بنات تعالوا شوفي زوجى شيقول عنى ...

[غرق بالماي]

حبيبتي اشفيج والله جذي راح تخسرين زوجج الريال يحب زوجته كاشخه ولابسه احلى لبس ويحب انه تغير الوك حقها كل فتره وفتره والمكياج مو كل يوم نفس الون غيري اذا كان بالنهار لون بالليل تغيرن تحطين لون غير عن النهار


والبسي احلى لبس لبس عندج ولا تفكرين انه المكياج يخرب البشره شوفي ياقلبي اذا كل وحده فكرت



ماتحط مكياج عشان تخرب بشرتها جان الحين ماتشوفين بنت حاطه مكياج كاهي الحريم ويها مايفضه من الكياج وماشاءالله بشرتها بيبي فيس اشحلاتها



والله لو ضليتي جذي راح تندمين اخذيها من اختج


صج انا مو متزوجه بس اعرف بالسوالف هذي نصيحه من اخت حق اختها

 

[بنت.المطيري]

شعرج لاتقصينه حرااام. بس عندي خدعه حلوة بس ماعرف اوضحها روحي الصالون فلي شعرج وقوليلها تدرج شعرج من اطرافه اللي يايه علا ويهج بس مو قصير حيل لا اقصر وحده حد ويهج وبجذيه لما تفلينه من ورا يكون سيدا وجنج مو قاصته ومن جدام راح يبين مدرج وتقدرج تسوين كبه لي فوق ناعمة وشعرج ينزل علا ويهج بطريقه ذربه او تقسمين شعرج من ورا عالنص (افقيا) وتحطين شباصه او ماشات ترفعينهم لي فوق يصير بف خفيف ،، وباجي شعرج لفيه كبه خفيفه وتكون لي تحت راسج وثبتيها بماشات<< حيييل سهله وعالموضه (شنيون) دوري عنها عادي يعني
حركه ثانيه فرقي قذلتج وبرمي الصوبين لي ورا وحطي ماشه ودخلي الخصله اللي برمتيها تحت شعرج وتصرفي عاد فباجي شعرج

ادري قاعده اشرح بشكل غبي بس لان ماعندي صور
اذا شعرج مو ناعم او مومرتب ويحتاج استشوار سويله كيراتين،، ريلاكسينق او اي شي اذا ماتبين
استشوريه كل ماتتسبحين وعشان مانضيعين وقتج بطلي كتابج ودرسي انا جذي اسوي لان ازهق وانا اسشور



------------

اما بالنسبة للتعطر اذا مو فاضيه تسبحي بجل شور من بودي شوب او يكون تبع اي عطر تحبينه
ولما تطلعين علا طول حطي الخلطه اللي بتعطيج اياها البنت اللي فوق ( ولاتستخدمين الديودرنات)
وعالسريع حطي دهن عود باماكن النبض وبشعرج وحطي مسك العروس ،، بالمنطقه ال ح س ا س ه
واذا عالسواد راجعي الجلديه
والا اقولج سوي ليزر وراح يصير ابيض
----
واذا عاللبس مثل ماقالو البنات لبسي قصير شيفونات
حزة النوم لبسي قميص طويل حرير او اي شي ناعم (هذا اذا مالج خلق)
اما اذا لج خلق لبسي قصير وحطي فل ميك اب
----

حواجبج كل ويك اند صبغيهم اذا خفاف وبشكل مرتب روحي الصالون يسوونها لج ولي رجعتي البيت عيدي عليهم مو شرط اسبوعيا صالون
واذا تبين عندي وحده تجيلج البيت تضبطج
---
وبالنسبه للبيت والميك اب حطي كريم من بنفت (كريم اساس خفيف وطبيعي) اهو علا شكل عصار
وحطي بلاشر يناسب لون ملابسج خليه شوي يبين وبطريقه مايله من قرب شفايفج ليييين زلوفج وتحت عينج حطي كونسيلر فاتح طبطبي واذا عينج شوي بارزه لاتحطين علا حد عينج كونسيلر لا نزلي بشوي عشان ماتبين عينج منتفخه

ودام يحب الميك اب حطي حمره فاقعه وطقطقي رموشج بالماسكرا

وعشان تبينين انج صج كاشخه. لبسي عدسات فاتحه وبس ( هذا شغل يومي ناعم) وعشان يبين انج مهتمه بنفسج وقعدي فيه ساعات

انا اول مااقعد من النوم اسوي جذي واقعد فيه الا اذا رحت توضيت راح ينمسح شوي واضبطه وسلامتج


--------
*

 

[Tom ♥ Jerry]

.،


نصييييييحه دآم ريلج جي لا تهملين بـ عمرج
خلج على طول على سنقه عشره مآدري شنو يقولون


سوي خلطه آنل وآيد حلوة و بتلاخظين فرق من أول اسبوع
حطيها كل يوم قبل لا تنآمين و لا تخآفين مآ تدبق أو حطيها قبل لا تسبحين بـ ساعتين
اذا زوجج مو موجود اذا مآ تحبين يشوفج بـ خلطات .,،
اهيه عباره عن " كريم جوليسيد / 4 ليمونات / 2 قرص فيتامين سي الفوار / فنيان زيت اللوز المر "
سوي حمام مغربي كل اسبوع مره !
سوي خلطه هالـ لوشنات و حطيها كل يوم عقب السبوح !
عباره عن " لوشن جونسون بيبي / لوشن فير آند وآيت الكحلي / لوشن البابايا / لوشن فيتامين سي "
حطي حنه مره بالاسبوع لمده على الاقل 3 ساعات أو ساعتين
و سوي هالخلطه وآيد ممتازه حق الشعر حطيها 3 مرات بالاسبوع لمده ساعه بس ,،
" مآيونيز / روب / زيت خروع / زيت آملا / زيت نآرجيل "

هاذا بالنسبه للـ عنايه بالجسم ترا يمكن تحطين في بآلج آنه لويه و وآيد
بس صدقيني وآيد سهله و بتلاحظين نتيجه حلوة و مضمونه ؛***

بجآيم و نفانيف البيت من " سنتربوينت ، وومآن سكرت " و غيرهم
و مكيآج سنتر بوينت يومي ووآيد حلووو !
روحي و اشتريلج مآسكرا و شدووو و اشياء حلوة (=
و عطووورآتهم بعد حلوة .، آشتريلج جم عطر !
و روحي بودي شوب آخذيلج البوكس مآلهم وآيد حلووو و هم لاالسنفره عجيييييبه مآلتهم !
و عطوووراتهم روووعه وهم الميكب مآلهم يومي و عجيب عجيب (=
اشتريلج تراجي هالـ صغار انا وآيد آحبهم و آلبسهم 24 ساعه بالبيت يونسون
من " كليرز و غيره " و هم صبغ آظآفر كليرز وآيد وآيد حلوووو!

بالنسبه لـ سواد الآبط ! حبيبتي حطي عليه قبل لا تنآمين خلطه آنل الي قلتلج عنهآ
و رطبييييييييييه 24 ساعه ! استخدمي مزيل العرق ركسونا وآيد حلووو !
و مرطب جونسون حلوو وآيد ترا الجفاف اييب السواد ديري بآلج .،
ونظفييييه على طووول ,، و مسحيه بين فتره و فتره بـ مسحآت الكحول الي يعطونهآ الطبيب حق سر البيبي
وااااااااااايد ينظفون هاذا شكلهم بالصيدليه تلقينهمـ ،‘

كريم درآبولين حطيه على الابط و المنطقه الحساسه وآيد حلووو " يفتح + ينظف + نعومه "

 

[ام ميميتو]

حبيبتي دام تعرفين الي يحبه ريلج شنو ناطره ناطرته يروح بره يدورله وحده الريال اذا مالقى الي يبيه بالبيت ادوره بره اذا ما تعرفين تحطين مكياج الله يعافي النت كل شي فيه انا وايد اخذ افكار من النت و اطبق و الصالونات شوفي اي احد حتى لو بالجريده او وحه من صديقاتج او الصالون الي تروحين تحفين عنده اكيد تعرفين

 

[تفاصيل الغرابه]

حبيبتي اهتمي بنفسج والبنات ماقصرو ماشاء الله
الله يجملج فعيونه ياااااارب

 

[وزيره الخارجيه]

البنات ماقصروو وعليج بس التطبيق

والله يسخر زوجج لج ويشوفج احلى بنت بالدنيا

 

[الملح زايد]

انا عكسج زوجي مايحب المكياج كلش بس دايما اقوله انا البس واكشخ واهتم بنفسي مو علشانك علشان نفسي انا لاني بعيش حياتي
موناقصني شي بس من داخلي احب اشوف رد فعله مع كل لوك يديد واذا الاندر ارم اسمر مع الليزر وكريمات التفتيح تصيرين اشحلاتج

 

[برنسس أوراق]

مع اختي عبير الشوق..

 

[nooorrrsss]

انتي قلتي عندي دراسه وعيال وتجاره بس نسيتي ريلج حطيه من اهتماماتج والصبح جدمي قعددتج عشر دقايق وتمكيجي احسن مايقولج اشرايج في افلانه وعلتانه واذا كل يوم بتحطين مكياج وراح ادشين اليوتيوب وطالعين اشلون يتمكيجون راح اتصيرين بيرفكت والمكياج ماراح يخرب ويهج اذا اهتميتي في ويهج والباط مب مشكله عادي لبسي وونسي ريلج وحطيه من اول اهتماماتج احسن مايروح ويطالع برع والله يهنيج

 

[aloooya]

اهتمي بنفسج اكثر و خصصيلج وقت لنفسج دلعي روحج
و غيري دراريعج في هدوم حلوة و مريحه للبيت
و حتى لو يحب الشعر الطويا سويلج قصه و نيولك و غيري لون شعرج

 

[بنت احلى ديرة]

حبيبتي انا الي اشوفه انه صح الوقت جذي مضغوط انا اقول اذا تقدرين تاجلين التجارة لي بعد الدراسة يكون احسن ترى جذي مو زين لج يعني خففي على عمرج شوي ترى زوجج له حق عليج مسكي زوجج قبل لا يطير ترى بعدين ما تقدرين تلومينه وشوفي الحين البنات بالسوق ما شاء الله على سنقة عشرة والممثلات الي بالتلفزيون وترى يقارن الرجال زوجته بكل مره ... انا اقول الزم ما عليج زوجج والتجارة بعدين بعد ما يصير تهدين دراستج موفقه جبيبتي

 

[manoooona]

خلي التزيين والاهتمام من العادات اليوميه حتى لو روج وكحل ومسكره وجعدي او استشوري ولا تلبسين دراععععه وع وع وع
مو كل وقت احسها تحبط الجسم والعقل ماله علاقه بس للمبالغه

 

[Sa7aBa]

الله يوفقج

 

[غرامي مرامي]

والله انا حالتي مثل حالتج احس دافنة نفسي بالحيا

 

[انشودة المطر]

مشكووووووورين بس تجاره صعبه اتركها تعودت وتعبت علي ما الكل عرفنى احسها هوايه قبل لاتكون مكسب.....والنفانيف القصيره وين احصلها...تصدقون اللي يحببنى بدراعه انها تستر السيقان اذا طلع فيها شعر اتوهق والبسها ليمن احف..عطونى حل لهالشيء؟؟

 

[انشودة المطر]

^^^^^

واااااااي انا ابي زف هواش تجعيم ....احب العبر والقصص اللي تنبهنى وتصحيني..مرات احس بشعور مو طبيعي واكشخ وشحلاتى وشهووووور اطخ وانثبر حتى الكحله مو بعيني مرات يقولي جنج مريضه شفيها عيونج جذيه...ومرات بوقت شسمه يقول ماراح تبدلين اقول لازم ويشوفنى متكاسله يقول خلاص عادي اذا ماتبين <<الله يستر وصججججججج اخاف لايسافر لان راح يلقى اللي يبيه من باجر بنزل اجهز جهاز عرووووووس....

شنو تنصحونى فيه...عندي بجايم قديمه مع انها يديده بس مانكرفوا مره مادري مرتين شسوي فيهم يدد خواتى مو نفس جسمى شالحل؟؟

 

[ضحاوي الديره]

اقلبي ترا والله الكشخه للزوج ماااااااااااااكو اسهل منها اذا تعودتي عليها وخليتيها روتين يومي
اول شي اهتمي بشكلج سوي حمامات كل اسبوعين وخلي بشرج تلق لققققققق تنظيف بشره
وشعرج دامه طويل وريلج يحب الطويل نصصصصصصصصصصصصيحه لا تقصينه بس حددي اطرافه وسوي فيه حركه او قصيه اي قصه عاجبتج ع طووله
ولاتصبغين الصبغ يخرب الشعر وينتفه حطي حنه مع قهوه او حطي شيقور او بروكسيد يفتح لون شعرج ويصير لونه لون الجوكليت بدون صبغ
اهتمي بشعرج بحمامات الزيت عشان تعطيه لمعه حلوه
جددي ملابسج اشتري ملابس حلوه ومغريه والاهم تبرز الاشياءات الحلوه وتخفي الاشياءات المازينه لووول
ودام ريلج يحب المكياج الاوووووفر خلي مكياجج ببيتج دايم شدو اي لون هادي كحل وسحبه فخمه شوي ترا والله مايبيلها شي بس عودي ايدج عليها مره مرتين بتغلطين بعدين بتصيرين فنااااااانه وحمره حلوه
وبالليل سوي مكياج جنج رايحه عرس والبسي احلى ماعندج وتفنتكي بلبسج وحركاتج وتددددددلعـــــــــــــي واترسي عينه
وطول ما انتي فبيتج لا تلبسين الدراريع البسي فساتين قصار مرصرصصصصصصصه ولازقه ع الجسم او بجامه نعومه كيوت او جقينز وتفنني بالبدي وانسسسي شي اسمه دراريع وشعرج لا تلمينه اللمه المعتاده مره فجيه ومره سوي ويفي بالجهاز ونزل مره ويفي وارفعيه وبدددعي بالاكسسوارات والكعووبا وصدقيني بيطير فيج وبيتخرفن عليج ؛)

 

[~ كرز ~]

حبيبتي لازم الاهتمام سامحيني علا هالكلمة بس الريال اذا ماشاف شي عندج يدوره عند غيرج
شالفايدة جميله بس شعرج معفوس و لابسة دراعة
احنا بزمن كله مغريات حق الريال يعني لازم الوحدة تكون علا سنقت عشرة
قسمي يومج و ابدي اهتمي بنفسج
كبداية شوفي وزنج اذا محتاجة تضعفين بلشي رجيم او عالاقل تخفيف
و المكياج اول شي ابدي كل ويك اند تحطين مرة و شوي شوي زيدي الايام ليما يصير عادة عندج موشرط كل يوم بس عالاقل ثلاث مرات بالاسبوع و اليوم اللي ماتكونين فاضية حطي مكياج خفيف( مسكرا و بلشر و قلوس و رسمي حواجبج ) و اذا ماتعرفين المكياج الثقيل بسيطة
دشي قسم المكياج و تدربي انا ماكنت اعرف ارسم اي لاينر بس تدربت و دشيت المنتديات و يوتيوب و شوي شوي ليما صرت فنانة
بالنسبة للشعر قصيه مدرج علا طوله لان زوجج مايحب القصير و صبغيه
و يوم سوي ستريت(ماياخذ اكثر من عشر دقايق) و يوم سوي ويف (بالفوم ياخذ خمس دقايق) و يوم كيرلي (تقريبا نص ساعة) و جذي تكونين نوعتي بالتسريحات و في بعد تسريحات ناعمة مثل العجفة الفرنسية و البف و طريقتها باليوتيوب
و بالنسبة للبس اذا عندج ميزانية اخذي فرة عالافنيوز و نوعي لج نفانيف قصيرة و بديات و جنزات
و اذا ماعندج ميزانية اش اند ام عند شغلات حلوة باسعار مناسبة و سنتر بوينت و سيرز
و بالنسبة للسواد الابط في شكثر خلطات و علا ضامنتي و من تجربة اشتري صابون مغربي و فركي فيه كل سباحة

و يارب اكون فدتج

 

[قوس فرح]

ايش فايدة الفلوس اذا ما بانت عليك .. الجمال هذا من الله و كلا عنده نصيبة من الجمال لكن اللي يبين النعمة و العز هو اللبس و الكشخة و الاهتمام .. انت قلتيها بنفسك حالي حال خدامتي . خدامتك مهمله نفسها عشان الحاجة لكن انت فلوسك تسوي منك اللي تبين .. مراكز البشرة مالية الكويت و الاسواق و لا احلى .. دلعي عمرك عشان نفسك مو بعشانه

 

[بلقيسو الحلوه]

اممم مادرى بس البنات ماقصرو