اولياء امور مدرسة التكامل( صباح السالم )

[manarah]

السلام عليكم ...
شخباركم امهات حائرات .. ادري حالكم من حالي بس انا وحده قررت ماراح اخليه يداوم بصراحه الوضع يخرع وهم متأكده ماكو استعداد وهذوله يهال بالله اشفهمهم بطرق الوقايه وهالمدرسه الله يهداهم الحين غير عن هالمرض هم الحفريات اللي بره هذي بروحها حاله خاصه على الاقل يعطلون اليهال ليما يخلصون شغلهم (هذا انا اتحلطم وانا بمكاني ماقدر اروح مكان ) .. المهم ساحلت اختي تروح باجر تشوف صفه وتسأل التيتشر عن كل شي بس لي حد الحين ما اقنعتها وانا وحده عكازاتي يمي فيزاكم الله خير كل وحده باجر تروح تقول شيصير معاها بالتفصيل الممل ..
وبعدين ولدي كاهو يحوس يمي واصلا امس راد من بيت يدته يقوللي ترى انا ماراح اروح المدرسه عشان انفلونزا الخنازير:0bee2e8d89: من قاااااااله ماااااااااااااااااادري :eh_s(14):
رفرف سلامت صبويه ما تشوف شر انشالله وانتي ديري بالج على روحج لبسي كمام .

 

[Miss_Tiger79]

متابعتكم بصمت
لاني حدي خايفه
ماعندي شي اقوله
والله بطني يعورني كل ما اتذكر المدرسه وكل اهلي يطنزون علي

 

[scala house]

السلام عليكم ...
حبايبي المرض مثل الانفلونزا العادية بس مشكلتها لما يكون الطفل او الكبير عنده مشاكل صحية هذا اللي ينخاف عليه
فاللي عندها طفل عنده ربو اوايا كان تروح تبلغ ادارة المدرسة وراح اكيد يقولون مايداوم والله يحفظنا وعيالنا وعيال امة محمد من هالوباء​

 

[scala house]

واتوقع في خبر بتأجيل دوام الطلبة في جريدة عالم اليوم او شي من هالقبيل بس مادري هل ينطبق عالتكامل
( مدارس خاصة) او لأ؟؟؟
اتمنى احد يفيدنا

​

 

[jolie_q8]

رفرف سلامتها ما تشوف شر ,, يا كره الشرقه

انتي بصراحه لا تسلمين على المدرسات قوليلهم انج تعبانه لا تبوسون لول سلمي عليهم من بعيد

بس انتي ما تنلامين اسم الله عليج

,,,

ان شاءالله الصبح بمر المدرسه ,, وبشوف الوضع ,,وبحاول اسأل عن التفاصيل

 

[شانيل نمبر 5]

مناره ديري بالج من الحفريات...
وبشريني شنو صار واياج؟؟
بنتي اليوم ماخليتها ادوام........اشوف الاوضاع اليوم.....واحتمال اخليها اداوم بكره

 

[شانيل نمبر 5]

مس تايغر....
وديت عيالج المدرسه؟؟

 

[كوكو لاتي]

هاي بنات

عندي جم استفسار وياريت تجاوبوني انا ولدي يروح كي جي 1 انشاله بس بعرف شلون على اللبس بجم اذا بشتريه منهم وشنو يعطوني بالضبط واذا ابي اشتري من برا يصير عادي؟ وشلون احط شعار المدرسه اذا كان اللبس من بره مو من المدرسه اقدر اشتري بس الشعار منهم؟

ولبس الاولاد اي لون؟

 

[كوكو لاتي]

بنات بليز ردوا على سؤالي اللي فوق بلييييز؟

 

[كوكو لاتي]

بنات بليز ردوا على سؤالي اللي فوق بلييييز؟

 

[رفرف]

كوكو سوري أنا شابكة من موبايل ومو قادرة اقرأ الحجي عدل
اللبس كحلي بأبيض .. أفضل تأخذين البولو شيرت من المدرسة لأن عليها الشعار وحلوة مأافيها شيء ولبس الرياضة. بعد ،،
بس إذا تحبين تقدرين تأخذين البنطرون أو الشورت من بره إذا لقيتي شيء عملي أكثر وماراح يفرق حيل
وتحصلين بره عادي متوفر لاإن اللون سهل

 

[jolie_q8]

حياكم بالتجمع الجديد

http://q8yat.net/showthread.php?t=461779