بدور (الحب الحقيقي)

[dlo3t^baba]

رووووووووووووووووووووووووووووععععععععععععععععععععهههههههههههههههههه
وانتي من اهل الخير ^_^ و يسلموووووووو على القصه
waiting you
الله يعينها ساره ويعين بدور وياها

 

[kity]

زينه الأب >>> مالي شغل ابي باارت منج بااجر طوييييييييييييييييييل وفي اشيااء تونس لانه اليوم عيد ميلادي >>>> قاعده اتمصلح بعيد ميلادي

وننطرج حياتي وقصتج روعه ومبدعه دايماً

 

[b6ooo6a*_*]

Kity كل عااام وانتي ابخير حبووو ..... ونااطرينج نبي باااااارت طوييييييييييييل ما اوصيج ولا يوقف ولايوقف ولايوقف ولا يوقف

 

[b6ooo6a*_*]

ناطرينج.......!!!!!

 

[الاحاسيس المبهمه]

ناااطرينج وبقوووه

حراااام سااره ولوو اناا مكااان سااره جااان كشفت مشااعل << شخصييه قوييه ماتخاااف كااااااك

واتوقع نااصر رااح يحب بدور وخاالد رااح يتقبل هدى

 

[عاشقة المسك]

اي اي وانا بعد نفس ماقالت حبي سارونه

 

[عاشقة المسك]

عفيه نبي بارت طويييييييييييييل من ايدج الحلوة وناطرينج_03ba:

 

[kity]

هههههههههههههههههههههههه

سويت لكم وااسطه

زينه الأب اين انتي

 

[b6ooo6a*_*]

زينه الاب وييييييييييييييييييينج يلا ناطرينج حبووو لا طوليييييييين نبي بااااااااااارت طوووييييييييييييييييل

 

[عاشقة المسك]

وينج

 

[عاشقة المسك]

نبي بارت لو سمحتي !!!!!!!!!!!!!!!!!!!!!!!!!!!!!!

 

[zqertya]

؟؟؟؟؟؟؟؟؟؟؟؟

ناطرينج ؟؟؟؟

 

[عاشقة المسك]

مايصير جذي اووووووووووووووف بلييييييز بارت واحد عالاقل

 

[MeeMeeYoo_2]

ناطرييييييييييييييين

 

[ms_5ajoola]

يالله بسرررررعة حدددي مندمجة

 

[kity]

ياويلتي ويلتااااه


مافي باارت

انا زعليت

 

[Jro7 Al.nass]

وين البااااارت.. waiting you

 

[زينة الأب]

سوري بنات كان عندي ظروف و شغل اليوم. كتي كل عام وانتي بخير حبيبتيز وانشالله بنزل بارتين لعيونكم ثواني بس

 

[زينة الأب]

سووووووووووووووووووووري على التأخير بنات و هاكم بارت انشالله يعجبكم xoxoxoxo

الجزء الثالث عشر
محمد و بو حمد قاعدين في بيت بو حمد يشربون جاي و يسولفون
بو محمد: انا الصراحة يا بو حمد ما أحب ألف و أدورد
محمد كان قاعد على أعصابة
بو حمد: ولا انا.. تفضل آمر
بو محمد: احنا والله ...يايين نخطب بنتكم لولدنة محمد
دانة الي كانت قاعدة تتسمع فرحت..: أكيد يايين عشان بنتي مشاعل!
بو حمد ابتسم: خوش والله ...هذي الساعة المباركة
راحت دانة عشان تنادي مشاعل
مشاعل الي كانت منسدحة على الفراش بوضع مو طبيعي و تكلم أماني بالتلفون بدلع: أنا بعد مشتاقتلك موت والله....
دانة دشت دار بنتها بقوة: مشاعلوا قومي لبسي و كشخي!!
مشاعل نقزت من مكانهة: انتي ما تعرفين تطقين الباب قبل لا تدشين!
دانة بغضب: استحي على ويهج وأنا أمج ما تكلميني جذي!
مشاعل: اووهوووو (و ردت تتكلم بالتلفون) المهم شكنتي تقولين؟
أماني من الطرف الثاني: شفيها أمج تصارخ؟
مشاعل: شدراني عنها خرفت على آخر عمرها..
دانة: مالت عليج يايين يخطبونج!! و والولد حدة اينن و شكلهم عيال فلوس!
نقزت مشاعل من مكانها، كانت حاطة فل ميك اب: امبيه مو حاطة شي بويهي و طاع لبسي يلوع الجبد!!
أماني: ألو.. حبيبتي شالسالفة؟
مشاعل من الوناسة صكرت التلفون بويهة..
قامت بسرعة و زادت على المكياج الي كانت حاطتة و فصخت بلوزتها القوتشي و لبست بربريز.
نزلت تحت ركض و وقفت ورا ابوها
محمد عفس ويهة، بناتة صج يخرعون مادري شلون سارة تصيرلهم.. ااخ يا سارة أحبج والله أحبج انشالله أبوج يرضى بس، و تصيرين لي
بو حمد: هلا حبيبتي مشاعل هذولي ي يايين عشان يخطبـــ
و قاطعة بو محمد بسرعة: مادري شقولك يا بو حمد بس... احنة مو يايين عشان مشاعل..
بو حمد ما فهم: عيل عشان منو؟... فطومة؟
محمد تكلم هالمرة: عمي احنة يايين عشان سارة!
مشاعل و امها بققو عيونهم!! من كثر ما كانوا مصدومين الي يشوفهم يحسب ان عيونهم شوي و تطيح من روسهم.
مشاعل مو مصدقة طبعا تعرفونها مغرورة: شنهو!!! تفضلون سارة علي أنا! أنا الإخت الكبيرة!!
محمد ما كان معطيها ويه
بو حمد: بنيتي الصغيرة... سارة!!
بو محمد: اي والله
بطلت حلجها منصدمة و ردت صكرتة، ما عرفت شتقول... يبون سارة و ما يبوني!!!
عصبت و قعدت تكلم امها
مشاعل: اي شي يما!! شيبون فيها... من زينها عاد..يفضلونها علي انا!!
دانة: مادري والله يمة حالي حالج! اليتيمة هذي من يبيها؟ لا جمال ولا دلال مو مثل بناتي يهبلون.
بو حمد: مشاعل روحي نادي اختج سارة
مشاعل عفست ويها و ما تحركت
بو حمد بعصبية: أقولج روحي ناديها!!
صعدت مشاعل لعند دار سارة واهية تطق ريولها حيل بالأرض و دخلت واهية معصبة
سارة كانت منسدحة تطالع صورة امها
مشاعل: نزلي تحت يايينج ناس
سارة باستغراب: منو الي ياي؟
مشاعل بقهر: انتي نزلي و بس!!!
و طلعت من الدار معصبة
سارة مستغربة: منو الي يايلي انا.. أكيد مو بدور لان لو اهية جان على الأقل دزتلي مسج
قامت سارة و شافت ويها بالمنظرة... كانت ضعفانة وايد وتحت عيونها أسود.. ما قام يهمها شكلها... العيشة الي اهية عايشتها سوت فيها جذي. نزلت ببطء واهية تحاول تكتشف منو الي ياي لها
دخلت الصالة و أول شي شافتة عيون عسلية باسمة... قلبها قام يرقع...
مــــحـــمـــد

طلع محمد من بيت بو حمد واهوة ضايق خلقة بو حمد ما عطة بنتة مجال تتكلم...مادري ليش نادوها أساسا... قال انهم يفكرون بالموضوع و يردون عليهم
و سارة حبيبة قلبة شكلها يعور القلب كانت مصدومة و باين عليها التعب. بعد عمري سارة أكيد خواتج ملعوزينج!
بو محمد: وليدي محمد لا يضيق خلقك قالوا انهم بيفكرون بالموضوع.
محمد بحسرة: بس يبة حتن بنتة ما عطاهة مجال تفكر.
محمد حاس بولدة بس هذي بنتهم و مو بإيدة شي: ميخالف هذي بنتهم و صغيرة ، ما كانوا متوقعين. و لازم ما تستعيل يا ولدي ترة الموضوع جايد هذا زواج مو أي شي، حياة بنتهم أكيد بيفكرون
ظل محمد ساكت
بو محمد ضايق خلقة على ولدة و على سارة، سارة حسبت بنتة، يعرفها من كانت صغيرة: ربي يكتب لكم الخير انشالله
محمد بصوت واطي: انشالله

بعد عشر دقايق محمد دخل البيت
بدور الي كانت قاعدة على أعصابها نقزت من مكانها أول ما شافت أخوها: حمووووود بشر!
محمد الي باين على ويها الحزن
بدور عيونها دمعت: رفضوا!!!
بو محمد الي دخل ورة ولدة: لا شفيكم انتوا كلة تفكيركم سلبي، يبون وقت يفكرون و بعدين يبلغونا... شي طبيعي
بدور فرحت شوي: خلاص حمود لا يضيق خلقك شدعوة خرعتني، أول ما شفت ويهك قلت أكيد ما وافقوا!
محمد ابتسم بس مو من قلب: أسف
و طلع من الصالة و راح دارة
أم محمد: يا حرام ولدي كان وايد متشوق، و باين أنة يبيها
بو محمد ابتسم: احنة والله كلنة ودنة ان سارة تكون لمحمد، بس مو بإيدنة
بدور: انشالله يوافقون
أم محمد: آمين يا رب

سارة كانت بغرفتها بروحها... راسها قاعد يفتر من كل الي صار ... محمد... يبيني أنا؟؟؟
قعدت تتذكر شكلة العذاب. عيونة العسلية و ابتسامتة اللطيفة، كان شكلة مو طبيعي، أول ما شافتة حست أن ريولها ما تشيلها.
ابتسمت سارة و حطت ويها بالمخدة: ااخ مو مصدقة يبيني أنا!!!!
دخلت حصة الدار و قاطعت أفكار أختها
حصة بوناسة: سارة اينن!!!!
سارة انحرجت ودعست ويها بالمخدة أكثر: أدري
حصة: ها ما قلتيلي بتوافقين؟
انصدمت من سؤال أختها، حست أن السالفة صج و الكل ناطر ردها...
سارة واهية ترفع راسها من المخدة: حتن لو أنا موافقة أبوي ما راح يرضى...
حصة: لا شدعوة، الولد خوش واحد و مافي شي.
سارة: انتي ما كنتي موجودة، حتن ما خلاني أتكلم!!
عقدت حواجبها، يمكن لأن مصدوم، توج صرتي له و الحين بايي واحد و ياخذج منة، ترة سارة انتي ما تدرين شكثر أبوي يحبج.
سارة قعدت تفكر لنفسها: لو يحبني جان ما خلاني بدون أبو كل هالسنين، بس توفت أمي صار يبيني، مو غصبن عنة
حصة: سارو قاعدة أكلمج
انحرج سارة من أفكارها، لو مهما يكون هذا أبوها و الله عزوجل أمرنا بحب الوالدين
سارة: سوري ما سمعتج
عيون حصة قعدت تلمع و باين أن فيها شر: انتي شفتي ويه مشاعل أول ما قالوا أنهم يايين عشانج؟
سارة: هههههههه أمبييييه مسكينة حدها أنصدمت!!!
قعدو يضحكون فترة و كل شوي يتذكرون حال مشاعل.
على ضحكهم دشت مشاعل بقوة ليه درجة أن الباب رقع الطوفة: سويرة أبوي يبيج! الحين!
حصة و سارة ماتوا ضحك، سارة عيونها قعدت تدمع و حصة ماسكة بطنها
مشاعل وحدة مفتخرة بنفسها و ما ترضة أحد يضحك واهية ما تدري شالسالفة
مشاعل: حمدالله و الشكر شفيكم تتكعكعون مثل الميانين
حصة: عمرج طوييييييييل، تونة قاعدين نحش فيج
قرصت سارة حصة بسرعة عشان تصكر حلجهة مالهة خلق مشاكل
حصة: آي عورتيــــ
مشاعل بعصبية: ااووو انتو مو كفو أحد اييلكم، أقول سارو قومي أبوي يبيج
و طلعت مشاعل من الغرفة، و ردوا لضحكهم
سارة واهية تمسح دموعها: انتي هبلة، تبين تنطقين من أختج
حصة: تخسي تمد إيدها
سارة: تتوقعين أبوي راح يرضى؟
حصة: انشالله يرضى انتي بس قوليلة رايج و انشالله ما يقصر معاج
سارة بطنها قام يعورها و حست انها بترجع.
سارة: امبيه حصة خايفة.
حصة: اوهوووو قمي يالله أشوف!!
قامت سارة و اتجهت لمكتب أبوها
سارة: انشالله يرضى انشالله يرضى انشالله يرضى
وقفت جدام باب أبوها و طقتة عالخفيف
بو حمد: دخلي بنيتي دخلي
بطلت الباب و دخلت: هلا يبة ناديتني؟
بو حمد كان واقف جدام دريشتة العودة الي تطل عالحديقة
بو حمد بدون لا يطالعها: اي والله بغيت أكلمج باللي صار اليوم.
تجمدت سارة بمكانهة ناطرتة يكمل... محد يدري شكثر كانت تحب محمد و تبي، شكثر تحلم في بالليل و شكثر تفكر و تسرح في. و فوق هذا كانت تبي أي طريقة تطلع فيها من البيت. من سكنت مع أبوها حياتها صارت كئيبة
بو حمد أخيرا التفت لبنتة و تم يناظرها فترة بدون لا يتكلم بعد فترة قعد على الكرسي الي ورا مكتبة الفخم و تكلم
بو حمد: سارة انا انصدمت من الي صار اليوم، ما كنت متوقع أنهم يايين يخطبونج انتي، ظنيت انهم يايين حق بنتي مشاعل أو حتن فاطمة بس انتي.... لا
كلام أبوها جرحها، يعني شفيني أنا عبالة محد يبيني...
بو حمد: كنت حاط فبالي انج ليلحين ياهل عمرج 13 سنة، بس اليوم انحطيت جدام الأمر الواقع، انتي مو صغيرة و حالج حال خواتج، بس حتن لو ما أقدر أخليج تتزوجين قبل خواتج... لازم نراعي مشاعرهم...هذول بناتي مثل ما انتي بنتي ولازم أخذ رايهم و رايهم كان واضح اليوم و من جذي انا اتخذت قرار..
قلبها قعد يرقع بصدرها



دانة قاعدة بالصالة ناطرة سارة و بو حمد يطلعون من المكتب
مشاعل كانت حاطة أذونها على الباب بس مو قادرة تسمع شي من فخامتة
دانة و اهيى تاكل أظافرها: ها تسمعين شي؟
مشاعل: أف! لا ما اسمع شي قطيعة طولوا...
دانة: الله يستر..
مشاعل راحت لعند أمها بتوتر و عصبية: يمة تفهمين شراح يصير إذا سارة تزوجت قبلنا كلنة!!! شبيقولون عنة الناس
دانة الي حاطة ايدها على خدها بتوتر: أدري أدري والله فشيلة
مشاعل قعدت تترجة أمها: يما تكفين تصرفي سوي أي شي! ما يصير تخلينها بس جذي بهالسهولة تخرب حياتنا!!
دانة: لا يا يمة ما راح أخليها!!
بهاللحظة دخلت فاطمة البيت بكشختها و مكياجها الكامل و العطر الي يقدر يشمه الشخص من قبل لا يشوفها
فاطمة بدلع: هاااي
دانة بعصبية: هاي بعينج!! وين كنتي طول اليوم؟
فاطمة بلا مبالاة: طالعة
واتجهت لعند الدري تبي تصعد دارهة
دانة: ما تستحين على ويهج تكلميني جذي؟
توهة يايا بترد على أمها بس قاطعتها مشاعل: اووو انتو الثنتين بس تتناجرون، الحين بتصير مصيبة و انتو مو مهتمين
دخلت حصة على كلام اختها: أي مصيبة بعد؟
فاطمة قعدت على القنفة: اي والله أي مصيبة؟
مشاعل: أف بتيننوني؟ زواج سااارة
فاطمة نقزت من مكانها: @@ سارة بتتزوج متى صار كل هذا؟!!
دانة: اي لو انتي تنثبريم بالبيت شوي راح تعرفين شقاعد يصير بهالبيت...
حصة: شفيكم انتو الشي مو أكيد، و إذا بتتزوج شتبون انتو كيفها، ما راح تضركم بشي.
فاطمة: انتي من صجج حصة، إذا تزوجت شبيقولون عنة الناس، أكيد بيقولون إن احنة فينة شي و محد يبينة... وأنا ماني ناقصة حجي
مشاعل: بتخرب كل شي هالأنانية، الحين أحنة معيشينها أحسن عيشة، أحسن من العيشة الي كانت مع أمها، و آخر شي بتسوي فينة جذي
حصة رفعت صوتها: انتي من صجج مشاعل، اهية من يت ضايق خلقها و حزينة
مشاعل: واحنة شنسوي لها إذا مو عاجبها الوضع، محد قالها تيي عندنة، أحنة أصلا ما كنة نبيها
فاطمة: اي والله، أهية أصلا ما تدش القلب و ما تنبلع... مثل السم قطيعة!!
مشاعل بخبث: المفروض تحمد ربها إنها قاعدة عندنا، شفتي بيتهم انتي؟ حتن الفقير ما يقعد فبيت جذي، واهية ما تبينة ، وأحس انها بتينني كلة تسوي نفسها انها مسكينة
حصة حست أنها لو شنو بتقول ما راح تقدر تأثر فيهم قلبهم صخر
حصة: أنتي الي خليتيها جذي انتي و فاطمة و للأسف حتن أمي!! يننتوها و بينتولها كثر ما قدرتو أنكم ما تبونها!!
دانة مسكت بنتها من شعرها: سمعيني عدل يا قليلة أدب ما تكلمين أمج جذي ولا ترفعين صوتج على الي أكبر منج فاهمة!!
حصة واهية تبجي: آآآي آآي هديني.
فاطمة: أقصاها يتيمة منو يبيها.
طلع بو حمد من المكتب على صراخ العايلة و رفع صوتة و صرخ صرخة تهز البيت: جاااااااب
الكل تجمد بمكانة
بو حمد سمع كل الي صار و انصدم من الي كان قاعد يصير بالبيت ، كل هذا يصير و اهوة ما يدري.
دانة: بو حمد حبيبي ما كنة نقصد انــ
بو حمد عطاهة نظرة خلاهة تسكت
بو حمد: قعدو كلكم!!
شاف إن محد تحرك
بو حمد بصوت أعلى: الحين!!!
مشاعل كانت بتعاند بس أمها عطتها نظرة تقول أن مو وقتة
قعدو كلهم و حتن سارة قعدت بس شوي بعيد عن خواتها و محد لاحظ دموعها وويها الحزين، حصة قعدت يم سارة و مسحت دموعها
بو حمد ظل واقف جدام العايلة: ماني عارف شقول. ما تستحون على ويوهكم؟ تتصرفون كأنكم يهال!!
مشاعل ما قدرت تسكت: لا يبا أكيد بنتصرف جـــ
بو حمد واهوة يصارخ: تبين تنطقين مشاعلو!! انتي اخر من يتكلم فاهمة!
قعدت مشاعل مصدومة، عمرها ما كلمها أبوها جذي... و عمرها ما رفع صوتة عليها... اهية دلوعة البيت
بو حمد: طول هالفترة أنا عبالي سارة أهية الي ما تبيكم، أهية الي مأذيتكم، أهية الي ما تستاهل. بس أنا كنت غلطان.... غلطااااااااان، سبت ثقتي فيكم غلطت و بنتي سارة المسكينة ساكتة.
طالع دانة و مشاعل و فاطمة عشان يوضح أنة كان قاصدهم
بو حمد: انتو ( و أشر عليهم) خيبت ظن، مو كفو أحد يهتم فيكم و يراعي مشاعركم
تدرون أنا ما كنت بخلي سارة تتزوج!!
الكل انصدم و معاهم سارة
سارة لنفسها: يعني غير راية؟
كمل بو حمد كلامة: كنت ما راح أخليها تتزوج عشان مشاعركم ظنيت أنكم تستاهلون. و فوق هذا بنتي سارة توني أتعرف عليها و ما كنت أبيها تطير من إيدي
سارة قامت من مكانهة بسرعة و راحت لأبوها و عيونها مليانة دموع.... لمتة حيل
بو حمد لم بنتة لصدرة حيل: بنيتي سارة أنا آسف.. آسف!!
سارة: لا يبة لا تتأسف!
بو حمد: لا يا سارة ما كنت حاس فيج، توج خاسرة أمج و حياتج تغيرت بيوم و ليلة!!!
بجت سارة بصدر أبوها، تذكرت أمها و عيشتها و حياتها اليديدة. تذكرت يوم شقت مشاعل صورة أمها و يوم طقتها، و تذكرت معاملة دانة و مشاعل و فاطمة لها.
بو حمد عورة قلبة على بنتة: بس يا سارة، الحين أنا أوعدج ان كل شي بيتغير، بتعيشين أحسن عيشة و بتعرفين أبوج الصجي.
باست أبوها على راسة و ابتسمت
بو حمد بصوت عالي عشان الكل يسمع: الحين يا سارة انتي موافقة على زواجج من محمد؟
الكل سكت ناطر ردها

ترن تــ
محمد بسرعة: ألوووو!!
رغد بقلبها: ااه شحلات صوتة
محمد بدون صبر: ألوووو
رغد بدلع: ألوو
محمد قلبة قعد يرقع: ألو منو؟
رغد ضاق خلقها: محمد شدعوة ما عرفتني أنا رغد
محمد بدون نفس: هلا رغد
رغد: شلونك شخبارك؟
محمد بحزن: أنا تمام، تبين بدور
.............
كانت تبي تكلمة أكثر بس ما عرفت شتسوي أخيرا قالت: إي
محمد قعد ينادي أختة
بدور: هاااااااااااااااا
محمد: شيلي التلفون
شالت التلفون و سكرة محمد: ألو
رغد: وااااااااااي صوتة عذااااب
بدور: ههههه يا خبلة شتبين داقة
رغد: لا والله يعني ما تبين تسمعين صوتي
بدور: لا خلاص ولا تزعلين
رغد بدلع: اي عبالي
بدور : انزين صج بغيتي شي
رغد: اي بدور حدة ملل، بيي عندج
بدور الي ما كان لهة خلق رغد بس استحت تقول لها: حياج
رغد: صج والله!! دقايق وأنا عندج باي
بدور: باي
سكرت بدور التلفون و نزلت الصالة: اف مالي خلقها هذي
محمد: شفيج تتحلطمين؟
بدور: رغد بنت خالتي بتيي عندنة
محمد: أها
بدور ضاق صدرهة على أخوها الي كان ناطر اتصال من بيت بو حمد، مر اسبوع من راحو يخطبون سارو و ليلحين ما ردو عليهم
سارة.. شسويتي بأخوي
بدور: محمد شفيك شكلك مو طبيعي
محمد: أحس اني تعباان
قعدت بدور يمة و لمتة: بعد عمري أخوي، سلامات ما تشوف شر
محمد: الشر ما اييج
بعد فترة دخلت رغد عليهم بكشختها و جمالها و شعرها المفلول، غصب تبي تلفت نظر محمد
رغد: السلام عليكم
محمد و بدور: و عليكم السلام
قعدت رغد جدام سارة و محمد.
محمد كان لاهي بكتاب بإيدة و مو منتبه لأحد... حتن لو يبي يركز معاهم ما راح يقدر، لأن الي ماخذة عقلة مو أي وحدة.. هذي سارة... سارة الي دخلت قلبة من أول ما شافها... هذا اهوة نفسة محمد الي حلف انة ما يحب مرة ثانية....
عقب ليلى حلف ان ما يخلي أي وحدة تجرحة مرة ثانية... بس للأسف انحط بموقف أسوأ من اللي قبل
ناطر على نار أحر من الجمر... لو اتصال واحد بس عشان يرتاح

رغد ميتة على شكل محمد السرحان... اخخخ يا محمد شتفكر في؟
محمد حس ان راسة قام يدور.. صارلة يومين مو ماكل عدل و مو نايم 3 أيام... طالع رغد و شافها تتحرك بمكانها.. غمض عيونة و رد بطلهم و شافها عدل
قمت أخرف.. كلة منج يا سارة... لا يا محمد يمكن مو سارة... يمكن من أهلها... و رد محمد لأفكارة
بنفس الوقت رن تلفون البيت... حس أن كلش اذا قام راح يطيح.
حست بدور بأخوها و قامت ردت على التلفون
بدور: ألو
قعدت على القنفة..
بدور: اي..اي.. انشالله.. اوكي
راسة قام يدور مرة ثانية بس هالمرة ما خف..زاد
سكرت بدور التلفون كأن ما صار شي.
بدور: محمد!!
بطل عيونة و رفع عيونة لإختة و حاول يطالعها... شافها مبتسمة
ااخر شي تذكرة تيبب اختة وويه رغد المصدوم​

 

[zqertya]

ناطرينج