بتسافرين النمسا والمانيا هالصيف؟؟!! حياج بتجمعنا صيف 2010

[فرح العمر]

قوة بنوووتاااااااااااات

شخباااااركم ،،!!

معـاكم إختكم فرح _ وأنا حاليا في لندن


حبيت أسألكم المسافه بالطياره من الكويت إلى النمسا جم ساعه !!

والله خاااطري فيها _ الكل يمدحها

ودنا نغير شووي عن لندن​

 

[ام مهاوش]

اهلا فرح العمر اشلون لندن يقولون برد عندكم
ما اتوقع المسافه وايد بس عندكم فيزا شنغن ؟

 

[دانة البحيرة]

الله هذا الزين بنات لاتطوفكم اخذوها انا اتوقع الشقه اللي بسكن فيها ماراح يعطونا مومشموله فيها ماتدرين جم سعرها ومن وين اشتريها

لا والله بسألج عنها

 

[دانة البحيرة]

ياريت حد يفيدني باسماء المطاعم في فيينا
وتكون قريبة من الماريوت

 

[فرح العمر]

اهلا فرح العمر اشلون لندن يقولون برد عندكم
ما اتوقع المسافه وايد بس عندكم فيزا شنغن ؟

أهلين حبيبتي

ماشالله الجوو يجنننن ساعات يلسعنا البرد شوي

لا أخوي يفكر إنه يروح النمسا على شهر 10 تقريبا

عــاد أنا حاابـه أروح معاااه إن شالله لما أرجع من لندن

فبغيت أعرف المسافه من الكويت إلى النمسا !!

أنا سمعت إنها 3 ساعات ونص

فمااادري إذا صج وإلا ،،،،​

 

[^^ام ميمي^^]

الله يسلمج حبيبتي


سوري على التأخير لاني ماقدرت اشبك


اذا حبيبتي ما اعجبج برنامج القروب واهوا اتوقع الف بالامية ماراح يودونكم كل لرحلات الا حدايق تكون مجانيا لان الرحلات اسعارها غالية بالنسبة لهم

في قبل كنت حاطة لكم جدول عن النمسا والاماكن السياحية فيها واااااايد فادتني وما نفعني الا اهيا حتى زوجي يقول وفرنا فلووس وايد من سبة هالورقة اللي سحبتيها من النت يعني فيها نصايح وايد وبالنسبة لفيينا الاندر قراوند جدا سهل استعماله و بزيلامسي باصات و ميونخ في اندر قراون و باصات

كل ما وصلتي فندق طلبي منهم خريطة المترو و جدول مواعيد الباصات و راح تكن جدا سهله وترى مافيها خوف حتى لو تخربطون تقدرون تاخذون الاندر قراوند اللي راد و ترجعون بنفس الوقت وعلى ول قصو تذاكر 2 واي يعني رايح راد او اشترو التذاكر اللي عى عدد ايام اقامتكم اوفر

والباصات على حسب الرحلة اللي انتي رايحة لها في بعض الاماكن كل دقيقة يمر باص وبعضهم كل ربع ساعه و 0000 الخ


والاوت لت تلقينه بكل مكان اي محل بدال لا يكتبون تنزيلات بعضهم كاتبين ام المحل و تحته اوت لت و لما دشين تلقين الماركات شنووو


انا دشيت اللي بميونخ بشار محطة القطارات

اسم المحل تقريبا نيرو الاوت لت اللي يبيعم اس اوليفر و باما و جيوكس واسعارهم خياليه


لي عودة

بنات انا رديت عليكم بنك اختي لاني مو بالكويت مسافرة وشابكة من لابتوبها ونسيت اغير النك

 

[^^ام ميمي^^]

اشلونكم بنات وشخباركم


لكم وحشة


ام مهاوش اشلون خالتج ان شاء اله طيبه يالله يارب يشفيها


عاد تصدقون بنات انا الحمدلله ما حسيت بسوء معاملة من الالمانيين بالعكس ماتحسين بالغربة هناك من كثر الخليين و العرب الي يشتغلون احنا فندقنا اليدي كلين عراقيه و معاها عراقي بعد بس وايد حبوبين

بس بقولكم معلومة مهمه الالمان للي ما يتكلون انجليزي رح تلاحظون معاملتهم مو جيدة يعني ممكن ما يفيدونج بشيء او خدمة لان ما يعرفون انجليزي اذا حسيتو ان ما يعرف انجليزي دورو غيره وانتهت المشكلة

بالنسبة لبطاقة الخصومات انا تحسفت اني ما قصيتها اشوف وايد ناس عندهم منها

بزيلامسي اذا ما حصلتوها من فندقكم تلقونا ان مكتب انفورميشن القريب من نيوبوست سألو اللي يشتغلون بالبقالة وراح يفيدونكم قولولة بس انفرميشن وبس يدلونكم


وسلامتكم


بالنسبة للنقابات بنات اشوف واد لاسين حتى الاماراتيين لابسين بطولة وعبي والوضع طبيعي جداا


انا شريت وايد من الاوت لت وما طلبو مني جوازات و لاشيء حالهم حال اي محل ؟ ؟؟

 

[كوكو واوه]

ام كشه حبيبتي
بغيت اعرف منج ضروري
لما رحتوا من ميونخ الى زلامسي بلقطار ولاسياره وجم ساعه المسافه؟؟

 

[احلى عواشة]

بنات كم سعر اللبطاقة
لان الرحلات بزلمسي وكابرون اصلا مو غالية نفس انترلاكن

 

[+بسبوسة+]

بنات لايفوقتكم توني خذيت من ستي ستار جياس الشفط

يهبلون احجام وااااااااااااايد
400 فلس 600فلس واكبر شي 750 فلس

انا خذيت من الصغار كذا واحد حق التدعس بالجنطة

 

[معشووقة السفر]

مرحبا
الحمدلله فتح المنتدى معاي اظاهر كان معلق مع الكل
انا حاليا بميونيخ بفندق الموفنبيك قريب من المطار اليوم قعدنا بهالفندق وطول المده اللي طافت من تاريخ 12 يوليو كنت ساكنه بفندق يورو ستار قراند سنترال ميونيخ قريب من السنتر وايد حلو الفندق ونظيف استانسنا الحمدلله بميبونيخ بس شوي الجو حار الظهر لي الساعه 8 يالله يبرد الجو بس هاليومين واااايد حلو الجو
الاماكن اللي زرناها : الاولمبيك بارك وبرج البي ام والاكواريوم ومجمع الاولمبيك كلهم بنفس المنطقه ( انصحكم بمجمع الاولمبيك وايد حلو وخصوصا محل ديزاكول نفس اللي عندنا بالكويت ب مجمع 360 بجنوب السره بس الحلو فيه ان في قسم للاطفال رووووعه
بحيرة شتان بيرج رووووووووووووووعه لاتطوفكم تمشي عالبحيره وقوارب وقهاوي ومطاعم مطله عالبحيره
قارمش رحنا لها يوم ورجعنا حلو التمشي فيها بس كان الجو حار تعبنا
مجمع ريم اركادا ماعجبني وايد عادي جدا
ساحة السنتر المارين بلاتز ماشالله عامره بالخليجيين الله يزيدهم ويحفظهم
وباجر انشالله رايحين باريس فاضطريت اشحن نص اغراضي للكويت لان رحلتنا باجر على الطيران الفرنسي مسموح لنا بس 40 كيلو لشخصين واحنا اصلا يايين ب 53 كيلو عالقطريه فشحنت جنطتين مع شركة برو سيرفس واهما عطوني التاكس فري وخلال 4 ايام توصل الجناط مطار الكويت خدمتهم حلوه بس تعبنا على ماوصلنا مكتبهم عندهم خدمه اهما ياخذون جناطكم من الفندق بس للاسف على حظنا كان مواعيدهم فل وزحمه فاضطرينا احنا انوديهم بس الحمدلله سهالات
اليوم الجو حلو بميونيخ
وانشالله جو باريس بعد حلوو

 

[معشووقة السفر]

اذا رجعت من باريس من مطار ميونيخ بروح على طول لزيلامسي اشرايكم الطريج تعب ولا عادي ؟

 

[خشف بدو]

خشف بدو سالزبورغ ساعه بالقطار سهله السالفه جدا جدا وكابرون ماكو مسافه بينها وبين زلمسي 10 دقايق

هلا ام مهاوش اف غثني المنتدى صارلي جم يوم مايفتح معاي...ام مهاوش ياليت تعلميني محطه القطار الي تروح سالزبورغ شسمها وين صايره لاني كلش ميح...
الحمدلله طلعت حوازاتنا بس المكتب يقولون غيرو الرحله صارت فجر الجمعه يعني تاريخ 23 طيارتنا ان شاء الله..

 

[خشف بدو]

بسبوسه حياتي هذا وين صاير ستي ستار؟؟

 

[خشف بدو]

صج بنات اليوم رحت خذت لي فلات من ايكو الي بالافنيوز مسوي تنزيلات حده عجيب ومريح يهبل..واشكالهم ذربه.

 

[Ms.LoL]

ما بغينا يفتح ! الحمدلله

ستي ستار؟ هذا مجمع بمصر ؟ فيه منه بأوروبا ؟


====

خنقولكم نصايح للي ما سافروا ..
لا تثقلون هدوم .. ما استخدمت جاكيتي كاهو بقاع الجنطه ..
كله قمصان لأنه شمسهم حاره .. و لازم نظاره شمسيه ..
بالنسبة لحجاب القطن فيه ميزه و فيه عيب ..
الميزه انه ثابت ما يطلح كل شوي و بعض الانواع ما تحتاج أمطه و عملي ..
عيبه .. انه يقمت لما يكون حرر . أحسه زانطني صوب الرقبة ..
فاخذوا اخف نوووع مو المتين .. و جربوه و تأكدوا ما يطلع منابت شعركم عند اليبهه ..


البجامات أخف شي عندكم لأنه أغلب الفنادق مافي مكيف و نفتح الدريشة ..
ما استخدمت شمسيتي و لا مرره ..
جاكيت مطري اخذوا من دايسو خفيف ما ياخذ مكان بالجنطه .. أحسن من كبير و ما تحتاجونه ..

يورو بارك يبيلها قومة من الصبببح
مرتين يطوفنا القطار وصلنا عز الظهر ..

ميونخ لما كنا فيها كنت أصب عرررق ! خاصه هناك بالسوق صوي الكنيسة الكبيره اللي كلها ورد لونه وردي ..
بققققققه .. ما حبيتها ميونخ ..
و مواقفها غالية ! النص الساعة ب 5 يورو ! شدعوه !

في منطقه اسمها موندسي قريبة من سالزبورغ تهبل حلوة و أجرنا عند عايلة حبووبيييين ..
و البيت مطل على بحيرة و جدفنا وقت الغروب حيل وناسه و مافيها أحد هاديه ..

بشكل عام مو حر مثل الكويت ..
و الهوا حلوو ..
و ان غيمت يكون احلى ..
بس مطرهم دعلة خرب علينا يورو بارك ..

ايي اللي بيروحون بسياره
ضرووري تاخذون مظلة الشمس اللي تنحط على الجامه على الاجناب
لأنه شمسهم أذييه تكسر العين ><"

اللي بيمرون سويسرا ترى ما يتعاملون باليورو بكل مكان

بعد شنووو ؟؟
لتذكرت أرجع لكم ..
احنا بفرنسا الحين .. بمدينة شاموني ..
كنا بنروح قمة الثلج .. طلعت مليقه ما تنزلين تلعبين بالثلج بس تصورين من بعييد ..



--

المسابقة بين النمسا و الكويت 5 ساعات او 4 ونص

اشوفكم على خير

 

[معشووقة السفر]

مدينة شاموني اشكثر تبعد عن باريس .؟ وشنو فيها ؟

 

[Ms.LoL]

أهلييين
مادري بس هي قريبة من جنيف بينهم 84 كيلو
و قريبة من Annecy
مافيها شي مليقه أو بالنسبة للباقي عادية
ميزتها جبل الثلج 3 مراحل
تصعدييين فووووق تشوفين الطيارة تمر يمج
بس ما ركبنا لأنه مو حلو نشوف الثلج و لا نلمسه !
نبي نلعب نركض
فقلنا نروح بكابرون او منطقه كورميو أو اي مكان في نمشي على الثلج

دوري بقوقل : المسافة بين شاموني و باريس راح تلقين ان شاء الله

أي بنات لحد يروح جنييف ملييييييييييييييقه حيييل
قالوا لنا عن سوق و طلع عاااادي مو ذاك الزود
حتى بحيرتهم مليقه و زحمه
من الملاقه ما صورت و لاا شيييي فيها

 

[Ms.LoL]

هني في واحد مصور لقطات حلووة عن شامونيه تخليج تشتهين تروحين
تعنينا لها عشان نلعب بالثلج قالوا لنا لما يينا نقص التذارك ما تحوشون الثلج بس تصورونه
معنه اللي مصور اللقطات مبصم بيده على الثلج !
و في ناس تتزلج يمكن بس المتزجلين !
نعرف واحد اللي قالنا عنها قال مافي تلعبون بالثلج بس تنزلون يمه

http://picasaweb.google.com/alsabehtravel/France#slideshow/5112231717885071138

روحي السهم يمين ^^


و في بعد عن النمسا

http://picasaweb.google.com/alsabehtravel/Austria#slideshow/5107489701285787698

 

[خشف بدو]

اهلين مس لولو...
صج بسالج بالمطار ماقالو لج شي عن لاب توبج..؟؟
انا باخذه وزوجي يقول اخاف من مطار الدول الاوربيه يفتحونه ويشوفون البرامج؟؟