بدور (الحب الحقيقي)

[MC ANFAL]

نااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااطرييييييييييييييييييييييييييييييييييييييييييييييييييييييييييين

 

[زينة الأب]

شفيكم لوول نزلت بارت واحد ما علقتوا....
المهم الحين أنزل لكم أخر بارت حق اليوم و انشالله باجر بااااارت وااااااااااااااااااااااااااااااااحد!!!!

 

[زينة الأب]

الجزء الرابعة عشر
هدوء.. مافي صوت غير بكاء وحدة يقطع القلب... وحدة تبجي بكل حراق
بطل محمد عيونة على صوت البكاء بس ما قدر يشوف شي.. رد غمض عيونة
حس بلمسة خفيفة على ايدة... كأن فراشة يت وقعدت بهالمكان
استمر بكاء الشخص..لا عبالكم بكاء مزعج بالعكس
يمع محمد كل قوتة و بطل عيونة و أول شي شافة ليت قوي... غمض عيونة بسرعة و دار راسة لليسار و رد بطل عيونة
شاف عيون سودة كبار...مكحلة برموش كثاف و طوال...
محمد بصوت مبحوح: سـ..سـ ارة؟
سارة كانت سرحانة و ما لاحظت ان محمد بطل عيونة
شهقت و حطت ويها بإيدها عشان ما يشوفها تبجي.... قعدت تبجي بصوت عالي و جسمها كلة قعد يتحرك مع كل أنين
محمد مو مصدق الي قاعد يشوفة... سارة جدامي؟: سارة؟
ردت عليه واهية ليلحينها مغطية ويها: اي
حاول يرفع راسة بس الغرفة قامتد تدور... حست في سارة
بسرعة قالت: لا.. لا تحاول تتحرك ترد تفقد الوعي
رد حط راسة على المخدة: انا وين؟
سارة واهية تشهق: أنت بالمستشفى!
محمد: ليش!!
سارة بعصبية: لأنك مو ماكل ولا نايم عدل هالأيام... أكيد بتتعب و تطيح!!
محمد ابتسم... يحليلها خايفة علي... عقد حواجبة باستغراب
تذكر محمد اهية شسوت في و تنرفز: انتي شتسوين اهني؟ وين اهلي؟
سارة تنرفزت.. بروحة يخوفني و فوق هذا يزفني: اهلك توهم ردو البيت.. ولا تكلمني بهالنبرة!
محمد: أنا بكلمج بأي طريقة أنا أبي...
سارة بصوت أعلى من صوتة: أنا خطيبتك و ما تكلمني جذي!!!
توة ياي برد عليها بس استوعب الي قالتة: شنو!! عيدي عيدي؟
ابتسمت: أنا مو خطيبتك؟
محمد: وافقتي؟
طالعت إيدها و ردت عليه بخجل: اي
و تذكر محمد تيبب بدور قبل لا يغمة عليه


بنفس المستشفى بغرفة ثانية
طوط ...طوط... طوط... طوط
قاعد خالد على كرسي بعيد من هدى الي كانت منسدحة بالفراش... و يسمع نبضها من الجهاز الي كانوا مركبينا عليها... تم يطالع عيونها المغمضة.
خالد: متى تقعدين يا هدى متى... ما تستاهلين... كلة مني أنا... أنا السبب، انا الي خليتج تعصبين بسبت معاملتي لج...
سند راسة على الطوفة و غمض عيونة... قعد يتذكر الحلم الي كان قاعد يحلم في قبل لا يقوم و يكتشف ان هدى مسوية حادث
اول ما طلعت هدى... حط خالد راسة و نام و بعد فترة قعد يحلم بوحدة بس ما قدر يشوف ويها... باستة على خدة بوسة خفيفة و ناعمة و قعدت تهمس بأذونة... كان أحلى حلم بعمرة... حس بالراحة و السكينة بقلبة... صوتها كان هادي و ناعم و مليء بالحب تجاهة
اااخ يا قلبي جان زين أحس بهالشي ليمن أكون مع هدى... هدى... تذكرها و بطل عيونة
ويها الملائكي ممحية من كل التعابير... بس بنفس الوقت حس انها حزينة... حتن واهية فاقدة الوعي حزينة... يا ربي أنا شسويت فيها
سحب كرسية من الطوفة لين وصل عند سريرها و قعد...
ما كان عارف شيسوي... أول مرة بحياتة حس إن ضعيف و مو قادر يسوي شي....
خذا إيدها بإيدة... و أول مرة من تزوجها لمسها...قعد يمسح على إيدها الناعمة و يلعب بأصابعها.
قرب إيدها من شفايفة و باسها.... و حس إن عقب ما باسها ملامحها ارتاحت... لا يتهيألي
تركها و ركز على ويها... مد إيدة شوي شوي و لمس خدها الناعم...
ويها كان أبيض أكثر من كل مرة بسبت الغيبوبة... و كان راسها عند حاجبها اليمين مخيط بسبت الحادث....
حط إيدة على رقبتها الي تشققت من الحادث بسبت نثر زجاج الدريشة الي طقت راسها في...
شلون يصير فيج جذيي...
خالد: هدى أنا أسف... أسف على كل شي بس قومي... تكفين قومي
و قعد يحرك جسمها بقوة
خالد: قومي... تكفين قومي... آسف والله آسف!!!
انصدم من نفسة و تركها بسرعة... شفيني أنا ينيت... ما راح تقوم...كل يوم ايي و أكلمها... كل يوم أقعد و أتأسف لها بس ما كو فايدة... أكلمها بس ما ترد علي... أترجاهة انها تقوم بس ما كانت تقوم....
حط راسه بحضنها و قعد يبجي من كل قلب... الي يشوفة يحسبة طفل صغير ماخذين منة كل شي.
بطلت هدى عيونها شوي شوي و حست بألم مو طبيعي براسها... ويني أنا... ناظرت الغرفة الي كانت قاعدة في و استوعبت انها بالمستشفى.
ردت غمضت عيونها تحاول تتذكر الي صار... حادث و هبة ... خالد... ساعة ... خالد... خالد
بدت عيونها تدمع واهية تتذكر... اخ يا خالد يا خاين... انت السبب!!
بطلت عيونها ليمن حست بشي يتحرك و شافت خالد منسدح عليها يبجي..
قلبها قعد يرقع.. أول مرة تشوفة يجي ججذي... أول مرة تشوف اي ريال يبجي
بطل خالد عيونة على سماع نبض هدى الي زاد بالسرعة... رفع راسة و شافها مبطلة عيونها
تمو يطالعون بعض بصمت... خالد يمسح دموعة و هدى دموعها تسيل
خالد: هدى أنا...
لفت ويها الصوب الثاني... ما تبي تسمع منة ولا كلمة... الشخص هذا تكرها... تكرها!!!
هدى: مالة داعي يا خالد... الي صار صار وانتهى
خالد: بس يا هدى أنا آسف
غمضت عيونها حيل تحاول تمنع نزول دموع يديدة و بصوت يبين أنها قاعدة تبجي: وأنا بعد أسفة يا خالد.
استغرب منها: أسفة على شنو؟
هدى بصوت مقموت: أبيك تطلقني!!
حس كأنها عطتة طراق... كأنها كتت علي ماي ثلج: شنو!!
مسحت دموعها عشان تجابلة... لفت ويها لعند خالد و طالعتة بعينة... أكبر غلط سوتة أنها طالعت عيونة.
نست كل الي بغت تقولة... حست أنها حقيرة ليمن شافت عيونة السودة الي تسبح فيها دموع...
خذت نفس عميق.. لازم تقول كل شي... عشان راحتها و راحتة... أهوة أصلا ما يبيج يا هدى ريحي
هدى بصوت مسموع و بجدية: أبيك تطلقني!!
خالد بتوتر: شقاعدة تقولين....
هدى عورها قلبها على الي بتسوي.. بس غصبن عليها: أنت غبي ما تفهم!!! قلت لك أني أبيك تطلقني... مابي أكون زوجتك... فكني منك خلاص ماني قادرة أتحملك!!! فهمت؟!
هذي مو هدى الي أنا أعرفها...هذي مو هدى الحنونة الي طوال هالفترة حاولت تكسب حبة
خالد بعصبية: لا يا هدى ماني مطلقج.
بطلت عيونها على حدة... ما يرحمني هالريال؟ ما يدري اني كل لحظة أقعد معا قاعدة أموت
قعدت تبجي بحراق و دمعة ورا دمعة تنزل على خدها، و تنزل لعند حنجها و تطيح على إيدها
هدى بصوت يقطع القلب: ليش ما ترحمني!!! حرام عليك يا خالد... ليش تكرهني؟ ما سويتلك شي والله... كل الي كنت أبي أنك تحبني بس الحين اكتشفت أن هالشي مستحيل..
ما عرف شيقول... كل دمعة من دموعها قعدت تذبحة... تبجي علي أنا؟
قعد خالد على ركبة يمها و قعد يمسح دموعها: بس يا هدى لا تبجين.. تراني ما استاهل هالدموع..
ليش يسوي جذي؟ تبي تكرهة بس مو قادرة
كمل خالد كلامة: أدري إني أذيتج و انتي تستاهلين أكثر... بس تكفين عطيني فرصة يا هدى... عطيني فرصة أوريج خالد الصجي
أنا ليش قاعد أقول جذي؟ مو أنا الي ما كنت أبيها؟ مو أنا الي كنت أبي أفتك منها؟
خالد: تكفين هدى لا تتركيني!!
هدى كانت مغمضة عيونها ميتة بجي و قعدت تشهق و بين أنفاسهة قعدت تقول: أنت ما تبيني! لا تقص علي يا خالد.. كاني الحين بريحك.. قول لأهلك اني أنا طلبت منك الطلاق... محد راح يلومك أو يعاتبك.. أنا ما أبيك يا خالد
بطلت عيونها و حاولت تسيطر على دموعها بس فشلت: إذا طلقتني تقدر تتزوج الي كنت تحبها.. أدري انك كنت تحب وحدة قبلي و انك مغصوب علي!
انصدم من الي قعدت تقولة... شعرفاهة اب بدور؟
خالد: هدى انتي مــ
هدى بصوت عالي و بعصبية: أدري لأني شفت ساعتها فبيتنا!!
عفس خالد ويها: هدى هذي كانت الماضي..
نزلت هدى راسها بس ما خلاهة... حط صبعة تحت حنجها و رفع ويها عشان تطالعة
خالد بكل حنان:و انتي مستقبلي....


ناصر كان رايح الجمعية يشتري أغراض حق أمة... من تزوج خالد و طلع من البيت كل شي صارت مسؤوليتة
ناصر ولا مرة بحياتة راح يشتري أغراض من الجمعية و ما يدل ولا شي.
رفع اللستة لعند عيونة... الله يخس ابليسج يا هبة خطج زفت
ناصر: الحين هالكلمة جبن ولا... لبن؟ أووو أشتريهم ثنيناتهم.
ناصر: الحين وين الجبن عاد؟ لو سمحت
الهندي: تفدل بابا
ناصر: اي صوب الألبان؟
الهندي: ورا هذا بتات مال قلي
و مشى الهندي مستعيل
ناصر: يعني ساعدتني وية ويهك. أنا ما أدري وين البطاط
سمع وحدة ورا قاعدة تضحك على حالة. دار ويهة و شاف بدور ماسكة عربانتها و ميتة ضحك
استوعبت إن قاعد يطالعها و استحت من نفسها... صج ما أستحي على ويهي
لفت عربانتها بسرعة عشان تنحاش
ناصر: بدور!
وقفت مكانها: نعم
ناصر بصوت يكسر الخاطر: ممكن تساعديني؟
ابتسمت بدور و دزت عربانتها لعندة: أكيد
ناصر: هذي اللستة بس أكيد ما راح تفهمين شي... خط هبة كوفي
بدور أول ما خذت اللستة: واحد جبن 3 عصير منجا 2 صابون تايد و 4 كاكاو جلكسي
تعجب ناصر منها: شلون فهـــ
بدور: هبة كانت معاي بالمدرسة و كلة كنت أنقل الواجب منها
ناصر: يالكسلانة
احمرت خدودها: لا بس.. شسمة
توهقت
ناصر: ههههههههههه عادي عادي انا عمري ما حليت واجب
قعدو يمشون يدورون الأغراض بصمت....
بدور الي مستحية و مو عارفة شتسوي
ناصر: انزين شنو بقة
بدور: 4 كاكاو جلكسي
ناصر: أكيد حق هبو البطة أدري فيها...ولا أمي شتبي بالكاكاو
بدور تفاجئت و بطتها ضحك: ههههههههه حرام عليك
ناصر الي ذاب من صوتها و حب يتغشمر بعد عشان يسمعة بعد: والله شقتني كلة طلبات كل يوم شي... كاكاو,... عصير... مطعم
قعدو يضحكون ليمن و صلو الكاشير
ضاق خلقة ناصر لأنهم خلصو كل شي و لازم يفارقها
ناصر: شلون محمد؟
بدور واهية تحاسب و ناصر واقف وراهة: طلع من المستشفى
ناصر خذاهة فرصة: يبيلة أزورة ما شفتة
بدور حست انها مو قادرة تتنفس... حطت إيدها على صدرها
ناصر لاحظ هالشي: بدور فيج شي؟
خذت نفس عميق و ارتاحت... ابتسمت: لا مافيني شي
دفعت الفلوس و لفت على ناصر: يلا عيل... مع السلامة
ضاق خلقة: مع السلامة

حمد: يعني بتقنعيني إن سارة إهية الي تسوي جذي؟!!
مشاعل بتوتر: إي..
حمد بعصبية: والله يا مشاعل أذا طلعتي تجذبين علي بتروحين فيها..
و طلع حمد من غرفة أختة
مشاعل حدها خايفة... يوم خطبة سارة كسرت خطها الي تكلم أماني منة... حست إن ليه متى بتكلم بويات؟ بيون يخطبونها مثلا؟
باجر يمكن تتزوج و وحدة من الزبالة الي تكلمهم تيي و تخرب عليها زواجها و حياتها...
مشاعل قعدت تتصفح بالرسايل الي تركتهم أماني عند باب بيتهم لها...
هذي حمارة!! ما تفهم يعني شنو خلاص انتهينا!!! لا و حمد بغة يطيح علي السبة غباءها...
ضحكت لنفسها... بس أشوة إن أخوي غبي بسرعة ينفر مخة هههههههه مسكينة سارة ... حسبالة إن اهية الي تكلم هالبويات.
مشاعل حست إنها ذكية و محد يقدر يصيدها... الرسايل قاموا يوصلون من انخطبت سارة فحمد عبالة إن سارة هدت أماني عشان تتزوج محمد...
وأنا لازم أكلم هالزبالة و أفهمها إن خلاص


تبطل باب سارة بقوة و دخل حمد بعصبية!!
نقزت سارة من الخرعة و قامت من فراشها بعصبية.
سارة: انت شنو على كيفـــ
مسكها حمد من شعرها و قرب و يها صوب ويهة: ما تستحين على ويهج... تييبين العار حق عايلتنا...سوي الي تبين تسوينا بس ما تخربين سمعتنا... فاهمة!!!
سارة واهية تتكلم بألم: حمد هدني هدني تكفة هدني!!! تتكلم عن شنو؟ ما سويت شي...
حمد عصب أكثر: تستهبلين! تسوين نفسج ما تدرين؟ قصدي البويااات!!! الحيوانات الي تكلمينهم.... الزبالة الي يمرون صوب بيتنة و يتركونلج رسايل حب!!! حسبالج بتتزوجين كل شي بيصير زين... بينسونج!!!
سارة مو قادرة تفهم شقاعد يصير: أنا... ما أكلم بويات والله العظيم
حمد واهوة يصارخ: تحلفين بالله!!هذولي باجر يفضحونة تفهمين!!! تفهميييين!!!
حذفهة على فراشهة بعصبية: والله يا سارة راح تندمين و زواجج من محمد ما راح يتم!!!
سارة بخوف و حسرة.. لأنها تموت فمحمد: لا يا حمد تكفا!!! والله ما سويت شي واللي يسلمك الله يخليك لا تسوي شي... حرام عليك تظلمني مو أنا الي أكلم هالبويات!!!
حمد: عيل منو!!!
ما قدرت تقول لأنها حلفت لمشاعل أنها ما تفتن... و عشان تحب خواتها حتن لو اهمة ما يحبونها
سارة بصوت واطي: مادري
حمد بعصبية و أخر كلمة قالها قبل لا يطلع من الدار: خليج جذي ما تدرين
تمت تبجي سارة: الله يسامحج يا مشاعل كنت بفكج مني بزواجي من محمد... ليش تسوين جذي ليش؟!!
قامت سارة واهية تبجي و راحت ركض لدار مشاعل
مشاعل الي كانت تغني لنفسها و انصدمت ليمن شافت سارة يايتلها
سارة بين دموعها و بخوف و حسرة و عصبية: ما تستحين على ويهج!!! ما تفهمين انتي شسويتي!!!
مشاعل تطالع أظافرها: شسويت؟
سارة: تقطين مشاكلج على راسي!!!
مشاعل طالعتها و بخبث قالت: أي بويات؟ ايييي قصدج الي تكلمينهم
سارة حست إن راسها بدة يدور و إن الدنيا بتبلعها: مشاعل؟ تجذبين؟ ما توقعتج من هالمستوى!!
مشاعل : سارة شفيج خرفتي؟ انتي الي تكلمين هالبنات مو أنا... لا تجذبين و تحطيني بمشاكل.
سارة أخر شي قالتة: الله يسامحج
سارة اغمى عليها و قبل لا تطيح على الأرض طقت راسها على زاوية تسريحة مشاعل و راسها قام ينزف دم
مشاعل قامت تصارخ

يوسف كان بالمستشفى يزور عمتة المريضة.
(خلوني أذكركم بيوسف)

يوسف و لد خال محمد عمرة 23... عيونة عسلية ووايد طويل. (نضيف على هالمعلومات) يوسف يتيم من كان عمرة 5 سنين و مالة أحد غير عمتة ليلى الي تبنتة و ربتة. عمتة ليلى ما كانت متزوجة فما عندها عيال بس يوسف حسبت ولدها و مالها غيرة، يعني مالهم غير بعض... يوسف كان محتاجلها بس ما كان يدري إن ليمن تبنتة أهية إالي كانت محتاجة أكثر عشان تحارب الوحدة... بس للأسف هالأيام كانت تعبانة وايد بسبت مرض السرطان الي كانت تحاربة من 3 سنين..
يوسف بصوت مبحوح: عمتي ما يصير تتركيني وحيد!!!
ليلى واهية تكح: لا يا يوسف انت مو وحيد... عندك أهلك
ليلى كانت تدري إن ما عندة رفجان وايد بسبت شخصيتة الإنطوائية.
يوسف: تكفين تكفين لا تخليني
عمتة قاعدة تموت.... كانت تحس بهالشي و حتن يوسف يحس بس ما يبي يعترف
ليلى: يوسف وليدي وصيتك... تكفى يوسف تزوج... كان ودي أنقيلك بنت الحلال بنفسي و أشوف عيالك... بس ربي ما كتب
يوسف بغى يتكلم بس ما خلتة
ليلى: انت حسبت ولدي و أحبك أكثر من ما أحب نفسي... أعتبرك ولدي يا يوسف أبي الخير لك... عشاني حقق هالشي... إجلب حق نفسك السعادة
قامت تتنفس بصعوبة و جهاز القلب قام يصفر....
يوسف بصراخ: أأأأأأأأأأأأأأأاه يمااااااااااا... يماااااااا لا تخليني!!! يماااا
دخلو الدكاترة بدفعات
دكتور يوجه كلامة للدكاترة: ساعة الوفاة... 8:30 صباحاً
يوسف ما كان مصدق: هذا حلم؟ لا لا عمتي ما ماتت
طلع يوسف من الغرفة اللي فيها جثت عمتة و ياي بيطلع من المستشفى، بس فجأة دخلوا دكاترة يدزون حمالة فيها وحدة راسها ينزف دم
وقف مكانة منصدم من كثرة الدم؟؟؟؟
يوسف كان من النوع الي إذا شاف دم يبس بمكانة ما يقدر يتحرك
قبل لا يدخلون البنت غرفة العمليات لمح ويها وانصدم
سارة

خالد: شرايج بالريوق؟
هدى بحيا: تسلم إيدك... وايد حلو...
مرت لحظة صمت ما عرفو شيقولون حق بعض
عقب الحادث حاول خالد كثر ما يقدر إن يتغير مع هدى و يعاملها عدل.. و حقق كل هذا بس ليلحين ما حبها...
لا تفكرون إن ما يبي يحبها... العكس... قعد يحاول و يحاول بس مو قادر يحبها... كثر ما كان يحب بدور...
هدى كانت تحس بنقص... تدري إن خالد ما يحبها... راح يكون في يوم يحبني؟ ولا من المستحيل إن يصير هالشي؟
قام يشيل خالد الصحون.. بس ما رضت هدى... خالد طبخ ريوق عجيب و ما خلاهة تسوي شي... فأقل شي تقدر تسوي إنها تنظف المكان
قامت شالت الصحون وودتهم المطبخ...
أحب إنسان ما يحبني... في مرة حسيتو بهالشعور؟ تعشقون شخص و ما تقدرون تعيشون بدونهم بس ما يبادلك هالشي؟
تسوي كل شي عشانة عشان الحب، و اهوة يسوي كل شي بس مو عشان الحب عشان سعادتك بس... عشان ما تزعل.
بس هدى ما بغت تستسلم و مخططة....لازم نروح مكان أحب أروحلة أشاركة شعوري... لازم أخلي يثق فيني أول... أخلي أول صديقي بعدين يمكن مع الأيام يحبني
تمت هدى تفكر: لو خالد وحدة من رفيجاتي ههههههه شلون وحدة واهوة صبي.... مممم وين اودي
طلعت هدى من المطبخ... بس مليت من ضيقت الخلق و كل واحد يستحي من الثاني... لازم نطيح الميانة
هدى: خالد أبي أسافر
خالد كان ماسك مجلة وانصدم: وين تبين تروحين
هدى واهية مبتسمة: أبي أروح دزني لاند (Disney Land)
ضحك خالد: من صجج؟
هدى بجدية:إي من صجي...
خالد ما حب يكسر بخاطرها: أوكي باجر أروح أحجز
و رد انتباهة للمجلة
هدى: أبي أطلع
خالد: وين تبين تروحين
هدى قعدت يمة على القنفة: أبي أروح البحر نيمع قواقع و نلعب بالرمل و عقبها بروح الشعب نلعب
طووول اليوم و بعدها أبي أرو..
قاطعها خالد واهوة ميت ضحك: بس بس الي تبينة بيصير
قامت هدى من مكانها مستانسة و قامت تسحب خالد من إيدة
خالد: وين رايحة؟
هدى: بنروح نتبدل بعد وين
قعد يضحك

شيماء قاعدة تمشط شعرها الأسود الطويل و قاعدة تفكر... متى بايي اليوم الي تتزوج في جاسم؟
صارلهم تقريبا 7 سنين واهمة يكلمون بعض و الصراحة ملت... ليه متى بيظلون جذيي؟
ليحد الآن رفضت 4 رياييل يوا يخطبونها و أمها الحين قامت تشك... شيماء عمرها 23 و بتكمل 24 هذا عمر الزواج...
وأمها منزمان تحن عليها تتزوج... بس أهية ما تبي ولا أحد من إلي يوا يخطبون... تبي جاسم
دخلت أم أحمد و قاطعت تفكير بنتها... كانت وايد متضايقة لأن أمس شيماء رفضت واحد ولد عايلة و خوش واحد بدون اي سبب
أم أحمد: بنيتي بغيت أكلمج بسالفة...
أف لا يكون تقعد تحن علي الحين... الله يستر
ما قامت من مكانها.... تمت تطالع أمها من منظرة التسريحة و تمشط شعرها: تفضلي يمة
ما عرفت شتقول أم أحمد... شلون أبين لها إن أبوها معصب و يبيني أعرف سبب رفضها للزواج
بلعت بالغصب و حست إن ريجها ناشف: شمة انتي ليش ما تبين تزوجين؟
غمضت شيماء عيونها و حست إن راح إييلها صداع... قلت والله قلت إنها ياية عشان هالسالفة
بطلت عيونها و نزلت المشط من راسها: يمة أنا...أنا مابي أتزوج الحين.
أم أحمد ماسكة أعصابها... كل ما يت سألت بنتها عن سبب رفضها قالت إنها ما تبي الحين... أو بعدين...أو أنا صغيرة توني
أم أحمد: متى عيل تبين تتزوجين؟
شيماء: توني صغيرة...لاحقة على الزواج.
اهني فقدت أعصابها: صغيرة؟ شمة انتي الحين 24 هذا اهوة عمر الزواج!! انتي مو صغيرة...
نزلت المشط على التسريحة بقوة و قامت من مكانها و راحت لعند الكبت
شيماء واهية تطلع لها ملابس: واي واي واي...و انتي ليش مستعيلة على الزواج؟ تبين تفتكين مني مو؟
أم أحمد عورها قلبها على كلام بنتها: لا بنيتي مو جذي السالفة... أنا خايفة عليج و ما أبيج تضيعين عمرج... أنا أمج و أعرف مصلحتج
شيماء: انزين راح أتزوج بس ليحد الآن ما شفت أحد من الي يوا يصلحونلي... أنا مو رافضة الزواج... رافضة الي يوا.
أمها حست إن ماكو فايدة و بالحنة راح تعاند زيادة... قامت من مكانهة و راحت لعند بنتها
أم أحمد: وين رايحة؟
لبست شيماء جاكيتها و طلعت شعرها الطويل من بلوزتها
شيماء: بروح بيت رفيجتي..
راحت أمها لعند باب دارها و حطت إيدها على اليدة و قبل لا تطلع تكلمت
أم أحمد بحنان: ما أبي أشوفج تنغصبين على شي...
و طلعت أمها تاركة بنتها تفكر... شقصدها أمي أنغصب على شي...
قامت تتنفس بسرعة من الخوف... حطت إيدها على صدرها تحاول تهدي قلبها.. خذت مفاتيحها و طلعت موبايلها من الجنطة
ضغطت على أزرار التلفون و اتصلت
رن مرة و مرتين و ثلاث
جاسم كان مع محمد و ناصر و ميتين ضحك على شي قالة محمد
جاسم واهوة ميت ضحك: ألو
شيماء بجدية: تعال بحرنا الحين...
ابتسامتة بسرعة انمسحت من ويهة: ليش شفيك؟
شيماء قامتة البجوة: جاسم انت بس تعال و راح تعرف...
و سكرت التلفون... نزلت من الدري بسرعة و اصطدمت بأحمد
أخوها مسك الطوفة عشان ما يطيح: هوب هوب وين رايحة بهالعيلة؟
نزلت شيماء واهية حاقرتة... راحت عند سيارتها و حاولت تبطلة بس ما قدرت... إيدها قاعدة ترجف من الخوف و ما تدري من شنو خايفة.. أخيرا رعصت دقم المفتاح و بطلت السيارة...
أحمد مسك إيدها قبل لا تركب السيارة
أحمد بعصبيية: قاعدة أحاجيج... وين رايحة!!!
شيماء الي دموعها قامت تصب و مو قادرة تتسيطر عليهم...
مسك أحمد ويها عشان يشوفها و شاف دموعها... هدها بسرعة من الخرعة.. حط فبالة إن عورها... و اهوة يحبها وايد و عمرة ما بجاهة
أحمد: شمة أنا آسف ما كان قصدي أعورج.. سامحيني
رفعت عيونها لعيونة و مسحت موعها... ااخ بعد عمري اخوي
شيماء واهية مبتسمة: ما عورتني
أحمد: عيل ليش هالدموع؟
شيماء: أحمد تكفة خلني أروح تعبانة و تأخرت على رفيجتي
أحمد: منو مزعلج؟ قولي أنا أوريهم...
ما تقدر تسوي شي يا أحمد... جان زين بهالبساطة
شيماء: محد بس تعبانة و امي نرفزتني مساع و الحين لازم أمشي لا ..
قاطعها أحمد: عن الزواج؟
بققت عيونها منصدمة... أهوة شدرا؟
أحمد: سمعتها اهية و أبوي يتهاوشون ذاك اليوم... أبوي معصب يبيج تتزوجين و أمي تبيج تاخذين راحتج
شيماء: أمي آخر شي قالتة لي إنها ما تبي تشوفني أنغصب على شي...
أحمد تنرفز: لا تخافين محد راح يغصبج على شي وأنا موجود!!!
ابتسمت ابتسامخة خفيفة و ركبت السيارة: لازم اروح...
و قبل لا يرد عليها شغلت السيارة و مشت
اف عليج يا شيماء...
و دخل البيت عشان يتبدل... كان بيروح عند ربعة يقعد معاهم شوي
تبدل و ركب سيارتة... وصل القهوة الي كانوا قاعدين في... واهوة داخ اصطدم بواحد
أحمد: أف شفيكم اليوم بس تدعموني...
جاسم: أسف والله مستعيل
أحمد: هلاااا بو محمد... وين رايح
استوعب جاسم إن هذا أحمد أخو شيماء: هلا هلا ما عرفتك تصدق... لا والله بس أهلي داقين علي في سالفة
أحمد: أها عيل ما أعطلك...
طلع جاسم و دخل أحمد
أحمد: السلام عليكم
ناصر و محمد بضحك: و عليكم السلام...
قعد أحمد و طلبلة قهوة تركية...
أحمد مبتسم: شفيكم تضحكون؟
ناصر ميت من الضحك خذا نفس عميق: محمد قاعد يسولف لنا عن اخت خطيبتة...
محمد كان قاعد يسولف عن مشاعل و شكلها و شلون كانت مغرورة
أحمد: اي صج مبروك بو جسووم... زواج ها...
محمد استحى: الله يبارك فيك
أحمد: ما قلت لنا بنت منو؟
محمد: بنت..... اهية رفيجة بدور اختي
غمز أحمد حق يوسف و محمد: هاااا جذي السالفة.... زواج حب
محمد: يلا عاد مصختها
أحمد: ههههههههه
رن تلفون محمد بهاللحظة
محمد: أو بدور قاعدة تدق
قلب ناصر قعد يرقع ليمن سمع اسمها
محمد: ألو
محمد الي كان مستانس تغيرت ملامحة 180 درجة
ناصر قدر يسمع صوت بدور لانها يا قاعدة تبجي بصوت عالي أو قاعدة تصرخ... واهني اخترع
محمد: بدو... لح... شوي شوي مو قادر أفهم شي
محمد بصوت عالي: أنا الحين ياي!!!
قام من مكانة بسرعة وطاح الكرسي الي كان قاعد عليه
محمد: لازم أروح الين
ناصر بخوف: شالسالفة؟
محمد واهوة عافس ويهة: سارة بالمستشفى
ارتاح ناصر وايد بس حس بالذنب... سارة بالمستشفى و انت مستانس صج ما تستحي
ناصر: بيي معاك
أحمد: وانا بعد
محمد رفيجة و ما حب يخلي
اتفقوا كلهم و راحوا المستشفى
بالسيارة كان هدوء...
ناصر كان قاعد يسوق و محمد يمة... أحمد قاعد ورا..
ناصر بتردد: شفيها سارة؟
محمد الي كان قاعد يفكر بامية شي ما سمع ناصر
ناصر بصوت أعلى: شفيها سارة؟
محمد: مادري بدور كانت تبجي ليمن اتصلت و الي فهمتة إن طقت راسهة حيل..
أحمد حط إيدة على جتف محمد: انشالله مافيها شي
محمد: انشالله

دخلوا الشباب غرفة الانتظار على بجي حريم
بدور أول ما شافت اخوها راحتلة ركض و لمتة
بدور واهية تبجي: محمد رفيجتي... سارة بغيبوبة
و قعدت تبجي مو قادرة تتكلم
فجأة هدت أخوها و قعدت تصرخ
بدور: كلة منج انتي!!! شسويتي فيها!!!!! أدري إنج سويتي شي
و مسكت مشاعل المخترعة من شعرها...
مشاعل: ايي يالمينونة هديني... وخري عنييي
محمد سحب اختة من مشاعل و ردت بدور تبجي بحراق
عدلت مشاعل شعرها و ردت تفكر
أنا شسويت...كلة مني أنا
قربت حصة من اختها الكبيرة و ساسرتها بعصبية: أنا أدري إن بدور على حق و راح اكتشف شنو سويتي حق سارة.
حصة كانت واقفة برا غرفة مشاعل يوم سارة دخلت عليها واهية تبجي بس ما سمعت غير صراخهم ولويتهم فما فهمت شنو صار بالضبط.
قعدت ترجف مشاعل... ناطرة الدكتور يطلع من غرفة العمليات يبشر...اذا صار فيها شي ما راح أقدر أعيش مع نفسي
مو بس مشاعل الي كانت تحاتي نفسها... حمد كان قاعد بزاوية يفكر​

 

[dlo3t^baba]

thaaaaaaaaaaaaaaaaaaaaaanx ^_^

 

[a7la samra87]

حبيبتي علقتينا شينومني اليوم
مارتاح الا ليمن اقراها كلها
بليـــــــز مو تنسين اتنزلين البارتات الباجيه باسرع وقت

 

[b6ooo6a*_*]

لايوقف ولايوقف ولايوقف ولايوقف ولايوقف ناااااااطرينج

 

[MeeMeeYoo_2]

ثنكيوووووووووووووو

 

[kity]

وااااااااااااااااااااي سارة لا تصير طيبه زياده عن اللزوم ختقووول اف بطت جبدي

وناطرينج حياتي وبليز لا تخلصين البارت في نص الحديث المشوق

 

[الاحاسيس المبهمه]

واااااااااااي هل المشااعل مااا احبهااا عوووووع كاارهتهاااا والحيين اكملت حمد بعد الله ونااسه

مسكيينه سااره سميتي حراام عليكم ليش جذي تسوون فيهااا سميتي ما ارضا عليهااا لاأ

نبي باارت بليييييييييييييز بليييييييييييييييييز

نااطرينج ناطرينج نااطرينج

 

[عاشقة المسك]

البارت حلو مثل صاحبته ناطرينج احر من الجمر

 

[عاشقة المسك]

ناااااااااااااااااااطرينج بلييييييز لاتطولين

 

[ms_5ajoola]

يالله بسرررعة لا اطوولين علييينا نزلي كثرمن بارت مع بعض

 

[ms_5ajoola]

ناااطريييييييييييييينج

 

[zqertya]

الباااااااااااااااارت حده عجييييييييييييييييييييييييييييب

ناطرينج

 

[kity]

ويييييييييييييييييييييينج

 

[عاشقة المسك]

مايصير جذي نبي بارت!!

 

[MC ANFAL]

يلا زيوون وييييييييييييييييينج

 

[ms_5ajoola]

لييييييييييي متى يعنييييييييي ؟؟

 

[kity]

عاشقه المسك روحي روااايتج وكتبي لنا بااارت




عصبت عليج

 

[ms_5ajoola]

صااارلي شكثرررر ناطرة يالله بسرعة طلع فينا بطاااااااااااااط