بنات تعالوا شوفي زوجى شيقول عنى ...

[~ كرز ~]

اي و نسيت فجي الكبت و شيلي كل الدراريع اكرر كل الدراريع لا تخلين و لاوحدة و اتبرعي فيهم كلهم و بدل الدراريع وكت اللي يكون مالج خلق اشتري نفانيف قطن قصيرة و بجامت اللي يكونون حفر مع شورت

 

[انشودة المطر]

ياحياتى ياكرز وضحاوي.....مشكلتى اتضايق من الاكسسوارات والويفي والشعر المفلول يمكن ماتعودت مع الحر ...وكسوووله متى اتسبح متى اسوي شعري احب كلشي بسرعه شسوي...ممكن صور لتساريح؟

 

[الريم اللعوب]

الحين اختي بدل ماتقعدي تتفرفري في المنتدى
لروحي الحمام وسوي لك صنفره ولبسي لك اي بجامه ناعمه
واستشوري شعرك ورطبي وجعك وارسمي حواجبك وحمره خدود وشوي مرطب
ترى والله مايبيلها شي
وروحي نامي اذا زوجك نايم وشوفي الصح يوم يشوفك نايمه ومرتبه الله يهديك المشكله انك عارفه ايش فيك بس
الكسل ذبحك
الله يعينك ترى والله اهتمامك بالاول والاخير هولك ونفسك
بااااباي اختي

 

[@ كويتيه @]

معاهاا^^^^^^^^

 

[dubai girl]

انزين انتي تتسبحين كل يوم ..؟

مادري اتقولين باطج اسود ومهمله ووقتج كله للبزنس والدراسه والعيال

يعني ماتقدرين اتسوين ليزر لجسمج كامل
ماتقدرين اتسوين حمام مغربي مره في الاسبوع
ماتقدرين اتسوين حمام زيت مره في الاسبوع
ماتقدرين اتسوين سكراب 3 مرات في الاسبوع


يوم تتسبحين كيف تتفركين بصابونه مره وحده وتطلعين صح ..؟

ماعندج عطور وبخور

شعرج تغسلينه ..؟

اظافرج كيف ؟


ماتتسوقين

جد يوم اتسيرين السوق شو تشترين ..؟

شو اسهل من انج اتحطين جحال وقلوس وبلاشر

ليش ويهج شاحب خذي موعد حق ابر الميزوثيرابي

شو بيصير لو سويتي تقشير مره في الشهر ولا فيشل

تقهرين عندج بزنس ومستبخله على ريلج
ترا غيرج يتريون الفرصه

وبعين قولي ياليتني سويت وياليتني اهتميت


بتندمين


><

 

[ام سليمان 2008]

البنات ماقصروو كفو ووفو
الله يسخرلج ريلج يارب

 

[سنااااي]

حبيبتي مره وحده بالشهر او مرتين روحي الصالون سوي اشتراك.... والمكياج مايبيله شي مع الاستمرا بتعرفين .... صبغي شعرج وسوي لج قصه على طول الشعر ... وعدلي حواجبج.... واخذي لج جم فستان وبجامه وقمصان نوم وفلاتات واهم شي المسكره والكلوس مع كريم اساس طبيعي والبلاشر....ونوعي من الكحل داخل العين اخضر اسود ازرق تركواز والعدسات والله مايبياه شي.... والعطور.... الرتين والشغل مايخلصون ........وبشيرينا عنج.........والله يوفقج....

 

[ريكاتو]

حبيبتي الدراريع راحت ايامها مثل ما عندج وقت تلبسين دراعه لبسي بديات او نفانيف المريحه طبعا
والمكياج لا يكون اوفر بايخ بالبيت انتي حددي عينج بالكحل الاسود مع ماسكرا راح تبرز واهو يحب العين المحدده اكو بلشرات كريميه حلوه بعد ويعطي منظر طبيعي
وشعرج خليه مرتب على طول
والاكسسوارات لبسي تراجي ذهب صغار مو شرط الخبه وهذا لان ما عندج وقت مثل ما قلتي تقدرين تنامين فيهم وحتى تتسبحين فيهم
والله لا يفركم عن بعض

 

[ريكاتو]

حياتي توني اقرى باجي الردود تقولين عن شعر ريلج ليش ما تسوين ليزر ترى ما ياخذ وايد بس 5 دقايق بالعياده بس
وكل شهرين ترحين لهم ومن اول جلسه يفرق معاج صدقيني راح ترتاحين وحتى بشرتج بتلاحظين انها صارت افتح واحلا

 

[حبيبي مالكني]

البنات ما قصروا
بس اهم شي تعدلي عشان نفسج قبل لايكون عشان ريلج

 

[Lourdez]

حبيبتي طمنيني عليج شصاار ؟؟؟

 

[مناير ...!]

اهتمي بنفسج
واخذي فاندويشن طبي عندج كلينك
مايشيخ البشره
دامج بيضه وسوي الي يحبه ريلج
ماتاخذ السالفه من وقتج 10 دقايق جدام المنظره
كحله وحمره

 

[مساء الرياض]

كلامنا لك حياتي راح تقرينه وتتحمسين فتره بعدين ترجعين لطبعك اذا ماجاء التغيير من نفسك وعزيمه نابعه منك ماراح تتغيرين اعزمي وخلي عزمك من نفسك انتي وتغيري واهتمي

 

[عرووسة ضااري:$]

حبيبتي ماقدر افيدج إلا بجم كريم حق الاباط استخدمتهم والله العظيم بأسبوع يبين الفرق وطريقة الاستخدام يوميا بعد الشاور تحطين ولما ينشف حطي الديودرنت فوقه وهذيل ااسماء الكريمات تلاقينهم عند الصيدليه
إلدكوين + bepanthen + diprasallc
تخلطين شويه من كل واحد وتحطين منه يوميا

 

[ام عبداللـه]

باختصار .. في دورات لمده شهر تعلمج علي خطه العين والمكياج اللي يبيه زوجج.. واذا تقولين مالي خلق .. هم راح اروح معاج في صالونات تجي للبيت متي ماحسيتي زوجج قرب علي جيته للبيت خل تجيج تكشخج وجم دينار لها وانتهي الموضوع

ماعليه تتعبين وتملين بس شتسوين احسن مايحط فوق راسج عله وبعدين تقولين يا ريت اللي جرا ماكان

 

[ام عبداللـه]

اي وبخصوص القصات والصبغ .. في صبغات نازلة يديدة وهم في قصات مثل شوجي اتهبل واطلع الوجه

الله يعينج انا زوجي عكسج مايحب المكياج.. بس عناد احط ههههههههههههههههههههه

 

[سعوديه اصليه 20]

منظرك نفس منظر الشغاله ولا تبينه يطالع الحريم يختي معذوووووووووووووور وشفيها لتزينتي وتكشختي وبعدين سواد الابط حطي كريم مزيل عرق فيبكس يشيل السواد

 

[D.asmaa]

الحل الاساسي في تنظيم الوقت بين البيت والتجاره والدراسه وتحديد الاولويات اعرف وحده بره البيت فل ميكب ولما تدخل البيت تمسح المكياج تعودي اول ما تقعدين شي بسيط بويهج ويتم طول اليوم اللهم ترتبينه من وقت لي وقت واللبس الحين البجامات جنها بدل طلعه ..الله يعينج ويرزقج على نيتج

 

[D.asmaa]

وعلى فكره الريال ما يعرف بالمكياج المهم ويهج ملون وملطوخ .. حتى لو ما تعرفين تحطين عدل اللهم الاساسيات خطة الكحله وغمجي الحمره لبسي عدسات وايد تغير الشكل .. واذا كلش دشي يوتيوب اكو فيديوات تعلم طريقه حط المكياج خطوه خطوه وطبقي بس ديري جدام الخدم لا تتبطل عيونهم عليج .. الله يسعدج ويهنيج يا رب

 

[نبض شرياني]

حتى لو انج تدرسين ولا تشتغلين لازم تكونين مهتمه بنفسج وبلبس وميك اب خفيف

يعني انا اعرف بنات مو متزوجات يهتمون بنفسهم حيل
لما اييهم بالبيت ماسكرا وبيجاما حلوه وتسريحه ناعمه والله وقت امتحانات فانيل قلوووس وماسكرا ولبس حلو حركات..انتي عندج ريال المفروض تهمتمين اكثر
اهتمي بنفسج قبل لا يطير الريال

زين منه نبهج معناه لج قدر عنده

الحقي عليه