وأحلي يااارب

 

[hoor alain]

قطعتيلي ألبي بكيتيني عليكي

الله يخليكي أولادك يارب

 

[اوووفه]

رش رش شنو تقييمك لدكتورة بعد تجربتك واتمني تكونين امينه مثل ما كنت امينه بنقلك لتفاصيل العمليه وصفك للالم وهذا الي خلاني اتشجع واسالك
لان في بنات الله يصلحهم يطيرون الدكاتره فوق عشان مصالح شخصيه بغرض الدعايه وانت فاهمه قصدي

 

[&الماس&]

الحمدلله على السلامه واجر وعافيه بقولج طريقه حلوه وسهله للجروح علشان تخف وماتعورج اخذي قطعه موسطه من المره وحطها في فنجال ماي ولا تكثرين الماي خليه شويه ونقعيها لين تذوب واخذي باعواد القطن وامسحي على فتحات العمليه والله تخفف الالم حيييل وتخيط بسرعه والله عن تجربه

 

[** رش رش **]

رش رش شنو تقييمك لدكتورة بعد تجربتك واتمني تكونين امينه مثل ما كنت امينه بنقلك لتفاصيل العمليه وصفك للالم وهذا الي خلاني اتشجع واسالك
لان في بنات الله يصلحهم يطيرون الدكاتره فوق عشان مصالح شخصيه بغرض الدعايه وانت فاهمه قصدي

هلا اوووفه
شوفي يا قلبي انا للحين ما شفت نتيجه عمليتي فاذا بقيم الدكتوره بقيمها على مراحل عمليتي الي وصلت لها للحين ...
باول مقابله كانت الدكتورة جدا صريحه و اشرحتلي العملية و شافت جسمي و حددت شنو الي يناسبني بناء على الي انا ابيه
ثانيا انا صدمتي فيها كانت بالمستشفى لما قالت لي انها ما راجعت ملفي قبل العملية لانها انشغلت و هالشي خوفني لان مهما يكون الدكتور واثق من نفسه لازم يكون حريص بعد لان هذي ارواح ناس ..... ما ادري اوووفه يمكن الدكاترة من كثر ما يسون هالعمليات صارت عندهم بسيطه و عادية و احنا نسويها و احنا نتخيل انا بنتموت فيها طبعا الله الحافظ بكل الاحوال .
ثالثا بعد العملية الدكتورة صحيح ما جت شافتني ثاني يوم لان كان يوم جمعه ... بس كلمت السسترات بالمستشفى و انا دقيت عليها و كانت فعلا مهتمه و اشرحتلي الي صار و ليش تعبت بالعملية و طولت
و مراجعاتي بعد العملية كانت تعطيني وقتي و تجاوب على كل اسالتي حتى لو اني سائله السؤال من قبل 100 مره و قالتلي عندج رقمي و دقي باي وقت لاني كله اقولها كان عندي سؤال و نسيته
بس طبعا الشي الاساسي هو نتيجه العملية و انا ان شاء الله بكتب عن نتيجه عمليتي بالتفصيل و بحاول اكتب مراحل الوصول للنتيجه النهائية لان النتيجه هي الي تحدد فعلا شطاره و خبره اي دكتور

 

[** رش رش **]

الحمدلله على السلامه واجر وعافيه بقولج طريقه حلوه وسهله للجروح علشان تخف وماتعورج اخذي قطعه موسطه من المره وحطها في فنجال ماي ولا تكثرين الماي خليه شويه ونقعيها لين تذوب واخذي باعواد القطن وامسحي على فتحات العمليه والله تخفف الالم حيييل وتخيط بسرعه والله عن تجربه

الله يسلمج يا قلبي
المره انا فعلا حاطتها ببطل و قاعده اشرب منها طول اليوم
بس اني احطها على الجروح صعبه لاني لابسه الكورسيه طول الوقت و الكورسيه اني افصخه و البسه صعبه حييل ... و بعدين الجروح واااايد 21 فتحه موزعين على كل جسمي
و العوار مو من هالفتحات العوار من الرضات الي بكل مكان
و جزاج الله خير على النصيحه يا الماس

 

[** رش رش **]

اليوم رحت موعدي عند الدكتورة علشان اشيل الغرز ... و فعلا شالتهم و قالت لي كل الغرز تسكرو ماعدا في غرزه وحده بالفخر من ورا ملتهبه و قالت لي احط عليها كريم فيوسيدين المضاد الحيوي
و قالت لي الايام الجايه بتكون صعبه شوي ... انا هنيه شوي و ابجي قلت لها دكتورة صعوبه اكثر من الي شفته حرام عليج
قالت لي الورم الي بجسمج الحين راح يصير يابس هلى قولتها يحجر و فعلا هالشي انا حاسه فيه .... ياخذه 5 إلى 6 ايام و يبدا يروح الورم و تبدين تشوفين نتيجه
طبعا الألم الحين كله بالاجزاء المتورمه لان اي حركه يزيد العوااااار عطتني مرهم ادهن فيه جسمي علشان يخفف التيبس و الورم الي صاير و نفس نوع المرهم عطتني حبوب ... وقالت لي اشوفج بعد اسبوعين

 

[الفدنه]

سلامتج حبيبتي
وتصدقين جسم عن جسم يفرق اعرف ثنتين شفطوا
وحده ماتت من العوار والثانيه تبارك الرحمن من ثاني يوم رايحه السوق
ماشاء الله
بس النتايج الاولى بين من ثاني اسبوع بس كان محجر نفسج
والثانيه خذا شهر لحد مافش وبين النحت
سهالات مدام عدت العمليه كلشي بعدها هين
وديري بالج على اكلج لا يزيد وزنج

 

[** رش رش **]

سلامتج حبيبتي
وتصدقين جسم عن جسم يفرق اعرف ثنتين شفطوا
وحده ماتت من العوار والثانيه تبارك الرحمن من ثاني يوم رايحه السوق
ماشاء الله
بس النتايج الاولى بين من ثاني اسبوع بس كان محجر نفسج
والثانيه خذا شهر لحد مافش وبين النحت
سهالات مدام عدت العمليه كلشي بعدها هين
وديري بالج على اكلج لا يزيد وزنج

الله يسلمج يا الفدنه
و فعلا جسم عن جسم يفرق و الدكتورة نفسها قالت لي جذيه لما سالتها متى يخف الالم
و انا الحين لي 11 يوم من العملية و بنطر و النتيجه ان شاء الله
و التحجر هذا الي حاصل قالت لي الدكتورة مجرد ما يخف تبين معاج النتيجه بس يبيله وقت
و الحمد الله فعلا دام عدت العملية على خير الباقي الله يعينا عليه
و اذا على الوزن من بعد العملية صايره ما اشتهي الاكل كلش ان شاء الله اقدر احافظ على النتيجه لان الي شفته مو شويه

 

[dectora 7elwa]

الف مبروك
ياليتج سالتها عن المساجات اذا تنفع ولا لا
حاولي تمشين وايد
الله يسهل عليج

 

[dectora 7elwa]

up up

 

[** رش رش **]

هلا يا احلى دكتورة
انا بغيت اسألها عن المساجات بس تبين الصراحه انا مو متخيله احد يلمسني من الالم الي للحين موجود .... تخيلي انا ولدي يا قلبي الصغير الي عمره 6 شهور ما اقدر اشيله للحين من عوار الزنود و لا اقدر احطه بحضني من عوار البطن و الفخوذ شلون بتحمل مساج .... قلت بنطر لما يروح العوار و أسألها انا موعدي معاها بعد اسبوعين ان شاء الله يكون راح

 

[dectora 7elwa]

سلامات
المساج يخفف عنج العوار لانه يساعد بتصريف السوائل اللي متجمعه بجسمج للحين