اولياء امور مدرسة التكامل( صباح السالم )

[نواره الحلوة]

ألحين منو المس اللي تمدحونها حق kg1 وليدي الصغير وايد دعله وأبي مس اتحركه شوي ؟؟؟؟؟؟

 

[نواره الحلوة]

اليوم دقوا علي التسجيل
وقالوا

انه بنتي مقيوله

باركوني الله يبارك بحياتكم

على البركة وموفقة ان شا الله والله يعينج ويعينا على التدريس :yaaaaaarb::yaaaaaarb:

 

[رفرف]

شانيل مبروك قبول بنتج والفال لولد بامبينا ينقبل يارب ..

جولي
الله يبشرج بالخير نبي عطلة انحكرت ماكو طلعة ايام المدارس ..

رهش ..
منو مدرسة ولدج .. قعدي معاها عدل وتناقشو بالمشكلة يمكن قاعد يم قروب شياطين وامأثرين عليه يلهونه بالحصة ..

 

[رهشRAHASH]

حبيباتى ولدى عند مس كاثى وووايد زينه وحبوبه مع اليهال بس عندى احساس لانها المدرسه الاولى ف تبى مستوا صفها كلهم توب وهالشى مسوى ضغط كبير على اليهال بس ماكو حل الا الصبر وولدى حبيبى من كيفه قعد وقال بروح السكول كسر قلبى وقبل ماينزل قالى قولى للمس لا تصرخ

 

[رهشRAHASH]

حبيباتى ولدى عند مس كاثى وووايد زينه وحبوبه مع اليهال بس عندى احساس لانها المدرسه الاولى ف تبى مستوا صفها كلهم توب وهالشى مسوى ضغط كبير على اليهال بس ماكو حل الا الصبر وولدى حبيبى من كيفه قعد وقال بروح السكول كسر قلبى وقبل ماينزل قالى قولى للمس لا تصرخ وكذا أم اسالها تقول هالسنه وايد ضاغطين على اليهال آنا خايفه لا يكره الدراسه لان ماكو لعب يقول ماما وايد نكتب ايدى تعورنى والشهاده لله مس كاثى والأسستنت مس راكيل زيينين بس الضغط الظاهر عليهم وعلى اليهال

 

[رهشRAHASH]

ولدي عند مس كاثى والمس طيبه وتدريسها روعه لكن مو راضين يستوعبون ان الياهل له طاقه معينه ويمل لان بهالعمر صعبه ينضغط عليه بهالشكل راح يكره الدراسه آنا من اليوم ماراح ادرسه بالبيت مجرد مراجعه بسيطه واحنا نلعب وبس وماعندى مشكله بسالفه نزل مستواه لان آنا على يقين ان الولد مل وصلت المواصيل للارق والسهر ولا تنصدمون ولدي مايتكلم عربى والله جم جمله ومكسره وابوه خايف من هالموضوع ووده يدخله ثنائيه

 

[رهشRAHASH]

اشلون مشاركتين طلعو وجهزى يطلع لى ايرور!!!!!!

 

[SARA 3]

حبيبتي شانيل الف مبروك الحمداللة .
أختي الي اسالت عن مس لورين ...تدريسها ممكن يكون عادي بس انا وصديقاتي عيالنا كانوا عندها العام ..هالسنة كلنا قلنا ان مدرساتهم اليدد أحسن ... كانت قاسية نوع ما ... وكان ولدي وايد يقول ما أحبها وتصرخ ... وكرة المدرسة ... وصارت مشكلة نفسية مع ولدي.. موقفها كان جدا سيء... وما تعطي كل طفل حقة .. يمكن ولدج ماشاللة شاطر وما تعبها ....

وبنات والي يسلمكم الي عيالها بقريد 1 أو أكبر محتاجة احدد موقفي اذا أخلية بالمدرسة ولا أطلعة ..حاليا قاعدة اشوف المدارس الثانية ... لاني سمعت ان نظام التكامل نظام شديد وصعب وأنا يهمني ان الولد يكون مرتاح وشخصيته ما تهتز أكثر من التعليم نفسة .... مع ان النظام الأمريكي المفروض انه سهل شوي

 

[SARA 3]

ولدي عند مس كاثى والمس طيبه وتدريسها روعه لكن مو راضين يستوعبون ان الياهل له طاقه معينه ويمل لان بهالعمر صعبه ينضغط عليه بهالشكل راح يكره الدراسه آنا من اليوم ماراح ادرسه بالبيت مجرد مراجعه بسيطه واحنا نلعب وبس وماعندى مشكله بسالفه نزل مستواه لان آنا على يقين ان الولد مل وصلت المواصيل للارق والسهر ولا تنصدمون ولدي مايتكلم عربى والله جم جمله ومكسره وابوه خايف من هالموضوع ووده يدخله ثنائيه

أختي رهش حاولي تدخلينة القاعدة الحلبية يمدحونها ... يقوون الأطفال بالعربي والدين ... وبالنسبة لثنائية اللغة أحس ان الطالب يضيع فيها ... وأحس انه لا يطول سما ولا أرض ...خصوصا ان التكامل اغلبها عرب فانشالله اللغة عندة راح تتقوى

 

[رهشRAHASH]

السلام عليكم مشكوره حبيبتى ساره على النصيحه بس خل اقول لكم رحت لمس كاثى وقعدت معاها وطمنتنى ان مستواه تحسن ويحتاج تشجيع وراح يروح قريد1

 

[نواره الحلوة]

السلام عليكم مشكوره حبيبتى ساره على النصيحه بس خل اقول لكم رحت لمس كاثى وقعدت معاها وطمنتنى ان مستواه تحسن ويحتاج تشجيع وراح يروح قريد1

رهوشه <<< ياحلو اسمج ناطع بس فيه ما أدري جم ألف كالوري

شوفي آنا سووا فيني جذي مع ولدي اهو ألحين بقريد 1 وبروح 2 وخرعوني قالوا ما راح اردون قيده لما يحسن مستواه ولما رحت حق مستر براين مدير المرحلة جان يقول ان المستوى ماله شغل بس عشان اهو شيطان وحركي وايد وهذا يخرب عليه

 

[رهشRAHASH]

نواره انتى الحلا كله بس الرهش مالى لو فات مايتفخ واذا على الشطانه وليدى ووايد هادى ويتحمل مسؤؤليه الشى اللى جدامه مافيه شطانه ابد عشان جذي يحبون طبعه صج مرت علينا فتره صعبه بسبه الغيره من اخوه وللحين يغار والثانى موهين ويمكن هذا اللى نزل مستواه وعسالله يهدى وليدج ويبلغج فيه بس شلون مستوى الانجاش بجريد1 صج وايد دسم وصعب؟

 

[نواره الحلوة]

والله من ناحية دسم دسم ويبيله امجابل عدل خاصة انها سنة تأسيس ووايد عندهم كلاس وورك وعندهم كل اسبوع سبيلنغ تست بعشر كلمات والمفروض يطلع يعرف يقرآ عدل وهم بادين من الحين ما يقرون الأسئلة حق اليهال عشان يعتمدون على نفسهم نصيحة مني خليه يقرا واييييد عشان يتقوى

 

[Miss_Tiger79]

بنات شخباركم

عندي مشكله
ولدي الي بكي جي1 مو قادر يكتب اسمه
والحين قاعدين يركزون عليهم يكتبون اساميهم
وحبيبي مسكين اسمه طويل(عبدالوهاب)
فمقسمتله اسمه على جزئين
حبيبي مادري شسوي معاه

 

[كويتيه ذربه]

خواتي مافي احد منكم بنتها ولا ولدها بقريد ون f لاني ماصادفت ولا وحده عيالها مع بنتي لاني مو عاجبتي المس كلش

 

[نواره الحلوة]

بنات شخباركم

عندي مشكله
ولدي الي بكي جي1 مو قادر يكتب اسمه
والحين قاعدين يركزون عليهم يكتبون اساميهم
وحبيبي مسكين اسمه طويل(عبدالوهاب)
فمقسمتله اسمه على جزئين
حبيبي مادري شسوي معاه

واااااي ذكرتيني ولدي اسمه عبد الرحمن اقول كلهم اخلصون قبلي لووووووول :krkrkr:

 

[ام _خلودي]

الحمدلله انها انقبلت ومبروك
اول مره اسمع عن مس نيلي
وعندج مس جاكي او مس باتريسيا وايد زينين
واذا شفتيها زينه خليها عندها

مادرى يمكن انا ماثبت على الاسم اهياا
طويله وعريضه وشعرهاا كشه <<<< وحده ماتعرف توصف
اهياا يانجليزيه ياامريكيه مادرى بضبط

 

[ام _خلودي]

نواره الحلوه مبروك تسجيل ولدج والله يوفقه انشالله ..

ام خلودي انا ولدي بكي جي 1 كان عند مس نيلي وترى واايد زينه وحبوبه مع اليهال ونفسها حلوه وهم ولدي وايد استفاد منها .

باونتي اول السنه وقبل بدايه السنه الدراسيه يحطون يوم مثل تعارف بس تودين الياهل يعرف صفه ويعرف مدرسته وتتعرف

عليه .

طمنيتنى اهيااا صراحه اسلوبهاا كان وايد حلوو وكانت مستخفه على بنتى
وطايحتله تبوس وتمدح وقالتلى اشكره انااا راح اخذه بالكلاس عندى

 

[رفرف]

شلونكم امهات ؟؟؟


بنتي اليوم عندها تيست
ماقالتلي ولاااا شي وانا مدرستها من زمان الويكيند اللي فاتت علبو الاحد التيست ومارديت راجعتها ..
اليوم الصبح من بطلت عينها قبل لا تقوم من فراشها جان تقولي مامااااا اليوم المس بتسويلي تيست !! هااااااااااااااااااااااااه ؟؟
تيست شنو يا يما ما خلصتو ؟؟
لا ماما انا ومادري منو ماسوتلنا اليوووم التيست ..
طبعا ما مداني اراجع لها ولا شي كنت ع الاقل براجع الفوكابلري امليها الكلمات بس كلش ما مداني ..


تيست شنو هذا بعد حق الريبورت والا حق القبول والا حق شنو بالضبط ما سألت المس ..
بس سألتها قدمت زين ؟ جان تقولي اي .. ومن الفرحة ما سألت هذا تيست شنو ..
قلت بس بستحي على ويهي واسويلها جدول دراسة كل يوم نراجع شي لا تحوشني هالخرعة مرة ثانية

 

[كويتيه ذربه]

والله ما ادري بس يمكن حق القبول
عشان جذي حاولي تعلمينها انها تدرس بروحها وانتي ساعديها لان نظام المدرسه ان الطالب يعتمد على نفسه ودايما في تيست ولازم تدبر عمرها(وعيالنا مساكين من كثر ما ندرسهم قمنا نخربط معلوماتهم)