تبين عيالج يصيرون مميزين .. تعالي هني فيدي واستفيدي

[ملوكـه]

ولدي صغيرر ماكمل سنه

طبيعي مايعرف شيء


بس تعلمت حركه
اذا مسويها بوقت ماله داعي وانتم بكرامه .. والا رجـع هههههههه
مااتنرفز عليه ولا اعصب حرام ماله ذنب ..
امسك اعصااابي .. والاعبه
واحول الموضوع نقاش كأنه يتكلم وياي
اقوله :: انت بررررررريء
واهو يرد علي :: انا بريء ماما انا ماابي شيء غير مميه وتغيير حفاظ وملابس
يااااااااااابريء ووووووالخ ..

<< طبعا لااحد يسمعني وانا اتكلم يضحك صوتي


صج مااحب اعصب على الطفل بشيء اهوا ماله ذنب فيه
في احد مثلي ؟؟؟؟؟؟؟؟

 

[ملوكـه]

اي اذا قام مرات من النوم فيه بجوه
جذي مزاجه متعكر يقعد طول يومه يبجي

شسوي مااعطيه مجال ابدا والا اقعد الاعبه واذا قمت من عنده قعد يصيح

لا

على طول احط عنده العاب حواليه واذا شفته بدى يلعب
اطلع من المكان

 

[ثلج ابيض]

موضوع جدا جدا مفيد انا استفدت منكم اشياء كثيره بس ياربي احس هالايام بملل من عيالي وبيتي والشيطان يوسوس لي حاكره عمري ووقتي كله لهم واطلع بالوكيند وهم معي وافكر اقول هالحريم مستانسين روحات وطلعات وانا كله مع عيالي وعل فكره انا ماعندي شغاله الله يخليهم لي ويهديهم ملييت
المهم انا ودي ان عيالي يدافعون عن انفسهم واحد8ونص والثاني 7 دايم ينطقوون ويصيحوون وحتى من اطفال اصغر منهم بالعمر ولا يكون يلعب ولا معه لعبه ياخذونها منهم والله عل 3 سزوات ياخذ اللعبه من ايده ودي يدافعون عن انفسسهم اللي تعرف طريقه اشجعهم فيها تقولنا تعبت وانا اقولهم لاللي يطقك طقه ماكو فايده

 

[jojowa]

تسلمين حبيبتي عالموضوع المفيد و كل البنات الي شاركوا افكاركم و طريقتكم بتربيه عيالكم مفيده و حلوة و ان شاءالله الكل يستفيد ,,,

بالنسبه لي انا عندي 3 يهال اسم الله عليهم البنت 8 سنوات و ولد 6 سنين و الصغير 10 اشهر ,,,معلمتهم ان المشروبات الغازيه مضره و تحرق بلاعيمكم و تعور بطنكم والحمدلله مقتنعين انهم ما يشربون بس ساعات ولدي وده يذوق فاخليه يذوق السفن اب ,,,اما بنتي فكلش ماتحب تجرب ,,,و معلمتهم اذا كنا برا و رجعنا البيت و بابا بالبيت على طول يسلمون عليه عالخد و على الراس و العكس اذا كنت انا بالبيت ,,,و معلمتهم يفرشون الصبح و قبل لا ينامون ,,,و لازم قبل الاكل يغسلون ايدهم و بعد الاكل ,,,ويسمون يحمدون ربهم بعد ما يخلصون ,,,و اذا الاكل طاح منهم عالارض يستغفرون ربهم و يحبون النعمه و يحطونها على جنب ,,,و بنتي بما انها اهي الكبيره معلمتها تدير بالها على اخوها و تداريه وين مانروح و خصوصا بالسكول لانهم مع بعض فدايما تطمن على اخوها هناك ,,,معلمتهم اول ماندخل الزواره يسلمون عالكل و بعدين يلعبون ,,,واي احد يعطيه شي يشكره على طول ,,,والحمدلله مايحبون يسبون كلش اسم الله عليها بنتي ماتطلع منها مسبه لو شنو يعني ساعات احد يسبها تيي تقولي ماما قالولي كلام وصخ مو زين و مستحيل تقولي السبه لو حتى حنيت عليها ,,,الترتيب ساعات اقدر عليهم اني اهددهم مايطلعون او يلعبون قبل لا يرتبون عفيستهم فيسوون هالشي بس مو دايم معتمدين عالخدم ,,,بس بالسفر اسم الله عليهم معتمدين على عمرهم يبدلون بروحهم و يرتبون ملابسهم ,,,بس وايد اعاني من خناقهم مع بعض يعني ساعات شحليلهم يلعبون مع بعض بهدوء شوي ولا متهاوشين و صراخ و طق مطاقق اذوني بهالسالفه انا اقول ليش بنت و ولد مادري صج هالسالفه تضايقني و اصرخ عليهم صراخ ياله يهدون ,,,

سوري طولت عليكم و ان شاءالله الكل يستفيد ,,,​

 

[انوثة من حرير]

بنات تدرون ان كثر الاستغفار تصلح التربية وتسهل كل الامور الي تضايق انا بديت مع بنتي الكبيرة مو كبيرة وايد 6 سنين الله يحفظهم لي ان شالله احفظها القران انا احفظها بنفسي

 

[opera]

اوبرا ... ولدج الله يحفظه جم عمره؟

انوثه من حرير ... سامحيني فعلا انا فهمت غلط واشتطيت الله يهداني

انزين بنتج جم عمرها؟

love love ... اي خلج عالدودو احسن هههههههه

ولدي قريب يكمل ال 3 سنوات

 

[عبق البنفسج]

ملوكـه
أنا أأيدج ماأحب أزف ياهل للحين مايفهم ولا يعرف شي شذنبه المسكين ..
وحلوو انج تسولفين مع ولدج من يوم هو صغير هالطريقة بتخليه بسرعة يتعلم يتكلم ..

ثلج ابيض
شوفي أختي أنا صايرلي من شهر 6/2010 ماعندي خدامة وكل ما أطلب يا خدامة يا تطلع مريضة يا ماتبي تي أو عندها مشكلة بالبصمات .. المهم آخر شي قبل شهرين يتلي وحدة وظلت عندي شهر ونص بهالشهر ونص يتلي أعصاب منها بس استحملتها عشان عملية عيوني وعقب رديتها المكتب وافتكيت منها ورديت بدون خدامة ..
بس أنا مو مسوية بنفسي مثلج .. شوفي نظامي يمكن يعجبج وطبقيه .. البيت أنظفه يوم وترك لأن مستحيل أقدر أنظفه كل يوم وبما اني قاعدة بيت أمي فأييب خدامة أمي تساعدني عشان أخلص بسرعة .. اليهال الساعة ست إلا عشاهم يكون جاهز يتعشون ومابين الساعة ست ونص لي سبع يكوون نايمين وأنا واثقة ان عيالي ما يقومون بليل اذا ناموو ويسحبونها نومة لي الصبح وأنا ما أخليهم ينامون عقب ردتهم من المدرسة عشان بليل ينامون عدل .. عقب الساعة 7 ونص ألبس وأطلع مع ريلي أخلص كل أشغالي أو أطلع أتعشى برة وأعيش حياتي طبيعية وإذا لا سمح الله قعدوو من النوم أمي موجودة تحت بالبيت
فمادري اذا انتي ظروفج تسمح بجذي جربي سوي مثلي ..

وبسنبة للدفاع عن النفس أنا أعاني مثلج بناتي ماينطقون وايد بس اذا أحد طقهم ويكون أصغر منهم يبجوون وايووني .. مرة واحد من الأهل أصغر منهم وطاقهم ثلاثتهم ومجع شعرهم وياييني يبجون فقتلهم الي يطقكم طقووووه انتوو ثلاثة واهو واحد :rerrerek: بس ماينفع الحجي معاهم بس فالحين يطقوون بعض
انا الحين وقت الغدا والعشى أسولف معاهم وأقولهم الي يطقكم طقوووه، الي يطقكم طقوووه .. انتو خوات اذا شفتوو أحد يطق أختكم رووحوو طقوه كل يوم أكرر عليهم نفس الحجي عشان يتعلمون وان شاء الله كلامي وتكراري اييب نتيجة

jojowa
الله يخليلج عيالج
عجبتني الشغلات الي معلمتها حق عيالج
في شغلة عجبتني ان اذا طاح الأكل يشيلونه ويحبون النعمة ويحطونها على جنب .. أكثرنا غافلين ان نعلم هالشغلة حق عيالنا
وسالفة العفيسة هذي كلنات نعاني منها ..

انوثة من حرير
نبهتيني على شغلة قبل فترة قلت حقهم كل يوم قووولووو استغفر الله وظليت أرددها عليهم يومين وبس هديتهم .. لازم أرد أعلمهم وأرددها عليهم مرثانية
والقرآن لازم نعلم عيالنا الصور الصغيرة .. وخليهم بليل قبل لا ينامون يقولون سورة قصيرة حافظينها

opera
ولدج كبير ويفهم أنا عبالي انه تحت السنتين.. لازم تعلمينه ان السب غلط بالعكس راح يفهم واذا يروح حضانة وصي أبلته تعلمه بعد ان هالشي غلط

 

[أمواج البحر]

ولدي قريب يكمل ال 3 سنوات

الله يحفظه ويحميه

شوفي طريقتج صح لما عاقبتيه ورديتي البيت من الزواره

بس في شغله مهمه جدااااااا

اذا عاد الغلطه وكررها ترى مو معناتها يعاندج

الياهل بهالعمر لي الحين ما يعرف يميز الصح من الغلط

اهو ماراح يسويها لانج عاقبتيه مو لان اهو يدري انه غلط

وعشان جذي في كثير من الاحيان الياهل يعيد الغلط والام تتضايق وتقول طفلي عنيد

لا بهالعمر ما يميز الصح من الغلط

عشان جذي لا تياسين كل مره يسب ردي عاقبيه كل مره كل مره

لا تيأسين ولا تتضايقين جداااا طبيعي الياهل بهالعمر يكرر الغلط

 

[opera]

مشكوورين واايد

وكل وحده ضافت شي نبي بعد عشان نعلم عيالنا


- انا الحين قاعده اعلمه عالحمام .. فكلما دش ارد الباب وانطره بره يخلص بعدين اروح اغسله (عشان يتعلم انه عيب احد يشووفه بالحمام) وحتى جم مره خدامتي تكون موجوده اقولها عيب روحي مناك .. حتى اشوفه تعلم شوي لانه مره كنت بيت ابوي وبدخله الحمام اشوفه قال حق اليهال عييب لا تشوفون

- في شي قاعده اعلمه بعد انه يقتنع بلللي عنده .. سواء لعبه او كاكاوه او اي شي يكون عنده وما يحن اذا شاف شي عند غيره .. يعني مثلا يوم اليمعه يشوف عيال حمواني كل واحد بيده اي باد ويلعب ( وبما انه ولدي صغير على هالسوالف ) طبعا اهو يقولي ماما ابي اي باد بلعب .. اقوله شوووف انت عندك سياره حلوه عجييبه تطلع ليتات و فيها ريموت .. يعني احبب الشغله اللي عنده فيستانس ويلعب فيها

 

[أم الغلا كله]

ولا تنسون يحفظون آية الكرسي قبل لا ينامون ، ولا تقولين صغير ترا سبحان الله يحفظ من يكون جريب السنتين إذا كل يوم تقرينها عليه بصوت واضح يحفظها ، ولا تنسون بعد تقولون قصة قبل النوم ، فواااائدها عجيبة ، أنا كله أقولهم قصص الأنبياء روعة والياهل سبحان الله يحبها ، علموهم قصة النبي محمد صلى الله عليه وسلم أنا كنت أخليها كل يوم جزء ونكمل باجر ، علموهم اسمه ونسبه صلى الله عليه وسلم والانبياء بعد قصصهم في القرآن روعة وتجذب كل الاعمار ، وقصص الصحابة وخلونا نزرع في الاطفال حبهم رضي الله تعالى عنهم أجمعين ، ترا الصقة تزيد من الحصيلة اللغوية للطفل ، وتوسع عنده المدارك ، والخيال ، وحب الوطن بعد والمحافظة عليه وعلى المرافق كل هذا يبدأ غرسه من الصغر .

 

[:: براءهـ ::]

يعطيج العافيه الموضوووع مفيد جدا
انا اشوف تربية البنات اسهل بوايد من تربية الأولاد
لأن عندي ولد موراضي يفهم تعليمات؟؟
الله يهديه و يهدي اولاد المسلمين
اما بنت فالحمدالله اعلمها مثل ما خواتي ذكرو

 

[أمواج البحر]

يعطيج العافيه الموضوووع مفيد جدا
انا اشوف تربية البنات اسهل بوايد من تربية الأولاد
لأن عندي ولد موراضي يفهم تعليمات؟؟
الله يهديه و يهدي اولاد المسلمين
اما بنت فالحمدالله اعلمها مثل ما خواتي ذكرو

تدرين ليش تربية الولد اصعب من البنت

لان صار العرف والقول السائد البنت اسهل من اولد

عندج ولد؟ الله يعينج على تربيته!!

فخلاص ترسخت الفكره بالمخ الولد اصعب من البنت

صدقيني ماله علاقه ... اولا شي طبيعي تفهمين البنت اكثر لانج انتي كنتي بنت طفله مثلها

لكن ان البنت اسهل من الولد او ان الولد يشيب الراس

انا ضدها ... الاثنين يبيلهم تعب والاثنين تربيتهم مو سهله

حتى الاخوان الاثنين اذا كانو من نفس الجنس سبحان الله واحد تلقين تربيته سهله والثاني ماشاء الله عسر



ام الغلا كله ... عفيه عليج والله وبارك الله فيج

وانا فعلا اسوي هالشي

وحتى بالاي بود مالهم منزله لهم قصص الانبياء والصحابه عليهم السلام و سيرة الرسول عليه افصل الصلاة والسلام

 

[opera]

ام الغلا عجبتني فكره القصه

(كنت أخليها كل يوم جزء ونكمل باجر)

 

[ابـــ بنت ـــوهاا]

والله العياااال صعب التعامل معاهم يبيلهم دكتوره نفسيه

 

[:: براءهـ ::]

تدرين ليش تربية الولد اصعب من البنت

لان صار العرف والقول السائد البنت اسهل من اولد

عندج ولد؟ الله يعينج على تربيته!!

فخلاص ترسخت الفكره بالمخ الولد اصعب من البنت

صدقيني ماله علاقه ... اولا شي طبيعي تفهمين البنت اكثر لانج انتي كنتي بنت طفله مثلها

لكن ان البنت اسهل من الولد او ان الولد يشيب الراس

انا ضدها ... الاثنين يبيلهم تعب والاثنين تربيتهم مو سهله

حتى الاخوان الاثنين اذا كانو من نفس الجنس سبحان الله واحد تلقين تربيته سهله والثاني ماشاء الله عسر



ام الغلا كله ... عفيه عليج والله وبارك الله فيج

وانا فعلا اسوي هالشي

وحتى بالاي بود مالهم منزله لهم قصص الانبياء والصحابه عليهم السلام و سيرة الرسول عليه افصل الصلاة والسلام

كلامج صح بس يختي
ولدي راسه يابس يشيب راسج و اهو مافهم
الي يبي يصير:eh_s(4):
الله يعين

 

[انوثة من حرير]

فية عقاب حلو ونفع معاي يصلح للياهل الي يفهم يعني من عمر 5سنين وفوق بنتي تعاند مرات ماله خلق الداوم بالروضة ماخذتها غياب حرمتها من طلعة ماكو طلعة والي تبينة مافية لين تعدلين مثل مابي بالاول طنشت ماهمها وقعدت شهر مافية طلعة ولا العاب وماتروح تلعب مع بنت اختي ا وبعدها تسنعت قالت اسوي الي تبين بس ابي اطلع الحين كل اسبوع اجمع لها نقاط مثل ان احفظت سورة من القران ورتبت غرفتها وداومت بالروضة لها مكافاة يوم السبت تختار

 

[عبق البنفسج]

أمواج البحر
يعطيج ألف عافية عالمشاركات والنصايح المفيدة ونتمنى منج التواصل الدائم ..
في شغلة ما أأييدج فيها انا برايي ان الياهل بعمر الثلاث سنين يفهم ولما تقوليله هذا صح وهذا غلط يقدر يميز بينهم لأن أصلاً الأم من عمر السنة ونص تبدي تعلم الياهل هذا صح وهذا غلط ولي يوصل عمره ثلاث سنين يكون خلاص استوعب شنوو الصح وشنو الغلط .. (أنا أكلمج من الواقع الي عايشته، لأن عندي بنت عمرها ثلاث سنين وولد وحدة من الأهل كبر بنتي وهم نفس الشي)
كلامج يكون صحيح بحالة وحدة اذا الأم بدت تربية عيالها بوقت متأخر ..

opera
حلوة الشغلات الي قاعدة تعلمينه .. لازم يتعلم ان عيب أحد يشوفه لما يروح الحمام وللأسف ان أكثرنا مانعلمهم إلا عقب الأربع السنين
وشغلة زينة انج تعلمينه انه يقتنع بلي عنده لأن أكثر اليهال بهالعمر يطالعون غيرهم ويبون مثل ماعند غيرهم
بس على فكرة هو مو صغير على الآي بود أنا جذي مثلج قبل سنة شريت آي بود حق الثنيتن الكبار وبنتي الثالثة كان وقتها عمرها تقريباً سنتين ونص ماشريتلها عشانها صغيرة بس شفتها قامت تاخذه منهم وتلعب فيه وعرفتله وعقب خذيتلها واحد
وعالعموم أنصح كل الأمهات انهم يحطوون شغلات تعليمية بالآي بود أحسن من الألعاب، أنا حاطة حق بناتي برامج تلوين وبرامج تعليم الألوان وتعليم الأحرف وتعليم الأشكال والذاكرة ووايد استفادووو منه

أم الغلا كله
صح كلامج ..
ان شاء الله بدور بالانترنت قصص للأنبياء للأطفال وتكون بصورة مبسطة وبقولهم كل يوم بليل قصة عشان يستفيدون ويتعلمون من الحين
وبنسبة لآية الكرسي بحاول أقولهم اياها كل يوم بليل وأخليهم يرددونها وراي وان شاء الله يحفظونها

:: براءهـ ::
الله يعافيج أختي
بنسبة لتربية ومنو الأصعب أنا برايي انها تعتمد على شخصية الطفل وماله علاقة بالصبي والبنية ..
مرات تلقين أم تتعب بتربية بنتها والعكس صحيح ..
وتعرفين أكثر الأمهات تربي بناتها من يوم صغار انهم بنات ولازم يكونون هاديين ومايتحجون بهدوء ويكونون معاها وين ماتروح عكس الصبي تعلمه يطلع مع أبوه ويختلط بالناس فعشان جذي تلقين الصبي يطلع لبيئة خارجية أكثر من البنية ويتعلم شغلات ثانية من برة عشان جذي أكثر الأمهات يتعبون مع الصبيان

ابـــ بنت ـــوهاا
لا شدعوة دكاترة نفسيين .. الله لا يوصلهم لهالحالة ان شاء الله

انوثة من حرير
العقاب الي تتبعينه مفيد وأنا أجربه مرات ويفيد معاي
وحرميها بعد من شغلات هي تحبها مثلاً مرات أقولهم الي تخلص صحنها كله أعطيها برد وتدرين البرد مو طوول السنة موجود بالبيت فياكلون عشان ياخذون البرد ووحدة منهم ماتاكل أكلها كله فأعطي البرد حق الي كلوو والي ماكلت ما أعطيها فتلقينها ثاني يوم تاكل غداها كله عشان تاخذ برد

 

[أمواج البحر]

عبق البنفسج ... اللي قصدته ان الياهل بعالهمر مايقدر يقول هذا صح وهذا غلط

اهي ما تسوي هالتصرف لانج انتي علمتيها ان هذا غلط

مو لان عندها القدره على التمييز بين الصح والغلط

اما الياهل فوق ال6 سنوات خلاص تلقينه يميز الصح من الغلط

وحتى لو ماكنتي وياه وشاف تصرف لاول مره يشوفه راح يقدر يقرر اذا كان صح او غلط

هذا اللي قصدته ...

 

[شيماء المطيري]

خووووووووووش تجارب وخوش موضوع بس يا امهات احيانا احنا نربي ونعلم ونلقى غيرنا يخرب بنتي عمرها خمس سنوات عودتها تغسل ادينها بالصابون قبل وبعد الاكل بس دشت الرضة صارت تغسل بالماي بس و تقول الابلة تقول مافي داعي صابون ياالله خلصوا بسرعة عشان نروع المطعم

 

[شموسة كيوت]

ماشاءالله عليك ياصاحبة الموضوع احب الام المهتمة بتعليم اولادها الخطأ من الصح والله ترتفع بعيني

واحسها ام تستاهل التقييم صراحة خصوصا زمنا نادر اللي يعلم اولادة ماغير على الخدم والام بس اهم شي تحمل وتولد

والتربية اكس طبعا الاغلبية مو الكل

بس في شغلة حبيبتي لاحظتها بردودك وردود اغلب البنات

وبما ان الموضوع للكل حتى نستفيد حبيت اعلق على شغلة

وهيا الكذب على الاطفال

يعني مثلا اذا ما التزمت الطفلة او الطفل بأاوامرك تهددينها بان القطو بيجيها او من هذا القبيل

احس الطفل يتعلم الكذب من هالشغلات البسيطة ودائم للاسف نقول للاطفال نام والا يجيك القطو او تجيك زهيوي ومدري شنو

اول الايام صحيح بيخاف الطفل ويصدق لان هو عنده فطرة بعدم الكذب واللي يشوفه ويسوية يقولة بلا لف ولادوران

لكن مع الايام يعرف ان الام كذبت علية

ومنها يتعلم الكذب

بس حبيت اشاركم وان شاءالله ربي يرزقني اطفال واعلمهم مثلكم ياحبي لكم