بنات النفاس خلونا ندردش مع بعض

[بسكوتة]

رد: تجهيزي للنفاس تعالوا انسوي قروب

الحين لازم انقسم احتياجاتنا الى قسمين
1 - اعشاب ولهوم
2- كريمات ودهون

وكل وحده تحدد الكريمات اللي ترتاح لها لان مو كل بشره نفس الثانيه بس راح اقولكم كل شي شريته ونحدد الكورس مع بعض
والاعشاب واللهوم بعد راح انحدد الكورس

واثناء النفاس راح انشجع بعض عشان ماانكسل

 

[حلمي اكون ام Q8]

رد: تجهيزي للنفاس تعالوا انسوي قروب

سويت كفر للنفاس عند ام محمد كامل مع كل شي بيتها بالنهضه ..

وسويت سكر وماي لقاح وزعفران ... عند محل شوكلاته بروشكا فوق سرداب بياع الورد شكله ذرررررررررب

وشريت دراريع النفاس من سرداب عيد النصار حلووووين وذربيين ..

وشريت اغراض البيبي من كذا مكان سنتر بوينت ومذركير والجوهره وفاشن مل وبيبي لوف ..

اخذت سرير القش من فاشن مل ب 17 دينار ..

باقيلي سوالف النفاس كريمات وادويه ومواعين استقبال واغراض البيبي اللى من الجمعيه مثل الرضاعات وهالسوالف بخليها الشهر الجاي
ان شالله ..

واي استفسار قولووو ...

بحاول اكتب كل اللى شريته بالكميه ..

 

[damasya]

رد: تجهيزي للنفاس تعالوا انسوي قروب

هلا بسكوته.... حبوب الفحم طالع عمرج حق تصريف الاكل عقب الوجبه وبالخصوص من اللي يعانون من عسر الهضم والامساك
اتعرفين الامساك مو زين حق النفاس ...


تذكرت شغله ناويه اشتري قطره فيتانين سي من وايت اند فير حق الويه حلوووه وفيتامينات priorin N البنات وااااااااااااااااااايد يمدحونها حق الشعر

وناويه ارد العطار مره ثانيه عشان اشتري خلطه اعشاب حق البيبي واااايد زينه ,,, اعطيها للبيبي بالنفاس اتريح وعشان ماينغث من
الحليب لازم شي يصرف الحليب .. واللي تبي مكوناتها ماعليها الا تامر امر وانا بالشوفه انشاءالله

 

[nsoom777]

رد: تجهيزي للنفاس تعالوا انسوي قروب

انا عن نفسي ان شاء الله ادش شهري 20\6 ماشريت شي للحين بس كاتبه الاغراض
بورقه عشان ما انسي شي بس اروح اشتري من الحواج والصيدليه
بشتري الهرده حق التفرك للجسم والوجه وخلطة مزيونه وشقرا تهبل هالخلطه صج تطلع بلاوي
وتنظف وطبعا ما استغني عن الصابون المغربي وزيت جنين القمح لتفتيح الجسم وخلطة زيت الجلسرين وزيت
الجلسويد مع فازلين وفكس ومن الصيدليه كريم تفتح الاماكن السوده او كريم فير اند وايت يمدحونه البنات
وفي خلطه تمدحها وحده من منتدي ثاني لتفتيح المناطق السوده كريم الدكوين فورت4وكريم ديبروساليك وكريم بيبانثين ينخلطون مع بعض
ويوضع بالليل لمدة اسبوعين
ودهن الشهر جوز الهند القوطي القديم البنفسجي
خلصت كل شغلي للنفاس وشغل البيبي رحت بيبي كير وخلصت كل شي منهم بس باقي اغراض الجمعيه
بس ادويتي للنفاس ما ادري من وين اخذهم في بنات يمدحون وحده في جابر العلي اسمها ام فيصل الرشيدي محد منكم يعرفها
اخاف اخذ شي من الحريم لان بعضهم يحطون اعشاب اذا خليتيها تخربين
منو منكم مجربه ادويه نفاس من حرمه بس تكون ثقه وتخاف الله

 

[damasya]

رد: تجهيزي للنفاس تعالوا انسوي قروب

نسوم مثلي انا ادخل شهري 20_6
...


يلا بنات نبي خلطات لتبيض الويه حق الينو لوك


بس بنات انا احاتي مابي خلطات فيها كرتزون ,,, مانبي مسامات بويه الطلعه .. نبي بشره مثل البيبي





رفع

 

[آهات الليل]

رد: تجهيزي للنفاس تعالوا انسوي قروب

انا بعد وياكمتوالناس علي بس بستفيد منكم خو انا ضعيفووووووووووووووووووونه حيييييييييييييييل ادور شي يمتني بالاربعين ويتفخ ويهي طبعا موابر لااااااا كريمات وهالسوالف
مممممممممممم
والكريمات بستفيد منكم الصراحه انا موبجر هذا 3ياهل لي

 

[damasya]

رد: تجهيزي للنفاس تعالوا انسوي قروب

هلا والله اهاات ,,, شتبين بالمتن من صجج ... خليج ضعيفونه ورشيقه احسن من لحم زاايد ماتدرين وين اتصرفينه..
بس ان شاءالله راح تمتنين المتن الحلو عل الخفيف عاد اكل النفاس يمتن وعليج بالحلبه اول 10 ايام من نفاسج ..


حاولي الفتره هاذي انج ماطوفين ولا وجبه عشان تمتنين وتزيدين 2 كيلو كل شهر مثلي

فيني احباط زايده من حملت 8 كيلووو

 

[اسيرة زوجها]

رد: تجهيزي للنفاس تعالوا انسوي قروب

آآآآآآهات نصيحة لاتحاولين تمتنين وانتي حامل او نفاس اكلي ولاتجوعين نفسج يعني اعتدلي بهالفترتين لان لو كثرتي وكليتي مشهيات كل الزياده بتجي ببطنج واخذي عاد من تشققات الحمال وعقب زقاديد وكرش وجسم مو مرتب

 

[آهات الليل]

رد: تجهيزي للنفاس تعالوا انسوي قروب

هلا والله اهاات ,,, شتبين بالمتن من صجج ... خليج ضعيفونه ورشيقه احسن من لحم زاايد ماتدرين وين اتصرفينه..
بس ان شاءالله راح تمتنين المتن الحلو عل الخفيف عاد اكل النفاس يمتن وعليج بالحلبه اول 10 ايام من نفاسج ..


حاولي الفتره هاذي انج ماطوفين ولا وجبه عشان تمتنين وتزيدين 2 كيلو كل شهر مثلي

فيني احباط زايده من حملت 8 كيلووو

هلا ياقلبي ااااااااااااااااه انا الحين وزني 40بس :cxxxp: وتوني صارلي اسبوعين بالخامس صج رشيقه بس ودي لو ازيد 5كيلو طبعا موشرط مع الحمال ابيه هال5كيلوات طول حياتي معاي هههههههههه
انا الحين زايده كيلوين من حملت هههه صرت 40 هيااااااااااااااا شسوي اشجع نفسي

 

[آهات الليل]

رد: تجهيزي للنفاس تعالوا انسوي قروب

آآآآآآهات نصيحة لاتحاولين تمتنين وانتي حامل او نفاس اكلي ولاتجوعين نفسج يعني اعتدلي بهالفترتين لان لو كثرتي وكليتي مشهيات كل الزياده بتجي ببطنج واخذي عاد من تشققات الحمال وعقب زقاديد وكرش وجسم مو مرتب

لا وانا حامل مخليتها على الله والنفاس كنت افكر اخذ مشهيات وزني الحين 40 بس ليما اولد بيوصل 39الى 38والله فقردم فيني حااااااااااااااد عرفتي
بس اللي يونس لا ولدت لاكرش ولا تشققات ولا بطيخ تصدقين واااااااه صدري يردعنون ينكمش خخخخخخخخخخخخخخخ
عقب ما اخلص رضاعه خو بس شهر ارضع مافي وايد هههههههههههههههه:s141: مسكين ريلي والله:j013:

 

[هنوده]

رد: تجهيزي للنفاس تعالوا انسوي قروب

حلمي اكون ام الله يسهل عليج وتقومين بالسلامه ان شاء الله بغيت ماعليج امر رقم ام محمد اللي سوت لج تجهيز النفاس

 

[آهات الليل]

رد: تجهيزي للنفاس تعالوا انسوي قروب

اب


اب


اب

 

[damasya]

رد: تجهيزي للنفاس تعالوا انسوي قروب

اب

 

[(( أم نــونــا))]

رد: تجهيزي للنفاس تعالوا انسوي قروب

قوووه

انا ان شالله بتاريخ 22/6
ادش شهري التاسع
وماجهزت شي

عندي اختبارات هالايام وحييييييييييل مشغوله

ودي اخلص اخاف اولد قبل او شي

 

[بسكوتة]

رد: تجهيزي للنفاس تعالوا انسوي قروب

هلا بطبوطات اشلونكم
ان شاء الله اليوم بسأل مرت اخوي تمدح حواي مال لهوم بسألها عن اسمه ومكانه وبرد لكم خبر امي ابتاخذلي منه
ان شاء الله
صج بسالكم دكاترتكم يحسبون لكم دخلت الشهر من تاريخ الدوره ولا بعدها باسبوع
يعني انا اخر دوره تاريخ 10 -10
حسبة الدكتوره اني ادخل شهري يوم 17 -6
انتوا جذي يحسبونه لكم

وشلونكم مع التجهيز سويتوا جنطه المستشفى

 

[Almas_q8]

رد: تجهيزي للنفاس تعالوا انسوي قروب

وناسه خوش فكره بسكوته يعطيج العافيه
انا بانظم بالقروب بس ما اعرف شي بس راح اسألكم و بكتبه لكم عشان الكل يستفيد

 

[Om mNaWi!i]

رد: تجهيزي للنفاس تعالوا انسوي قروب

هااااي
بصرااحه انا بعد بالثامن ومابقى شـي عالولاده الله يسهـل علينــا يارب
امممم انــا قــلتــ بصبــغ شعري خصــل لاني مو صابغه خصـل من قبل الا قبل الزواج
وهـم قـلـت بعـدل بغرفة النوم أبـي كل شـي يديد بجهز كل شي وانا بالنفاس عشان اخر يوم افاجأه ان كل شي تغير بالغرفه
وهـم قـلـت لازم اتسوق واشتري قمصان نوم يديده وبجايم بس حلاته تكثرين من ملابس الطلعه يعني شي تلبسينه حق البيت مو كله بجايم
.. وعلى ما افكـر ..
منكم نستفيـد

 

[Om mNaWi!i]

رد: تجهيزي للنفاس تعالوا انسوي قروب

أي صــح حسبـة الطبـيـب حقـج
تاريخ أول يوم يتلج فيه اخر دوره ..
تزيدين +7 أيام
وتطرحيـن من شهر الدوره -3
وتزيدين سنه على سنة اخر دوره

 

[بسكوتة]

رد: تجهيزي للنفاس تعالوا انسوي قروب

بنات اللي يبيع لهوم واعشاب اسمه
مطحنة سمراء عدن
اقولكم التفاصيل باجر

 

[damasya]

رد: تجهيزي للنفاس تعالوا انسوي قروب

هلا بطبوطات اشلونكم
ان شاء الله اليوم بسأل مرت اخوي تمدح حواي مال لهوم بسألها عن اسمه ومكانه وبرد لكم خبر امي ابتاخذلي منه
ان شاء الله
صج بسالكم دكاترتكم يحسبون لكم دخلت الشهر من تاريخ الدوره ولا بعدها باسبوع
يعني انا اخر دوره تاريخ 10 -10
حسبة الدكتوره اني ادخل شهري يوم 17 -6
انتوا جذي يحسبونه لكم

وشلونكم مع التجهيز سويتوا جنطه المستشفى

انا مزهبه جنطتي وجنطه البيبي ,, قاعده اقول سبحان الله ممكن اولد على نهايه الثامن بطني وااااااااااااايد نازل