اولياء امور مدرسة التكامل( صباح السالم )

[رفرف]

تايقر ..
مشكووورة حبيبتي ..
ام عبدالله صاحبة الحضانة تعرفني كنت أبلة بنتها
انا انشالله ارد على اول رمضان واحاول امرهم بس اذا وايد ضغط عندهم اخلي امي تمرهم تسجلها يم بيت اهلي الحضانة مانبي نعنيج ..
بس اذا يصير تحجزين لها بالتلفون اطرشلج اسمها برسالة خاصة ..
ولا مابيها بصف كبار لأن حبيبتي راح تخييييس بالحضانة تدش سنتين كاملين بتمر على كل الصفوف .. من القرادة مولودة 31-3 يعني اللي قبلها باسبوعين يدخلون الروضة وهي قاعدة .. ابيها على عمرها سنتين و5 شهور ..

جولي ..
الحضانة بقطعة 5 اللي تصير على الدائري السادس ..
اذا تبين تدريس تدريس .. مو وايد يعني خاصة بالانجليزي ..
انا قبل على وقت صبوية البجر ابي حضانة قوية وتدريس ومادري شنو .. حتى دخلتها صف سابق عمرها كانت تعرف كل شي ..
الحين تغيرت فكرتي .. اول وتالي بتنكرف من الروضة .. وانا احب اعلمهم كلشي بروحي من صغرهم ماعتمد عالمدرسة يعني الالوان والاشكال والحيوانات هسوالف انا معلمتهم من قبل الحضانة ..
والانجلش بتتعلمه من البيت (اختها) او التلفزيون (بارني ودورا حبايبها) والمدرسة تالي .. فليش اشد عليها ؟؟ خل تلعب وتغني وترقص وتستانس مع اليهال لاحقة على الشقا ..
بس عن نفسي احب ابلاتهم كلهم كويتيات او بدون أحس أحن عاليهال .. والحضانة مريحة وصاحبتها اتينن حريصة واي شكوى تاخذها بعين الاعتبار .. هم مكانهم مريح وحديقتهم كبيرة ومسورة ..
جربتهم سنة ونص على وقت صبوية وماشفت منهم الا كل خير .. بس خبري فيهم قبل سنتين يعني قبل لا صبوية تدش التكامل ..
اذا تبين الوصف اوصفلج عالخاص .. العنوان بالضبط اهوه قطعة 5 الشارع الاول جادة 14 بس ماعرف رقم البيت (كنت مأجرة بنفس الفريج بيني وبين الحضانة جم بيت) مريها وشوفي منتي خسرانة شي يمكن ترتاحين لها ..

انا في حضانة مدحوها لي سبحان الله مريتها بشوفها من عند الباب انقمت قلبي ما حبيتها فانتي شوفي وحكمي ولا تعتمدين على مدح احد ..




تصدقون بنات ما اذكر موضوع السيدي !! هذا اخذه من مس سارا ؟؟


ذربة ..

شلونج ؟ احنا بخير دامج بخير

 

[jolie_q8]

خوش عيل بمر اشوفها واشوف متى دوامهم ,,

انا قصدي دي في دي الحفله اللي مصورينها مو دفعنا لهم 5 جنه حق اللي يبي الحفله انا شريته

وبسألكم اتوقعون دوام اليهال برمضان الساعه جم الصبح؟ ثمان والا تسع؟

الله يعينا وياكم ,, رفرف متى ردتكم ان شاءالله؟

 

[رفرف]

جولي دوام اليهال اذا نفس العام انشالله 9 ..

اي الديفيدي عرفته عيل شكلي بطلب لي واحد ..
وردتنا انشالله خالصين ابونا سوى العملية امس الحمدلله بس باقي جم فحص المشكلة الحين مولاقين حجز نحاول نرد باقرب وقت بس شكله ماكو الا على بداية رمضان ..
مشكورة على السؤال

 

[jolie_q8]

الحمدلله على سلامته والله يتمم شفاءه يارب

ويحفظكم من كل شر

 

[رفرف]

الله يسلمج جولي ماتقصرين

 

[Miss_Tiger79]

كويتيه ذربه
هلا والله شخبارج انتي

جولي
مثل ما قالتلج رفرف بالضبط واهم شي مديرة الحضانه حريصه على اليهال وايد بس الانجليزي مو وايد انا بروحي علمت اليهال بالبيت

رفرف
اذا تبين احجزلها قوليلي اسمها وانا اقولهم انج بره الكويت واتوقع اذا تعرفج ماراح تقول شي ..
والحمدلله على سلامت ابوكم وتردون بالسلامه لعيالكم واهلكم يا رب ..

 

[كويتيه ذربه]

هلا والله فيكم
رفرف حمدلله على سلامه ابوكم

مس تايجر دوووم انشاءالله تكونين بخير

والله اليوم من ضيقه الخلق رحت شريت شرايط ومفكره اسوي حق بنتي شبابيص وماشات ودلاغات

 

[رفرف]

تايقر ..

مشكوورة بعد عمري والله يسلمج من الشر ..
خلاص امي قالت بتروح تسجلها الاحد انشالله الحضانة يم بيتهم وانا لي رديت اكمل اوراقها هم تشجعت رفيجتي مسجلة بنتها يمكن تصير معاها بنفس الصف ..




ذربة ..

الله يسلمج وزين تسوين خل تصير شبابيصها مميزة (قلت لكم مدمنة شبابيص)
انا شريت من هني خيوط وأبر كروشيه وسويت لها باندات حق المدرسة وشبابيص .. وقلت بسويلها كبوس وشال بس ماعرف قياس راسها ..
خو ادري ان رديت الكويت ماراح افضى اسوي شي..

 

[manarah]

السلام عليكم ..
شخباركم امهات ..
رفرف اول شي الحمدلله على سلامة ريلج وما يشوف شر وتوصلون الديره بالسلامه انشالله ...

مس جولي شخبارج .. التجهيز ولا شي يعني ورانا على قولتج مدارس ورمضان وعيد وانا زيدي عليه بعد قرقيعان هذا كله متى بيصير مادري :0bee2e8d89: .... بالنسبه لحضانه افنان انا من ربعها اعيالي اثنينهم متخرجين منها والحين ولدي الثالث انشالله بيدخلها بس انا فرع بيان .. الحضانه وايد زينه بس انا اقولج اهي غاليه ورسومهم بالسنه 1200 ..

مس تايقر شخبارج ايه والله ما بغينا انشوفج وهذي الساعه المباركه والله ... انا عندي ولدي بعد هالسنه حضانه ويتخرج منها مواليد 10-1 يعني كبر ابنيتج بس والله كاسر خاطري احسه بيدخل صغير يعني اشلون بيدخل الروضه السنه الياي مو مستوعبه .. الله يعين انشالله ...

كويتيه ذربه شخبارج انشالله بخير واشلون البنوته اذا سويتي شبابيص ورينا انتاجج .. انا شريت خام الجوخ كحلي وابيض وتيجان وشويه اكسسوارات قلت بجرب اسويلها تيجان ودي والله على المواضيع اللي اشوفها بقسم الاشغال اليدويه والله يسهل انشالله .

 

[Miss_Tiger79]

كويتيه ذربه
يه يه يه اي جذي الامهات والا انا يالله العافيه مالي خلق اسوي حتى تاج امس شفت تاج حق العيد وسعره 11 وكان بسيط واختي معاي تقولي مينونه انتي ما يبيله شي ومالي خلق افتر واشري واسوي مادري ليش ما احب ...

رفرف
اشوه زين عيل
ويالله خنشوف الانتاج الزين

وخلاص عيل مدام انا ما اعرف حق الكروشيه جذي وانتي وكويتيه ذربه كل ما سويتو شي سوو حق بنتي

لالا انا قلت بروح كليرز وبشوف لانه عندهم سيل
قتلكم مادري شفيني ما اهتم بالشباصات
تدرون شنو اهم شي حق اليهال واتفنن بالتشري (الجواتي ) تكرمون والتوبات


مناره
يحلوه ولدج
اي والله حتى انا اشوف بنتي اقول هذي شلون بدش الروضه حتى فكرت ااخرها سنه بس ريلي ما رضى
والحين قاعدين نعابل بالحفاظه (تكرمون )

 

[manarah]

مس تايقر ايييييه الحفاظه عيزت مو راضي يتعلم وكل طريقه اتبعتها وياه ... يعني شكله بيداوم بالحضانه بحفاظه وما أبي هالشي فبشد حيلي وياه هالجم اسبوع لان الحضانه دوامهم اول 9 بعد .. انتوا حضانتكم متى دوامهم

 

[Miss_Tiger79]

مناره
احنا اول 10
الله يعينج والله

 

[رفرف]

مناره الله يسلمج ما تقصرين

تايقر ..
عيل تصدقين انا كلش كلش ماهتم بالجواتي تكرمين لا لي ولا للبنات لأن ريولنا كلنا انا وبناتي عراض وصعبة نحصل تكرمين جوتي مريح فاليهال بالغالب كروكس او صنادل طبية ما اتفنن لهم بالجواتي بس الشبابيص والجناط والهدوم طبعا ..

وعلى سالفة البامبرز زين شجعتوني ان الدوام شهر 10 علشان يمديني اعلمها ..
انا الصراحة قبل لا اسافر كنت مفكرة اعلمها وهيه تفهم وتقولي طبعا عقب ما تسوي بس كان ريلي بالمستشفى وماعندي خدامة فكلش ماعندي وقت وهالشغلة تبي مجابل ..
الحين قلت حتى برمضان ماراح اتفطر كل يوم عند اهلي او اهل ريلي مثل قبل لأن تدريس ودوامات قلت دامي قاعدة بالبيت اجابلها واعلمها عندي وقت يعني وانشالله تتعلم بسرعة مابي تداوم ابامبرز ..

 

[Miss_Tiger79]

رفرف
اي والله زين تسوين
انا بعد ما احب يروحون الحضانه بالبامبرز

 

[كويتيه ذربه]

اشلونكم
مس تايجر حبيبتي بالنسبه للشباصات لاتحاتين انا اسوي حق بنتج معاي وشنو اسم بنتج عشان اسويلها التاج
ورفرف ومناره نفس الشي تبون اسويلكم مره وحده معاي
انا هوايتي التقصص والتلزق يعني بالمره اتسلى

 

[رفرف]

ذربة مشكوووورة ما تقصرين ماودي اتعبج ..
بس اذا تبين وحدة بوحدة اوكي اسويلج باند او شباصات كروشيه او تاج اللي يعجبج .. وتسوينلي تاج ..
وربعن تعاونوا ما ذلوا


تايقر ..

انا قلت حق اختي دام خدامتي اليديدة وصلت ونوعها مخربة مسوكة بالدلع بس شايلتها وتتمشى فيها قلت حق اختي وجهي نشاطها لشي مفيد خل تودي البنية الحمام وانتو بكرامة كل نص ساعة علشان لي ييت اعلمها ماتعب ..

 

[manarah]

اشلونكم بنات ..

كويتيه ذربه مشكوره بعد عمري ماااا قصرتي بس لا ما نبي انتعبج خشي طاقتج حق رمضان والمدرسه
رفرف .. شسالفه اشوف صار في مقايضه انزين واللي ما يعرف يسوي شي اشلون يعني
انا يتني فتره من زمااااااان اشتغلت كوريشيه رفيجتي علمتني واذكر اللي سويته غطا علبه كلينكس وسكارف وليلحين محتفظه فيهم مو مصدقه انا مسويتهم :dddds: بس الحين لا نسيت كل شي .

 

[رفرف]

مناره ..

انا صارلي فوق السنة مو مشتغلة كروشيه بس من ضيقة الخلق هني رديت اسوي ..
ترا من تمسكين الابرة والخيط تتذكرين بروحج اذا فاضية جربي ..
انا بيني وبينج بالكويت يالله عندي وقت اتنفس .. كلش ماعندي وقت لهالسوالف بس هني شوي فضيت ..

 

[نواره الحلوة]

السلام عليكم بنات اشلونكم شخباركم عدنا والعود أحمد

الله اييب المدرسة على خير والله انطرها مناطر اليهال علوا قلبي بقعدة البيت وما عندهم شي اسوونه مللللللللللوا على الآخر
بغيت أسألكم من وين شريتوا اليونيفورم مال المدرسة لأني موناويه آخذ اللي نشتريه من المدرسة لأنه حده شيب ويلوع الجبد وما يسوه سعره .... من جم يوم لقيت بماركس اند سبنسر عجبني وايد خصوصا أنه سير من فوق من غير زرار أسهل لهم للبس وتكرمون الحمام بعد بس ما لقيت قياس ولدي العود خاصة بعد قعدة الصيف كرش الحبيب وزاد وزنه خذيت بس حق الصغير وطلع مرتب عليه وشكلي بآخذ واحد ثاني وأسويه شورت وخذيت منهم دلاقات وملابس داخلية مجربتهم السنه اللي طافت كد ومد .. وناويه اليوم أروح آخذ لهم جناط بس مآدري من وين للحين ؟؟؟؟؟

 

[Miss_Tiger79]

كويتيه ذربه
مشكوره حبيبتي وما تقصرين

مناره
طلعتي نفسي ما تعرفين

رفرف
اي زين تسوين خليها تعلمها شويه
تدرين وحده اعرفها كانو يالها ضغار وورا بعض وبتعلم بنتها العوده عالحمام قالت حق خدامتها اذا علمتيها عالحمام بييبلج هديه وصج علمتها

ترى رحت سجلت مناوي بالحضانه اليوم وخذيت النفنوف بس طلع كبير بييبلها اصغر
لما لبستها النفنوف عيالي يطنزون عليها ويقولولها انتي خدامه ؟؟؟

شفتي شلون

نواره
هلا والله فيج
ولكم باك
وصاجه ماكس سبنسر عجيب