تجربتي في شفط الدهون .... يا ويلي عليها من تجربة

[غلاوي التربيه]

الحمدالله ع سلامتج ياااا قلبي وماتشووفين شر يارب

والل ينولج اللي ابالج

 

[dectora 7elwa]

رش رش
انتي فيج ضغط
او عندج مشاكل بالكلى \
لان تصريف السوائل بالجسم عندج حييل بطئ

 

[** رش رش **]

شفتي شلون والله انا يوخيتي نفسج >> حزينه
لي الحين شهر وكنك يبو زيد ماغزيت ابعرف 4 لتو الدهون وين راحت بطني ماتغيرلا والمكان يابس ومسمر بس ببدا بجلسات شجعتيني
لكن بسالج المها محتمل والا لا المساج وكم جلسه سويتي والنتيجه كم بالميه وانتي يوم شفطتي ماحقنتي دهون؟

اي و الله انا مو حزينه بس انا ميته قهر .... بس لازلت عندي امل
عاد انا شافطه مني 9 لترات مو شوي يعني ... بالنسبه للمساج صج تعور بس العوار المحتمل بالنسبه للي شفته بالعمليه لا يذكر طبعا ... و انا اسوي جلستين بالاسبوع و باقي الايام عندي جهاز مساج بحاول اسوي انا حق نفسي بالجهاز على الاقل شوي انشط الدورة الدمويه علشان تتصرف السوائل بسرعه ....
و انا بس شفطت ما سويت حقن

 

[** رش رش **]

رش رش
انتي فيج ضغط
او عندج مشاكل بالكلى \
لان تصريف السوائل بالجسم عندج حييل بطئ

هلا دكتورة
عمري ما عانيت من الضغط وحتى بالنسبه للكلى ... بس ما ادري ليش يصير معاي جذيه
زين تعرفين شي يسرع بتصريف السوائل و يخفف هالتورمات ؟؟؟؟

 

[أميرة طفولتي]

هلا والله حبيبتي رش رش

امممممم بالنسبه حق الاسمرار لا كلش مافرق شي نفس لوني
بس يمكن انتي كميه الدهون الي شفطتها كبيره عشان جذي للحين مارد لونج الطبيعي

انتي ليش قاعده تحاتين القياس ؟
انشالله لمن يخف الورم وتلين المنطقه راح تبين معاج النتيجه
اهم شي بالشكل شلون ؟ حاسه ان بطنج غير عن اول ؟ ولا عادي ؟

انا لاااااااااااعت جبدي من الكورسيه وااااااي ودي اقطه
قالتلي غسليه عادي .. غسلته بماي فاتر وصابون يهال عشان لا يكون قوي على قولتها

بس حسيته مو ماسك نفس اول عدل جنه ارتخى
واخاف ارد اغسله مره ثانيه يخترب وبنفس الوقت يختج قطنننننننننت فيه
ما احس اني سابحه ومتنظفه كل ما خلصت سباحه رديت لبسته

اهيا قالتلي اذا ابي نتيجه حلوه اظل لابسته شهر ونص من يوم العمليه
انا انشالله على الاسبوع الياي راح اكمل شهر بس ماااااااااافينيكلش استحمله بعد اسبوعين


دقيت عليها اليوم بغيت اكلمها بس عندها عمليه

تصدقين المساج واااايد راح يفيدج
انا اك اليوم سويت مساج ريلاكس ومسجت زنودي عدل وصيتها
صج على قولتج عور بس المحتمل
وواااااايد ارتحت من بعده احس صارت المنطقه ألين

والحمدلله على كل حال

 

[** رش رش **]

هلا والله حبيبتي رش رش

امممممم بالنسبه حق الاسمرار لا كلش مافرق شي نفس لوني
بس يمكن انتي كميه الدهون الي شفطتها كبيره عشان جذي للحين مارد لونج الطبيعي

انتي ليش قاعده تحاتين القياس ؟
انشالله لمن يخف الورم وتلين المنطقه راح تبين معاج النتيجه
اهم شي بالشكل شلون ؟ حاسه ان بطنج غير عن اول ؟ ولا عادي ؟

انا لاااااااااااعت جبدي من الكورسيه وااااااي ودي اقطه
قالتلي غسليه عادي .. غسلته بماي فاتر وصابون يهال عشان لا يكون قوي على قولتها

بس حسيته مو ماسك نفس اول عدل جنه ارتخى
واخاف ارد اغسله مره ثانيه يخترب وبنفس الوقت يختج قطنننننننننت فيه
ما احس اني سابحه ومتنظفه كل ما خلصت سباحه رديت لبسته

اهيا قالتلي اذا ابي نتيجه حلوه اظل لابسته شهر ونص من يوم العمليه
انا انشالله على الاسبوع الياي راح اكمل شهر بس ماااااااااافينيكلش استحمله بعد اسبوعين


دقيت عليها اليوم بغيت اكلمها بس عندها عمليه

تصدقين المساج واااايد راح يفيدج
انا اك اليوم سويت مساج ريلاكس ومسجت زنودي عدل وصيتها
صج على قولتج عور بس المحتمل
وواااااايد ارتحت من بعده احس صارت المنطقه ألين

والحمدلله على كل حال

هلا فيج اميره ... شخبارج
اي و الله احاتي القياس يا اميره ... لاني شفت نتيجه الزنود و استانست و بعدين الحين شهر على العمليه و لا حتى سانتي واحد فرق في منطقه البطن شي يخوف و يقهر صراحه ...لان اخاف بعد التعب هذا كله ما الاقي نتيجه و انا اهم شي عندي منطقه البطن لان ما تغير فيها شي كلش بس انه ياااااابسه وفيها مناطق نازله و صاعده شوي يعني شكلها مو منتظم .
بالنسبه للكورسيه عادي يا قلبي غسليه ...من صجج مع جونا هذا ماكو فايده من السباحه اذا ما انغسل الكورسيه .... انا اغسله 3 مرات و احيانا 4 مرات بالاسبوع .... ماي دافي و شامبو العبايات و يصير زين ... عادي لو ارتخى شوي المهم يكون ضاب المكان و مافي فضاوه .
و الدكتورة فعلا ماني قادره احصلها كل ما دقيت على سكرتيرتها قالت عندها مواعيد عمليات آخر شي اضطريت اكلمها على نقالها و انصحتني استمر على المساج و احاول اسوي رياضه خفيفه علشان تخف التورمات
الله كريم ان شاء الله ما يضيع تعبنا و انحصل النتيجه الي نبيها

 

[dectora 7elwa]

رش رش
في حبوب ريباريل مع الجيل ماله تدلكين مكان الورم فيه متوفر بالصيدليات بس استشيري دكتورتج
لو تدزين لها مسج

 

[** رش رش **]

رش رش
في حبوب ريباريل مع الجيل ماله تدلكين مكان الورم فيه متوفر بالصيدليات بس استشيري دكتورتج
لو تدزين لها مسج

انا استخدمت علبتين من حبوب الريباريل و الدكتورة قالت لي كافي لا تكثرين منهم ... بس المرهم للحين استخدمه ... بس بصراحه مو مواظبه عليه لان اتكاسل افصخ الكورسيهات مرتين باليوم و ارد البسهم

 

[ياحب قل حلاك]

الله كريم ولايخسر انشالله انا هم عندي امل وبسوي مساج وابلغكم
عاد بطني صاير سهول وهضاب وصوب الخصر تحت وفوق عند العظم يااابس حيل ووارام

 

[درب السنع]

رش رش حبيبتي لا ايضيق خلقج اهم شي النفسيه دكتوري قالي النتيجه ما اتبين قبل شهرين ودام في تورم للحين يعني في اماكن ما بينت نتيجتها

لا اتضيقين خلقج انتي سويتي الي عليج والباجي بيد الله صدقيني الله ماراح ايضيع تعبج ​

 

[درب السنع]

بنات بالنسبه حق القياسات الدكتور ما خذا قياساتي والا انا قست نفسي هالشي ضروري ؟؟

وهم ما قالي اسوي مساج ؟؟ ​

 

[درب السنع]

لا اتذكروني بالكورسيه امس فصخته ماقدرت انام فيه حسيت نفسي بموووووت منه

شكثر راح نلبسه بنات ؟؟ ترا انا ضايعه ​

 

[** رش رش **]

سنووعه يا قلبي تو الناس عليج بالنسبه للمساج ... اتوقع بعد العمليه باسبوعين او ثلاث يالله تقدرين لان الالم ما يخليج تتحملين احد يلمسج .... و بعدين حاولي تتحملين الكوسيه لانه واااااايد مهم بالذات اول الايام و صدقيني بعدين بتتعودين عليه ... اصلا انا الحين صرت ارتاح لما البسه اكثر لان احسه لام جسمي و ضاغط الورمات ... و لازم تلبسينة الكورسيه على الاقل شهر و نص الى شهرين حسب كلام الدكتورة

 

[ياحب قل حلاك]

على ماظن 3 شهور بس اهم شى اول شهرين استمرار عليه لكن انا حسيت انه صار وسيع يبيله تضويق والله كريم

 

[أميرة طفولتي]

درب السنع حبيبتي

يبيلج اقل شي شهر ونص

انا الدكتوره قالتلي شهر ونص وفصخيه

رش رش
لوووووول ابشرج امس غسلته اخيرا ههههههه
طلعت من غيره وكانت عندنا عزومه وكنت كاشخه حدي ولابستلج ذيج التونزه الصااااااااااااااكه على زنودي لووووول
امبي شعووووووور شعووووور والله ماينوصف كل شوي اقوم اروح اشوف نفسي بالمنظره
الكل يقولي ضعفاااااااااانه واااااااايد وجسمج صاير حلو بس محد جكني هههههه
لاني اساسا اسوي رجيم فعبالهم منه
وانا عمري ما شكيت الحال حق احد عن زنودي ولا انبه احد عليهم عشان جذي محد داري

الله يبشرج بالنتيجه الحلوه الي تفرح قلبج

 

[dectora 7elwa]

عليكم بالعافيه بنات
رش رش
تاملي بالله خير
واي شك عندج لازم تكلمين الدكتوره هذا من حقج عليها

 

[SaRa:~]

الحمد الله ع سلامتج
هذا اهم شيء
وربي عورني قلبي عليج
انا مسويه قيصري وبغيت اموت
ليومك اتالم منها
الله يعينك

 

[dectora 7elwa]

رش رش بشري شخبار التيبس اللي فيج
ماخف شوي

 

[** رش رش **]

أميره طفولتي
الله يفرحج بالنتيجه .... و فعلا انا لاحظت ان الزنود اذا اضعفو يبين الجسم كله ضعفان و يفرق معاج اللبس و شكل الجسم وااايد

يا حب قل حلاك
انا بعد نفسج و بطني صاير على قولتج هضاب و سهول .... الله كريم و نشوف نتيجه حلوه بعدين

دكتورة حلوه
الحمد الله خف التورمات و التيبس بس للحين باقي بعد شوي

 

[ام فطوووم]

اثاريكم كلكم نفس معاناتي 
لوووول
الله كريم وانشوف نتايج اتهون علينا ايامنا اللي طافت
ومايروح هباء منثووورا


انه الكورسي مومضايقني
يس ريحته من يابوه ما اطيقها اهي موريحه خايسه
لا بس ريحه مميزه بالكورسي 