اولياء امور مدرسة التكامل( صباح السالم )

[حلم الطفولة]

اى والله صاجه الخيره فيما اختاره الله والتكامل قمه بتاسسيس النجليزى وبس ابو الشباب واح يودى ولد مدرسه ثنائيه السبه اليايه لان ولدى بالمره ضايع بالعربى حتى بالكلام معانا وترى عيال صديقتى بالابداع ووايد تمدحها خصوصا باللغه العربيه

صح صاجه آنا بناتي ماشالله وايد زينين بالعربي .. مدرساتهم يهبلون ماشالله .. .. يالله نشوفكم بالخير حبيبتي

 

[رفرف]

هلا رهوشة ..

اهوه ولدج بأي صف ؟؟
انتي احتياط طرشي معاه باجر لأن في صفوف مريت عليهم اليوم ماشالله مسوين التييرتات وحاطين حبل بالصف وشارينهم علشان تنشف الطباعة سألي ولدج سوو التيشيرتات ولا لا اذا ما سووها تلحقين انشالله لأن صف بنتي ما سووهم ليلحين ..

وورقة الرحلة صارت عليها سالفة بنتي مضيعتها انا ما شفت ورقة رحلة وهي تقول المس عطتني ومادري وين ضيعتها وبجي من الصبح ..
عاد انا رحت المدرسية لقيت الورقة مكان جنطتها ياحظي بنتي قلبها ميت وكتبتها وعطيتها المس اخر الدوام مع الفلوس وهي ماتدري كانت بالكلوب ..
عاد لما ييت خذيتها وترد تحن مالقيت الورقة وماكتبناها وماراح يودوني الرحلة . اقولها والله انا عطيتها المس مو مصدقة ..
لأن العادة انا اطرش الاوراق باظرف معاها اهيه تعطيها المس هالمرة ليش انا موديتها مو مقتنعة ..

 

[رهشRAHASH]

الله يسلمج ياحلم الطفوله ومشكوره رفرف باجر بطرش معاه التى شيرت واذا على ولدى متعبنى الشى اللى يبيه ماينساه والشى اللى ماله خلقه يتناساه ويستهبل وهالشى وايد شكولى منه مدرساته من بدايه هالكورس وعسالله يشافى حبيبتج ويهدى وليدى

 

[Miss_Tiger79]

بنات متى رحلتكم
احنا رحلتنا الخميس

رهش
ولكم
ولدج باي صف
والتيشيرت وزعو اوراقه الخميس وصف ولدي ليلحين ما سووه


تدرون بنات
ودي اروح يوم رحلتهم اشوف فيلم (رحلة ابن بطوطه لمكه) عشان اشوفه على رواءه

 

[manarah]

اشلونكم امهات ...
رفرف ما تشوف شر صبا والله يطمنج عليها انشالله

مس تايقر قلبح على قلبي انا ميته على فيلم رحله مكه والمغرب كنت اقول مادري اروحله بيوم رحلتهم بس هم ودي ولدي يروحه معاي .

بمبره هلا فيج ويانا وانا ورفرف اعيالنا ب kg2f عند مس فرح .

 

[رهشRAHASH]

هلا والله مس تايقر سورى الرد متاخر شوى ولدى عند مس كاثى ورحلتهم الاربعا باذن الله وانتى ولدج عند منو

 

[كويتيه ذربه]

بنتي تقول ان باجر بيمثلون حفلتهم مالت القريد ون حق عيال الكي جي 1و2 بس ماادري صج ولا لأ لان عندها باجر سباحه
اذا احد يدري صج ولا لأ يقول لي

 

[Miss_Tiger79]

رهش
ولدي عند مس انريا

ما عندي اسم
اي اليوم ولدي قالي رحنا المسرح بس ما سوينا شي بس شفنا الي سوولنا مسرحيه
يعني شكلهم مثلوها جدامهم
ويقول حلوه
استانسو

 

[كويتيه ذربه]

اي بنتي قالت انهم مثلوا لهم
وبعدين اتسبحوا

 

[jolie_q8]

امهات قريد 1

عطوكم الصور؟ انا دفعت من الكوس اللي طاف حق الصور ما للحين ما استلمت شي !! مع انه الكي جي استلمنا صورهم

 

[كويتيه ذربه]

لأ ماعطونا

 

[كويتيه ذربه]

خواتي مافي وحده منكم بنتها بقريد ون f لان ما ادري باجر شنو اسوي بشعرها ولا راح تلبس قناع ضروري

 

[jolie_q8]

ما عندي فكره .. انا ولدي ب a

بس على اي حال سشوري شعرها ورفعيه بطريقه مرتبه

واكيد المدرسه راح تضبط شكلهم اذا يحتاج تفله او تلبس شي

 

[رفرف]

بمبرة اي بنتي بكيجي2f مع ولد منارة ..
ترى سوري توني اشوف ردج والله ..

واحنا رحلتنا كانت امس ..
وحتى انا كان ودي اروووح جان سويناها يمعة ..
بس ادري ابنتي لي رحت ما تستانس وتتدلع وتلزق فيني فقلت بلاها ..
حتى ابلاتها يقولون لي شخصيتها وايد حلوة .. بدونج

 

[manarah]

اشلونكم امهات وشخباركم ....
ها بشروا استلمتوا الريبورتات .. الحمدلله الريبورت اوكي بس أحلى شي ان الاسبوع الياي اجازه عشان ما احاتي انومه امبجر واقدر اطلع شوي .
اتمنالكم اجازه سعيده لان شكلنا بنغط عن هالموضوع اسبوع .

 

[كويتيه ذربه]

ما عندي فكره .. انا ولدي ب a

بس على اي حال سشوري شعرها ورفعيه بطريقه مرتبه

واكيد المدرسه راح تضبط شكلهم اذا يحتاج تفله او تلبس شي

مشكوره حبيبتي سشورت شعرها وفليته طلع يلبسون بدون كبوس

 

[كويتيه ذربه]

الصراحه الحفله وايد كانت حلوه واستانسنا

 

[كوكو لاتي]

السلام عليكم


خواتي ممكن سؤال

انا سجلة ولدي ب kg1

ونجح بالاختبار وانقبل

بس الحين كرهة المدرسة من حنة حمولتي مايبوني ادخلة هالمدرسة



في اجراءات لازم اسويها حق الانسحاب ؟

ليش عاد اشفيها المدرسه؟؟؟؟؟؟؟؟؟؟؟؟؟؟؟
انا بعد توه قبلوا ولدي بكي جي 1 ؟؟؟؟؟؟؟؟؟؟؟؟؟؟؟؟؟؟؟
اذا سامعه شي عن المدرسه قوليلي؟؟؟؟؟؟؟؟؟؟؟؟؟؟؟؟؟


بنات انا محتاره منو احسن مس احط ولدي عندها بكي جي 1 ابي وحده زينه وحنونه ومس فرح شنو جنسيتها؟؟؟؟؟؟؟؟؟؟

 

[رفرف]

مناره ..
الحمدلله الريبورت وايد اوكيه وعلى قولتج عندي اسبوع حافل مو خبرج انقطعت علاقاتي الاجتماعية ايام المدارس فمادري شسوي شخلي حق الاسبوع الياي ..

توفي
والله ماعندي خبر عن اجراءات الانسحاب بس اظن حجز المقعد يروح عليج ..


كوكو لاتي ..

مس فرح اتدرس كيجي2 .. وهي كويتية ..

 

[Miss_Tiger79]

الحمدلله الريبورتات زينه
كنت مستانسه بهالعطلع بس عيالي من الجمعه طاحو مرضى
الحمدلله