تبين عيالج يصيرون مميزين .. تعالي هني فيدي واستفيدي

[أمواج البحر]

حلو الموضوع

بما ان عندي عيال كبار فما شاء الله وااايد شغلات معلمتهم يسوونها

بتذكر لكم الشغلات المهمه

معلمتهم اذا احد قالهم شي يقولون ان شاء الله وحاضر مو انزين

معلمتهم اذا احد قالهم شلونك يقول طيب او الحمدلله مو زين

اذا احد ناداهم يقولون نعم مو ها

معلمتهم اي ريال او مرا كبيره بالسن يبوسونها على راسها

كل طلعه ودخله يسلمون علي وعلى ابوهم

وقبل لا ينزلون من السياره حق المدرسه يبوسوني واقولهم سموا بالرحمن

اذا دشو مكان لازم يقولون السلام عليكم ويمدون ايدهم اذا بغو يسلمون

طبعا الصلاة لازم بوقتها ولازم يحطون كوشيه جدامهم اذا بغو يصلون

صلاة اليمعه طبعا في المسيد وحتى لما ابوهم سافر علاج اسم الله عليهم ماقطعو صلاة المسيد

وربع ريلي يحليلهم يدقون على ريلي يمدحون عيالي لانهم يحضرون صلاة اليمعه في المسيد ^_^

معلمتهم ان اعياد الميلاد حرام عيد الحب حرام عيد الام حرام وماعندنا الا عيدين الاضحى والفطر

اذا شافو شي حلو على طول يقولون ماشاءالله

ماياخذون اييييييي شي الا اذا استأذنوا

اكل المطاعم بس بالويك اند

يطقون الباب قبل لا يدخلون حتى لو كان امبطل

معلمتهم انت سند لاخوك لو شنو يصير

وقايلتلهم حتى لو تكبرون وتتزوجون تودوني وتييبوني هههههه اتدلع عليهم

لا القصد ان الام والابو لهم الاولويه

السجاير حرام ... مع الاسف ريلي يدخن و وايد ينقدون عليه ... الله يهديه ويبتعد عن هالسجاير

شهادتك عزوتك بالدنيا

واهم شي معلمتهم على مبدأ المشاركه مع بعض

ما احب طبع الانانيه اللي للاسف موجود عند وايد من اليهال

وطبعا يفرشون اسنانهم قبل النوم و لازم يدهنون ايدهم وريولهم قبل المدرسه ... اعاني معاهم من هالسالفه >_<

الفتنه حراااااام ... الا اذا اللي مسوي اخوه شغله كبيره غلط

مثل ما صلى او قال كله عيب ( اسم الله عليهم عيالي ولله الحمد ما يسبون بس في كلمات ممنوعه بالبيت مثل كلمة لا تجذب

مستبدلينها ب قول الصج ... كلمة المؤخره (طبعا باللهجه الكويتيه ) مستبدلينها بكلمة مكان العيب

معلمتهم على القناعه وهذا شي ضروري يا بنات

لازم الياهل يكون قنوع باللي عنده

غرفهم اهم المسؤولين عن ترتيبها

الخادمه تدش مره وحده باليوم الغرفه بس الصبح وطول اليوم اذا تعفست اهم يرتبونها

بنهاية كل كورس بالمدرسه معلمتهم انهم ياخذون مكافأه باللي يختارونه

طبعا هذا بعد ما اييب درجه عاليه ( دايما اقولهم مابي اي امتياز ابي امتياز مرتفع)

كله اقولهم الكل يقدر ينجح بس مو الكل يقدر يتميز

اممممممم هذا اللي اتذكره حاليا مادري اشكثر كتبت بس اسم الله عليهم لان عندي اغلب الاعمار ^_^

 

[انوثة من حرير]

بنات ابسالكم انتم ساكنين عند حمولتكم اذا ساكنين عندهم ماعندكم احد يخرب تربية
امواج البحر متى بديتي تعلمينهم انا اكبرهم 6سنين صغار وتحت بعض
في شغلة علمتهم اذا بسيارة نردد ونقول لا حول ولا قوة الابالله ونصلي على الرسول علية الصلاة وسلام ونقر قران لين نوصل
فية شغلة ماعلمتهم عليها بس سبحان الله اليهال يلقط شغلات انا دايم ابوس راس امي واحب ايدينها مرات بناتي يسون لي مثل الي اسوية لامي ويقلدوني شلون اصلي الحين

 

[عبق البنفسج]

انوثة من حرير
حاولي كثر ماتقدرين تخلين عيالج عندج ولا ينزلون عن أهل ريلج ..
انتي روحي السوق واشتريلهم ألعاب تعليمية وألوان ودفاتر تلوين وتركيب وقصص وحطيهم عندج وكل يوم طلعي لهم شي وعلميهم ولعبي معاهم بيستانسون وايد .. وبجذي تعلمينهم وماتخلينهم يحتكون مع عيال حمولتج ..
وبنسبة حق حجيهم حاولي انج تبينين لهم ان هالحجي زين وهالحجي مو زين واذا قلتوو الحجي الزين اييبلكم هدية ..

أخت أخواني
ان شاء الله الله يرزقج بالريل الصالح الطيب والعيال الصالحين
ياحلاتهم بنت أختج الله يحفظها لكم

أمواج البحر
لي عودة معاج

 

[CaKe_1988]

خوش موضوع

الله يخلي لكم عيالكم

ومنكم نستفيد

 

[مس كرز]

انا معلمه عيالي ان كل شي في غازات مضر بالصحه وان الوجباته السريعه تسبب الامراض اذا اكلنا وايد منها يعني ما يمنع مره بشهر وان اسرار البيت عيب تطلع بر خصوصن العمام وان شرب الماي وانت قاعد افضل ما تكون واقف وان الحلويات الصلب ممنوعه لانه لسمح الله تخنق وان المسلم لازم يسمي قبل كل شي يسوي ويذكر الله وان الدراسه مهم لهم ولمستقبلهم ولازم يكونون مؤئدبين بالبيت وبر البيت لانه الشغل تعويد مو ترهيب وخوف مع التشجيع من الاب والام علي كل شي زين يسون عيالهم مو عيب الوحد يغلطه بس العيب اللي يستمر بالغلطه والله يهديهم ويخليهم لنا امين

 

[حساسه]

لاتربطون كل شيء بالمرض اخاف يصيرون موسوسين

حاليا مافي بالي شيء لاني مواصله

لكن لي عوده

خاصه واني اتدرب في مركز للاطفال المعوقين فتعلمت اشياء اساسيه كثيره غافله واستخف فيها وهي مهمه

 

[الينبوعة]

تسلمين على الموضوع حبيبتي لي رجعة ان شاء الله وارد على الموضوع ​

 

[حساسه]

السلام عليكم

حلو تسون جدول لللاهداف قصيره المدى والاهداف بعيده المدى
اهداف قصيره المدى تكون اسبوعيه والطويله المدى تكون شهريه وفيه اهداف ابعد سنويه

انا بنتي صغيره سنه واربع شهور مافي شيء معين اعلمها اياه الا اني اكون صارمه ومع ذلك مدلعه الله يهديها

فيه كتب تعليمه في جرير حلووووه وفيه موقع طفلي في اشيء حلوه تطبعينها يلون فيها طفلك وقصص

وتعزيزين افعاله اما بااكل او تسوين لك نجمه فيها صورته في الوسط وكل ماسوا يء حلو تحطين له جزء من النجمه ويكون شيء مميز فعلا

 

[الدلوعه2008]

يعطيج العافيه منكم

نستفيد

 

[love love]

مشاءالله اذا اذن بنتي غصب على الكل يسوي ميووت عالصوت

مشروبات غازيه متعلمه هذا وييع

تناديني ماما وحبيبتي دايما

تقول ثانكيو لي خذت شي وسوري دايما

تبوس ابوها قبل النوم

تعتمد على نفسها في بعض الشغلات مع مراقبه مني

تاكل بعدين تشرب

مممممممممم هذا الي اتذكره

 

[أمواج البحر]

ليش تمنعون عيالكم من الروحه لاهل ابوهم؟؟؟

علامة استفهام كبيره صراحه؟؟؟

هذول عماتهم وعمامهم ويدانهم

من صجكم!!!

على قولة بنت عمي same last name

بالعكس خلوهم يروحون وايوون عادي

وانتي اي تصرف غلط تشوفينه علميهم والا شلون باجر يروحون المدرسة ويختلطون مع ناس انتو اصلا ماتدرون شنو بيئتهم

شوفو ابرز مثال عندي ... عمات عيالي عادي عندهم عيد الميلاد

احنا حرام ... عيالي لما يروحون هناك ويشوفون عماتهم يحتفلون بعيد الميلاد عارفين انه غلط وساعات يقولون لهم عمتي ترى حرام

بس هل من المعقول احرم عيالي من عماتهم عشان هالشي

طبعا لا ... خلكم مرنين ولا تخلقون حواجز بين عيالج وبين اهل ابوهم

بالنهايه هذول عيالهم

ضد فكرة احرم عيالي من اهل ابوهم جملة وتفصيلا

انوثه من حرير ... الياهل من عمر سنتين يبتدي يلقط الخبرات

من يبتدي يتكلم علميه على الاساسيات ... بسم الله ... الحمدلله ... شكرا

كلمات بسيطه .... وكل ما يكبر بتزيد خبرته ويكتسب منج

بنات نسيت اقولكم ترى الشغلات اللي معلمتها عيالي شغلات مشتركه بيني وبين ابوهم ولله الحمد

دائما وابدا اقول خلو الابو يكون بالصورة من يوم الياهل يكون صغير

 

[أمواج البحر]

love love ... لا تعلمين بنتج تقول عن نعمة الله وييع

علميها انه مو زين ... يعور البطن

بس كلمة ويع ابتعدي عنها ... دايما علموهم الكلمات الايجابيه

لا تعلمونهم ويع اوف ومن هالكلمات اللي مالها لا طعم ولا لون

لاتنسون ان الياهل مادة خام واي شغله يتعلمها واهو صغير بتظل معاه ليما يكبر

 

[قطورتي]

ما شاء الله

الموضوع روعه

الله يحفظ عيالنا ويرزقنا برهم

 

[عبق البنفسج]

أمواج البحر
ماشاء الله الله يخليهم لج حلوة الشغلات الي علمتيها عيالج خاصة ان في وايد يهال يقولون هاااا وزين بدال نعم والحمد الله
في شغلات ذكرتيها ودي أعلمها حق بناتي يريت تذكرين لنا شلون علمتيهم هالشغلات ..
معلمتهم انت سند لاخوك لو شنو يصير(بعرف شلون فهمتيهم هالشغلة)
وقايلتلهم حتى لو تكبرون وتتزوجون تودوني وتييبوني هههههه اتدلع عليهم
لا القصد ان الام والابو لهم الاولويه (شلون فهمتيهم ان الام والابو لهم الأولوية)

الفتنه حراااااام ... الا اذا اللي مسوي اخوه شغله كبيره غلط
عجبتني هالشغلة انا اتضايق منهم مرات لأنهم يفتنون على بعض على شغلات تافهة مالها معنى بس ان شاء الله بعلمهم ان الفتنة حرام


عالعموم اعجبتني وايد تربيتج وان شاء الله بسجل الشغلات الي ما علمتها حق بناتي وببدي أعلمهم ..

انوثة من حرير
صح اليهال ووايد يلقطوون من الأم والأبوو عشان جذي لازم نسوي الشغلات الزينة جدامهم

CaKe_1988
الله يخليج ويسلمج

مس كرز
الله يخليهم لج ..
حلوة الشغلات الي معلمتها عيال .. استفدت منج وبعلمهم الشغلات الي مايعرفونها مثل الماي ينشرب وهما قاعدين ..

حساسه
ناطرين مشاركتج ..
في شغلات صج تييب المرض مثل الوجبات السريعة والمشروبات الغازية فلازم يعرفون ان هالشغلات مضرة عشان لا ياكلونها ويشربونها

الدلوعه2008
الله يعافيج

love love
ماشاء الله على بنتج والله يخليها لج ..
أنا أأيد الاخت أمواج البحر لا تعلمين بنتج تقوول ويييع قوليلها انه موزين يعور بطنا أو يخلينا نصير مرضى

أمواج البحر
الاخت انوثة من حرير تعاني من عيال حمولتها انهم يعلمون عيالها شغلات موزينة وعيالها حسب الي فهمتها على طووول عند حمولتها .. فأنا أقترحت عليها انهم تخفف روحة عيالها عن حمولتها وتستغل هالوقت بتعليمهم بشي مفيد .. بس ماقلنالها امنعيهم نهائياً يعني كافي باليوم يروحون ساعة كافي وباجي الوقت تستغله بتعليمهم بشيء مفيد لهم وينفعهم .. هذا المقصد أختي

قطورتي
يارب آمين

 

[أمواج البحر]

أمواج البحر
ماشاء الله الله يخليهم لج حلوة الشغلات الي علمتيها عيالج خاصة ان في وايد يهال يقولون هاااا وزين بدال نعم والحمد الله
في شغلات ذكرتيها ودي أعلمها حق بناتي يريت تذكرين لنا شلون علمتيهم هالشغلات ..
معلمتهم انت سند لاخوك لو شنو يصير(بعرف شلون فهمتيهم هالشغلة)
وقايلتلهم حتى لو تكبرون وتتزوجون تودوني وتييبوني هههههه اتدلع عليهم
لا القصد ان الام والابو لهم الاولويه (شلون فهمتيهم ان الام والابو لهم الأولوية)

الفتنه حراااااام ... الا اذا اللي مسوي اخوه شغله كبيره غلط
عجبتني هالشغلة انا اتضايق منهم مرات لأنهم يفتنون على بعض على شغلات تافهة مالها معنى بس ان شاء الله بعلمهم ان الفتنة حرام


عالعموم اعجبتني وايد تربيتج وان شاء الله بسجل الشغلات الي ما علمتها حق بناتي وببدي أعلمهم ..
أمواج البحر
الاخت انوثة من حرير تعاني من عيال حمولتها انهم يعلمون عيالها شغلات موزينة وعيالها حسب الي فهمتها على طووول عند حمولتها .. فأنا أقترحت عليها انهم تخفف روحة عيالها عن حمولتها وتستغل هالوقت بتعليمهم بشي مفيد .. بس ماقلنالها امنعيهم نهائياً يعني كافي باليوم يروحون ساعة كافي وباجي الوقت تستغله بتعليمهم بشيء مفيد لهم وينفعهم .. هذا المقصد أختي

حبيبتي انتي ماعليج زود :eh_s(7):

شوفي بالنسبة ل (انت سند لاخوك )

لما يروحون المدرسة دايما اقولهم ديرو بالكم على بعض

اذا طق احد اخوك خلك مع اخوك

انتو اخوان مالكم غير بعض

دايما رددي كلمة اخوك اختك خلكم مع بعض

وبتشوفين يرسخ بمخهم ان الاخوان يكونون سند لبعض

بالنسبة ل ( الام والابو لهم الاولويه )

بعطيج مثال لحياتنا اليوميه

ولدي يكلم رفيجه بالتلفون انا قاعده اناديه بس مادري انه قاعد يتكلم بالتلفون

اهو سامعني بس مفتشل يقول حق رفيجه لحظه

ابوه يمه يقوله امك تناديك قول حق رفيجك لحظه شوي وارجع

( طبعا يكلمه بصوت واطي عشان رفيجه ما يحس)

بهالتصرف ولدي عرف ان الاوليه للام

ابوهم يقولهم حديث الرسول عليه افضل الصلاة والسلام ( امك ثم امك ثم امك ثم ابوك )

وقايلهم امك وابوك قبل الجميع بس مو بمعصية الله ومو على حساب صحة احد

وترى هالشي يتعلمونه من مواقف عرفتي ... مثل الموقف اللي قلته

بالنسبة للفتنه اااه على الفتنه ترى انا مازلت اعاني من هالسالفه بس كثر ما اقدر امنعهم منها

اذا ياني واحد من عيالي يقولي مثلا ماما شفتي سعود

قبل لا يكمل كلامه اقوله اذا فتنه ما ابي اسمع :bbbiu:

اهني عرف اني مو مستعده اسمع للقتنه وداااايما اقولهم الفتنه اشد من القتل لا تفتنون

وابوهم بعد يزفهم اذا ياله واحد من الصبيان بيفتن فتنقلب عليه السالفه:eh_s(1):

ترى طبع الفتنه عند اغلب اليهال يحبون يفتون على بعض لا ويستمتعون بعد :eh_s(10):

بالنسبة للاخت انوثه من حرير اذا كانو 24 ساعه مع بعض طبعا غلط

اسفه انا فهمت غلط :eh_s(4):

بس مثل ما قلت الياهل مرده بيطلع لبيئه خارجيه

فاذا انتي علمتيه على الاساسيات والشغلات الصح بيستنكر اي موقف غلط يشوفه

مثل ساعات عيال حماتي ايون يدشون عندنا وياخذون شغله (طبعا لانهم صغار فشي طبيعي ما يستاذنون)

ولدي يستنكر يقول ماما ترى فلانه خذت هالشغله وماقالت

اقوله ميخالف حبيبي اهي بيبي وماتعرف

عرفتي هالمواقف البسيطه ترسخ بمخ الطفل وتخليه يعرف شنو الغلط وشنو الصح

والله يحفظ عيالكم ويحميهم ... تعبوا عليهم واهم صغار بترتاحون باذن الله اذا كبروا :eh_s(7):

 

[بنت الاكابر]

هذي المواضيع اللي تستحق المشاهدة والمناقشة................. شكر خاص لصاحبة الموضوع والشكر موصول لجميع من شارك برأي او تجربة.......

اهم شيء في تربية الابناء ويجب انا مانغفل عنه هو (((( الدعـــــــــــــــــــــــــــــــاء)))) الدائم والمستمر للابناء بالتوفيق

كذلك يجب علينا شكر الله الذي الهمنا هذه الطرق في تربية ابنائنا وجعلنا حريصين عليهم ((ولان شكرتم لازيدنكم))

وان شفتي عيالج متوفقين وناجحين في حياتهم ترا هذا كله من الله سبحانه وماجعلنا الاسبب في ذلك .

تقبلوا مني فائق الشكر والاحترام..................

 

[opera]

ومنكم نستفيييد في نقاط حلوه سجلتها عندي

انا الحين حامل ومن الحين قاعده اهيء ولدي انه في بيبي ياي بالطريج واحنا نحبه وحطيت سريره بدار ولدي و كلما شريت شي وريته وقتله هذا حق البيبي .. واهو حاليا مستانس بس مايندرى اشبيسوي بعدين

بس بعلمه يحب ويهتم فيه ويلعبه معاه من اهو وصغير ..

حتى احط ايد ولدي على بطني واقوله في بطن ماما اكو بيبي .. يقولي ماما ابي اشووفه طلعيه !!

اقوله ان شالله لمن الله يقول حق البيبي اطلع .. انا اروح المستشفى و اييبه من بطني

 

[opera]

opera
الله يخليه لج وتشوفينه معرس ..
حلوة الشغلات الي معلمتها ولدج وخاصة قراية القرآن قبل لا ينام ..
بنسبة لسب قوليله اذا قلت هالكلمة أزعل منك وما أحاجيك وجربيها معاه لا تردين عليه .. واذا مافادت هالحركة قوليله الي يسب الله مايحبه والناس مايحبونه ومحد يبيه ..

الله يسلمج حبيبتي ويخلي عيالج :eh_s(7):

مادري ليش احسه ما يفهم لمن اقوله لا تقول كلام مو زين و قايلتله انه هالكلام يسوي لسانك وصخ .. بس ماكو جم مره ومره ويرد ايعيدها

المشكله لانه انا ساكنه بييت حمولتي واهو الظهر يقعد عندهم على ما ارد من الدوام وهناك من الكبير لي الصغير يسب وعندهم عااااااااادي :eh_s(4):

بس عند اهلي لا محد فينا يتجر ويقول كلمه غلط ..

خليني اقولج موقف صار

حتى يوم الخميس اللي طاف كلنا متيمعين و بيت يدي وتخيلي خالي قاعد يلعب معاه وعلى غشمره يطقه ويتعافر معاه تعرفين سوالف لعب الصبيان .. ما اشوف الا ولدي يعصب يقول حق خالي انت حمار

انا ويهي :rgewrg: .. انا عمري مو قايله هالكلمه جدامه بس يسمعها من بيت عمي وقالها وانا وين تشوفيني

سحبته ودخلته دار بروحنا وعصبت عليه وقتله تقعد بالدار بروحك لانك قلت كلام مو زين ولسانك صار وصخ

قعد يبجي يبجي يبي يطلع برا

وماكو احد من اهلي ما قالي خلاص خليه وياهل واان مارضيت قتلهم الياهل اذا بهالعمر ماتعلم عمره ماراح يتعلم

وماكملت طلعت من بيت يدي وديته البيت وقتله هذا عقاب ..

 

[3rosa]

الموضوع وايد حلو بس من اي سن تعليمن مهودي احسه بيبي للحين ما يفهم هذا مو زين ولا قول بسم الله الرحمن الرحيم

متى ابدي وياه عمره قريب السنتين الشهر الياي بس ما يتكلم صعبه اعلمه

اذا تقدرين تنوريني ..

 

[عبق البنفسج]

أمواج البحر
يعطيج العافية عالتوضيح .. ان شاء الله ببدي أتبع الشغلات الي ذكرتيها .. يا خيتي بهالزمن تربية العيال صعبة انتي تربين وآخر شي الي معاهم بالمدرسة يخربونها .. بس احنا نسوي الي علينا ونحاول كثر مانقدر نربي تربية صالحة وان شاء الله نشوف نتايجها

بنت الاكابر
صح كلامج أهم الشي الدعاء لهم ان الله يحفظهم ويصلحهم
وصح لازم نشكر الله
بس للأسف احنا مقصرين شوي بهالشغلة .. ويزاج الله عالتذكير

opera
تدرين شتسوين اتبعي معاه الي بقولج اياه فترة وشوفيه يتغير ولا لأ .. انتي الحين علمتيه ان السب عيب ولسانك بيصير وصخ .. اذا سب على طووول وخري عنه وقولي حق كل الموجودين وييييع ويييع وخرووو عنه لسانه صار وصخ ويييع وخر لا توصخنا وهولي السالفة شوي عشان يحس انه اذا سب يصير انسان غير مرغوب فيه ..
ادري ان اذا سب الياهل انتي تفتشلين لأنها صارت معاي .. الكبار مسيطرة عليهم بس الصغيرة متعلمة غبية ووالله انا مو قايلتها بس سمعتها من اختها الي عمرها ثلاث سنين وشي وقامت تقولها مع ان هذيج انزفت وماقامت تقولها بس الصغيرة موراضية تهدها والناس عبالهم انا معلمتها :rgewrg: في ناس قالولي اكيد سامعتها منج :krkrkr:
المهم فالحين كل ما قالت (أبية) يعني غبية أدزها وأوخرها عني وأقولها يلا روحي مابيج وأحط ايدي على حلجها وأقولها لا تقولين أبيه وأعفس حواجبي .. ان شاء الله تفيد معاها هالطريقة
أنا عندي بناتي يت فترة يننوني يدشون الحمام ومايلبسووون نعال واذا قتلهم ليش مولابسين نعال يقولولي عادي لابسين دلاغ .. فعقب اي وحدة تدخل الحمام بدون نعال اقولها ويععع ريولج وصخة وخري عنا لا تيين صوبنا وبدلي دلاقج فعقب قاموو يلبسووون نعال

3rosa
ولدج ماشاء الله عليه كبير لازم من زمان تعلمينه ..
شووفي انا بنتي الصغيرة عمرها سنة ونص وقبل لا تاكل أقولها قولي بسم الله الرحمن الرحيم .. طبعاً اخليها تقول كلمة كلمة وراي ...
واذا قتلها شي أوقلها قولي ان شاء الله وتقول وراي طبعاً مثل ماقتلج كلمة كلمة شوي شوي
وعلمتها على أعضاء الجسم (وين ايدها وين شعرها وين أذونها وين حلجها .. الخ)
والحين بادية معاها اصوات الحيوانات (للحين علمتها بس القطوة) أقولها القطوة شتقوووول ترد علي مااااوو
وحتى تكرمين لما توصخ بحفاظتها وأبي أبدلها أصك خشمي وأعفس ويهي وأقولها ويييييع ريحة وع وع وع .. فالحين لما أبدلها تقعد تقووول ويييييع
لا تقولين الياهل صغير ترى يلقط الياهل بسرعة
ومادري على سالفة انه ما يتكلم يمكن انتي ماتكلمينه وايد عشان جذي تأخر بالحجي .. نصيحة لج أختي الياهل من يوم هو صغير بالمهاد سولفي معاه لأنه اذا كبر راح يتكلم بسرعة وماراح تتعبين معاه
أنا مرات اذا بطبخ وبنتي تأذيني آخذها معاي المطبخ وأقعدها وأقعد أقولها الحين بنطبخ اول شي نغسل العيش انزين وبعدين بنقعه بالماي .. الخ
طبعاً هي مو فاهمة شي بس ترد علي اييي اييي وتهزلي راسها