بنات النفاس خلونا ندردش مع بعض

[damasya]

رد: تجهيزي للنفاس تعالوا انسوي قروب

هااااي
بصرااحه انا بعد بالثامن ومابقى شـي عالولاده الله يسهـل علينــا يارب
امممم انــا قــلتــ بصبــغ شعري خصــل لاني مو صابغه خصـل من قبل الا قبل الزواج
وهـم قـلـت بعـدل بغرفة النوم أبـي كل شـي يديد بجهز كل شي وانا بالنفاس عشان اخر يوم افاجأه ان كل شي تغير بالغرفه
وهـم قـلـت لازم اتسوق واشتري قمصان نوم يديده وبجايم بس حلاته تكثرين من ملابس الطلعه يعني شي تلبسينه حق البيت مو كله بجايم
.. وعلى ما افكـر ..
منكم نستفيـد

قيه شغلااات حلوووه اتلاقينها عند لاسنزا ونعومي واخذيلج فره بالافنيوز شوفي شغلات الطلعه اللي تصلح حق البيت
اتصدقين desigual الي في 360 عنده شغلات حلوووه اقصيره ليما الفخذ ومفتووحه واايد عند الصدر وعندهم حركات حلووه
مري عليها ,, انا ييته قبل شهر

 

[بسكوتة]

رد: تجهيزي للنفاس تعالوا انسوي قروب

لا لا لا الصفحه ارجعت رقم (9)
اب اب اب
رحت المطحنه والله شغلهم شكله زين خذيت اعشاب ولهوم وحسو
وانتوا اش سويتوا؟؟

 

[ام^تبوله]

رد: تجهيزي للنفاس تعالوا انسوي قروب

ومنكم نستفيد أنا ما أعرف شي من هالسوالف نهانيـــــــــــــــــا

 

[بسكوتة]

رد: تجهيزي للنفاس تعالوا انسوي قروب

يالله وين البنات

 

[حلوة الروح]

رد: تجهيزي للنفاس تعالوا انسوي قروب

اي والله بنات نبي تذكرونا باشياء

بالنسبه لي انا سوالف الحواج والصيدليه ليلحين ما شريت بس اغراض البيبي

 

[شووكولاته]

رد: تجهيزي للنفاس تعالوا انسوي قروب

مراحب

بسألكم عن المشد شنو احسن شي لمابعد الولاده ؟؟

 

[AVE.NJ]

رد: تجهيزي للنفاس تعالوا انسوي قروب

بنات ابي اسالكم شنو هذا كريم الصبوحه ؟وصج وايد زين؟ومافيه اضرار؟
وين احصله؟وبكم قيمته؟
ومشكورين وماقصرتو

 

[nsoom777]

رد: تجهيزي للنفاس تعالوا انسوي قروب

هلا بنات والله ودي اولد اول ما ادش شهري باسبوعين عالاقل
خلصت تجهيز البيبي وجنطة المستشفي
والادويه بسويها بنفسي من نظام فيافي شرايكم فيه ومفكره اجهز حق بعد النفاس من بجايم البيت
والفساتين القصيره وقمصان النوم لان بنفاسي ما في احد بيكون عندي خواتي مسافرات
وامي الحين مسافره وما هي راده الا برمضان حاسه اني بتوهق بروحي
صج والكورسه طلبته من وحده بالمنتدي بس للحين ما وصل وطلبت زبدة الشيا حق الخطوط والتشققات من وحده
وبشتري شورت السونا الحراري البسه بالنفاس واخذت خلطه للتنحيف من الدكتور عبدالباسط عشان اشربها بعد العشرين يوم من النفاس

 

[Om Ali 86]

رد: تجهيزي للنفاس تعالوا انسوي قروب

بنات انا انصحكم بزيت المرامية
حده عجيب حق السواد اللي يصير بالبطن و الخرايط اللي من الحمال

انا ما صدقت الا بعد ما جربته
و بس دهني فيه بطنج من غير مساج او تدليك و شوفي الفرق بعد 10 ايام بس
مع اني استخدمته بعد نفاسي على بجري ب 7 شهور بس سوا شغل
و ما صدقت الا لما جربته
و هالمره بشتريه قبل لا اولد بعد

 

[(( أم نــونــا))]

رد: تجهيزي للنفاس تعالوا انسوي قروب

مرحبا بنوتات اخباركم


باقيلي اربع ايام وادش التاسع


انا بصراحه ماشريت شي يذكر بس اللي ابيهم كاتبتهم عندي

ومن بين الشغلات اللي ان شالله بشتريهم

1_ ادوية نفاس من وحده ومن العطار بشتري (نقوعه وكمون القصيم وحلبه القصيم رشاد محلب شمر حبه حلوه مسمار حبة البركه دارسين عنزروت مره شقرا فلفل هوا زهورات وقشر قهوه))
2_شريت لي 4 اروابة نفاس حلوين بس يبيلي عليهم ملافع _ وبشتري اروابة بيت عاديه اذا راحوا الضيوف البسهم
3_البيبي بشتري طقمين حلوات وكشخه والباقي كلهم شي ناعم وعملي
4_بنوتتي نونا بشتري لها بدل حلوه وفساتين
5_كريمات وزيوت وعدة النظافه بشتريهم بس يمكن ماراح استعملهم الا بعد مايصيرلي 20 يوم يكون جسمي شوي خف من التعب واكون اقدر اتسبح واتحرك على راحتي
6_بشتري حزام حراري من الصيدليه وبسويلي خلطات تخسيس بس للمنطقه اللي فوق
7_واهم شي ببدا اجهز لطلعتي من الاربعين لاني احتمال اطلع برمضان ووايد شغلات ناقصتني يبيلي لسته اغراض لطلعتي
والله ان شالله يهون علينا الولاده والطلق ويارب نطلع من الشر ويرزقنا الذريه الصالحه ونصير بعيون ازواجنا احلى من الحلى ويحبوننا ويغلونا اكثر واكثر امين يارب

 

[بسكوتة]

رد: تجهيزي للنفاس تعالوا انسوي قروب

بنات وينكم انا اليوم دشيت شهري

 

[آهات الليل]

رد: تجهيزي للنفاس تعالوا انسوي قروب

اب


اب


اب

 

[(( أم نــونــا))]

رد: تجهيزي للنفاس تعالوا انسوي قروب

بسكوته الله يهون عليج يارب


ادعيلي تكفين بوقت الطلق ان اللي ببطني ولد ويرزق امي بالولد الصالح ماعندي غير اخو واحد وصغير


وانتوا بعد يابنات

 

[Self Love]

رد: تجهيزي للنفاس تعالوا انسوي قروب

اب
اب

 

[أم راشد المطيري]

السلام عليكم


بنات ياريت هذا التجمع يكون لكل وحدة نفاس


نسولف مع بعض وندردش لانة الصراحة الحالة كسيفة وكلة مالي خلق وزعلانة

 

[الأميرة جوري]

الحمد الله علي السلامه ومبروك المولود,,,,,,,,

الله يعينج بصراحه تونى لي فتره طالعه من النفاس...نفاس غثيث.....حاولي تسلين نفسج بالنت والمجلات وهم الناس اذا زاروج يونسون وسهالات تروح الايام بسرعه بس اهتمى نفسج بالادويه والشغلات المفيده الي تشد عمرج ,,,,,,,

 

[بيلسـان]

ياعمري الله يعين بس قاعدين بالبيت احس خلاص مليت بس الحمدالله هاااااانت
غير انه انا ضااايق صدري مره والسبب انه صار معاي هواء وربي صاكه الدنيا فيني ابي حل سريع المفعول
مع اني مهتمه بنفسي هذا اللي قاهرني مررره :0bee2e8d89:
دعوااااتك قلبي

 

[فوفه 82]

رد : بنات النفاس خلونا ندردش مع بعض

آنا نفسج
فكري بطلعتج من الاربعين شنو تلبسين
البيبي شنو راح يلبس ؟
وين تحطين مكياجج
شنو تصبغين شعرج
الناس اللي تزورج سولفي واضحكي معاهم ترى يونسونج..
من يصير لج عشرين يوم غدا شرج ان شاء الله روحي السوق شوفي الناس وتشري حق طلعتج لزوجج..
دزي مسجات حلوه لزوجج .. ترى هالفتره حلوه لان تكونون مشتاقين لبعض ..
أول ماتطهرين صلى ركعتين شكر وحمد لله

 

[انسام الكويت]

رد: رد : بنات النفاس خلونا ندردش مع بعض

انا لاعت جبدي طفرت ماطلعت من البيت كلش حدي مستشفى راجعته باول

نفاسي والحين وصلت حدي ودي لو اوف الشارع يكفي ويوفي

بس بنات في شي يعورني صوب مقعدي عسا ماقعدت

اتلسعت واحس بعوار امي واختي بقولون من الكوتكس

وانا مادري شسوي ؟

 

[a7la banota]

انا بعد وياكم نفاس لي 16يوم وحده ضيقة خلق بس ربج يسهلها بنات نبي اشياء تبيض الحمال مخلينا جلحان ملحان وانا قيصري متي اقدر اربط بطني