تجربتي في شفط الدهون .... يا ويلي عليها من تجربة

[قطوة@@]

حبيبتي ما تشووفين شر

 

[shams2008]

ماتشوفين شر والحمدلله علي سلامتج

ان شاءالله تكون النتيجه مرضيه وترد صحتج احسن من اول

 

[** رش رش **]

انشاء الله نتايج تسرج يارب
زين والشفط الموضعي نفس الشي
اذا دهون قليلة
بس انصدمت من شيرين
تسألج شنو تبين وانت بالمستشفى
حسبالي تنكت

تسلمين يا ناتشوو
و العوار مو من البنج العوار لاني شافطة كل جسمي تقريبا و كمية الدهون قالت لي الدكتورة انها شافطة مني 9 لترات يعني الكمية كلش مو هينه :eh_s(16):

و لما سالتني الدكتورة قبل العملية انتي شنو تبين انا بعد على بالي تتغشمر بس اكتشفت فعلا انها ناسيه لان و هي تخطط كنت اقولها دكتورة هنيه و دكتورة هالمكان و هي قالت راح تكلم سكرتيرتها رهام علشان تشوف ملفي و تقولها هي شنو كانت كاتبة :eh_s(4):

 

[بالمشمش]

هذي شلون رضت تشفط جسمج كله حرام عليها شي طبيعي راح يكون الالم شديد لكن الحمد لله على سلامتج وشوي شوي حبيبتي تروح الام

 

[** رش رش **]

عسا تحصلين النتيجه اللي تبينها
المشكله انج شافطه كل جسمج مره وحده
ودمج ضعبف
البقع الزرق هذي كلها نزيف تحت الجلد والالم من الشفط وتحريك التيوب الشافط
الله يعطيج الصحه والعافيه
المرحله اليايه اهتمي بصحتج والحديد لازم تاخذينه 3 اشهر
وانشاء الله بعد ما ترتاحين نبيج تعلقين على دقه شغل الدكتوره واتقانها
وشكثر فرق معاج الوزن اذا ممكن
وما تشوفين شر

مشكورة يا احلى دكتورة
وفعلا انا عرفت ان سبب تعبي الاساسي ان انا شافطه كمية كبيرة من الدهون (9لترات)
و الدكتورة صراحة ما اظلمها خوووش انسانه و تحس انها فاهمه و تعطيج حقج لما تسالينها بالجواب
و بالنسبه للقياسات انا وزني قبل العملية كان 83 و بعد العملية بيومين صار 86 وهالشي طبيعي بسسب السوائل الموجودة
و باقي القياسات انا كتبتهم و ناوية ان شاء بعد اسبوعين ارد اقيس و اشوف الفرق قبل و بعد و طبعا ببلغكم حبيباتي

 

[** رش رش **]

وااااااااااااااااااااااااااااااااااااااي ررررررررش رررررررررررش
حبيبتي الف حمدلله على سلامتج عورتي قلبي حبيبتي
الف لا باس عليج وغدا شرج ياعمري

انا صارت معاي جذي بعد اخروني المفروض عمليتي 12 دخلوني 1 وربع وبلشت عمليتي لمن اخذت الكمام 1 و25 دقيقه
وانا بعد حاسه بعوار بس طبعا اكيد مو نفسج لانج شافطه حبيبتي كل جسمج اكيد العوار لا يحتمل بس انشالله
بعد هالتعب كله نحصل النتيجه الي ترضينا انشالله

انا هذا ثالث يوم من بعد العمليه وللحين مافسخت الكورسيه وبيني وبينج متخوفه واااااايد مع ان الحمدلله كشكل مبين ان
زنووودي صارت غيييييييير ومثل ما ابي ولله الحمد بس اخاف يعور ما اقدر ارد البسه بروحي

الله يسلمج اميرة و يسلم قلبج
و فعلا انا استغربت من الزحمه الي بمستشفى السلام ... تصدقين حتى لما سويت اجراءات الدخول قالي مافي غرفه عادية فاضية لازم آخد الغرفة الي ب 100 دينار
و لما نزلوني العمليات حسيت اني بمستشفى حكومي من الزحمة و الازعاج و كثره المرضى
و فعلا عواار الجسم كله شي فظيع ادا ابي اريح ظهري تعورني خواصري و ادا بريح بقعد تعورني فخودي و ادا بقوم و لا آكل تعورني زنودي
الله يعدي هالايام على خير
تصدقين حتى انا لما شالت الدكتورة البربيش و قالت لي افصخي الكورسيه و تسبحي قلت لها اخاف افصخه و ما اقدر البسه مره ثانية
هو لبسه راح يكون صعب لازم احد يساعدج
اي صج لما تغسلين الكورسيه غسليه بشامبو العبايات

 

[الدلال]

الله يتمم عليج يارب ويشافيج

 

[خباري مطر]

حياتي الف الف الف الحمدلله علي السلامة
حبيبتي انا سويت عندها شفط للظهر والذراع والجناب والله صرت وحده ثانية ماشاء الله ولله الحمد وشوفي انا اول عشر ايام والله قمت التعب بالقعده والقومة والنومة بروحها رعب والكورسية متعب بس لما تشوفين النتيجة تنسين كل شي اهم شي ياقلبي حافظي لان الشفط لما تنسين نفسج راح يرد لان انا تري ماحافظت بس ادح بريك مرات ومرات لا وعسي ربي مايحرمج ويوفقج يالقلبي وفعلا انا سويت عند شرين حيل نصوح وفاهمة

 

[كويتية بروما]

الحمدلله ع سلامتج

 

[!الجادل الصعب!]

آنتي شآفطه كميه كبيره والالم طبيعي .. ان شآءلله تلقين نتيجه تسرج

 

[ام عمر ومريم]

الف سلامة عليج حبيبتى وانشاء يصير النتيجة اللى تبيها

بس سؤال ابى اعرف كام تكلفة شفط البطن مع الخواصر اذا كان عندج فكرة

 

[** رش رش **]

حياتي الف الف الف الحمدلله علي السلامة
حبيبتي انا سويت عندها شفط للظهر والذراع والجناب والله صرت وحده ثانية ماشاء الله ولله الحمد وشوفي انا اول عشر ايام والله قمت التعب بالقعده والقومة والنومة بروحها رعب والكورسية متعب بس لما تشوفين النتيجة تنسين كل شي اهم شي ياقلبي حافظي لان الشفط لما تنسين نفسج راح يرد لان انا تري ماحافظت بس ادح بريك مرات ومرات لا وعسي ربي مايحرمج ويوفقج يالقلبي وفعلا انا سويت عند شرين حيل نصوح وفاهمة

الله يسلمج يا بنات المطر ... على فكرة انتي من التجارب الي قريتها و عرفتني على دكتورة شيرين و شجعتني على العملية و استفدت وايد منج جزاج الله كل خير
و فعلا هالايام قمه التعب الله يعديها ان شاء الله بخير .... و الي مصبرني اني احلم بالنتيجه الي ان شاء الله تكون مثل ما اتمنى

 

[** رش رش **]

الف سلامة عليج حبيبتى وانشاء يصير النتيجة اللى تبيها

بس سؤال ابى اعرف كام تكلفة شفط البطن مع الخواصر اذا كان عندج فكرة

الله يسلمج ام عمر و مريم
بالنسبه لدكتورة شيرين هي سوتلي شفط لبطن مع الخواصر و جزء من الظهر و الزنود و الأفخاد شغل ايدها 1500 دينار
و المستشفى 850 دينار
و الكورسيهات 120 دينار

 

[اميره بكلمتي]

يلا ماتشووفين شر ان شاء الله

وعسااج تتهنين بلوكج الجديد يارب

 

[احلى من القمر]

ماتشوفين شر

 

[** رش رش **]

عسا الشر ما يجيكم ان شاء الله

 

[كماشه]

الحمدالله على سلامتج ياقلبي

 

[شهوووودة]

الحمدالله علي سلامتج وانشالله مايروح تعبج عالفاضي

 

[** رش رش **]

الله يسلمكم يا رب

 

[درب السنع]

حبيبتي الحمد الله على السلامه
اجر وعافيه

اياااام واتعدى فكري بالنتيجه راااح تنسين العوااار ان شاءالله ​