بتسافرين النمسا والمانيا هالصيف؟؟!! حياج بتجمعنا صيف 2010

[خشف بدو]

مشكورة حياتي ماتقصرين..
انزين وبين كابرون وميونخ..؟؟

 

[dreamer_33]

رد : بتسافرين النمسا والمانيا هالصيف؟؟!! حياج بتجمعنا صيف 2010

العفوو ولو ماسوينا شي

المسافة بين زيلامسي وميونيخ 190 كيلو تقريبا

 

[خشف بدو]

ياحياتي يامال العافيه..

 

[dreamer_33]

رد : بتسافرين النمسا والمانيا هالصيف؟؟!! حياج بتجمعنا صيف 2010

الله يعااااافيج وانشالله تستانسووووون وتصير أحلى سفره

 

[خشف بدو]

ام كشه...صج بسالج رحتي الحديقه الانجليزيه؟ يقولون الي فيها ناس وصخين مايلبسون ملابس صج؟

 

[& لمة وداااع &]

صباااااح الخيير بناات.

ياااااااااااي امس السااعه 6 بميوونخ امطرت علينا وكناا بمارين بلاتز ..

جد ونااسه..

ويااخشف بدوو اشتبيين بالمطااعم العربيه مو الا كل يووم..
وبعديين انتي اخذي معااج اجباان ولبنه الي تجييج مصغره بس حطيهم بشطنه الكبير موالا بطيااره عشان ماياخذوون الجبن اذا كان فوق 100 ولاوصلتوا اشتروا صموون.

وحلات الواحد لاساافر يغيير كل عااداته وخلي الاكل الدسم بكوويت..

يعني تخيلي المارين بلاتز مشيته مرتيين وانا امشي اول مره شرييت مشمش مومسووين مثل بسطااتناااا لووووووووووول بس موعلى الارض على الطااولات تووت وعنب ومشمش ووانا رداه اخذت ايس كرييم يعني قزريهاا غييري جوج بكل شي بس جد ونااسه مع القروب ..
والتووفيق للجميع..

 

[& لمة وداااع &]

واي على الحديقه برد عليج وحده ويانا بالقروب رايحتلها العاام تقوول كله مصلخ وويااهم جلاابتهم لوووووووووووووووووووووول مواعيالهم فيخلوونهم يغيروون جوو ..ههههههههههههههههههههههه

 

[& لمة وداااع &]

ام عفااف انشاءاالله مااتشووفون شر..

وجد يبيله شتووي انا جاايتهم بصيف وتخيلي كل محل حااط الصيفي والشتووي لانهم مايعرفوون جوهم شنو يكوون..

بس انتي اخذي الخفااف والجااكيت اهو شي عشاان الوزن ..

 

[خشف بدو]

اهلين لمة وداع شخبارج وشخبار القروب الي معاج بشري؟؟
شلون قايدكم ؟؟ هذا الي احاتيه..

 

[ديمـ77ــا]

مرحبا...

اشلونكم بنات...واجازة سعيدة للجميع...

بغيت اسال عن ام مهاوش...وينها...عساها سافرت؟؟

 

[Om_Ksha]

الحديقه الانجليزيه كلها بكينيات ومايوهات ويتشمسون بالشمس ... وعليهم اجسام ابن الذين

بس يوم رحنالها كان الجو حااااااار فلاعت جبدنا ماقدرنا نتمشى علاطول طلعنا ..
وكان في كل بقعه ارض ناس قاعده ومفاصيخ واشوووف ولا ريلي يقول لالالالا لا تقولين يشيشون هههههههه ولا اثاري صج المان مفاصيخ ويشيشون صج خربوووهم العرب ..

 

[Om_Ksha]

بناات شوفو اب ماكدونالد اشلون يسووون الهمبرجر @@@@@@@ امبي كلشي اب ايدهم و مو لابسيين شي يحط الطماط و الخس اب ايده و كلشي والله شفته بعيني يفقص الهمبرجر اب اييييده ويييييييع لا تطليون فاست فود من اهناك احنا بس نطلب فرايز لان ما يمسكونه .. و اكلو اب بيتزا هت حددده لذيذ والله

 

[(( الذهب ))]

بنات لو بروح مع عيالي اربعه اسم الله عليهم تهقون كم الميزانيه ناخذ معانا لو بنقعد عشر ايام ؟؟؟؟
النمسا والمانيا

 

[Ms.LoL]

أهلييين بنااات
بنات قلت أنبهكم
جم مطعم نروح له و يكون القرسون هندي
يقولون لنا لا تطلبون بطاط مقلي لأنه الدهن فيه مشتقات خنزير
مره هو قال و مره وحده نباتيه تشتغل بالمطعم قالت لا انا نباتيه و ما اكل مقلي لأنه الدهن في مشتقات خنزير
و مره بمطعن بتيزا كانوا حاطين لنا خبز و بسكوت
تعرفون لما يحطون لكم قبل الاكل بسكوت مغلق عواد طوال ؟
توني فاتحته بدخله بحلجي
جان واحد من بعييد يقول : لا لا لا لا
اخترعت علقت ايدي مادري شسوي و لا شسالفة!
و لا اللي يشتغل مغربي قالي لا و معصب !
قلت شفيه ! جان يقول لا هذا الخبز فيه 10 % شحم خنزير و شاله عنا
قال اسم الكلمة دوروها بكل بسكوت و خبز اسمها : strutto
كتبتها بترجمة قوقل من ايطالي لي عربي طلع لي : شحم خنزير
و في مطعم ثاني بعد
كنا قاعدين جان يحطون لنا الصمون اللي تغمس مع زيت و زبده
كان شكله حلزوني شوي
جان واحد بالطاولة اللي يمنا يكلم القرسون قاله : شيل هالخبز عنهم هذيلة مسلمين
و حط لنا صمون ثاني مقطع
و الله الحمدلله ربي يسخرهم لنا قبل كل وجبه (":
و امس بسالزبورغ مطعم بيتزا باكستاني
قال ديروا بالكم ترى بالمطاعم يقطعون اللحم و الدياي مع الخنزير بنفس الادوات و الصحن
و حتى القلاي بنفس الدهن ..
يعني اللي ياكلون لحم و دياي لأنه حلال ترى الخنزير معاه بنفس الصحن و طاولة التقطيع والدهن

شكلي بحط موضوع عن هالسالفة =(

 

[Ms.LoL]

اي بناات
لما تدخلون مطعممم سألوا جم الحساااب قبلل
لأنه دخلنا مطعم المنيو رخيص
جان يطلع اخر شي الشخص الواحد يدفع 35 يورو !
و فاتورتنا طلعت 155 يورو !!!!
و احنا طلباتنا ب 7 يورو و اكثر طلب ب 16 يورو
وا خرتها انصدمنا انه لازم كل شخص يدفع 35 يورو ><"
جيطوا بالمنيو احسن

 

[Ms.LoL]

خط فيكاتون عندنا ياه بس كله مافي ارسال \= ؟

الاندر قرواند في كاميرات بكل مكان
هذا بفيينا حتى في غرفة كلها شاشات يراقبون فيها ..
و محد جيك علينا إلا ثالث مره كان آخر الاسبوع ..

شسم الاوت لت اللي بميونخ ؟ أيهو أحسن واحد ؟
اذكر ام كشه مدحت لنا واحد ؟

الجو بزلمسي مطر لمدة اسبوع
امس قالت لنا الانفورميشن سنتر جيكت جدامنا
النمسا كلها مطر لمدة 4 ايام على الاقل
و زلمسي لمدة اسبوع
قاعدين بالفندق ما نسوي شي
عاد شحنا هدوم البرد كلها مع المشتريات ودياناها الكويت
يوم ردينا النمسا مره ثانية مطر مع برد شوي
و لمسنا صيفي مو ربيعي \=

وين تقترحون نروح بسالزبورغ؟ مع هالجو؟

 

[Om_Ksha]

الله يسسلمكم رحنا مثل اوتلت خذينا تاكسي و ودانا مكان مقطوع عن العالم هههههه اهو بطريج المطار جذي 20 دقيقه بس والله يسوي الصراحه .. هالاوتلت مثل مصنع حق هدوم لينن كللللللشي لينن عجيبيييييين بدلات حق الكبار و همن في اشياء حلوه حق اللي يبون و خصم نص السعر لان هالمكان بالجمله بس عجييييييييب والله لو بالكويت جان بالعلالي سعره .. المهم خلأحطلكم العنوان ..
oska outlet
Dirnismaning 34
85748 garching germany
tel : +49(0)89324625490
يفتحون من الاثنين لي اليمعه من0 1 - 6
و السبت و الاحد من 10 - 5

 

[Om_Ksha]

على فكره ترا الاوتلت اللي حطيته بس حق بدلات لينن و اللي يحب اللينن و مكانه مقطوع و مافي احد فلا تتوقعون انه فيه اكثر من ماركه او فيه مطاعم و جذي هاذا مصنع و يعتبر بالجمله شغله لان وايد رخيص و بس حلو شغله فيه كل الالوان و كل المقاسات حق اللي يبي ايب صوغه .. و ماركه وحده اهو اسمه اوسكا ..

 

[Ms.LoL]

تسلميين ما قصرتييييي
باجر ان شاء الله ماشين لميونخ ..
و نشوف وين نروح ..

---

بنات اللي بيروحون كابرون
في مطعن عجيييب و لذيذ هناااك
لا يطوفكم ..
و المنيو مسوين منيو بالعربي ^.^

عندهم شوربة ثوم مو طبيعييييية
و القعده بره شحلوهاا
و عندهم آس كريم اسمه كراملينو عجييب
و الباستا و البيتزا حلوين
حتى السلطة لذيذة
طلبنا شوربات و سلطة و جبات رئيسية و واحد اسكريم
كله طلع 85 يورو .. و احنا 5 ..
و يستاهلون المبلغ .. شغل عدل ..

صورت لكم اسمه :

http://up.2sw2r.com/upfiles/o6m00505.jpg


Durfkrug

 

[ام عفاف الكويت]

الشر مايلكم قلبي


انزين حبايبي
بسألكم
رمضان لو بالمانيا
تهقون الامساك من جم والافطار جم ؟