اولياء امور مدرسة التكامل( صباح السالم )

[كويتيه ذربه]

مايشوفون شر عيالج
الجو كل يوم متغير واليهال مساكين بسرعه يمرضون
انا اليوم بنتي من الصبح قاعده تقول بستانس بالهوليدي بلعب بطالع التلفزيون كل ندرس لازم نرتاح والله اكسرت خاطري وايد معقدتها من
الدراسه

 

[رفرف]

سلامتهم عيالكم مايشوفون شر ..

انا نفس حالتكم بس بنتي الصغيرة طاحت مريضة وانا لحقتها ..
وصبوية مسكينة متعاقبة معانا لا طلعة ولا شي كاسرة خاطري ..

 

[Miss_Tiger79]

رفرف
سلامات

وشكل العطله عشان اليهال ياخذون نقاهه بس شكلها طلعت علينا عايدي
الحمدلله على كل حال

 

[حلم الطفولة]

السلام عليكم خواتي الغالياتي .. أمهات التكامل ..
سلامتكم : مس تايغر ... وسلامتكم رفرف ..
ماجورين ان شالله ... ,,
(( باي ))

 

[Miss_Tiger79]

حلم الطفوله
الله يسلمج حبيبتي انشالله من كل شر

 

[um fahad]

السلام عليكم بنات شلونكم انا اول مره اشارك معاكم وعجبني موضوعكم انا بعد ولدي في قريد 1b عند مس فاطمة ماشاءالله عليها تينن ولدي حب المدرسة منها والسنة اليايه رايح قريد 2 وبصراحه خايفه يطيح عند مدرسه مو زينه بليز البنات اللي عيالهم مجربين قريد2 بليز يفيدونا وشكرا:eh_s(6):

 

[رفرف]

شلنكم امهات مع اول يوم دوام ؟؟

انا بنتي بعدها ما تأقلمت مع وقت النوم .. نامت متأخر وغصب الحين منطرتها لي 6 ونص عيونها تسكرت خلااااص ..

حلم الطفولة ..
تسلمين والشر ما اييج


ام فهد ..
والله ماعرف مدرسات قريد2 بس انشالله البنات يفيدونج

 

[Miss_Tiger79]

ام فهد
والله ما اعرف عنهم شي
بس تعالي صج عندي سؤال لج
شلون مس فاطمة
لانه مره وحده شفتها يوم التسجيل وتمدحها وايد
وانا شجعتني عليها والله

 

[نواره الحلوة]

السلام عليكم اشلونكم بنات وشخباركم
بسألكم اشرايكم بالمسرحية اللي سووها قريد 1 والله استانسوا اليهال وايد وصراحة اشوقون وديكور المسرح واييييد حلو
ولدي بدع بالتمثيل عشتوا عبالي دور البطولة من كثر ما لوع جبدي وهو يحفظ دوره بالعربي والانجليزي بس بدعوا اعيالنا
:s142::s142::s142:

 

[كويتيه ذربه]

انا وايد عجبتني المسرحيه والديكور روووووووووووووووووووووووووووعه
وام فهد والله حتى انا قاعده ادور مس زينه حق قريد 2

 

[Miss_Tiger79]

نواره
وما عندي اسم

شوقتونا على المسرحيه
بس انشالله حفله الكي جي1 نص 5 والكي جي2 اخر5

 

[um fahad]

ام فهد
والله ما اعرف عنهم شي
بس تعالي صج عندي سؤال لج
شلون مس فاطمة
لانه مره وحده شفتها يوم التسجيل وتمدحها وايد
وانا شجعتني عليها والله

هلا وغلا حبيبتي مس فاطمة تينن ماشاءالله عليها لدرجة ان ولدي ما يبي يروح قريد 2 عشانها تصدقين عاد أولياء الأمور الي عندها الحين قاعدين نحاول نقنعها تنتقل قريد 2 عشان تدرس عيالنا مره ثانيه :eh_s(6): واليهال يموتون عليها وطريقة تدريسها وايد سهلة وسلسة بصراحه انا ما تعبت مع ولدي بالتدريس معتمده على تدريسها اهي بس..
يعني اللي عيالها يصيرون عندها صج تكون محظوظه :eh_s(6):
واللي يعجبني فيها انها على تواصل معاج بالمسجات ودايما تذكرنا اذا صار باجر سباحه او حفلة او املاء وغيره يعني وايد مريحتنا

عشان جذي لما جربت مس فاطمه ماودي السنه اليايه يطيح عند وحده غيرها ابيها تنتقل مع عيالنا :eh_s(2):

 

[um fahad]

انا بعد اعجبتني المسرحيه يشوقون عيالنا اسم الله عليهم انا عيوني دمعت لما شفت ولدي يغني معاهم مو مصدقه الله يحفظهم ان شاءالله:eh_s(6):

 

[شانيل نمبر 5]

انا بعد اعجبتني المسرحيه يشوقون عيالنا اسم الله عليهم انا عيوني دمعت لما شفت ولدي يغني معاهم مو مصدقه الله يحفظهم ان شاءالله:eh_s(6):

يحلييج عيونج دمعت :denya:
يارب يخلج له وتشوفين رافع علم الكويت عاااااالي:q8:

بصراحه ذكرتيني بدعايه حليب نييدو:krkrkr:

 

[manarah]

السلام عليكم .. اشلونكم بنات انشالله بخير واشلون اجازتكم ولهت على الموضوع .. احنا بعد اجازتنا بدت بمرض وحكره بالبيت وبعدين الحمدلله انطلقنا للعالم ما تشوفون شر انشالله ..
انا ولدي اليوم يسألني متى الاجازه الثانيه ! حالته حاله مع النوم .
اللي اسألوا عن قريد 2 رفيجتي بنتها كانت عند مس أتيه وتمدحها اهي شديده بس كمستوى ممتازه وماعرف احد غيرها .. انتوا سألوا مدرسات قريد 1 يمكن يفيدونكم .

 

[Miss_Tiger79]

هلا وغلا حبيبتي مس فاطمة تينن ماشاءالله عليها لدرجة ان ولدي ما يبي يروح قريد 2 عشانها تصدقين عاد أولياء الأمور الي عندها الحين قاعدين نحاول نقنعها تنتقل قريد 2 عشان تدرس عيالنا مره ثانيه :eh_s(6): واليهال يموتون عليها وطريقة تدريسها وايد سهلة وسلسة بصراحه انا ما تعبت مع ولدي بالتدريس معتمده على تدريسها اهي بس..
يعني اللي عيالها يصيرون عندها صج تكون محظوظه :eh_s(6):
واللي يعجبني فيها انها على تواصل معاج بالمسجات ودايما تذكرنا اذا صار باجر سباحه او حفلة او املاء وغيره يعني وايد مريحتنا

عشان جذي لما جربت مس فاطمه ماودي السنه اليايه يطيح عند وحده غيرها ابيها تنتقل مع عيالنا :eh_s(2):

مشكوره حبيبتي
وصج الي مدحتها لي قالتلي انه تدريسها مو طبيعي وحتى الياهل صار يسمع كلامها وما يسوي شي المس ما تحبه حتى بالبيت وتسويلهم شي باخر الاسبوع احسن واحد بالصف ياخذ الدب الخميس
صح



مناره
الشر ما اييلج
انا من امس بديت استمرض

 

[كويتيه ذربه]

يعطيكم العافيه
انا بعد سمعت عنها قلت بحاول احط بنتي عندها حق السنه اليايه
ومدحولي بعد الهنديه وقالوا انها المدرسه الاولى

 

[باونتى]

شلونكم يا امهات .. بغيت أسألكم مدرسة التكامل عطلهم مع وزارة التربية ؟؟

 

[رفرف]

اي باونتي مع التربية وعندهم عطل غير زياة عن التربية مثل عطلة الاسبوع اللي طاف ..
بس عموما عطلة الصيف والربيع مع التربية ..

 

[كويتيه ذربه]

هما عندهم 4 عطل 2 مع التربيه عطله الربيع والعطله الكبيره وبوسط كل كورس اسبوع اجازه