اولياء امور مدرسة التكامل( صباح السالم )

[بشوشه]

باركولي اقبلو ولدي باليمنتري ( جريد 1)هيااااااااااااااااااااااااااااااااااااااه
حدي خايفة من تدريسه
ما اعرف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شنو نظامكم يا امهات الجريد 1 شنو جدولكم وهل يمديكم توفقون بين التدرين وطلعاتكم يعني اقدر انسق بين عيالي حبايبي ووناستي؟؟؟

 

[Miss_Tiger79]

بشوشه
مبروووووووووك
والله يعينا على السنه اليايه
وحتى انا مادري شبسوي بالتدريس يبيله مجابل مو مثل الحين

 

[كويتيه ذربه]

مبروك القبول
انا بنتي من اول ما اتدش ادرسها بس الحين بعلمها تدرس شوي شوي بروحها لانها لازم تعتمد على نفسها والمس تقول حتى السؤال لازم تعرف تقراه بروحها ؟؟؟؟؟؟؟؟؟
وبعدين انومها مبجر عشان اطلع بالليل على راحتي واقدر اخلص مشاويري

 

[كويتيه ذربه]

ماتدرون اذا صورو بالعيد الوطني ولا لأ

 

[Miss_Tiger79]

اكيد صوروهم
بس سأليهم متى بيوزعونهم

 

[بشوشه]

واي الله لا يفرقنا وناسه نتناقش مع بعض

 

[نواره الحلوة]

ماتدرون اذا صورو بالعيد الوطني ولا لأ

آنا رحت بالطابور وصورت ولدي كانوا اميمعينهم بالمسرح وصورتهم داخل الصف

 

[نواره الحلوة]

باركولي اقبلو ولدي باليمنتري ( جريد 1)هيااااااااااااااااااااااااااااااااااااااه
حدي خايفة من تدريسه
ما اعرف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شنو نظامكم يا امهات الجريد 1 شنو جدولكم وهل يمديكم توفقون بين التدرين وطلعاتكم يعني اقدر انسق بين عيالي حبايبي ووناستي؟؟؟

الله يعينج على التدريس خصوصاً أول السنة لأنهم يكونون موعارفين يعني شنو معنى دراسة وواجبات والله ولدي شلع قلبي وتوه بفهم شالسالفة حسباله لعب مثل الكي جي
بس عندهم شغله وايد حلوة بداية كل اسبوع يعطونج جدول شنو واجباته وشنو بدرسونه الأسبوع كله حتى شنو اسوون بالكلاسات كل يوم

 

[نواره الحلوة]

تعطيهم الاحد
وبنتي للحين تلبس شتوي
وما تدرين المسرحية متى راح يمثلونها

راح اتكونيوم الأربعه 8أبريل

 

[كويتيه ذربه]

نلتقي ان شاءالله بالحفله

 

[bambena]

سؤال بنات العلوم والرياضيات مثلا يدرسونهم عربي وانجليزي ؟؟

 

[كويتيه ذربه]

سؤال بنات العلوم والرياضيات مثلا يدرسونهم عربي وانجليزي ؟؟

يدرسونهم بالانجليزي

 

[شانيل نمبر 5]

انا بنتي سوا له اختبار يوم الخميس.......
واليوم راحت لها وقالوا........
مو مقبوله؟؟؟؟؟؟؟
بنتي تروح حق غريد 1 واهي ووووووايد شاطره بكي جي 2
ووووووايد تضايقت؟؟
قالت مستحيل؟؟
قالوا كلمي المدير
واخذت موعد علشان اكلمه


بنات شنو الاسباب الرافض تتوقعون؟؟

 

[بنت حمايل]

حبيبتي انا ضد التكامل ما راح اقدر افيدج

بس عيالي كانو بالرؤية ، وعلى فكرة بمجمع منية مسوي منتدى كويتيات حلقات دراسية وانشطة للأطفال سألي عنهم
وانا عيالي ادخلهم نادي تدريبي بالصيف والله يستفيدون منه ، مدرسة الخليفة كانت روعة ويدرسونهم ويلعبونهم بعد
فيجيني الياهل زاهب مزهب ومو ناسي الدروس للسنة الياية جربي جذي

 

[SARA 3]

سلام خواتي ...
بصرلحة هذي اول مشاركة لي بالمنتدى .. وفرحت وايد لمن شفت هذا التجمع ....
وانا ولدي ب KG2 .. وبصراحة اعاني معاه وايد ... وحبيت أفيدكم وأستفيد ...

بالنسبة للي تسال عن أحسن مدرسة ب kg 1 ما أنصح بمس لورين ... لأن وهذا راي أنا وثلاث أولياء أمور معاي .. انها جامدة وغير حنونة ولدي كرة المدرسة والسبب أهي ...
وأنصح بمس نيللي لانها جدا ممتازة .... وحنونة والطفل بالعمر محتاج هذا النوع ...
وبالنسبة ل KG2 أنصح بمس (شيري) بصراحة فضيعة وعندها خبرة أكثر من 15 سنة بالتدريس وعلمت ولدي بشكل ممتاز لكن للأسف ولدي تأثر وايد ب KG1.
على العموم اهو انقبل لكن أفكر أنقلة لأنه للاسف يكرة المدرسة ويقول بشكل يومي أبي مدرسة ثانية وأنا محتارة بصراحة ... ودي أخلية بالمدرسة وودي أسأل خواتي الي عيالهم بالألمنتري ... لان أحسة ما يحب أضغط علية بالدراسة .. وما يخليني أدرسة على راحتي ... وأذا الدراسة فيها كرف ومجهود ماني عارفة راح ينجح فيها ولا يفشل ...بانتظاركم ....:eh_s(1):

 

[SARA 3]

انا بنتي سوا له اختبار يوم الخميس.......
واليوم راحت لها وقالوا........
مو مقبوله؟؟؟؟؟؟؟
بنتي تروح حق غريد 1 واهي ووووووايد شاطره بكي جي 2
ووووووايد تضايقت؟؟
قالت مستحيل؟؟
قالوا كلمي المدير
واخذت موعد علشان اكلمه


بنات شنو الاسباب الرافض تتوقعون؟؟

أختي شانيل أنا أقولج الأسباب المدرسة السنتين الي طافوا سوا حركة مو حلوة كلش ... زادوا عدد صفوف الkg عندهم 10 صفوف . وبالالمنتري عندهم بس 7. توهقوا وشالوا من كل صف بال 5 kg طلبة) الأضعف بنظرهم ولا واسطات الله العالم) ووهقوا العالم ... لان بالعقل أي مدرسة محترمة المفروض تتحمل مسؤولية الطالب الي فيها من البداية حتى لو على قولتهم ضعيف لازم يطورونة ويقونة مو يقولون ما نبية والسبب ان ما عندهم مكان وأحنا نتوهق .اذا انتي شايفة بنتج مستواها أوكي دافعي عنها واهما الاسبوع عندهم أختبار وراح يحددون الي يبونة أكيد ... والله حاسة فيج سووها فيني من قبل ...

 

[bambena]

ماعندي اسم عيل شلون المدرسه ثنائيه اللغه ؟؟

اللي اعرفه لازم العلوم يتدرس عربي وانجليزي ونفس الشي الرياضيات شفرقها عن المدارس الثانيه اللي مو ثنائيه ؟؟

 

[شانيل نمبر 5]

أختي شانيل أنا أقولج الأسباب المدرسة السنتين الي طافوا سوا حركة مو حلوة كلش ... زادوا عدد صفوف الkg عندهم 10 صفوف . وبالالمنتري عندهم بس 7. توهقوا وشالوا من كل صف بال 5 kg طلبة) الأضعف بنظرهم ولا واسطات الله العالم) ووهقوا العالم ... لان بالعقل أي مدرسة محترمة المفروض تتحمل مسؤولية الطالب الي فيها من البداية حتى لو على قولتهم ضعيف لازم يطورونة ويقونة مو يقولون ما نبية والسبب ان ما عندهم مكان وأحنا نتوهق .اذا انتي شايفة بنتج مستواها أوكي دافعي عنها واهما الاسبوع عندهم أختبار وراح يحددون الي يبونة أكيد ... والله حاسة فيج سووها فيني من قبل ...[/font][/size][/color]

حبيبتي كلامج وايد رايحني _03BA:

بصراحه انا اليوم :eh_s(14): خصوصا مع سونيا اللي ماسكه التسجيل

نفسيه خايس
وبكره ان شاءالله اذا ارد الله موعدي مع المدير.........
واللله يعني:krkrkr:

 

[رفرف]

بامبي ..

التكامل مو ثنائية .. أمريكية ..
بس طبعا منهج العربي والاسلامية نفس الحكومة ..
الماث والساينس كله بالانجلش ..


شانيل نمبر5 ..
شوفي شيقولون لج عن الاسباب وترا صح صفوف الكيجي واااااااايد والاليمنتري اقل بس اتوقع ينقبلون لأن وايد في ناس مدخلين عيالهم بس بالكيجي يأسسونهم عدل تالي يطلعونهم ..

 

[نواره الحلوة]

شوفوا حبايبي اهم صح عندهم صفوف وايد للkg وأقل منهم في g1 من جذي اصفون اليهال قبل وموحسب الشطارة يعني ولدي اسم الله عليه مستواه زين ووقفوا قيده لأنه شيطان بس صراحة المستوى الاكاديمي للمدرسة وايد ممتاز