بدور (الحب الحقيقي)

[زينة الأب]

لووول كتي شكلة انتي بالبيت اي أحد يبط جبدج على طول بالطق هههههههههههه

 

[MeeMeeYoo_2]

يعطيج العاااااااااافيه

 

[عاشقة المسك]

هههههههههه اي والله

اتوقع هدى راح تموت احسن وخالد را يتزوج بدور

وراح يكشفون رغد ال.....ومشاعل...


عفيه زينه انا اكره اسم مشاعل وقاعده اكرها اكثر ههههههههه

 

[زينة الأب]

هههههههههه اي والله

اتوقع هدى راح تموت احسن وخالد را يتزوج بدور

وراح يكشفون رغد ال.....ومشاعل...


عفيه زينه انا اكره اسم مشاعل وقاعده اكرها اكثر ههههههههه

لوووول عيل خلاص الاسم مناسب حق الشريرة بالنسبة لج

 

[عاشقة المسك]

ههههههههههههههههههههههه اي والله عاد نبي بارت

 

[زينة الأب]

يعطيج العاااااااااافيه

الله يعافيج حبيبتي

 

[زينة الأب]

انشالله بنزل بارت اليوم بس أنا لاهية بالكتابة شوي... أبي أخلص كل شي قبل لا أندمج بالدراسة لأني أداوم باجر... و بعدين لازم أراجع البارتات وأمسح و أعدل فيهم... عاد في من توقعاتج صح و في منهم خطأ وانشالله البارت يكون نازل الظهر

 

[عاشقة المسك]

انشاء الله حبيبتي ناطربنج

 

[زينة الأب]

اووووف تعبت من الكتابة لوووول باخذ بريك شوي و برد أكتب... و بس بغيت اسوي ااااااااب لقصتي هههههه

 

[عاشقة المسك]

هههههههههههههههههههههههههههههه

اب

اب

اب

اب

اب

لعبونج الحلوة

 

[ms_5ajoola]

يعطيييج العااافية ومااا قصرتي

بس نصيحتي لو تحطين كل البارتاات مرة وحدة عشااان تفتكييييييييييين

:ada:



:tek:

 

[b6ooo6a*_*]

ناطرينج لا طوليييييييين ابلييييييييييييز

 

[kity]

تكفه حطي لنا بااارت

خنرفه عن روحنا باجر دوام

 

[الاحاسيس المبهمه]

نااااطرينج لاتطوليين عليينا وبلييييييز بليييييييز خلصيهاا اول اسبووع من المدرسه

 

[zqertya]

ناطرينج؟؟؟

 

[زينة الأب]

سووري بس والله ما عندي لاب توب فنتهاوش عليه... الحين أنزل بارت

 

[kity]

ابي باارت حلووو تكفين يازينه الأب بليزز

والله حالتي حاللله دوامات باااجر

 

[زينة الأب]

الجزء التاسعة عشر
في بيت بو ناصر
البيت مليان نواح هبة و أم ناصر
دخلت بدور مع سارة و راحوا عند أم ناصر... الي شكلها يقطع القلب... كانت قاعدة و موجها ويها للسقف تبجي...
بدوربصوت واطي: عظم الله اجركم..
أم ناصر واهية تشهق: أجرنا... وأجرج
سارة بصوت واطي: عظم الله أجرج خالتي...
أم ناصر: أجرنا و أجرج...
ظلوا عند ام ناصر فترة يواسونها و يهدونها.
بعدها راحوا عند هبة الي كانت قاعدة على الأرض صوب ريل أمها...
سارة و بدور: عظم الله أجرج...
هبة بدون لا ترفع راسها من إيدها: أجرنا... و أأجركم
بدور و سارة لموا هبة حيل و قعدوا يمها...
سارة: هبونة بس حرام عليج تسويين بنفسج جذي... الله كان يبيها خلاص..
بدور: ندري إن صعب بس ميخالف خلاص.. الحمدالله ما تدرين يمكن فيها خير..
هبة: احنة صج ما عرفناهة وايد بس شنسوي بسرعة دشت قلوبنا...
كانوا حاطين صورتها على الطاولة....
صورة جود
سارة: اهية الحين ترا من طيور الجنة...
هبة ابتسمت ابتسامة خفيفة و لمست صورة البيبي: انا محد كاسر خاطري كثر خالد...مرتة ليلحينها بالمستشفى و الحين خسر واحد من بناتة...
بدور ما قدرت تتحمل أكثر و غيرت الموضوع: وأمج شلونها؟ كل يوم على هالحالة؟
هبة: ااااخ يا بدور أمي شكثر كانت متشوقة حق هالثلاث والحين صاروا اثنين والله يستر شبيكون عددهم باجر..
بدور بحزن و خوف على اليهال: لا يا هبة لا تقولين جذي لا تفاولين عليهم ...
هبة: خايفين والله ما تدرون احنة شكثر خايفين... 3 ارواح ممكن فاي يوم نخسرهم... ريان و فهد و هدى...
سارة مسحت دموعها الي قامت تصب من غير لا تحس... الله يعينهم اااخ الحمدالله يا ربي على كل حال.... فهاللحظة نست كل المشاكل الي بينها و بين محمد و ركزت على رفيجتها هبة..
كملت هبة كلامها عقب ما خذت نفس عميق: و تخيلي ماتت ولا شمت ريحة أمها... و اليهال سمالله عليهم محد يقدر يدخل عليهم ولا حتن يكلمهم... حاطينهم بغرفة بروحهم منعزلين عن العالم...
ما عرفت بدور شتقول... ما قدرت تتخيل اهمة شنو حاسين في الحين... محد فيهم قدر يتخيل.
بدور كانت مترددة بس لازم تسأل : و خالد شلونة؟
هبة ضحكت ضحكة حزن واستسلام: خالد؟... خالد جنة جثة تمشي... ما ياكل ولا يشرب ولا حتن ينام... بس قاعد بالمستشفى مجابل هدى من برا الدريشة...
بدور....اااخ يا خالد ما تستاهل حتن عقب اللي سويتة فيني والله ما تستاهل كل هذا... ربي يصبرك و يصبر أهلك...


بغرفة حصة....
اف انا وين حطيت بوكي...
طلعت حصة كل ملابسها من الكبت عشان تدور بوكها...
حصة متنرفزة: صج اني بقرة... بأي بنطرون حطيتة؟
دخلت إيدها فمخبة بنطرونها الأزرق بس ما لقت شي..
حذفت البنطرون مع باجي الملابس الي دورت فيهم.. و خذت بنطرون ثاني...
حصة: يا رب يا رب خلى يكون اهني.
دخلت إيدها فالبنطرون لقت شي بس مو بوكها....طلعت ظرف أبيض متعفس ...
حصة باستغراب: شنو هذا؟.... اييي هذا الي ذاك اليوم كلش نسيتة راح عن بالي.
شافت إن مكتوب على الظرف مشاعل... بس طبعا أختها الصغيرة و فيها فضول و نوع من الشر....
حصة و براسها شر: مممممم شنو هذاا؟
بطلت الظرف و طلعت رسالة منها....
و قرت أول كلمتين بصوت عالي...
حصة بتصنع: الى حبيبة قلبي شعول... بليز بليز رديلي... ماني قادرة أعيش من غيرج و من غير لمساتج....
عفست حصة ويها و قرت باجي الرسالة بسرعة...
شهقت حصة من الصدمة @@: قطييييعة
قرتة مرة ثانية عشان تتأكد من الكلام الي مكتوب... اختي مشاعل جذي؟ وصلت لهالمستوى؟
حذفت الورقة على الأرض لايع جبدها.... استغفرالله ستغفرالله

فبيت بو محمد
رغد كانت تخز سارة باوسخ نظرة لها... أف اف يا ربي متى بيطلقها خلاص ماني قادرة أصبر زيادة... ما تنبلع
بدور: اي خو الحين طاح موديل الفلات و ردوا حق الكعب... ترا ما عرفنالهم...
سارة تضحك مو من قلب: ههه عادي عادي من جذي ما اقط شي لأن الموديل نفس الدائرة تروح و ترد....
بدور واهية تبتسم لرفيجتها: اي والله وانتي الصاجة
سارة: ااااي سمعتي إن سمية بنت (ال) تزوجت؟
بدور: لا والله؟؟ يحليلها..
سارة تطفرها: اي الفال لج انشالله....
بدور: لاااااا بعيد بعيييد كلش ما أفكر بالزواج...
رغد انقهرت من ضحكهم ووناستهم....أنا بنت خالة بدور و مو معاي كثر ما هي مع سارة... هالبنت سرقت كل شي مني... صداقة بدور.... حب محمد...متى أتخلص منها؟
رغد بحقد قاصدتها: عيل سارة وين ريلج محمد ما بين اليوم؟
سارة و بدور عبالهم رغد ما تدري لأنهم ما قالوا حق أحد...
تنرفزت بدور من أسلوب رغد.... وانصدمت من معاملتها لسارة.... وااايد باين إنها تكرها... و بدور ما ترضى على رفيجتها..
حست سارة بالخنقة و عيونها بدت تحرقها... كل ما سمعت اسم حبيب قلبها محمد تصير جذي.... اف ليه متى؟
ااااخ يا قلبي يا عمري محمد... أخر مرة شفتك قبل سبوع.... ولا كأني زوجتك.... ليش ما تطلقني و تريحني...
طبعا ولا مرة قالت هالكلام حق بدور ولا جان ذبحتها .... بدور كانت مصرة إن محمد غلطان وليلحينة يحبها...
معقولة ليلحين يحبني؟ حتن واهوة يعاملني جذي؟
بدور بعصبية: وانتي شكو ريلها ولا ريلج؟
عضت رغد على لسانها.... صج ملسونة يا بدور بس أنا أراويج...
رغد: لا بس ليش أنا كلة معا فبيت خالتي تقريبا كل يوم...
ويه سارة صار أحمر... رغد منزمان حاطة عينها على محمد... صج قليلة أدب و جريئة...
بدور طالعت رغد وابتسمت ابتسامة بريئة: اي تعرفين اهوة يحب اليهال ولا مو رايح الا عشان نورة...
رغد انقهرت... لا ايي عشاني بعد.... قام يحس فيني و بحبي لة و بعد فترة بيصير لي، و راح تشوفين يا بدور
سارة: أنا استأذنكم...
قامت سارة من الصالة و راحت غرفتها... بس ما قدرت تتحمل مناجرتهم زيادة و خاصة إن كلام رغد يحرق القلب.... هالسخيفة تشوف حبيب قلبها كل يوم واهية زوجتة متشوفة الا جم مرة بالشهر والله قهر!!!
حذت نفسها على فراشها و قعدت تبجي من كل قلب.... ااااخ يمااا وينج عني لو تشوفين شقاعد يصير فيني تقلبين بقبرج...
مسحت سارة دموعها و راحت لعند مكتبها... بو محمد و أم محمد ما قصرو معاهة عطوها غرفة بروحها فيها كبت و تسريحة و مكتب عشان ترسم على راحتها...
بطلت درجها و طلعت أخر رسماتها.... الرسمة الأولى لمحمد يطالعها من طرف عينة و الثانية لمحمد معطيها ظهرة و الثالثة لمحمد عافس ويهة معصب... كل رسماتها تقريبا جذي.. لأن هذا الي تشوفة في الأيام النادرة الي تشوف محمد في... يا معصب عليها أو يطالعها بنظرة استحقار... وأغلب الأحيان كلة معطيها ظهرة ما يطالعها...
شدعوة يا محمد كل هذا مو مستحملني....
لقت صورة قديمة اهية راسمتها... ايام محمد كان يحبها و يعشقها... ايام الفرح والسعادة...
سارة بقهر: ااااااه يا قلبي.... يا ربي الفرج الفرج يا الله...
لمت الصور و رجعتهم مكانهم عشان محد يشوفهم... كانت وااايد تستحي و ما تحب أحد يطالع رسماتها...
....................

بدور: شفت يا محمد شفت؟! واللي يبط الجبد أكثر إن رغدو اهية مساعدة مشاعل....
محمد كان منصدم... لا كلمة منصدم شوية على اللي كان يحس في... رغد اللي كانت طيبة وهادية و كلة تساعدة خاصة بالأشهر اللي طافت يطلع منها كل هذا... اهوة ما اهتم لمشاعل لأنها منزمان ما ادش القلب.. بس ليه هالدرجة محمد بسرعة ينقص عليه؟... كلش ما توقع إن بنت خالتة تسوي كل هذا...
قرا الرسالة اللي كانت بإيدة مرة ثانية و دمة ثار من يدة و يديد... معقولة في أحد بهالدنيا يكره سارة حبيبتة و قلبة ليه هالدرجة...

محمد بغضب: و ليش محد و راني هالرسالة من قبل؟!!
حصة بحرج: أنا كنت ناسيتة و ...
بدور: مو مهم هذا الحين... المهم إن خلاص عرفت الصج يا محمد... ترا سارة تموت فيك ووايد متضايقة منك و من معاملتك لها...
محمد بقلبة.... بس أنا بصلح هالشي​

 

[زينة الأب]

حبيبتي المشكلة أنا الحين مو كاتبة شي بس بشوف بارت عشرين اذا اوكي بنزلة الحين عشانج

 

[kity]

^^^^^^^^^^^^

بليز كملي