بنات تعالوا شوفي زوجى شيقول عنى ...

[last-moon]

مع البنات حبيبتي​

 

[kuwaitya_zoGaa]

Al bnat ma g9row

 

[om MaRyooM]

بصراحه ماينلام
اذا احنا تطييير عيونا علا هالبنات مشالله فمابالج الريال


ودامج عرفتي من وين الغلط لازم تداركينه باسسسسرع وقت
من الحين روحي صالون سوي نيولوك
صبغة يديدة
قصة شعر ماسويتيها من قبل
بدكير ومنكير وسوي وراهم برافين
ركبي رموش واظافر
وقوليلهم يحطولج مكياج

ووزعي عيالج خل يصفالج الجو وديهم عند احد مثلا
وبالنسبة للتجارة خفي شوي
ترا باجر ان طار الريال لاتجارتج ولاعيالج ينفعونج ولاتقدرين تلومينه
لان الظاهر عجز لسانه واهو يقط بهالنغزات


ولو عندج ميزانية روحو يومين لدبي غيرو من النفسية والروتين القاتل

وصدقيني كلنا نمر بمراحل صعبة بس لازم ننظم وقتنا واهم شي اهتمامنا بنفسنا
مو بس عشان الزوج
عشان نفسيتجوثقتج بنفسج وصحتج قبل كل شي


والله يسخرلج زووجج حبيبتي ومايشوف غيرج

 

[قلبي عبدالله]

اهتمي بنفسج اكثر علشانج انتي اولا راح تحسي بالثقه والراحه وعلشان زوجج ثانيا لان هذا من حقه


وصدقيني الاهتمام اذا تعودتي راح تحسيه روتين وماياخد وقت واحدفي الدراعه من قاموس حياتج لانها مو لوحده شباب مثلج استبدليها ببجايم راقيه ومريحه بنفس الوقت حطي مكياج ناعم كحله بسيطه وكريم اساس وبلاشرشعرج اسشتشوريه على طول واذا على الطول قصيه على نفس طوله قصه حلوه تبين جماله واذا انتي بيضه اصبغيه اسود فاحم تراه يعطي بريق ويبيض اكثر

 

[..Ro$e..]

البنااات ماقصروا ..

 

[راعية الطويلة]

أحسج مكبرة الموضوع و معطيته أكبر من حجمه
مسألة اهتمامج بنفسج ما يبيله \
ما دام انت ِ حلوة ما تحتاجين مكياج اوفر
يكفي الكحل و الحمره و هذا ما يخرب البشرة
و في للبيت اكو ملابس حدها حلوة و عملية
بكل مكان و بكل سوق يخطر على بالج
نقي اللي يناسبج و تحبينه
و شعرج طويل سويه ويفي
او اتركيه على طبيعته
و العناية الشخصية و تبييض بعض الأماكن في الجسم
روحي لقسم العناية بالبشرة و شوفي تجارب البنات
و سوي اللي تقدرين عليه
الله يوفقج
و اعتبري مظهرج في البيت من أولوياتج
​

 

[انشودة المطر]

ياحياتى تسلموووووووون كلكم وربي كل وحده احس رفعت من معنوياتى....مشكلتى بعد انه شهوانى لدرجه مرات اصرخ اقول بس كل خميس لك مره يعنى حتى الجماع مو مريحته ....وماارتاح الا بدراعه ...يمكن لانى تعودت عليها ...بحاول اشوف الاقسام واليوتيوب واتشجع ...صج يبي تسنع وسمكره من يد ويديد جسمى منهد تعبااااااااان مرهق....

 

[**TiGeR**]

انا استغرب من بعض البنات اللي تقول مالاقي وقت اهتم من نفسي

حبيبتي ترى كلنا عندنا مشاغل واهتماامات بس مايمنع ان اهتم في نفسي
وصدقيني اهي الشغله تعويد متى ماصار الشي جزء من روتينج اليومي
راح تصير سهله الشغله

البنات ماقصرو عطوج الحلول بس انا حبيت اوضحلج ان الاهتماام بالنهايه سلوك تتعودينه

 

[SAMSAMA]

اذا انتي من النوع الي مايحب المكياج او مالج خلق كل يوم ركبي رموش دائما الي بشرقية حتى اول ماتقعدين من نوم شكلج بيكون حلو ويحلون العين بس نصيحة ركبي كله شورت مو وايد على شكلج طبيعي والشعر دارجيه على طوله وقصلج بيبي قذلة اذا حلوة على ويهج ولاتبالغين بصبغة فاتحة صبغي كستنائي بني علشان اذا مالج خلق تتمكيج مايطلع شكلج مو حلو الان الوان الفاتحة على طول يبلها مكياج سوي حمام زيت كراتيين عقب ماتصبغين وتقصين الان يعطي رونق حق الشعر قزي ابرة نضارةوبالنسبة اللابس ماادم تحبين الدراريع لابسي نفنايف بيت الي تكون قصير وبنفس الوقت نص جم او زبينج الانهم مريحيين بالابس شوفي دبنهامز واوش نفانيف البيت حلوة عندهم

 

[جوري 2007]

حبوبة ،، الكشخه والاناقه مايبيلها جهد اصلا هذي فطرة بالمرة ،، الموضوع بسيط

قطي كل الدراريع والبجامات العاديه واللي مالها معنى واللي ماتبين جسمج وروحي اشتريلج تجهيز كامل من بجامات

راقيه وجينزات وبوديات مغريه عشان متى مابطلتي الكبت لقيتيهم جدامج ،، اخذي الشي المريح بس المغري الذرب

لمي شعرج والا فليه على ميك اب خفيف وعطر وخلاص ابدي يومج

بالليل حطي المكياج الثقيل اللي يحبه ريلج ولبسي هالقميص الحلو وخلاص ،، ريلج مو طالب شي صعب بالعكس طلب

اللي من حقه ،، على الفكرة ترى مكياج الماركات مايخرب البشره طقة لانكوم وديور وبوبي براون :

 

[gala q8]

البنات كفووا ووفووااا ..

 

[بقــآيآ جـروح]

حرآآم عليج معقوله مآعندج خمس دقآآيق تحطين كحل دآآخلي وله من فوق ومرطب ع بشرتج
ترى مآآيضر ينفع وحطي حمره وله قلوس ومسكره كل هذآ مآيآخذ عشر دقآآيق
واللبس ليش درآآعه حالج حال الخدآمه ليش مآتشترين نفآنيف قصار يعني تحت الركبه
وله بلايز ولقنز او سكيني او بجآآيم شورتآآت او درآعآت الصيف اللي تجي حفر
متى تعيشن عمرج ترى الدرآسه مآتطير ولا الشغل بس ريلج اللي بيطير
واللي يشوف ويتحسف ترى الله يحآآسبج لا انه بيظل بنفسه ووده يشوفج متعدله
روحي صالون لمسة فن اللي بالرقعي او اي صالون تتعآملين معه
شعرج سوي له قصه تثقله قولي لهآآ ابي قصه تثقل الشعر
او سويه مدرجآآت وغره من جدآم وصبغيه لون فآتح بني او برغندي او كشميري
يعني مو حيل تفتحين صيف وحر بس اذا انتي بيضه ترى الغوآمج احلى بتطلع عليج
بتبين لون ويهج ومآتحتآجين مكيآج وآآيد وآذى ع المسآج دقي ع الخدمه المنزليه الفلبينيات الللي يسون
مسآآج بالبيت وتدليك عشان تجدد الدوره الدمويه نصيحه لاتهملين نفسج انأ آمي شكبرهآآ
للحين تحط حكل وتهتم بنفسهآآآ لاتصيرين مهمله ترى كل شي بالتعود لو تخصصين عشر دقآيق
تحطين مرطب وكحل ومسكر وقلوس خلاص كآفي واللبس آكيد ىنتي آدرى شنو اللي ينآسبج آكثر

 

[dectora 7elwa]

البنات ما قصروا

 

[كويتيه شماليه]

هلا حبيبتي كأنج تتكلمين عني بس انا اهتم ولا افرط في زوجي ولا اعطيه مجال يلتفت لوحده غيري الحمدلله

طريقتي اول ما اعقد من النوم اتسبح بسرعه واحط بودره ميبيلين رقم 10 مخليتها للبيت واحط شدو اسود من فوق وماسكارا وبلاشر وردي علشان يعطي وجهي حيويه وحمره عاد حسب لون النفنوف اللي البسه لبسي نفانيف قصيره ياحلوهم والله وبجامات لقنز وشعري نفسج طويل وزوجي مايحب القصير والقصات و ساعات ارفع شعري رساعات اهده مره شعري على جنب مره سيدا واغير من ربطات الشعر وساعات احط ماشات من كليرز روعه ودايماً بالصالون اسوي بدكير ومنكير اسوي حيويه للبشره وصالوني رنيم

والله يعين بعد كل وضو وصلاة اجدد المكياج عندي غسول جونسون بسرعه لازالة المكياج بسرعه اغسل مني اصلي واجدد المكياج

ومودايما احط مكياج اوفر الا اذا كان طالع من البيت طول اليوم وراد بالليل عقب ما انوم عيالي احط له مكياج وابدع ودايما اتبخر واتعطر الحمدلله



بس جت فتره ماعندي خدامه ما اهتم كلش وكل ماتكلم اقوله ماافضى لك مايمدي عيال وبيت ودراسه وطباخ وغسيل ومافي وقت بس الحمدلله الحين عندي خدامه واهتم مالي عذر

نصيحه اختي اصبغي شعرج انا مفكره بالاشقر الفاقع بغير من شكلي
وسوي حمام مغربي تفريك مو طبيعي مع خلطات تبييض بصالون رنيم وغيري من كريمج الاساس اهتمي اختي باجر لي قال اتزوج ذيك الساعه مايفيد الندم

والله يوفقج يارب*

 

[كويتيه شماليه]

وعلى فكره بودرة ميبيلين طبيه وما تخرب البشره يعني استخدام يومي عجيبه واذا ما اعجبتج استخدمي جيرلان المضغوطه وريحتها عطر عموماً كل المكياج الماركه مايخرب البشره بس ابعدي عن كريمات اساس الهنود وتسلمين

 

[رمـــانـــه]

يعني انتي عارفه المشكله وحلها والريال بدون عذر يتزوج على زوجته ولا يخونها
حبيبتي هذا ريلج وحلالج متعي عيونه اكشخيله التجاره والدراسه لاحقه عليهم اهم شي رتبي امورج واهتمي بنفسج الريال مايهمه الجمال صدقيني يموت بالمرتبه والنظيفه والانيقه وحاول تقصين شعرج تغيرينه ترسمين عيونج وتغيرين ستايلج رتبي بين امورج والله يوفقج يارب

 

[لياليـ]

الينات ماقصرو
اب
اب
لعيونج
اتقبلي مروري

 

[لياليـ]

اب اب

 

[!الجادل الصعب!]

خففي تجارتج او اجليها لبعد التخرج
العيال الخدامه موجوده تساعدج فيهم
اهتمي فيه لا يروح لغيرج

 

[سيماا]

حالكـ حال خدامتك دراعه ولافه شعرك وماتبغين زوجك يقول عنك شي