بدور (الحب الحقيقي)

[dlo3t^baba]

عادي عادي حبيبتي ماصار شي ^_^
جذي انتي حطيتي بارتين هياااااااااااااااااااااااااااااااااااه
مشكووووره حبيبتي وعادي ماصار شي ^_^
ياعمري يا ساره ضاق خلقي عليها

 

[زينة الأب]

لووول اي انتوا عيايرة كلة منكم دودهتوني و خليتوني أحط بارتين لووووول... اااخ يا سارة شوفوا الأيام شنو خاشتلها... المفروض اسمي القصة سارة (الحب الحقيقي) بس يالله ميخالف بدور اهية اللي تصلح كل شي واهية الحبوبة اللي جامعة كل الناس لبعض.... خدومة و تحب تساعد الناس و نست روحها واحتياجاتها... بس انشالله بدور راح أتعمق فيها بآخر الأجزاء.. الحين وصلت جزء 21 و ببدي فبدور الحين هههههههه قصتي واايد طويلة أدري و صار فلم هندي بس يالله أحب أتخيل و أشاركم بخيالي...و انشالله البارت 30 يكون أاخر بارت فاخر أجزاء راح تكون شوية طويلة

 

[زينة الأب]

و شكرا على تصويتكم و حتن الي مصوتين ويع على الأقل عرفت إن قصتي فيها عيوب (عارفة هالشي منزمان) و كل الناس لها ذوق. أنا ما أخذ بخاطري.. هذا شي أنا بديت في عشان أقضي في وقت فراغي يعني أكيد ما راح يعجب الكل... و هذا أول قصة لي وانشالله القصص الياية تعجبكم أكثر... شكرا حبايبي على المشاهدة و المتابعة ترا والله تبردون القلب... فديتكم

 

[الاحاسيس المبهمه]

والله انتي إلي تبرديين القلب

وتفدااج العاافيه

ومثل ماقلتي كل شي وله عيووبه ولولا اختلااف الاذوااق لبارت السلع يعني كل وااحد وذووقه

وحتى لو احد قاالج مو حلوه او ( وييييع ) لازم تكوون روحج ريااضيه وبلعكس ماتوقفين لأ لازم تكوون هل كلمه تصير دافع انج تتطوريين وتصيريين ( عجيييييييييييييييييبه ):icon30:

و إلى الاماام إن شااء الله و عااد تابعي رواايتي نااويه انزلهاا هني بعطلة الربيع ( 15)
ورااح تكوون اول رواايه لي و حصريه
و ممم اناا مخلصتهاا بس باقي العنوان و في جواانب ركيكه شوي بضبطهااا لان ماا ابي انطركم لاني ما اشبك بالمدرسه إلى ناادراا << عاااد سولي دعاايه_03BA::krkrkr:

 

[زينة الأب]

بنات أنا بروح أزور بنت عمتي ياهم بنت... احتمال أفاجئكم فبارت ثالث الليلة ما تدرون ههههههههه صايرة كريمة اليوم أدري (طع ويهج) (اف الحين يحنون عاد) لوووول يالله أنا بقوم أصلي و أمشي باااااي...

 

[زينة الأب]

والله انتي إلي تبرديين القلب

وتفدااج العاافيه

ومثل ماقلتي كل شي وله عيووبه ولولا اختلااف الاذوااق لبارت السلع يعني كل وااحد وذووقه

وحتى لو احد قاالج مو حلوه او ( وييييع ) لازم تكوون روحج ريااضيه وبلعكس ماتوقفين لأ لازم تكوون هل كلمه تصير دافع انج تتطريين وتصيريين ( عجيييييييييييييييييبه )

و إلى الاماام إن شااء الله و عااد تابعي رواايتي نااويه انزلهاا هني بعطلة الربيع ( 15) ورااح تكوون اول رواايه لي و حصريه و ممم اناا مخلصتهاا بس باقي العنوان و في جواانب ركيكه شوي بضبطهااا لان ماا ابي انطركم لاني ما اشبك بالمدرسه إلى ناادراا << عاااد سولي دعاايه

يا بعد جبدي و أكيد بتابع روايتج أحب كل الروايات و أحب أتعلم من أسلوبكم... أفا عليج نسويلج دعاية ليش لا و ربي يوفقج و يوفقنا أجمعين... طبعا أول ما تنزلينة قزليلي... و يلا بمشي الحين عشان ما أتأخر.... باااااي

 

[الاحاسيس المبهمه]

ربي معااااااج سلميلي علييهاا <<< اموون صح

 

[kity]

نياهاهاهاها نزلتي بارتين وانتي ماتدرين نياهاهاهاهاها >>> ضحكه الأشرار

ننطرج قلبي في بارت يديد

 

[bosha.q8]

اول شي يعطيج العافيه ع القصه الاكثر من رووعـه .. ثاااني شي القصه تجنن وااااايد حلوة او انا من المتابعين خلف الكواليس هعععع .. يلاآآ بآنتظآآرج

 

[b6ooo6a*_*]

ثاااااااااااانكس حبوو ناااطرينج

 

[زينة الأب]

رجعتلكم و بحط لكم أخر بارت لليوم وانشالله يعجبكم... راسي حدة مصدع فبكتب شوية بارتات و بعدين بنام.... باجر وراي قعدة ريوق مع بنات عماتي لوووول قبل لا نداوم يعني.. بسي قرقة و هاكم البارت

الجزء الثاني عشر

ساعات... ساعات أحس إن الزمن قاسي... قاسي لا يمكن يلين ساعات....
وساعات أحس ان الفرح محال لا يمكن يحين...
ساعات... ساعات أحس إن الزمن قاسي لا يمكن يلين...
وساعات أحس ان الفرح محال لا يمكن يحين...
هذا الي شفتة بدنيتي كل ما مضالي من سنين...
هذا الي شفتة بدنيتي كل ما مضالي من سنين
يا من يعلمني الفرح
يا من يعلمني الفرح
و يفرح القلب الحزين
يفرح القلب الحزين
يفرح القلب الحزين
ساعات....


بعد أسبوعين في حفلة التخرج لبدور و سارة

سارة لمت بدور حيل: مبروووووووك خلصنة!!

ابتسمت بدور بس مو من قلب: الله يبارك فيج وانتي بعد مبروك

سارة كانت تدري عن خالد و شصار بينهم، قعدت تتذكر أول يوم درت عن السالفة. كانوا فبدار بدور أول يوم هدوا بعض

بدور و عيونها مليانة دموع: و اخر شي يا سارة ما يبيني بيتزوج غيري؟ أستاهل انا جذي استاهل؟

سارة الي تموت فبدور و ما ترضة عليها حست بغضب لخالد! شلون يسوي فيها جذي؟ بدور الحساسة الحبوبة الخدومة أحد يسوي فيها جذي؟ و بنفس الوقت حست بحزن مالة حدود لرفيجتها، أول مرة فحياتها تشوف بدور تبجي جذي... بدور كانت مثل اختها الكبيرة، و الخوات الكبار ما يبجون جذي عند خواتهم الصغار، حست ان البنت الي قاعدة تبجي بين ايدينها طفلة صغيرة مصدومة من الدنيا..

سارة: بس يا بدور بس، الحمار هذا ما يسوة حتن دمعة وحدة من دموعج

بدور غصب تتكلم بسبت البجي: ما أقدر والله ما أقدر، كل شي يذكرني في، مو قادرة أنسى مو قادرة!!!

سارة: وين بدور القوية الي أنا أعرفها ها؟ تبجين عشان واحد ما يسوة؟ على واحد ما يعرف شنو كان عندة؟ يا بدور ترة انتي مو شوية! انتي ألف واحد يتمناج!!

بدور بصوت يقطع القلب: مابي ألف واحد... أبي خـــــــــالــــــــد

ردت للحاضر سارة

أم بدور عقب ما لمت وباست بنتها لمت سارة حيل و باستها: مبروك يا بنيتي سارة، لو أمج الله يرحمها موجودة تكون مفتخرة فيج..

سارة عيونها دمعت من سماع كلمة أم
ابتسمت: مشكورة خالتي

سارة: ها بدور وين تبين تطلعين؟

بدور: مو مشتهية أطلع ودي أرد البيت

سارة ما تبي تخلي بدور تقعد بروحهة لأن اذا قعدت بروحهة بتقعد تفكر بخالد شي أكيد

سارة: لا والله بنطلع و بنروح Fridays الي عالبحر، و هبون بتيي معانة مع رفيجتها و تصير يمعت بنات و راح تستانسين فاااهمة!!

بدور تدري ان سارة ما راح تخليها فوافقت


بطرف ثاني قبل نص ساعة من حفلة تخرج سارة و بدور

هدى: خالد ممكن نطلع؟

خالد يفرفر بالقنوات: مالي مزاج أطلع

هدى تنرفزت، من يوم تزوجوا واهوة يعاملها كوحدة غريبة وكلة مالة خلق

هدى: خالد حبيبي عفيةّ!

تنرفز ليمن سمع كلمة حبيبي، انا مو حبيبج و مافي شي يربطني فيج غير أوراق تقول احنة متزوجين

خالد: هدى تكفين راسي مصدع لا تحنين!!

وصلت حدها، 3 أسابيع تقريبا متزوجين و ما طلعنة ولا مرة! و حتن ما جاسني!
قعدت تحاتي هدى، أخاف فيني شي... في ريال ما يجيس مرتة؟ ليش متزوج عيل...
راحت لدارهم و تبدلت، ماشي يا خالد مو الا تطلع معاي

ردت للصالة: خالد بطلع

بدون لا يطالعها: مع السلامة

انقهرت هدى و طلعت، ركبت السيارة شوي و تبجي طلعت تلفونها و دقت على هبة اخت خالد
هبة: هلا والله

هدى واهية تبجي: هبة ميخالف ايي عندج؟

هبة و هدى كانوا رفيجات من قبل لا يتزوجها خالد

هبة بخوف: حياج بس شفيج تبجين؟

هدى تمسح دموعهة: أقولج ليمن اوصل

فبيت هدى و بالأخص دارهة

هبة: ميخالف هدى اخوي يستحي... عطي وقت شوي خل يتأقلم

هدى: ليه متى بنطر يا هبة؟ تدرين من تزوجنا ولا مرة جاسني؟

افتشلت هبة من اخوها و مو عارفة شتقول و خاصة ان الموضوع محرج: ميخالف صبري عليه عشان خاطري، وانشالله أنا أكلمة.
هبة: خلاص هدى مسحي دموعج.. شرايج نطلع؟
ابتسمت.. منزمان مو طالعة: وين تبين تروحين؟
هبة: بطلع مع رفيجاتي بنروح مطعم
هدى: اووو اووو... شالمناسبة؟
هبة بدلع: نسيتي اني تخرجت
هدى انصدمت و بسرعة لمت رفيجتها: امبيه نسيييت... مبروك!!
هبة: الله يبارك فيج
هدى: عيل خلاص أنا بعشيج على حسابي
هبة افتشلت: لا والله مالة داعي
هدى واهية تبطل جنطتها: لا والله أزعل
هبة: اوكي عشان خاطرج
هدى: يا ربي وينة؟
هبة: شتدورين؟
هدى: بوكي.... اييي نسيتة بالبيت
هبة: هدى والله مو لازم
هدى: لا دقايق برد البيت اييب بوكي و ايي
طلعت من الغرفة قبل لا ترد عليها هبة...ركبت السيارة و اتجهت للبيت


عقب ما طلعت هدى قعد خالد يفكحر في بدور و يتذكر عيونها العسلة و شفايفها الوردية، اااخ يا بدور ليه متى وانا مو مو قادر أنساج

طلع تلفونة و قعد يقرة مسجات بدور و يسترجع ذكرياتة الحلوة

قرة مسج لفت انتباهة: خلود يا بواق أبي سااااعتيي!

خالد بقق عيونة ساعتها ليلحين عندي نسيت!!، قام طيران لدارة و بطل درجة، قعد يعفس ملابسة ليمن لقة ساعتها... خذا الساعة و لمة حيل لصدرة.
ااخ بدور هذا الشي الوحيد الي بقالي منج! ويني ووين الفرح الي كنت عايشة معاج! وين الحب والحنان و الشوق!

شاف ملابس هدى مقططة بالأرض و تذكر هدى.. هدى الي اهية الحين زوجتة على إيد امة و ابو: ااخ يا بدور لو تشوفيني و تشوفين حالي، والله مو عيشة ، أحس بنقص و حزن. عايش مع وحدة غريبة ما اعرفها والناس يقولون عنها زوجتي!!
مسك الساعة حيل، غمض عيونة و بدت دموعة تسيل.
حس ان راسة بدا يدور و خاصة ان من تزوج ما نام نومة سنعة، حط الساعة على التسريحة و رمى نفسة على الفراش، حط راسة الثقيل على المخدة و سرعان ما خذا النوم

بعد عشر دقايق دخلت هدى البيت و قعدت تنادي خالد
هدى بصوت عالي: خاالد؟
ما رد عليها و قلبها نط من مكانة... وين راح؟
دخلت دارها و قلبها قعد يرقع من المنظر، شافت خالد نايم على ظهرة بهدوء، كان شكلة حدة بريء، ولا مرة شافتة واهوة نايم لأنهم من تزوجوا ايي ينام متأخر ليمن اهية تكون نايمة و يقعد الصبح قبل لا تقعد (هذا الي كان يبي خالد)، قربت صوبة و قعدت على الفراش بهدوء.
قعدت تسمع أنفاسة العميقة ، ابتسمت لنفسها، جنة طفل صغير.
تأملت بشفايفة و رموشة، ما قدرت تقاوم و مدت ايها و لمست ويهة، انصدمت من نعومتة كانت متوقعة انة خشن بس كان العكس.

عظت شفايفها واهية تفكر، كان ودها تسوي شي بس خايفة لا يقعد، بالنهاية قربت ويها لخدة و باستة بوسة ناعمة
همست بأذونة: أحبك
قامت من الفراش و قعدت تدور بوكها، لاعت جبدها واهية تدور، توها يايبة بتطلع من الدار بس شي على التسريحة لفت انتباهة
هدى لنفسها: شنو هذا؟
قربت صوب التسريحة و شافت ساعة بناتية،خذت الساعة و قعدت تقلبها بإيدها
هدى: هذا مو مالي، من وين ية!!!
تمت تفكر تحاول تستوعب من وين يت هالساعة، بققت عيونها باستيعاب، خدودها حمرت من غباءها وعيونها بدت تدمع
ردت الساعة مكانها و طلعت معصبة و الدمعة بعيونها.
هدى: ااه يا خالد عرفت سبب معاملتك الجافة معاي، أكيد راعية الساعة اهية السبب من ورا حزنك، وأنا راح اكشف سرك يا خالد.. اذا انت ما تبيني خلاص حتن انا ما أبيك.
ركبت السيارة و طلعت من فريجهم.. راحت بيت هبة و شافت هبة واقفة برا
هبة و اهية تركب السيارة: ها لقيتي بوكج
هدى بدون نفس: اي
هبة استغربت من رد هدى.. هذي توها قبل شوي تبتسم. الظاهر ردت تهاوشت مع خلود الحمار.
هدى مو منتبهة واهية تسو، بس سرحانة بزوجها خالد الي تحبة من اهمة صغار... واخر شي يحب وحدة ثانية... صج اني حمارة ما كنت ادري
فجأة هبة تصارخ: هدى الإشارة حمرا!!!
داست هدى على البريك بسرعة و دشت بالشبة...
هدى: هبة تعورتي؟ فيج شي؟
هبة: لا مافيني شي الحمدالله
هبة بققت عيونها ليمن ركزت بويه هدى: هدى!!!
هدى: شفيج؟
بنفس اللحظة حست بأن الدنيا قامت تدور فيها.. حاولت تركز بويه هبة بس كان في صوت عالي بأذونها بأذونها... فجأة ما قامت تشوف شي.


بدور: ها سارة وينهم؟
سارة توها سادة التلفون من هبة منصدمة: مسوين حادث!
بدور @@: عسى مافيهم شي
سارة: هبة مافيها شي بس الي معاهة فقدت الوعي.. واهمة الحين بالمستشفى
بدور: امشي خن روحلهم مسكينة هبة بروحها بالمستشفى
سارة: يلا
ركبو سيارة بدور و اتجهوا للمستشى

قعد خالد على صوت تلفونة: اااااااااخ راسي
شاف الساعة: الة الساعة ثمان!!
شال تلفونة و بصوت مبحوح: ألو
هبة ميتة بجي: خالد الحق علينا!!
خالد: هبة هدي... شفيج
خذت نفس عميق: سوينا حادث
خالد: شنو!!! فيج شي!!!
هبة: لا بس أهية... ( و قعدت تبحي)
خالد: ها... تحجي عدل منو معاج؟
هبة بصوت يقطع القلب: هدى يا خالد هدى!!!
فز خالد من الفراش على سماع اسم زوجتة!!
خالد: شفيها!!!
هبة واهية تشهق: الدكتور يقول انها طقت راسها حيل و الحين بغيبوبة
رد قعد على الفراش...
هدى الي كانت تحاول تقرب من خالد... هدى الحنونة الي ما تبي شي غير حب خالد... و خالد ما عطاهة ويه... ما عمالها عدل و الحين اهية بغيبوبة
خالد بهدوء: اي مستشفى...

بدور لمت هبة: بعد عمري متعورة؟
هبة كانوا حاطينلها بلاستر عند حواجبها.
هبة: لا مافيني شي بس شقيت حواجبي
سارة:و رفيجتج شلونها؟
هبة بدت تدمع عيونها برة ثانية: هدى بغيبوبة.
سارة سكتت اهية كانت تعرف منو هدى بس ما تدري اذا بدور تدري... والحمدالله بدور ما كانت تدري.. لأنها ما تأثرت من سماع اسمها
بدور: انشالله تقوم بالسلامة.
قعدو البنات في غرفة الانتظار ناطرين الدكتور يطلع... بعد فترة وصلو أهل هدى... أمها كانت ميتة بجي و ابوها يسكتها .. و الشي الغريب إن ناصر أخو هبة كان معاهم
ركضت هبة لعند أخوها
بدور تساسر سارة: ناصر ليش ياي؟
سارة: بعد ما يصير يخلي اختة اهني بروحها.. كلنا بنات
بدور: ممممم...صح.
سارة قعدت تحاتي... ماتبي بدور تكتشف إن هدى زوجة خالد...( يا ريت نطلع الحين أكيد خالد بيي)
سارة قامت: بدور شرايج نطلع الحين نخليهم بروحهم
قامت بدور: أوكي
ناصر يكلم اختة: شلونها الحين؟
هبة: مادري الدكتور ليلحين ما طلع من عندها... الله يستر
توهم بيمشون سارة و بدور بس الي قالة ناصر خلة بدور توقف بمكانها.
ناصربعصبية: و خالد وينة ما ية؟ المفروض اهوة يكون أول واحد اهني.
بدور حطت إيدها على قلبها... جان زين أقدر أمسك قلبي و أخلي ما يرقع من أسمع اسمة...
بدور تكلم سارة: ليش لازم يكون أول واحد؟
سارة ما ردت عليها بس ما همها... لأن بهاللحظة دخل شخص عزيز عليها... شخص حاولت كثر ما تقدر أنها تنسى... شخص أول ما شافتة قلبها قعد ينادي و يقولة أبــيــك
خالد: السلام عليكم
الكل إلا بدور: و عليكم السلام
خالد كان متوقع كل شي... كان متوقع بجي عمتة ( أم هدى) و كان متوقع زف ناصر لة على تأخيرة... بس ما كان متوقع عيون عسلية حزينة... مخبية دموع و مشاعر محد يعرف يقراهة غيرة
ناصر بهدوء: خالد تعال شوي أبيك بكلمة
نزلت بدور عيونها و مسحت دمعتها... سلمت على هبة و طلعت من المستشفى.
خالد الي قلبة ليلحين يرقع من شاف بدور راح مع اخو زاوية بعيدة عن الأهل
خالد: هلا ناصر.. شبغيت
ناصر بجدية: وين كنت؟
خالد باستغراب: توني ياي من البيت... ليش؟
ناصر: المفروض انت اهني قبلنا كلنا!!
خالد تنرفز: ناصر لا تصير جذي عاد... هبة توها قبل شوي داقة علي..و ييت على طول
ناصر كان يبي أخو يفهم... ما يبي أخو يتحسف مثل ما أهوة تحسف... ما يبي يخسر زوجتة مثل ما خسر زوجتة.
خذا ناصر نفس عميق و طلع شوي شوي: ماشي خلاص
راح ناصر و قعد بالمكان الي كانت قاعدة في سارة و شاف جنطة بنية يمة
شالة من الكرسي... هذي جنطة منو؟
بنفس اللحظة دخلت بدور تدور جنطتها و شافت ناصر ماسكها..
بدور بخجل: ناصر..
رفع ناصر عيونة لعيون بدور و حس ان مو قادر يتنفس...
ناصر وااايد يستحي و تيبس بمكانة... خاصة ان منزمان مو مكلم بنية غريبة و فوق هذا بدور جمالها مو طبيعي
ناصر: هلا
بدور مسكت ضحكتها... شكلة كان عبيط... جنة متوقع طراق منها
بدور: جنطتي...
ناصر كان منبهر من عيونها و شفايفها: ها؟
عضت شفايفها ما تبي تضحك: هذي ( أشرت على الجنطة الي بإيدة) مالتي
شاف ناصر صبعها و طالع إيدة و استوعب أنها تبي جنطتها... قام بسرعة من الكرسي وعطاها الجنطة.
بدور بصوت واطي: مشكور
ناصر واهوة يطالع الأرض: العفو
خالد كان قاعد يشوفهم من بعيد و منقهر
بعد اسبوع
محمد كان قاعد يفكر و طبعا ما يفكر بأحد غير... سارة.. ابي احس بدفا احضانها و نعومة بشرتها... ابي امسك ايدها وأحطهة على قلبي و ارادد لها كلمة أحبج!
أنا الحين تخرجت و توظفت والحمدالله أقدر أصرف على غيري... بس يا ربي توافق؟.. ما راح أعرف الا ليمن أجرب
قام محمد و راح عند أمة
محمد ينادي امة مافي صبر: يماااا... يمااا!!!
طلعت أم محمد من المطبخ مخترعة: هلا وليدي شفيك؟ عسى ما شر؟
محمد: لا يمة مافيني شي.. بس أبيج بموضوع مهم!
قعدت ام محمد على القنفة الي بالصالة و قعد يمها محمد
محمد: يمة أبي أخطب!
تمت أمة ساكتة فترة طويلة و اخترع محمد خاف انها مو موافقة..فجأة قامت من مكانهة و قعدت تيبب!!!
أم محمد: كلولولولولولوووووش!!!!!!! هذي الساعة المباركة. و منهو البنت المحظوظة؟
ارتاح و قعد يبتسم: سارة رفيجة بدور
استانست أمة واايد لأنها تموت بسارة و تحسبهة وحدة من بناتهة: و مافي أحسن منها.. جمال و دلال
محمد: يعني موافقة؟
أم محمد: اي يا وليدي موافقة
محمد قام من مكانة: يلا عيل
أم محمد: وين رايح؟
محمد عفس ويهة: بنروح نخطب بعد وين
أم محمد: ههههه محمد بسمالله مو جذي الناس يخطبون... انطر شوي.. خنشاور أبوك و بدور وانشالله عقب ما يوافقون نحدد يوم نروح لهم
محمد: يما تطير من ايدي و حدي مستعيل
يحليلة ولدي: لا يا يمة ما تطير انشالله

راح محمد دارة و اهوة حدة مستانس...ااخ اخيرا يا سارة بتصيرين لي!!

فبيت بو حمد (ابو سارة)

مشاعل ماسكة سارة من شعرها: انتي مالج شغل باللي أنا أسوي فاهمة!!!
سارة ميتة بجي: هديني مشاعل تكفين... ما راح أقول حق أحد والله ماني متحجية
هدتها مشاعل و عدلت ملابسهة: شوفي يا سارة، اذا ابوي درة عن أماني والله ما تلومين الا نفسج
سارة: ماني قايلة بس تكفين رديلي الصورة
مشاعل ابتسمت ابتسامة خبث و شقت الصورة الي بإيدها الى قطع صغيرة... و طلعت من الدار
سارة: لاااااا ... لا لا حرام عليج حرااام
قطت نفسها على الصورة المشققة و قعدت تلم الأجزاء
ااخ يا ربي ليش يسوون فيني جذي ما سويت لهم شي
خذت الأجزاء و حطتهم على المكتب.. قعدت تركب الأجزاء على بعض عشان تلزقها.. و قعدت تتذكر الي صار

سارة كانت قاعدة بحديقة بيتهم الفخمة و قاعدة تتأمل بالسما.. سمعت ضحك من ورا الشجر واستغربت.. حسبت اانها الوحيدة الي كانت قاعدة فراحت تشوف شنو هالصوت... طلت من ورا الشجر و شافت بنية لامة مشاعل اختها...لامتها وقاعدة تمسح على جسمها
مشاعل: هههه أماني صبري خنصعد داري أول شي بعدين نكمل
أماني: شعولة حبيبتي مافيني صبر والله...
مشاعل: أخاف أحد يشوفنة
أماني: لا تخافين محد يشوفنة
سارة بققت عيونها، مشاعل اختها تحب... بوية؟
حاولت تدخل سارة البيت بدون لا تطلع صوت بس داست على غصن شيرة وانكسر تحت ريلها
فزت مشاعل من مكانهة وراحت عند مصدر الصوت
مشاعل: سويرة شتسويين اهني!!!
سارة بتوتر: كـ كـ كنت قاعدة أتمشى
أماني: شوشو شالسالفة؟
و شافت مشاعل ماسكة سارة من ايدها
أماني كانت بوية (مسترجلة) و مشاعل ليديتها ( الي يصاحبون البوية)
مشاعل: ميمي حياتي بعدين أدق عليك... لازم أتصرف مع هالجاسوسة و أأدبها
أماني: خلاص حياتي أشوفج بعدين ... باي
مشاعل: بيباي
دخلت مشاعل البيت واهية ساحبة سارة وراهة
سارة: هدي ايدي قاعدة تعوريني
حقرتهة مشاعل و صعدت الدري و بعدهة دخلت دار سارة و صكرت الباب
مشاعل: ان فجيتي حلجج لأي أحد عن الي شفتي والله تندمين!!
سارة عصبت كفاية يدوسون علي بس!: شبتسوين مثلا.. ترة انا مو خايفة منج!!
سطرت مشاعل سارة سطار على خدها الناعم... هذا أولها و راح يزيد.. وشافت مشاعل صورة على فراش اختها.. ابتسمت بخبث و خذتها
سارة: لا يا مشاعل أسفة خلاص
و صار الي صار ...ظلت سارة مكسورة من داخل.. تعبت من الدنيا و مشالكلها
ركبت أخر جزء ولزقتها... قعدت تطالع صورة أمها الي تشوهت بايد اختها الحقيرة.. شهالعيشة ستغفرالله... يا ربي ساعدني.. يا كريم..
تمت تطالع صورة امها و طاحت دمعة من عينها على ويه أمها الباسم.. حطت راسهة على المكتب و قعدت تبجي ​

 

[زينة الأب]

اول شي يعطيج العافيه ع القصه الاكثر من رووعـه .. ثاااني شي القصه تجنن وااااايد حلوة او انا من المتابعين خلف الكواليس هعععع .. يلاآآ بآنتظآآرج

ثانكيو عمري والله انتوا اللي تشجعوني و تخلوني أكتب، و زاد نور المكان بوجودج و انشالله دوم تشاركين معانة.... ثانكس كلكم واستمتعوا بالبارت :eh_s(6):

 

[زينة الأب]

حبيت اسوي اااااب قبل لا أصعد أنامز راسي بس صدع... تصبحوووون على خيييير و نشوفكم باجر انشالله. باي باي

 

[عاشقة المسك]

بلييييييييييييز نبي بارت ولي يسلمج

 

[عاشقة المسك]

كلمه قمه ولا شي على روايتج

 

[zqertya]

كملي حبيبتي متابعتج

قصتج وااااايد حلوه صج فيها لخبطه شوي بالاحداث بس عادي ساره حيل معوره قلبي وبدور حبيتها اسمها حلوووو ههههههههههههههههه محمد حبوب شخصية حلوه ماشالله عليج قصتج حلوه

 

[kity]

القصه روعه ياروعه

 

[زينة الأب]

ودي أنزل لكم بس حدي تعبانة و توني ياية بفصل بس قلت أسوي ريفرش.... ثانك يو على المتابعة و آاراءكم و أقولكم سوري مرة ثانية إني خربطت بالبارتين 10 و 11 يعني صج ضاق خلقي كنت أبيكم تتفاجؤون بس يالله خيرها بغيرها....
راح أعطيكم تشويقات للبارت 13 عشان تتشوقون لباجر... ( هذي أسلوب كاتبة ثانية تعلمتها و الله يعطيها العافية... طريقة كتابتها حلوة و قلت أسوي تشويقات للبارت اليديد مال باجر)

مشاعل: اي شي يما!! شيبون فيها... من زينها عاد..يفضلونها علي انا!!

دانة: ما تستحين على ويهج تكلميني جذي؟

محمد: أحس اني تعباان

فاطمة: أقصاها يتيمة منو يبيها.

 

[زينة الأب]

و يلا بفصل الحين تصبحوووووون على خييييير حبايبيييييييييييييي!!!!!!!!!!!!!!!

 

[kity]

وانتي من اهله

وننطر الباارت

امبي حده حلووو انصحج تسوينه مسلسل