برنامج سعرات في لحظات مع د.عبدالله المطوع على الراي (تعالو نفيد ونستفيد)

[يـاسمينا]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)



هذي حلقه من حلقات البرنامج وايد مفيدا بنات شوفوها ..

http://www.youtube.com/watch?v=CilfL4L7gVk&feature=related

http://www.youtube.com/watch?v=kQiHe07Qfd4&feature=related

http://www.youtube.com/watch?v=sIusA1EdgZY&feature=related

..

 

[[كـالا]]

ياسمينا

الله يوفقج دنيا وآخرة قولي آمين

...

ان ماخذة عنده موعد من سنة .. المفروض يكون شهر 11 الياي .. بس ماني ذاكرة اي يوم

انا بس ابي أأكد عالموعد

بجرب رقم الموبايل اللي عطيتيني اياه والله كريم

ويارب تضعفين وتوصلين لوزن مثالي بصحة وعافية .. ومشكورة

 

[رهوف]

هذا مثال على جدول glycemic index

 

[اخت خالتهم]

مصدومه من المعلومه ان 70% يوميا من بنات الكويت يطلبون وجبة سريعه

 

[عهود الحب]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

تذكير بموعد البرنامج

و جان زين يصير برنامج مستقل


و له ناس تحاول تنزل وزنها


مثل طريقة بيجست لوزر بس بالكويتي

 

[عهود الحب]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

رغم اهتمامي وانتظاري وجرس التذكير بتلفوني

ماقدرت اتابع البرناج بصراحة


لأني تابعت حفل تكريم المعلم


عنيــّد غايبه اليوم عسى المانع خير


وهم بنت الكويت مو هني



يعني راحت علينا الحلقة

 

[ZajiL]

وايد حلوه الحلقه وبخصوص الدكتور عادل الزيد كان معانه بالحج وكان يعطينه مواعض ودرووس وحيل رفع
من معنوياتنه خصوصا يم كنه نبيت بمنى بارك الله فيه

 

[عنيّد]

تقرير الحلقة الرابعة من برنامج سعرات في لحظات
للدكتور عبدالله المطوع
٥/١٠/٢٠١٠

»» التغذية عن طريق علم النفس ««


يقول الدكتور :

- تخاف تاكل ؟ يعني فيك حالة نفسيه من الاكل
- تحس بتأنيب الضمير بعد الاكل ؟ فيك مشكلة نفسيه
- وحده من المراجعات تقولي لا تناديني منى ، نادني بطاطا ، ليش ؟؟ لأني احب آكل البطاط بكـــل انواعه << اهني تذكرت الاخت بطاطا الله يذكرها بالخير ، مادري ليش حسيت يقصدها



تمت استضافة الدكتور عادل الزايد - استشاري طب نفسي

د.عبدالله س: ليش بعض الناس كلما تكدروا وتضايقوا حطوا حرتهم بالاكل وبالذات بالسكريات ؟
د.عادل ج: هذا موضوع متكرر عند كل الناس ، ان الواحد ياكل عشان يهدا ، مثل المدخنين الي يدخنون لما يتكدرون ، نفس الشي بالاكل وبالذات بالسكريات الي تحتوي على ماده لها علاقة باحساسنا بالسعاده والهدوء ، وبجذي مع الوقت تصير عادة ناكل فنرتاح
حل هالمشكله بالبداية تقييم الحالة هل هي حالة نفسيه بسبب اكتئاب او ضيق ...الخ فلازم نعالجه بالاول ، او هي سلوك يومي ، فاذا كان سلوك يومي وبدون اعراض فالحل بالعلاج السلوكي المعرفي بتغيير السلوك ، لازم الواحد يستحضر نفسه في كل قرار يتخذه ولا يستسلم لشهواته ولازم تكون عنده اراده ويسأل نفسه قبل الاكل هل الي اسويه صح او خطا (؟)

د.عبدالله س: الشراهه عند الناس هل هي عادة وراثية بالجينات ام مكتسبه ؟
د.عادل ج: الاثنين مع بعض ، وهذا الي اثبتته الدراسات ، ولكن المقصود بالوراثه هي ان العائلة عندها استعداد للسمنة ، اما السلوك فمثلا لو كان الاب مايحب الخضروات فالابناء تلقائي ماراح يحبونها لانهم ماراح يشوفونها على الطاوله وبالبيت << ياجماعه تكفون ترى والله كل ام وابو محاسبين على هالشي ، انا لليوم اعاتب اهلي اقولهم ليش ماوكلتوني سلطه وانا صغيره

د.عبدالله : صحيح ، وعلى فكره ، الطفل بعد ٦ شهور لازم ياكل الخضره وبعدها ياكل الفاكهه ، لانه لو اكل الفاكهه بالاول وعرف طعم الحلاة ، فماراح يحب ياكل الخضره ، فلازم بالاول ياكل المر ثم الحلو

د.عبدالله س: ليش بعض الناس يوزنون باليوم اكثر من مره ؟ مع العلم ان الافضل هو الوزن مره واحده بالاسبوع ويكون الصبح على معده خاليه
د.عادل ج: هذا الشي يكوّن شعور سالب عند الانسان بالذات اذا ماشاف نزول بوزنه فيسبب له الاحباط وبسبب هالسلوك فهو يهدم كل الي بناه من قبل لانه ممكن يترك الرجيم بسبب انه مانزل وزنه




بعد هالسين والجيم ، تكلم الدكتور عبدالله عن شي مهم حيـــــــــل وهو

البوليميا

ومعناها الاستفراغ من الاكل بعد اي وجبه ، ومن علاماتها :
- اختلاق الاعذار للذهاب للحمام بعد اي وجبه
- اكل كميات من الطعام ولكن الجسم ضعيف
- يستخدم حبوب مثل المسهلات وغيرها ويستمر هالاستخدام ١٠-١٥ سنه
- ينسحب من الحياة الاجتماعيه ويكون شبه انطوائي


بالاستديو تواجد احد المتطوعين بالبرنامج وهو مصاب بالبوليميا
د.عبدالله س: من متى تعاني من هالمرض ؟
ابوبدر ج: من ١٠ سنوات
د.عبدالله س: كم مره تتعرض لهالحاله باليوم ؟
ابوبدر ج: ٢-٣ مرات باليوم
د.عبدالله س: حاولت توقف هالحاله ؟
ابوبدر ج: نعم ، بممارسة الرياضة وبعض ادوية الاكتئاب
د.عبدالله س: شنو الاثار السلبية الي تعرضت لها ؟
ابوبدر ج: الاحساس بالضعف والخمول والاكتئاب وشدة الحارج
د.عبدالله س: احد من اهلك عنده علم بمرضك ؟
ابوبدر ج: لا


د.عبدالله س: شنو علاج هالحاله ؟
د.عادل ج: العلاج الغذائي النفسي ، وهو علاج صعب ولكن ليس مستحيل ، وهو يتكون من علاج دوائي وعلاج بالبرنامج الغذائي ، ومدة العلاج على حسب تعاون المريض فممكن اشهر وممكن سنوات ، ولكن المهم هو ازالة شدة الحالة والخطوره ، لانه الترجيع ممكن يسبب دوالي على المريء وممكن ان هالدوالي تنزف بأي وقت << بعيد الشر تذكرت ان بعض الناس يتعمدون بعد الاكل تكرمون يحطون صبعهم ببلعومهم عشان يستفرغون الي كلوه ، شفتوا انه ضار




أنروكسيا نيرفز

وهي حالة النحافة الشديدة التي تصاحبها مشكلة في ان ينظر الانسان لنفسه في المنظره
وهالموضوع بعد مهم حيــــل


تكلم الدكتور عن وحده حاطينها بأحد الجرايد الاجنبيه ، وان هالبنت سوت رجيم مع امها وانصابت بحالة الانروكسيا وبالاخير توفت
وهذي صور لها من الجريده

د.عبدالله س: ياتني حالة بالعياده عمرها ١٩ سنه طولها ١٦٢ سم وزنها ٣٦ كجم ، فقلت لها تحتاجين تزيدين ١٧ كيلو ، جان تعصب الاخت وتقولي انا يايه عشان انزل وزني !
د.عادل ج: حالة الأنروكسيا نيرفز لها علاج دوائي وله دور ، ولكن الاهم هو البرنامج الغذائي النفسي ، وسبب الوفاة مو لانه الغذاء قليل ، ولكن لانه الجسم يصاب بنقص المناعه فممكن ان يصاب بأي التهاب بالذات بالصدر ، ويضيف د.عبدالله كذلك تتوقف الهرمونات عن العمل عند النساء وكذلك الرجال ، ويتابع د.عادل ومن ظمن العلاج هو العلاج السلوكي المعرفي ، حيث يعرف الانسان كيف ينظر لنفسه ، وللعلم هذا مرض حديث عرف بالسبعينات وبدا بالزياده بالثمانينات ، وهو دخول الانسان بالرجيم ولا يعرف كيف يخرج منه



د.عبدالله س: شنو سر رشاقتك ؟ طبعا الدكتور عادل كان وزنه ١٤٠ وبعدها سوا رجيم والحين وزنه ٩٥ قولوا ماشالله ^ـــ^
د.عادل ج: القـــرار ، قررت اسوي رجيم واتبعت النظام الصحيح




أخيرا

الدكتور عبدالله المطوع يؤكد على القرار ثم القرار ثم القرار




هذا الي الله قدرني عليه اليوم ، والحلقه اليوم ماشالله فيها ملعومات واااااايد مفيده ، الله يعطيهم العافيه ، وبالمره لاتنسوني من دعواتكم الطيبه :eh_s(17):​

 

[كيكه توفي]

مشكوره عنيد والله يوفقج حبيبتي

 

[al7anona]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

:lolo:
يعطيج العافيه عنييييييد اختصرتي علينا شكلج قريبا بياخذونج العياده تشتغلين معاهم:weight_lift:

ان شاءالله الله يوفقج وتوصلين للوزن المثالي

جم بقالج ؟

 

[xxx]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

عاشت عنيد عاشت

:eh_s(9)::eh_s(9)::eh_s(9):

تسلمين على المعلومات

يعطيج العافية

:balo:

 

[[كـالا]]

يعطيج العافية عنيد عالتقرير

انا شفت الحلقة وماشالله ماكو شي ماحطيتيه بالتقرير

الله يجازيج خير على هالمجهود

ويديم عليج الرشاقة والصحة والعافية .. وهالدعوة حقكم كلكم بنات قولو آمين

 

[بطاطا]

تقرير الحلقة الرابعة من برنامج سعرات في لحظات
للدكتور عبدالله المطوع
٥/١٠/٢٠١٠

»» التغذية عن طريق علم النفس ««


يقول الدكتور :

- تخاف تاكل ؟ يعني فيك حالة نفسيه من الاكل
- تحس بتأنيب الضمير بعد الاكل ؟ فيك مشكلة نفسيه
- وحده من المراجعات تقولي لا تناديني منى ، نادني بطاطا ، ليش ؟؟ لأني احب آكل البطاط بكـــل انواعه << اهني تذكرت الاخت بطاطا الله يذكرها بالخير ، مادري ليش حسيت يقصدها

​

ههههههههههههههههه

لالا عنيد مو انا :050103nbh_prv:

--------------

الصراحة كنت بشوف هالحلقة و ما لحقت عليها و الحمدلله انج يبتيها ما قصرتي و الله :>

و انا رحت للدكتور و قلت له / أحس بتأنيب الضمير بعد الاكل ؟ و قلت له دكتور انا ما ابي اضعف ابي اصير عصلة :> جان يقول انصحج بالدكتور عادل الزايد اللي قابله امس جان اخاف هههههههههه قلت له لالا مافيني شي بس احس ما يعجبني الا التعصقل :>
و سبحان الله امس اشوفه مقابله و طافتني بس اشوة قريت ملخصها بس احس ما تكلموا عن اللي ابيه التعصقل :>


:e3:​

 

[اختكم بالله]

خوش موضوع يعطيكم العافيه

 

[عهود الحب]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

مشكوووووووورة عنيـّـد يااااااااااااارب قولي آمين
تصيرين رشيقة مدى الحياة
ويمتعج الله بالعافية

انقذتيني

بس انا كله منحبطة

لما آكل انحبط

وان ما أكلت انحبطت اني ودي آكل بس ادري وراي ميزان وحساب نفسي شديد فتنسد نفسي

وان حصل انعزمت اشتهي آكل وماكو تحكم احيانا فأخورها
والله لايوريج اتعب نفسيا ً جدا جدا جدا ً



شسوي


أخيط هالحلج الي جاب لنا النفسية

 

[الغاليه نونو]

ياعل ربي يحرم ايدياااتج عن النار يومنج كتبتي هالسوالف اللي تفيدنا والله دعيت لج اسأل الله القبوول


انا مدمنه قهوه تركيه وتوني ادري ان كل فنيال يسحب مني قلاص ماي ياحسرتي وانا اقووول علام ويهي ناشف اثاري الماي مخلص من ويهي


<<<<< رافعه ايدها وتدعي وتطلب للكل والجميع

 

[جنان2006]

رد : برنامج سعرات في لحظات مع د.عبدالله المطوع على الراي (تعالو نفيد ونستفيد)

عنيد

يزاج ربي أعالي الجنان بارك الله فيج

 

[twinsmam]

حبيبتي ما قصرتي عنيد
و مشكورة بنوتة على هالموضوع

 

[tweeeety]

يعطيج العافيه حبوبه وبصراحه الدكتور هذا رجيمه عجيب واسلوبه روعه اتمنى اراجع عنده بس مواعيده كله بعيييييييييييييييييييييييييييييده الله يعطيج العافيه

 

[|[SAJA]|]

بنات في عندي سؤال الدكتور لما قال اذا اشتهيتي شي تحبينه حطي فوقه شي ماتحبينه
بعدين اذا حطيتهم فوق بعض وش اسوي بهم مافهمت طريقته =d