بنات النفاس خلونا ندردش مع بعض

[الفودرية]

السلام عليكم
شرايكم نسوى تجمع لخبيرات النفاس يعلمونا متى نبدى ناكل الحسو واللهوم وشنو الخلطات الزينة اللى تنظف الرحم
أنا أول مرة واذا اللة سهل بولد قيصرى متى أبدى أكل هالشغلات من أى يوم؟

يلة تفاعلكم وخبراتكم معانا:tek:

 

[زينانه]

رد: تجمع لخبيرات النفاس

وعليكم السلام
الف مبروك عالحمل .........بس مافهمت قصدج من التجمع يعني تبين خبيره بالاعشاب؟؟؟
والا احنا يالامهات اللي جربنا ادوية النفاس؟
انا عن نفسي خبره بالنفاس لاني ولدت مرتين وهذي الثالثه باذن الله.
بس انتي ليش بتولدين قيصري؟؟؟

 

[الفودرية]

رد: تجمع لخبيرات النفاس

يعنى اللى والدين وعندهم خبرة بادوية لنفاس ومتى الواحد يبدى ياخذهم لانا انا اول حمل لى وما عرف عشان جذية ابى الخبيرات يعلمونا

ومكورين

 

[زينانه]

رد: تجمع لخبيرات النفاس

الادويه تبتدين فيها ثالث يوم تقريبا
انا اول يومين طبعا بالمستشفى..والادويه هي معروفه مردود ولهوم وشاي اعشاب ودوا التمره
وحبيبتي النفاس مو بس ادويه وانتهى الموضوع
لا لا النفاس التزام باللبس ...
التزام بالاكل في مسموح وفي ممنوع ويخربج...
تخيلي حتى العلك ممنوع لانه يدخل فيج هوا...
اي ياعمري لاتنصدمين لازم البجر تعرف كل شي عن المرحله هذي
عشان لاتتندم باقي السنه.
وكلنا حاضرين لاستفساراتج.

 

[خبيرة اعشاب]

رد: تجمع لخبيرات النفاس

السلام عليكم

اختي هذا برنامج النفاس الكامل


ادوية النفاس من جديد بالتفصيل الممل.... من خبيرة اعشاب - منتديات كويتيات النسائية

 

[بسكوتة]

تجهيزي للنفاس تعالوا انسوي قروب

واخيرا رحت الحواي
اول شي اشلونكم يا احلى تنفوشات
اول شي خل اعطيكم فرشه عن نفسي (ماادري منو عاد) انا الحين اخر الثامن 17 الشهر ادخل شهري
وانا هذا مو اول ياهل عسى الله يخليهم لي وخليلكم اعيالكم
المهم شكلي قرقت وايد كل مره اقول بتدهن واهتم بالنفاس بس اكسل ومااسوي شي
بس هالمره قررت وعزمت واصريت (قويه صح ) اني بسوي نيو لوك فتاااااااااااااك
فقلت ماكو الا حبيباتي بطبوطات المنتدى انسوي قروب ونشجع بعض
اول شي شنو نشتري؟
ومتى وشلون نستخدمهم؟

انا اليوم رحت الحواي (رحت الصبوحه اللي بالاندلس) لان البنات يمدحون كريم الصبوحه
شريته عند 3 انواع واحد للويه وواحد حق الجسم وواحد حق الركب والكوع طبعا من الشطه خذيتهم كلهم
وووو خذيت سنفرة العروسه
ووو زيت جلسرين
ووو زيت اللوزالر مع الكركم

شريت صابونه مره ومره والصبر المره والصبر حق الاماكن الحساسه


يالله كل وحده تقول شنو عندها عشان اكمل معاكم
ناطرتكم​

:jbdwjbd:

 

[بسكوتة]

رد: تجهيزي للنفاس تعالوا انسوي قروب

ناطرتكم

 

[بسكوتة]

رد: تجهيزي للنفاس تعالوا انسوي قروب

:jbdwjbd:
منو يبدي التجمع

 

[طعزة]

رد: تجهيزي للنفاس تعالوا انسوي قروب

يالله حتى انا ودي ,, صراحه لازم نسوي نيوولك...

 

[فاقده حنان ابوه]

رد: تجهيزي للنفاس تعالوا انسوي قروب

وانا بعد وياكم لاني بجر وما اعرف شي الصراحه
..........

بستفيد منكم ؟؟

 

[بسكوتة]

رد: تجهيزي للنفاس تعالوا انسوي قروب

يالله اكمل معاكم وحياكم الله بالقروب
فاقده حنان ابوه
طعزه
والبقيه تاتي

ان شاء الله بشتري صابون مزيونه وشقرا
وانتوا شنوا في بالكم بعد

 

[بسكوتة]

رد: تجهيزي للنفاس تعالوا انسوي قروب

وان شاء الله على طلعة النفاس بقص واصبغ

 

[$حبيبة عبودي$]

رد: تجهيزي للنفاس تعالوا انسوي قروب

لاتنسين الادويه حبوبه..

 

[بسكوتة]

رد: تجهيزي للنفاس تعالوا انسوي قروب

هلا قدساويه ان شاء الله لازم بس ناطره امي شنو بتاخذ عشان افيد البنات

 

[بسكوتة]

رد: تجهيزي للنفاس تعالوا انسوي قروب

انا ناطره يكمل التجمع واقولكم باجي الخطط

 

[rora_q8]

رد: تجهيزي للنفاس تعالوا انسوي قروب

الصراحه انا ماشريت بس على نفاسي بصبغ شعري
وعندي خلطه تهبل
مكوناتها ( الشوفان - هرده - حليب بودر - ماي ورد - عصرة ليمونه حليب سائل - وسنفرة العروسه )
احطهم بالخلاط وفرش بعد كل سبحه وشوفي جسمج شنووو راح يصير
ومفكره اشتري زيت حق شعري بس ماعرف

 

[Meeesk]

رد: تجهيزي للنفاس تعالوا انسوي قروب

وانا بعد وياكم محتارة شنو استخدم لشعري ؟

 

[damasya]

رد: تجهيزي للنفاس تعالوا انسوي قروب

انا رحت للصيدليه وشريت حبوب الفحم حق النفاس اكلهم عقب كل وجبه
وشريت سورسير حق الشعر وناويه اروح الصيدليه واشتري امبولات فيجي حق الشعر وشامبوو فاست
وبالنسبه للويه رحت العطار وشريت منه شريت منه خلطه للتبيض اهو يسويها اسمها العروسه بس بحطها على جسمي بس وخلطه الويه متردده للحين يمكن من تاجره بالنت او وحده غيرها
وشريت لوشن فيتامين سي حق الجسم وكريم كاب
وشريت سوالف اعشاب وحلبه و و و و و شغلات وايد


بس انا متردده بالنسبه لخلطه الويه ,,, مادري شنو احط شنو تنصحوني فيه,,, خلطه مجربينها ومفعولها حلوووو

 

[نونه كيوت]

رد: تجهيزي للنفاس تعالوا انسوي قروب

سلام انا صراحه شغله مو مجربه وموثقه مستحييييل اجربها بس شغلات النفاس العاديه استخدمها.........
خاصه الخلطات مالوت الحواج موطبيه واذا مومجربه من وحده اشوف نتايجها بعيني ما راح اجربها
انا شفت وحده سوت حق شعرها تنعيم الكيراتين والصراحه صار شعرها مثل الحرير وتقول انها
سوته عند وحده وهذي مو اول مره تسويه وماخرب شعرها بس تساقص بسيط عالجته باازيوت ومع
القصه والصبغه طلعت شي وهذا صبعا بعد الاربعين وفعلا كان نيو لوك عجييييب لا استشوار ولا
يحزنون وشكلي بسويها وارتاح من السشوار ها شتقولون عن التنعيم ومنو مجربه تفيدنا اكثر عشان نتطمن

 

[بسكوتة]

رد: تجهيزي للنفاس تعالوا انسوي قروب

هلا والله بطبوطات
مسك
رورا
داماسيا
نونه كيوت
عسى الله يتمم عليكم وعلي وياكم
نونه حلوه فكرت الكيراتين بس يبيلها ميزانيه
دماسيا حق شنو حبوب الفحم؟؟ انا بعد شريت كريم فيتامين سي