اي استفسار للمرحة الابتدائية حياج

[(كويتيه عسل)]

مرحبا
بغيت أسأل من وين اقدر أشتري كتب ثانية ابتدائي ؟؟؟ بصراحة ودي أدرس بنتي بالعطله بس محد عنده الكتب فقررت اشتريهم بس من ويين ؟
تتوقعوون القاهم بجمعية المعلميين ؟؟
يعطيكم العافيه

السنه اليايه كتب الابتدائي راح تتغير هالكلام قالته مشرفتنا قبل لا نعطل



بس للامانه مومتاكده وين يبيعونهم جنه يبيعون الكتب في مكتبة جمعية المعلمين بالدسمه

او في مكتبة التطبيقي بالفيحا صايره بين البيوت مجابل جمعية الفيحا صوب بنك التمويل
بالشارع الثاني بين البيوت
بعد ماتلفين الدوار اللي صوب جمعية الفيحا راح يكون بنك التمويل على يمينج
تمشين شوي اول لفه على اليسار تلفينها بعدين اول لفه على ايديج اليمين
راح تدخلين بين البيوت راح تلقينها جبالج بابها كبير من حديد

ممكن تييبلها العاب تعليميه وبرامج تعليميه أشرطة فيديو تعليميه
عن العلوم والاجتماعيات والرياضيات والعربي والانجليزي

تييبلها قصص بالعربي والانجليزي علشان تقوينها بالقراءه

تحفظينها آيات واحاديث

تعطينها تمارين الجمع والطرح

تحفظينها اناشيد انجليزيه



لا تعتمدين على كتب المدرسه
حاولي تزيدين ثقافتها باشياء خارج نطاق كتب المدرسه

علشان تفكيرها لايكون محدود ومعلوماتها منحصره بس بكتب المدرسه

 

[كويتية نشيطة]

مشكورة كويتية عسل

انتي فديتنا كلنا باجوبتج

 

[(كويتيه عسل)]

مشكورة كويتية عسل

انتي فديتنا كلنا باجوبتج

عفوا حبيبتي والله يوفق الجميع

 

[أم _ أيون]

مشكورة حبيبتي كويتية عسل صج انج عسل

 

[(كويتيه عسل)]

مشكورة حبيبتي كويتية عسل صج انج عسل

عفوا حبيبتي

تسلمين مشكوره هذا من ذوقج

 

[نور العيون]

:ggdw:مشكووووووووووووووره يلغاليه صراحه وايد استفت منج ياعسل

 

[الندى]

مرحبا كويتية عسل انا حابة استفسر عن منهج الرياضيات لاولى ابتدائى ولدي مو قادر يستوحب ياريت اتفيديني وتعطيني طريقه سهله والله حدي متوهقة وجزاك الله الف خير

 

[جاردينيا_2000]

انا بنتي ..ماتحب تكتب واجباتها ..ابصراحه وايد ..بنتي ابسنه ثالثه ..الرياضيات تكتب حل الواجب كل يوم في الكتابين ..وانا ما احب اخربط لها معلوماتها ..فلما اتحل غلط اخليها ..لما اتشوفه الابله ..يمكن اتعلمها الصح بس اشوفها الابله اتاشر بتصحيح الخطأ ..وانا طريقتي غير ..حاولت اول السنه ان اصحح لها الغلط ..طلع خطأ ..ومره غير ..والعربي كل يوم واجب ..وطبعا بنتي على ما تتمقط ..وتصيح ..وتتدلع ..ونطق ..ونتنرفز ..ياله اتخلص من واجباتها ..متى ادرسها ..الا صارت الساعه 8 ..وله اهيا دايخه ..ما تستوعب ..مع ان اخليها تفتح جنطتها ..بعد الغدا ..مع هذا ..ماكو فايده ..ما تبي اتحل ولا تكتب..كل يوم اتنام تبجي ...حاولت اساحلها ..واهديها ..هديه وياشاطراه يا الحلوه ..يله خلصي ..مافي فايده ..واجب دراسه مافي ..شاسوي

 

[galaxy]

الريضيات 2 ابتدائي


صراحه صعب


اشلون ادرس بنتي؟؟

 

[اسرار الغلا]

اي والله صعبببببب

انا احل لها ويطلع غلط

شسوي؟؟؟؟؟؟

 

[fajoora75]

مو صعب مخربط يوم طرح ويوم انماط ويوم جمع ويوم تصاعدي وتنازلي حرام ترى مخ اليهال صغير مايستوعب قبل احسن مثلا اسبوع كلمل جمع واسبوع كامل طرح يعني يركزون عل الشي الحين ضايعه بنتي مسكينه بثانيه ابتدائي معنيها شاطره

 

[الصابرة المحتسبة]

الصراحة موضوع يستاهل الرفع
وجزاج الله خير ياعسولة

 

[جرح الناس]

السلام عليكم
ابى اسال عن مادة العلوم للصف الثالث ابتدائى اشلون ادرسها لانه منهج تعيس كل درس غير عن اللى قبله مرة عن الديناصورات وعن الضفادع ومرة عن الاعصاب المنهج صعب وماله اى اساس وعندك فكرة بيستمرون فيه ولا لأ

 

[math2020]

انشالله ابلات العلوم ماراح ايقصرون وياج

 

[شـــــــــمس]

السلام عليكم
ابى اسال عن مادة العلوم للصف الثالث ابتدائى اشلون ادرسها لانه منهج تعيس كل درس غير عن اللى قبله مرة عن الديناصورات وعن الضفادع ومرة عن الاعصاب المنهج صعب وماله اى اساس وعندك فكرة بيستمرون فيه ولا لأ

على الاستمرار راح يستمرون بالمناهج الجديدة كلها ( رياضيات وعلوم )
وراح تكون اقوى من ثالث اصعب شوى :tek::tek: