السلام عليكم .... مشكلتى أن عندى ولدى رايح ثالثه أبتدائى وضعيف بالعربى رالانجليزى وعيزت جبت له المدرسين فى البيت ووديته المعاهد بس ماكو فايده متعبنى هالولد وأهوه عقدته العربى مادرى شسوى معاه عفيه ساعدونى......مادرى شسوى معاه بثالثه
اول شي انا ابلة رياضيات بس
رايي كأبله بداية السنه تطلبين لقاء مع مدرسة الماده اللي اهوا ضعيف فيها
وتشرحينلها كل اللي خاطرج عن ولدج علشان تدير بالها عليه وتهتم فيه
ويكون عندها فكره عنه وتحسب حسابها
واذا انتي حابه تقوينه بالعطله ييبله قصص عن الرسوم المتحركه اللي يحبها
وقوليله ابيك تقولي قصه وسمعيه واهوا يقرا وشجعيه او يمعي اخوانه
وكلكم قعدوا وخل يقراكم القصه وشجعوه واذا خلص قوليله ياحلاتك كل مره نبيك تقولنا قصه
واذا طلعتوا خليه يقرا الاعلانات اللي في الشوارع او الاشياء المكتوبه على البطاط والكاكاو في الجمعيه مثلا
اذا كان يطالع تلفزيون خليه يقرا الاسامي اللي تطلع في مقدمة الرسوم المتحركه او المسلسلات بصوت عالي لان الصوت العالي يزيد ثقة الاطفال بنفسهم ويستانسون
ويبيله الالعاب اللي تعلم اللغات او الالعاب من النت والكمبيوتر اذا كان يعرف للكمبيوتر ويحبه
ييبيله اغاني تعلم اللغات والاحرف تلقينهم بالنت او ممكن تشترينهم
والله يوفقه
