اي استفسار للمرحة الابتدائية حياج

[الحراير]

اي والله علميه الضرب من اللحين

 

[(كويتيه عسل)]

انا ولدي بروح رابعه ابتدائي ابي اعرف شنو اصعب ماده قثت اولياء الاموار في التدريس و ياليت تفيدووووني

على حسب الطالب وقدراته

في طلبه شطار في ماده وفي المقابل طلبه ثانيين ضعاف في هالماده

بس مادام ولدج عنده ام ماشالله مثلج مهتمه فيه وتدرسه واتابعه صدقيني انشالله سهالات

وماتشوفين شي صعب والله يوفقه

 

[(كويتيه عسل)]

مشكوووره على هالموضوع
بس حبيت نصيحه ولدي بيروح رابعه ابتدائى وعسر شوي مو حافظ جدول الضرب والسنه اليايه فيها نجاح وسقوط شنو أحسن طريقه لتحفيظه ؟؟؟
زوجى يقول نسخيه خليه يكتبه وينسخ؟؟ اشرايكم

النسخ يعني حفظ وانا كابلة رياضيات ماانصح الحفظ بالرياضيات

لازم تبينين لولدج اهمية جدول الضرب وتربطنه بحياتنا وشلون نستخدمه ومتى علشان ييعرف اهميته ويركز بمخه وماينساه

1- فهميه قواعد جدول الضرب :
اي عدد ضرب صفر = صفر

اي عدد ضرب 1 = نفس العدد ماعدا الصفر

الضرب عملية ابداليه يعني 7×2 =2×7 يعني لو نبدل الارقام يعطينا نفس الجواب

الضرب عباره عن جمع متكرر

5×3 = 5 + 5 + 5 يعني ال5 مكرره 3مرات او 3+3+3+3+3 يعني ال3 مكرره خمسة مرات


2- كل اسبوع علميه جدول وقبل لاتبدين بالجدول اليديد راجعليله القديم علشان ماينساه
أ- عطيه امثله مرتبطه بشي عايشه او مره عليه يعني موجود في الحياة مثلا
مثال: سأليه القاري له جم تواير؟ بقولج 2

لو كان عندنا 3 قواري جم عدد جميع التواير؟ 2 +2 +2 يعني التدواير وعددهم 2 تكرروا 3 مرات يعني 3×2 او 2×3 = 6 تواير

مثال:
جم عدد ايام الاسبوع ؟ بقولج 7 السبت والاحد والاثنين .....الخ لحد اليمعه


جم عدد الايام في 5 اسابيع؟ يعني 7 + 7 +7 + 7 +7 يعني عدد الايام في الاسبوع الواحد تكرر خمسة مرات

يعني 7×5 او 5×7 = 35 يوم

مثال: سعر كرتون البرد يعني الآيس كريم 4 دنانير

وقوليله لاني ادري انك تحب هالبرد فشريتلك منه 3 كراتين جم دفعت ؟

4 دنانير تكررت 3 مرات يعني سعر الكرتون الواحد x عدد الكراتين = 12 دينار


ب- فهميه الجدول الضرب بالطريقه المجرده
مثلا انتي اليوم بتعطينه جدول 2
ابدي بالتدريج من 0 × 2 ....................لحد 10 × 2 علشان يتنظم في مخه

وفي جدول 2 كل مره نزيد على الناتج 2

2 ضرب 1 = 2
و2 ضرب 2 = 4
2 ضرب 3 = 6 لااااااااااااااااحظي كل مره نزيد 2


ونفس الشي باجي الجداول في جدول 7 كل مره نزيد 7 على الناتج لان الضرب عبارة عن جمع متكرر


ولاحظي في جدول ضرب خمسه الناتج في منزلة الآحاد مره تكون صفر ومره خمسه مره صفر ومره خمسه

3- عطيه مسائل حياتيه + تمارين مجرده خل يحلهم بروحه واذا ماعرف الناتج لا تجاوبين عليه علطول خل يفكر واهوا يستنتج الناتج
الا اذا ظل مده طويله ماعرف فهميه شلون نطلع الناتج بس لاتقولينله الناتج خليه اهوا يستنتجه بنفسه علشان يتعلم وقت الامتحانات شلون يحل ويستنتج الناتج بطريقه علميه وتعلمينه يعتمد على نفسه


4-عطيه مسائل وتمارين تتدرج من السهل لحد الصعب يعني مثلا 2 ضرب 5 لحد تمرين فيه فكره وشويه صعب

5- راجعليه جدول الضرب بشكل سريع وشجعيه وكافئيه واشتريله لوحه فيها جدول الضرب ولصقيها جدام سريره علشان يشوفها قبل لاينام وايشوفها واهوا داخل وطالع من غرفته


والله يوفقه

واذا عندج اي سؤال لا يردج الا لسانج

 

[F.A]

مشووووووره أختى كويتيه عسل على هالطريقه المبسطه والحلوه ان شاء الله أطبقها وياه أبوه قايله اذا حفظت جدول الضرب كله أعطيك موبايل بس ما كو فايده
أحلى مثال أبلش وياه الطيور والقطاوه يموت عليهم

 

[(كويتيه عسل)]

مشووووووره أختى كويتيه عسل على هالطريقه المبسطه والحلوه ان شاء الله أطبقها وياه أبوه قايله اذا حفظت جدول الضرب كله أعطيك موبايل بس ما كو فايده
أحلى مثال أبلش وياه الطيور والقطاوه يموت عليهم

العفو حبيبتي والله يوفقه

حلو قوليله كم عدد ارجل القطوه؟ راح يقولج4
وريه صورة قطوه وحده

بعدين وريه 5صور كل صوره فيها قطوه وسأليه؟ كم عدد جميع الارجل ل5 قطاوه؟

راح يحسب عدد جميع ارجل ال4 قطاوه

قوليله شرايك في طريقه اسهل بدال لانعد نضرب 4×5 او 4×5

عدد ارجل القطه الواحده x عدد القطط او عدد القطط x عدد ارجل القطه الواحده

بعطيج اوراق فيهم امثله وشرح عن الرياضيات انا مسويتهم


ضغطي على (اضغط هنا للتحميل)

http://m7ml.com//download.php?filename=3b13f5c8bb.zip

هذي لعبه عن جدول الضرب
http://m7ml.com//download.php?filename=6608b55fcf.zip

تمارين على جدول الضرب
http://m7ml.com//download.php?filename=5cb82b90ce.zip

http://m7ml.com//download.php?filename=914a5c1d58.zip





انشالله يفيدونج

 

[F.A]

مشكوووووووووره على هالتمارين وجزاج الله ألف خير
ان شاء الله الكل يستفيد من هالاوراق
قواج الله

 

[(كويتيه عسل)]

مشكوووووووووره على هالتمارين وجزاج الله ألف خير
ان شاء الله الكل يستفيد من هالاوراق
قواج الله

عفوا والله يوفق ولدج

 

[Q8-Lady]

اختي متى تبدي دوامات الابتدائي و اذا نص رمضان وغيبناهم الى بعد العيد في مشاكل ؟
انا بنتي رايحة لرابعة ابتدائي

 

[(كويتيه عسل)]

اختي متى تبدي دوامات الابتدائي و اذا نص رمضان وغيبناهم الى بعد العيد في مشاكل ؟
انا بنتي رايحة لرابعة ابتدائي

والمدرسات والموظفين يداومون 1\9\2008

طلبة الابتدائي يدوامون 8\9 \2008

 

[toyo]

حبيبتي كويتية عسل

انا ولدي خلص اولى رايح ثانية بس عنده مشكلة بالطرح والمدرسة قالت لي ان وايد ضعيف بالمهارة الاخيرة وهي الطرح طبعا اهو متفوق بس بهالمهارة كان ماخذ مقبول

وبصراحة وايد ضايق خلقي عليه وابي حل لو سمحتي

 

[الحراير]

مشكووووووووره ياكويتيه عسل صج انج عسل

 

[(كويتيه عسل)]

حبيبتي كويتية عسل

انا ولدي خلص اولى رايح ثانية بس عنده مشكلة بالطرح والمدرسة قالت لي ان وايد ضعيف بالمهارة الاخيرة وهي الطرح طبعا اهو متفوق بس بهالمهارة كان ماخذ مقبول

وبصراحة وايد ضايق خلقي عليه وابي حل لو سمحتي

غاليه والطلب رخيص

فهميه قواعد الطرح :

عبارة الطرح تتكون من المطروح وعلامة الطرح والمطروح منه والناتج

ان اي عدد - صفر = نفس العدد مثلا 5-0 =5

ان عملية الطرح ليست ابداليه مانقدر نقول 4-1 ويساوي 1-4
4-1 =3 و1-4 يساوي شي ثاني بعدهم ماخذوه

ان مانقدر نطرح عدد صغير من عدد كبير مثلا مانقدر نقول 3-8 وقوليله ان هذا بعدين ياخذونه

اول شي ابدي بالاشياء المحسوسه بالتدريج (من المحسوس الى المجرد)

__ عطيه مسائل حياتيه يعني مسائل تتعلق بحياتيه اليوميه ومرت عليه ويعرفها ودايما اختاري الامثله اللي فيها الاشياء اللي يحبها مثلا كاكاو العاب رسوم متحركه يحبها
مثلا: صحن فيه 9 تفاحات وخليه يعدهم بعدين مثر ولدج اكل تفاحتين سأليه جم يفاحه يقت؟ وخليه يعدهم بنفسه وقوليله ف طريقه اسهل بدال لانعد وتعب عمرنا 9-2=7تفاحات

مثال2: الساعه 5 العصر يحطون توم اند جيري قوليله الحين الساعه 2 جم باقي ساعه باقي على توم اند جيري؟ خليه يحسب من الساعه ويعد بعدين قوليله في طريقه اسهل بدال لانعد
5 -2 = 3 ساعات


__ وقوليله قصص فيها عن عملية الطرح
مثلا قصة العنزات الثلاث اللي اكلهم الذيب وانتي تقوليتله القصه سأليه واتناقشي معاه وسولفي معاه خل يستانس علشان يحسب بثقه ويحسب الناتج صح
مثلا قصة الطلبه اللي اكلو اكل مكشوف ومونظيف وغابو
مثلا عدد صفه 19 وغابو 7 حمود وعبود وسلوم وحسون وعزوز وصلوح وجسوم
كم عدد الحاضرين؟ 19 -7 = 12 طالب


__ واستغلي فرصة العطله لما تطلعين ولدج على شكل سوالف علميه الطرح بدون لايحس
مثلا رحتي معاه الجمعيه شريتي اغرض ب7 دنانير سألي ولدج قوليله انا بعطي الجمعيه 10 دنانير والحساب 7 دنانير جم راح يردونلي 10-3 وشجعيه قوليله انت شاطر وذكي وتعرف

او مثلا كنت رايحين مطعم وشريتوا 4 وجبات سأليه احنا شرينا 4 وجبات
اكلنا 3 وجبات جم بقى؟ 4-3 = وجبه وحده

__ لاتعودينه يحسب بايديه لان في المستقبل راح ياخذ اعداد كبيره


__ عطيه العاب وتلوين عن عملبة الطرح وفي العاب متروسين بالنت
هذول جم لعبه عن عملية الطرح:

http://www.geocities.com/nabilbader_2000/game20/subtraction.html

http://student.kfupm.edu.sa/s992847/SWEProj/Spages/EXCsubstractionp.htm


__علميه الطرح على شكل اغنيه و نشيده


_ وكل مره علميه شويه وراجعيله باليوم الثاني

_ آخر شي عطيه تمارين مجرده وعطيه بالتدريج اول شي تمارين سهاله ومباشره
لحد ماتشوفينه يعرف بروحه عطيه تمارين فيها فكره وخليه يفكر بروحه و
يستنتج الناتج بنفسه ويعتمد على نفسه ولا تقولينله الناتج عطيه فرصه يفكر
مثلا

6-2 = ( )

( ) - 0 = 3

10 - 2 = ( )


واذا تبين اي سؤال لا يردج الا لسانج

 

[(كويتيه عسل)]

مشكووووووووره ياكويتيه عسل صج انج عسل

عفوا تستاهلون كل خير

مشكوره هذا من ذوقج وطيب اصلج

 

[كويتية صغيرة]

كويتية عسل
انتى ما تدرين شكثر فدتينا
جزاكي الله خير
و ان شاء الله يارب يعطيك كل اللي تتمنينه
و يوفقك و يوفق في كل خطوة انتى و كل من تحبين
امين يارب

 

[toyo]

مشكورة حبيبتي كويتية عسل


انشالله الله يوفقج واحطج بمدرسة ناظرة وكيلاتها عسل مثلج


اشرايج تيين عندنا بخيطان:tek:

 

[(كويتيه عسل)]

كويتية عسل
انتى ما تدرين شكثر فدتينا
جزاكي الله خير
و ان شاء الله يارب يعطيك كل اللي تتمنينه
و يوفقك و يوفق في كل خطوة انتى و كل من تحبين
امين يارب

آمييين يارب العالمين مشكوره حبيبتي على الدعاء

واذا تبين اي سؤال لا يردج الا لسانج

 

[(كويتيه عسل)]

مشكورة حبيبتي كويتية عسل


انشالله الله يوفقج واحطج بمدرسة ناظرة وكيلاتها عسل مثلج


اشرايج تيين عندنا بخيطان:tek:

آآآمييين يارب العالمين الله يسمع منج عاد انا صج مقدمه نقل

والله يستر خايفه مايوافقون على نقلي لان ناظرتنا ماتبيني انتقل ومشكوره على الدعاء

وتسلمين حبيبتي مشكوره يشرفني ايي عندكم بس بعيد علي

 

[روح الوردالاصلي]

يعطييج العافيه اختي كويتيه عســـــل و هذا مو غريب عليـــج الانج كويتيه +++++++ عسل و هذ ا احنا يا اهل الكويت

نحب نخدم و انتي طبقتيه

 

[أم _ أيون]

مرحبا
بغيت أسأل من وين اقدر أشتري كتب ثانية ابتدائي ؟؟؟ بصراحة ودي أدرس بنتي بالعطله بس محد عنده الكتب فقررت اشتريهم بس من ويين ؟
تتوقعوون القاهم بجمعية المعلميين ؟؟
يعطيكم العافيه

 

[(كويتيه عسل)]

يعطييج العافيه اختي كويتيه عســـــل و هذا مو غريب عليـــج الانج كويتيه +++++++ عسل و هذ ا احنا يا اهل الكويت

نحب نخدم و انتي طبقتيه

تسلمين حبيبتي مشكوره على الكلام الحلو هذا من ذوقج وطيب اصلج