بتسافرين النمسا والمانيا هالصيف؟؟!! حياج بتجمعنا صيف 2010

[Ms.LoL]

لا ما قالوا شي لا حقي و لا حق ابوي و اخواني
يمكن لأنه احنا عايله
بس شفت اجانب فتشوا كاميراتهم و لاب توباتهم
بمطار هولندا و احنا طالعين منه حق النمسا
فتحشتنا شرطيه مسكت راسنا تمسح و تفقص صوب العنقوص
بس وناسه كانت ايديها و ضغطتها جنها مساج
حتى قلت لامي : الله مساااج ..
و امي تقولي اوش تفهم عبالها التطنزين
قلت لها هذا يزاي امدحها مراح تقول شي ..

بس أي شي سائل بيقطونه حتى لو ماي
خذوا من امي ملمع الجواتي تخيلي !
يطلع رغوه مو ماي ! هي هذي نحيسه فشلتنا جدام الناس
امي ماخذه المنظف حق جنطتها جلد
بالكويت ما شالوه
بس هذي قطته
عاد لقينا نفسه بالسوق وشريناه لوول
نصيحتي بعدي عن اللون الاسود
لا تقطين النقاب بس حطي الوان فاتحه احسن

 

[دانة البحيرة]

بنات كنت بسألكم احنا بنوصل فيينا الجمعة ان شاءالله
ويوم السبت والاحد وين نرووح يقولون المحلات كلهاا مسكره حتى السوبرماركت ؟؟

 

[خشف بدو]

دانه البحيره..انتي نفس سفرتي نوصل الجمعه الصبح ان شاء الله..انتي رايحه على اي طيران؟

 

[معشووقة السفر]

السلام عليكم يابنات الكويت

الحمدلله وصلنا باريس قبل ساعتين تقريبا
حاليا انا بالفندق والحمدلله فيه واي فاي فري بالغرف واللوبي والفندق زين بالنسبه لمواصفاته وسعره بالليله ب 119 يورو شامل الفطور
بريح شوي وبنطلع نتغدا وين تقترحون نتغدا ؟

 

[دانة البحيرة]

القطرية

 

[om 5aloody]

مرحبااااااااااااااااااااااا كويتيات

انا وصلت من النمسا والمانيا واليطالياا

اللي يسال عن فينا سوقهم بس يسكر الاحد

وطبعا حاشتنا موجة حر ما عدا زلمسي كانت باردة

اي استفسار انا حاضرة

 

[Om_Ksha]

بنااااااااااااااااات رجعت الكويت .. الحمدالله كانت سفرتنا موفقه بس مادري ماحبيت ميونخ !! حلاتها 4 او 5 ايام بس مو اكثر !!
ويااااااااحلات دبي يوم واحد مايكفيها ماكان ودي نرجع !!

وماكو لمن وصلنا الكويت اقول الله شالغيووووم ولا اثاري الغبار مغطي الدنيا وماكو الحمدالله على كل حال

 

[خشف بدو]

دانه البحيرة انا على الالمانيه..
ام خلودي وام كشه...شنو خطوط الاتصالات الزينه الي استعملتوها هناك...

 

[NeloFaR]

قوة بنات .. اشلونكم شخباركم

انا رحت النمسا و رجعت الحمد لله و كل شي تمام .. بس الحر وايد اذانا بالنهار

سامحوني بكتب ردي على السريع .. حيل مشغولة و حتى اذا شبكت صرت ما احاول ادخل المنتدى لأني ادري راح يطلع لي ايرور و وما يفتح .. صج مليت منه ..

بس بقول لكم لا تاخذون ملابس شتوية و استمتعوا بوقتكم و لا تطوفون الاماكن السياحية و اللي رايحين مع قروبات لا تلتزمون معاهم .. ما يروحون كل الاماكن ..

اعتمدوا على روحكم و الاندرقراوند و الباصات يروحون كل مكان و ابلاش بعد .. احنا اشترينا تذاكر الاندرقراوند و تحسفنا .. الناس يركبون و لا احد يهتم بالتذاكر و لا في احد يشيك عليها


استمتعوا بوقتكم و عليكم بالعافية

 

[Om_Ksha]

^
^
ههههههههههههههههه عدل كلالالالالالالالالالالالالالامج احنا جربنا الاندر قراوند مرتين وكلا نشري ولا احد يجيك عليها !! عاد انا وريلي عليمين قلنا يمكن الكرت له اسبوع او فتره معينه بس غريبه محد يطل عليه !! بالله الكل يروح بدون تذاكر عادي !!
مادري شلون طريقتهم !!

وعلى الخطوط خواتي خذو من o2 يلوووووووووووع الجبد..

 

[خشف بدو]

بنات الي ردو صج المطاعم هناك غاليه حيل؟؟

 

[dreamer_33]

رد : بتسافرين النمسا والمانيا هالصيف؟؟!! حياج بتجمعنا صيف 2010

مرحبااا بنوتات .. شلونكم ؟


ضاااااااااااايق خلقي يقولون النمسا حااااااااااارة


احنا رايحين ندور البراد والحر لاحقنا ورانا ورانا !!

 

[خشف بدو]

صباح الخير بنات..
وينج ام مهاوش مالج حس؟؟

 

[Ms.LoL]

المطاعم مو وايد حيل غالية بس مو نفس الكويت \=
احنا الحين بايطاليا


-----

بنات سالزبورغ فيها آوت لت ؟
زلمسي؟ كابرون أي وحده فيهم ؟ فيها آوت لت ..

ام مهاوش شسم اوت لت ميونخ ؟
لأنه نبي نعرف نروح أحسن واحد

اليوم رايحين ميلانو بعدها البندقية ..

 

[دانة البحيرة]

رد: رد : بتسافرين النمسا والمانيا هالصيف؟؟!! حياج بتجمعنا صيف 2010

مرحبااا بنوتات .. شلونكم ؟


ضاااااااااااايق خلقي يقولون النمسا حااااااااااارة


احنا رايحين ندور البراد والحر لاحقنا ورانا ورانا !!

ابشرج الجو باارد أمس كلمت واحد في فيينا يقول بررد وموجة الحر راحت

 

[dreamer_33]

رد : بتسافرين النمسا والمانيا هالصيف؟؟!! حياج بتجمعنا صيف 2010

صج والله خوووووش بشاره انشالله عاد مايرد الحر على حظنا :/

 

[om 5aloody]

خشف بدو في النمسا اخذوي خط vectone ما يصرف والمطاعم مو حيل غالية

وفي المانيا اخذي ليبارا لان فيكتون ما يشتغل في المانيا

 

[معشووقة السفر]

مرحبا
اليوم الجو في باريس حار بالنهار بس الحين شوي احسن وانشالله باجر الجو حلو لان بروح ديزني
بس مجمع اللافييت عجبني لبس اليهال الماركات حلوين وفي بعضهم عليهم خصومات عموما المجمع حلو اعطيه تقييم 9 من 10

 

[& لمة وداااع &]

هاااي بنااات زين فتح ويااي المنتدى..
احااولت ادش قبل مااساافر بس يعلق..

وصلنا لفرانكفوورت الساعه 6 الفجر وبعدها سااعه ترانزيت لميوونخ وصلنا 8شي..يوم الثلاثاا..

وعليهم شمس يااااااااااااااااااابووي حاره.
بس اذا قعدتي بالظلاال يجييج الهواا الباارد.. قعدت باستراحة الفندق حيييل حلوه
احنا بفندق هووليدي ان والحمدالله انه طلع فيه تكييف على كييف كييفج..

وسلامتكم.

 

[& لمة وداااع &]

وبعديين شلوون تقوولون الا يركب الاندقراوند ابلاااش عبباالكم بكوويت هذوولا قاااانوون سسيده انتم قبل ماتركبوون موفي جهاز تمررون التذكره عليه؟
مثل الي من فرانكفورت لميونخ تمررين تذكرتج وادشين؟
يووم نبي نروح لميونخ بالمطار وااااااااااااااي بطووا جبدي خذوا معلبات من مثل الشامبو وشااور جل وجبن كيري شااريه الصغير البلاستك 3مومصدق انه جبن بغيت اقوله يعني شلون اسوي فيه عمليه ارهاابي وااي قثني وخله اللبنه لانه حجمه صغير وبعد الجل حق زوجي ومرطبات لي شاريتهم جديد وزيت بيبي جوونسن مااستغنى عنه ياااااااااااحر قلبي قال اذا تردون لفرانكفورت اخليه ولاتبوني اقطهم بزباله حاولنا معاه عند
وقطهم قدامنا يعني عزت نفس عنده ماياخذهم..

هذولا الاغراض لاني حطيتهم بشنطة الهاند باق الي بطيااره موالشحن.
وهم كان ويانا الاب ولاقالوا عنه شي لانه مستخدم شخصي.

فدير بالكم اي شي فوق100ملي خلوا بشحن الشناط الكبيره...