تبين عيالج يصيرون مميزين .. تعالي هني فيدي واستفيدي

[AVE.NJ]

الله يسلمج حبيبتي ويخلي عيالج :eh_s(7):

مادري ليش احسه ما يفهم لمن اقوله لا تقول كلام مو زين و قايلتله انه هالكلام يسوي لسانك وصخ .. بس ماكو جم مره ومره ويرد ايعيدها

المشكله لانه انا ساكنه بييت حمولتي واهو الظهر يقعد عندهم على ما ارد من الدوام وهناك من الكبير لي الصغير يسب وعندهم عااااااااادي :eh_s(4):

بس عند اهلي لا محد فينا يتجر ويقول كلمه غلط ..

خليني اقولج موقف صار

حتى يوم الخميس اللي طاف كلنا متيمعين و بيت يدي وتخيلي خالي قاعد يلعب معاه وعلى غشمره يطقه ويتعافر معاه تعرفين سوالف لعب الصبيان .. ما اشوف الا ولدي يعصب يقول حق خالي انت حمار

انا ويهي :rgewrg: .. انا عمري مو قايله هالكلمه جدامه بس يسمعها من بيت عمي وقالها وانا وين تشوفيني

سحبته ودخلته دار بروحنا وعصبت عليه وقتله تقعد بالدار بروحك لانك قلت كلام مو زين ولسانك صار وصخ

قعد يبجي يبجي يبي يطلع برا

وماكو احد من اهلي ما قالي خلاص خليه وياهل واان مارضيت قتلهم الياهل اذا بهالعمر ماتعلم عمره ماراح يتعلم

وماكملت طلعت من بيت يدي وديته البيت وقتله هذا عقاب ..

انه مااعرف وايد بسوالف التربيه بس اللي اعرفه اذا بتعاقبينه تحطينه بمكان معين لمدة دقيقتين وبعدين اييج يقولج انه اسف وتحضنينه وتسامحينه هذا انه شايفته ببرنامج بالتلفزيون

 

[opera]

opera
تدرين شتسوين اتبعي معاه الي بقولج اياه فترة وشوفيه يتغير ولا لأ .. انتي الحين علمتيه ان السب عيب ولسانك بيصير وصخ .. اذا سب على طووول وخري عنه وقولي حق كل الموجودين وييييع ويييع وخرووو عنه لسانه صار وصخ ويييع وخر لا توصخنا وهولي السالفة شوي عشان يحس انه اذا سب يصير انسان غير مرغوب فيه ..
ادري ان اذا سب الياهل انتي تفتشلين لأنها صارت معاي .. الكبار مسيطرة عليهم بس الصغيرة متعلمة غبية ووالله انا مو قايلتها بس سمعتها من اختها الي عمرها ثلاث سنين وشي وقامت تقولها مع ان هذيج انزفت وماقامت تقولها بس الصغيرة موراضية تهدها والناس عبالهم انا معلمتها :rgewrg: في ناس قالولي اكيد سامعتها منج :krkrkr:
المهم فالحين كل ما قالت (أبية) يعني غبية أدزها وأوخرها عني وأقولها يلا روحي مابيج وأحط ايدي على حلجها وأقولها لا تقولين أبيه وأعفس حواجبي .. ان شاء الله تفيد معاها هالطريقة
أنا عندي بناتي يت فترة يننوني يدشون الحمام ومايلبسووون نعال واذا قتلهم ليش مولابسين نعال يقولولي عادي لابسين دلاغ .. فعقب اي وحدة تدخل الحمام بدون نعال اقولها ويععع ريولج وصخة وخري عنا لا تيين صوبنا وبدلي دلاقج فعقب قاموو يلبسووون نعال

بجرب معاه وان شالله يفيد

ثانكس وااايد :eh_s(7):

انه مااعرف وايد بسوالف التربيه بس اللي اعرفه اذا بتعاقبينه تحطينه بمكان معين لمدة دقيقتين وبعدين اييج يقولج انه اسف وتحضنينه وتسامحينه هذا انه شايفته ببرنامج بالتلفزيون

اي شايفته بسوبر ناني ..

مره سويتها فيه .. ولا همه قعد وماتحرك من مكانه يمكن ربع ساعه اللي انا خفت عليه لا يكون صايرله شي .. و رحت اجيك عليه ولا اشووفه قاعد ولا هامه :krkrkr: الظاهر عيالنا مو نفس عيال الاجانب

 

[انوثة من حرير]

اختي امواج البحر استفدت منج وايد بس انتي يمكن فهمتيني غلط انا ما اقصد اعزل بناتي عن حمولتي لا حشى انا اقصد عمانهم الصغار بس اكبر من بناتي بشوي كلامهم مو عدل لدرجة بنتي الكبيرة تحبهم حيل من كثرحبها تقلدهم بكل شي مو حابة انها تكون بنت تقول ليش انا مو صبي مو مثلهم لدرجة ماتحب تلبس مثل البنات هاذا الي يخليني مادري شلون اتعامل معاها ان كنت عند اهلي تكون طبيعية بس من تكون مع عمانها غير شرايج اخليه معاهم ولا شسوي الحجي ماينفع تكلمت واخرتها قالو تربيتج شسوي امواج البحر شرايج

 

[انوثة من حرير]

عبق البنفسج فتحتي موضوع مثير للجدل ياليت كل الامهات تهتم بالتربية للاسف مو الكل الحين احس اكثر الامهات مايربون وعيالهم تربية خدامة ما تفكر الا بزوجها وطلعة واليهال محد درى عنهم حتى اليهال تنومة الخدامة
انا عندي صعوبات بتربية واستفدت منكم وايد بس في شغلة اهم من كل شي وهي الي تصلح التربية الدعاء لعيالنا بالهداية

 

[غلاي عزوزي]

اذا الوحده عايشه ابيت حموله مع عيال عم وعمه
اكيد راح يأثرون علي قوانينج من ناحية الاكل النوم

انا حمولتي يموتون بالسهر
صارلي سنين اصرخ واتكلم مليت
لاني طفارتي ياهل سهران يرتفع ضغطي بكل زواره
اه اه اه

 

[0oR0R0 honeyo0]

تقريباً انا حارمتهم منه واستبدلته بشي سميته عصير وقصيت عليهم :ggdw: قمت أحطلهم فيتامين سي بالقلاص وأكب عليه ماي وأقولهم هذا عصير ميرندا ويحبونه وايد (طبعاً أعطيهم باليوم مرة وحدة بس)


انتبهي الفيتامين سي موزين ماتستخدمينه الا بالمرض فقط انتهبي وحده هنا كاتبه كانت تشربه يوميا عشان تصير بيضه الحين تقول الله يكافينا الشر جلدها صار يتقطع ويطيح وعظامها تتكسر والله لو اذكر وين الموضوع كان حطيتلك الرابط المهم الدكتور قالها انتي مجنونه اساسا هذا بس بالمرض
النشله وحتى ماتطولي باستعماله حبيت انصحك والله وكيفك ..

انا صراحه الي عجبتني تصرفاتها بنت بنت خالتي لاحظتها انها ماتخلي احد يجيسها من تحت كم مره قاعده العب معاها وامسك متوتها الاقيها بسرعه تلتفت وتبعد فعلا امها قالت لانه عيال وبنات يلعبون مع بعض فعلمتها انه تحت محد يشوفه او يلمسه ,,
الشغله الثانيه هيا اني لما اعطيها بفك او كاكاو اوكورن فلكس اي شي الاقيها تاخذه مني تروح توريه امها يعني ماتحط شي بفمها الابعد ماتشوفه امها وهذا الشي حيل عجبني اساسا انتي كأم تصيري تتطمني وماتحاتيها ,,
ولما ابوها يجي من الدوام معوداها ماتزعجه ابدا ابدا ..
انا توه طفلي 6شهور صغير الله يبلغني فيه ويعيني على تربيته ثانكس على الموضوع العسل نفسسسك ..

 

[love love]

امواج البحر وصاحبه الموضوع مشكورين على التنبيه

بس ماقلت اهي تقول ويع قلت اهي عندها ويع على اساس ابين انها ماتحبها تعبير طلع مني اكيد ماراح اخليها تقول كلمه ويع او حتى موحلو عن النعمه

بس اهي صغيره توها ودايما تقول مشروبات الغازيه يسوي في البطن دودو وااايد لي ساعه نص هههههههههه

 

[BaBy_SMiLe]

حبيت الموضوع ... وعجبتني ردود البنات

يعطيكم العافيه

:eh_s(7):

 

[أمواج البحر]

اوبرا ... ولدج الله يحفظه جم عمره؟

انوثه من حرير ... سامحيني فعلا انا فهمت غلط واشتطيت الله يهداني

انزين بنتج جم عمرها؟

love love ... اي خلج عالدودو احسن هههههههه

 

[love love]

امواااااج نطالبج بموضوووع خاص نبي خبرتج

من زمان تعجبني طريقتج مشاءالله

 

[عبق البنفسج]

AVE.NJ
أنا جربت طريقة العقاب عالكرسي بس مافادت معاي مع ان رفيجتي فادت مع عيالها

انوثة من حرير
الأم تقدر توزع وقتها بين عيالها وريلها وطلعاتها بس للأسف أكثر الحريم هالايام يخلون وقتهم كله حق الريل والطلعات بس

غلاي عزوزي
أختي نصيحة لج لا تقيدين عيالج بأوقات أكل حمولتج .. انتي وريلج اوكي أكيد لازم تكونون معاهم بس خلي عندج قوانين بنسبة لوقت الأكل والنوم حق عيالج .. يعني مثلاً بليل الساعة سبع لازم يكونون متعشين .. الساعة 8 نايمين .. انتي بروحج سويلهم عشاهم وعطيهم..

0oR0R0 honeyo0
أول ماقريت ردج خفت ودقيت على الدكتور والصيدلية عندنا بالدوام وأثنيناتهم قالولي انه مايضر بالصحة بالعكس هذي فيتامينات وتنوخذ مرة وحدة باليوم (مادري انتي تقصدين أي فيتامينات بس أنا الي أقصدهم الي يصيرون مدورين كبار جنهم حبوب وتحطينهم بماي وتسوينه نفس العصير وعقب تشربينه)
وكاهي العلبة جدامي قاعد اقراها مو مكتوب انها مضرة .. مكتوب انها تعتبر كمكمل غذائي وتنوخذ مرة وحدة باليوم
ماشاء الله عليها بنت بنت خالتج عجبتني بسالفة انها توري كل أكل حق أمها .. يريت اقدر أعلم بناتي جذي، بحاول معاهم وأشوف

love love
الله يخليها لج ..
المهم بالنهاية انهم تكره البيبسي

BaBy_SMiLe
الله يعافيج وناطرين مشاركتج

 

[انوثة من حرير]

اختي امواج البحر بنتي الكبيرة عمرها 6 سنين واختها 4 سنين وان اعذرج على الحريم الي يمنعون عيالهم من اهلهم صاجة فيها بس مشكلتي عمانهم الصغار ابي حل ياليت تفيدوني
انا فية شغلة استفدت منها وايد وابي افيدكم فيها وطبقت شغلات منها واستفدت ابقولكم عليها يوتوبات د ابراهيم الخليفي الطفل المشاكس وكتاب في بيتنا مكار ساعدني وايد وايد على التربية صح دكتور ابراهيم فاهم شنو يفكر فية الياهل ان شالله تستفيدون منة
عبق البنفسج ياليت يتثبت موضوعج فية شغلات مفيدة حيل ماودي يتصكر الموضوع نبي الكل نفيد ونستفيد

 

[انوثة من حرير]

عبق النفسج وامواج البحر عندي سوال لكم خاصة وللجميع الامهات شلون طريقة تعاملكم مع عيالكم فية امهات ماتضحك مع عيالهم على اساس توريهم العين الحمرا جادة حيل بلي تقولة شفت طريقة هاذي ماشية فيها حماتي تمشي عيالها على الساعة ومايردون باي كلمة علنهم صبيان ويسمعون الحجي يخافون من امهم حلو نظامها بس انا ماحبيته حسيت ان عيالها فاقدين حنان وحارمتهم تخيلو كل عياالنا عنده ايبوت الا عيالها مادري مرات تعجبني ومرات اقول قاسية دايم تقولي انا احب نظام
شرايكم عاد تصير الوحدة قاسية وصارمة جدام عيالها ولا تكون على طبيعتها احس مرات اليهال ماينفع معاهم الا العين الحمر ولا شرايكم

 

[أمواج البحر]

اانوثه من حرير ... شوفي بناتج امممم توهم بس من الحين قوليلهم ماما انتي بنت عيب تسوين جذي

انتي بنت حلوه ... والبنات الحلوين ما يسوون جذي

مره على مره بتعرف انها مايصير تسوي مثل عمامها

بالنسبه لطريقتي معاهم او بالاصح طريقتنا انا وابوهم

والله وقت الجد جد و وقت اللعب لعب

غشمره وضحك ولعب ... العب اونو معاهم اي بود

نلعب لعبة المسابقات يسالوني و اجاوب

وابوهم بعد يلعبون طقني واطقك :/ بوكسات و حاله حاله

يطلع لعب معاهم كرة قدم وساعات يلعبون عندي بالصاله وتعالي سمعي صراخي لاتكسرون ولا تكسرون >_<

عادي خلج اوبن معاهم

وقت الجد خلج حازمه وصارمه معاهم و وقت اللعب نزلي لي عمرهم ولعبي

ترى انا عندي كلهم شباب الله يحفظهم والحمدلله كاسبتهم صوبي والابو كاسبهم صوبه

خليج طبيعيه ولا تصيرين قاسيه معاهم عشان يفتحون لج قلبهم لج

في كلمه دايم ارددها لابوهم من اول ما يبنا ولدنا العود اسم الله عليه

كنت دايما اقوله خلهم يحترمونك مو يخافون منك

يعني اذا بغو يسوون شغله ابوهم قالهم عنها يسوونها احتراما له مو خوفا منه

love love ... حبيبتي احرجتيني والله ماعليج زود

و موضوع عبق البنفسج فكرته وايد حلوه وعجبتني ^_^

سامحيني عبق استحليت موضوعج >_< بس لاني احب المواضيع اللي جذي فيها نقاش عن التربيه

 

[q8tyah]

انا معلمتهم يبوسون راسي قبل لاينامون

واذا كلوا لازم يخلصون صحنهم

وجبات ومطاعم مافى الا يوم طلعتهم بالويك اند

 

[جلكسيه اس 3]

خوش مووع ومنكم نستفيد

 

[0oR0R0 honeyo0]

اي حبيبتي عبق هذا الي اقصده الفيتامين سي الفوار ماغيره والله يحفظلك عيالك من كل شر ومن كل مكروه ..

 

[انوثة من حرير]

تدرون بنات مرات الام تعلم وتربي بس منو الي يخرب مرات الابو انا بالنسبة لي امي وخالتي ام زوجي عافسيني مثال انا مااحب بناتي يروحون البقالة اكون جاد ماتروحون شوي ولا بناتي بكيس البقالة ليش رحتو امي العودة قالت لنا روحوا انا هنية ماقدر اقول شي
اما خالتي معودة بناتي على شرب الجاي والقهوة ان نزلت عند خالتي الابناتي كل وحدة بيدها فنجان حريم مو بنات امنعهم تقول خالتي خليهم يتقهون معاي ما فيها شي بالله شلون الواحد يتصرف مثل معاناتي الكل يربي من صوب

 

[تروبيكانا]

السلام عليكم
خوش موضوع شدني وايد انا عندي بنت وولد 5 و4 سنين
الحمدلله معودتهم على النظافه واحترام النعمه يعني اللي ياكل شي مو يقط قراطيسه على اساس اكو خدامه لا اهو يشيل قراطيسه بنفسه والنعمه يحترمونها اذا شافوا شي طايح يشيلونه وواحد يعلم الثاني مثلا حطيت اكل وبنتي او ولدي ماحبه لو قال ماحبه والا اليهال مرات يقولون ويع يصحح له الثاني ويقول حرام نعمة الله
ولو اضطريت وشربوا مشروب غازي ما يشربون الانتفه نقول خلوا شوي حق الفقراء مساكين
والوالده حاطه حصاله للمحتاجين لو صار عندهم خرده من نفسهم يحطون فيها واذا شافوا عندي خرده يقولون ماما حطيها حرام الفقراء
واذا اذن يقصرون او يحطون سايلنت التلفزيون ومعلمين خادمتهم بعد
والخادمه يحترمونها لانها حالها من حالنا ويعاملونها كفرد من العايله
عندهم ايبودات بس وقت مخصص مو دايما بايدهم
وطبعا لازم كريم وعطر والشعر مرتب قبل الطلعه وحتى واهم بالبيت يردون من مدارسهم تكرمون الحمام على طول تغسيل وكريم وعطر وتبديل لبس البيت والنوم نوم والطلعه طلعه واهم شي محد يبدل جدام احد لانه عيب والله يزعل علينا
والحمدلله فيهم طبع حلو قلبهم على بعض صج يتخانقون بالبيت مرات بس لاحد يتعرض لواحد منهم من برى الثاني ما يرضى عليه
الله يحنن قلوب عيالنا على بعض
وطبعا شكرا وعفوا وانعم الله عليكم بعد غدا الزواره
ولو احد عطاهم شي على طول ايون يقولون لي عمي مثلا عطاني شي عادي
وعانيت وايد من سالفة البقاله لاني ماحبها خصوصا بزوارة اهل ريلي
والحلاو الملون الحمدلله اقتنعوا انه مو زين عقب ماجربه مره ولدي وتكرمون رجع الوان وخاف حده عقبها مايقرب صوبه واخته بعد تاثرت
وكل شي يسوونه زين اقولهم الله يعطيكم حسنات ويوديكم الجنه اللي كل شي فيها تحبونه واهم متبعين هالاسلوب مع بعضهم

ادري وايد قرقت بس اتمني اكون افدتكم بشي بسيط

 

[عبق البنفسج]

انوثة من حرير
لا أنا ما أفضل التربية الي تكون باسلوب التهديد والعين الحمرة
الحلوو الأم تلعب مع عيالها وتتغشمر معاهم بس وقت الجد لازم تشد معاهم شوي .. يعني المهم انها تفرض احترامها بكل الأوقات وماطيح الميانة لدرجة انهم يسبونها أو يطقونها على غشمرة ..
بنسبة لي أنا مرات حازمة مع بناتي ومرات ألعب معاهم وأرقص وأنط معاهم بس العادة أكون على طبيعتي معاهم يعني عادي أكلمهم بهدوء ..
وبنسبة لاختلاف التربية بينج وبين خالتج وأمج .. انتي كلمي عيالج وقوليلهم ان الجاي والقهوة مو زينين حق اليهال واليهال المفروض يشربون عصير عشان يصير أقويا وكبار بس الجاي يخليهم يضلون صغار وماراح تكبرون ..
انا اتبعت هالشغلة مع بناتي وفادت .. لأنهم كانوو ياكلون جلد الدياي وماحبيت أقول حق ناس لا تعطونهم فكلمت بناتي قتلهم ان جلد الدياي يطلعلكم شعر وايد بايدكم وتصيرون نفس الرياييل فكيفكم اذا انتو تبون تصيرون رياييل اكلوو جلد واذا تبون تظلون بنات حلوين ومايطلعلكم شعر لازم ماتاكلونه فالحين الحمد الله ماقاموو ياكلون الجلد بس مرات وحدة فيهم اذا بغت تاكل الكبيرة اتنبها تقولها لا بعدين يطلعلج شعر
فانتي شوووفي شغلة هما مايحبونها وقوليلهم اذا شربتوو جاي وقهوة يصير فيكم جذي ..
ونبهيهم من روحة البقالة .. قوليلهم وييي ماسمعتوو في بنية مسكينة باقوووها الحرامية لأنها راحت البقالة وشافها الحرامي وباقها والحين أمها مسكينة ماتدري عنها وقاعدة تبجي .. وقوليلهم دربالكم يما لا تروحون البقالة أخاف يبوقونكم ​

أمواج البحر
اخذي راحتج الموضوع موضوعج .. يريت ماتبخلين علينا بكل المعلومات الي عندج
ايي صح كلامج المفروض نعلمهم شلون يحترمونا مو يخافون منا

q8tyah
حلوة الشغلات الي علمتيها حق عيالج ..
وأتمنى نفيدج بشغلات ثانية

سكرتير مستقبليه
هلا فيج وأتمنى مشاركتج معانا

0oR0R0 honeyo0
مادري بس أنا سألت الدكتور والصيدلي وقالووو مامنهم أضرار
عالعموم أنا ماأعطيهم كل يوم .. وبسأل كذا دكتور بعد

تروبيكانا
سويت كوبي حق ردج وخليته مع الشغلات الي عجبتني وبعلمها بناتي .. خاصة بسالفة انهم مايقطوون قراطيس بالأرض أقولهم الأرض زبالة يقولي لا فأقولهم خلاص عيل لا تقطون شي عليها بس هم ينسوون ويردون يقطون بس أنا بظل وراهم لي يبطلون هالعادة :rgewrg:
وبعلمهم ان اذا سووو شغلات زينة الله يعطيهم حسنات والشغلات الموزينة يعطيهم سيئات
وحتى أنا حاطتلهم الآيد بود بوقت معين وقبل العشى يعطوني اياه وأحطه عندي
والحين من أمس بديت أعلمهم ان اختج سند لج :eh_s(7): وان هما خوات ولازم يخافون على بعض ومانخلي أحد يطق اختنا ..