اولياء امور مدرسة التكامل( صباح السالم )

[رفرف]

ذربة ..

انا بنتي شعرها قصير خذيتلها من هني شكثر كلبسات وتيجان من جيمبوري وغاب وتقريبا كل محلاتهم عندهم كولكشن شبابيص كحلي وابيض حق السكول حلوين فيونكات كبار وحركات فيعني عندها اكتفاااء ..
بس يونس هذا المحل اللي تقولين عنه لي رديت الكويت انشالله بمره بما اني ادمان شبابيص ..
وانشالله نلتقي عاد انا اللي اودي واييب حمال الأسية لأن مدرستها اقرب يم دوامي ..
ويحلات البنات اللي اهم شي عندهم المكياج هاذي ستايل بنتي !!
انا بنتي كنت اشجعها ومستانسة عليها علبو ماكو بنات غيرها وستايلها دلوعة ونعومة وكلمن يتحلى عليها ..
لين وصلت حد قامت تبجي قبل لا نطلع تقول شكلي مو حلو نطروني احط مكياج .. ولي بغينا نشتري لليهال هدايا حق العيد تقول انا مو ياهل مابي العاب ابي مكياج وتراجي طوال وصبغ اظافر !!
وحطينا شروط وحد للموضوع لأن قمت احسها مراهقة صغيرونة ..
الله يعينا على تربية هالجيل


شانيل ..
والله ماعرف المدرسات انا استخير وادخل بنتي على الله والحمدلله حظها حلو مع المدرسات وهالسنة قلت بوديها عند مس سيلفيا على مدح البنات صارتلي ظروف وتعب ابونا ومامريت المدرسة فمادري ليلحين اهيه بأي صف ومنو مدرستها ..


سيدة الكويت ..
ماعندي المعلومات كاملة الحين بس المدرسة مستواها قوي وعن نفسي مرتاحة معاهم ليلحين الحمدلله ..
رسومها تقدرين تشوفينها من موقعهم او اظن في موضوع مثبت عن رسوم المدارس الخاصة ماقدر افيدج لأن ماعندي احد بالمتوسط


تايقر ..
الابداع خل تصير مع كوكي ..

 

[manarah]

السلام عليكم .. شخباركم ..
كويتيه ذربه ايونس محل بومحمد امبييييييييه ذكرتيني يوم كنا نروحله بالاندلس وناسه عندنا واول مره ادري ان فتح بمجمع انشالله امره ..
وموضوع الشبابيص قاعده احوس أدور اشياء حلوه بس صاجه والله ذكرتيني بالايوب انا كنت اخذلها منه حق الحضانه واشياءهم تونس وهم تحصلين التاج مع الشباصه مع الترجيه مع الدلاق وناااااسه وسالفه الساعه بعد هذي عجيبه اول مره تمر على بتستخف بنتي عليها ..

رفرف شخبارج .. يختي على هالبنات الله يعينا عليهم انا بنتي الحين تطالع مكياجي وتقول ماما هذا كله حقي اذا كبرت والحين ما تطلع من البيت الا عندها عدة مكياج كامله بالجنطه بس كله العاب وهابتلي هالايام كله تبي تصبغ أظافرها وقلتها بس حق الزواره مو بكل وقت عاد .. والله صج جيل هالوقت يبيلنا ناخذ دوره اشلون انربيهم

 

[شانيل نمبر 5]

انشاءالله هالسنه نلتقي بنهايه الدوام على الاقل نتعرف على بعض[/quاote]




شئ اكيد يالغاليه..

وخصوصا اذا صاروا بكلاس واحد_03ba:

 

[شانيل نمبر 5]

بنات اي احسن تكون الشنطه...
ظهر او رول؟؟

 

[كويتيه ذربه]

اذا ابتدائي اكيد رول

 

[شانيل نمبر 5]

بس شلون تصعد الدرج المدرسه؟؟؟؟؟

 

[كويتيه ذربه]

رفرف انا بنتي عادي تودي مكياج معاها بالمدرسه ذابحتي وتوسوس وايد تودي لوشن وكلينكس عادي ومعطر وتودي الجيل المعقم ومشط
وطوله السنه عندها مناسبات توزع هدايا على الصف ولو بيدها تداوم ببدله

والله لايقول تشوف وحده حاطه حنه طول السنه ماتكلمها
عاد اول مره اطول شعرها لي جتفها بخلي حق العيد اقصه

 

[كويتيه ذربه]

بنات اي احسن تكون الشنطه...
ظهر او رول؟؟

اخذي جنطه رول لان كتبهم ثقيله

 

[رفرف]

ذربة ايييي حتى بنتي تزرق تودي اكسسوارات وقلوسات جم مرة الابلات ينبهوني وتنزف زفففف على هسالفة بالبيت ومرة من حرتي خمطت المكياج كله وقطيته تكرمين بالزبالة عقبها خافت قامت ماتودي شي ..

وهم سوالف الجيل والمعقم وعطر واي سبحان الله نفس اطباع بنتي الله يخليها لج ويحفظها ..

 

[كويتيه ذربه]

الله يسلمج رفرف
خلاص هالسنه نعرفهم على بعض عشان يجابلون بعض بالفرصه

 

[jolie_q8]

السلام عليكم

شلونكم امهات انا انقطعت عنكم ,, لهيت وانشغلت ومرضت وكلشي صار ,,

شخباركم واستعديتوا للمدرسه و الا مثلي

طبعا ماشفت الصفحات اللي طافوا ,,

بس اشرايكم مع اول يوم دراسه تفتحون موضوع يديد,, (جزء ثاني علشان انتابع مع بعض) ؟

وبسألكم استلمتو صور التخرج ؟

 

[رفرف]

هلا جولي ..

سلامات ما تشوفين شر ..
انا عن نفسي بره الديرة ماشريت شي ولا لقيت شي يصلح ماعدا تنانير حق المدرسة لأن تنانيرهم مو شي .. وجاكيت حق الشتا بس
الطلبات قلت انطر اشوف اهمه شنو يبون احسن ..
خذيت العاب تعليمية من هني وسوالف جذي يعني .. قصص . كتب ..
وصور التخرج ما استلمتهم بشوف بداية السنة لأني ما رحت المصور .. حتى الييربوك طلبته وما استلمته ..
واللي موتني قهر اني مصورة بالحفلة بكاميرت ريلي وقام سكرتيره يبي ينقل صور منها ومسح كل الصور وبجيت بجي يومها ... ماعندي ولا صورة للحفلة .. للأسف ..

ذربة ..

ماكو الا جذي نضمن انهم يتطابقون .. وبنتي تستقوي عندها رفيجة بقريد2

 

[manarah]

السلام عليكم .. شخباركم امهات ..
جولي شخبارج بالنسبه للصور ما رحت المصور بس مو مشكله انشالله اذا داوموا نطلبهم من المدرسه .. وتجهيز المدرسه حالي من حالج ولااااااا شي بس الله كريم ... وفكرتج ان نفتح موضوع يديد في بدايه السنه وااايد حلو صج نائب مدير على هالافكار نترك المهمه لك .

 

[Miss_Tiger79]

جولي
هلا والله
سلامات انشالله وما تشوفين شر
شلون ولدج ؟؟

رفرف
وييي حسافه يالله اشوه انه المدرسه عندهم صور حق الحفله او اخذي السي دي مال الحفله

اي صج بقولج ترى تسجيل الحضانه بدى دقو علي لاني كنت حاطه اسمها
وسجلت مناوي وطلعت عند ابله بدور تذكرينها خوش ابله

مناره
شخبارج

 

[jolie_q8]

هلا هلا بنات الله يسلمكم الشر ما ايكم

رفرف : غميضة على الصور ,, ترى السيدي مال الحفله حاطين خوش لقطه حق بنتج ,, بالصف كل الصفوف الا صف ولدي

مناره : انزين متى نجهز لول ورمضان وعيد وكلشي كلشي ,, اهم شي الجواتي وانتو بكرامه والجناط على الاقل

(وملابس داخليه ودلاقات ولانش بوكس ومطاره)

هلا مس تايقر : انا زينه وولدي زين كل يوم اعطيه درس انه صار كبير وعيب يبجي اذا راح قريد 1

انزين ابي حضانه بعد انا وياكم

اشرايكم الحضانه اللي برميثيه اسمه بلاي غروب شي جذيه ! على شارع التعاون !!

ومتى التسجيل بعد

 

[رفرف]

تايقر !!

لا تقولين بدا !! اتهقين يسكر عني ؟؟ اسويلهم فضيحة ماعندي الا هالحضانة احبها الباجي مارتحت لهم ..
وانا بعد حاطة اسمها عندهم انشالله تصير بصف منمن عند ابلة بدور صج اتهبل ..
مناوي جم عمرها بالضبط ؟؟ مسك مواليد 31-3 يعني يصيرون بنفس الصف عدل ؟ اقل من سنتين ونص ..
الله يعينا عالبجي خبري ابنتي دعلة ولزقة الحين خواتي وحمواتي يقولون الدعالة بس اذا انتي موجودة .. بدونج اتهبل شحلوووها



جولي ..
المعرس ليلحينه يبجي ؟؟؟ لالالا مو تمام
عطيه دورة قبل الدوام عاد اخوه معاه شماله البجي ؟
حضانة بلي قروب مادري في اللي يمدح ولي يذم واصلا نظامهم بريطاني وانتي تالي بتدخلينه نظام أمريكي جنه يتلخبط ..
انا حبيت الابداع حنونين وبعدين انا مابي دراسة صج صج خو بنتي نتفة لاحقة ع الكرف مثل اختها ..
ابيها بس تلعب وتناقز ويحفظونها قرآن ويخلونها تلون وتشخبط وتغني وتستانس ومكان أكون متطمنة ان تعاملهم حلو مع الياهل .. هذا أقصى طموحي حاليا ..


وبعدين شنو هالسيدي اللي فيه صورهم ؟ غير الديفيدي ؟ ولا نفسه ؟؟
لأن تصوير الفيديو عندي لقطات انا مصورة مقاطع بكاميرتي .. بس ابي صور صور علشان اطبعها

 

[jolie_q8]

ايهي الابداع؟ نفسها اللي بحولي؟

ابي تفاصيل بليز

والسي دي = قصدي اللي وزعوه فيه الحفله وقبل الحفله داشين صف صف ومصورين اليهال شحلاتهم

الا سف ولدي

واللقطات ان شاءالله تلاقين صور حلوه حق بنتج عندهم انا بعد اللقطات اللي صورتهم كله مهزوزين يضقون الخلق

وخليت عشتو المصور يصورني ومع ولدي ياللا من فضلك ,, ان شاءالله اللقطه كفتني :/

 

[Miss_Tiger79]

رفرف
اي بدى من اول هالاسبوع
حتى دقيت عليها قتلها بييلكم الاحد جان تقول انشالله تلاقين مكان بس لما عرفتني سجلت اسمها ... تبين احجزلها مكان ؟؟ عطيني اسمها عدل واحاجيهم بس يمكن بنتج مو مع بنتي لانه بنتي تصير مثل نخرج الحضانه بس بنتج الصف الي اصغر منهم لانه مواليدها 24_1
بس اذا تشوفين بنتج مستواها زين قوليلها خليها بقروب (الدانه) الي اهوه قروب بنتي

جولي
لا تقولين صف ولدي مو بالسي دي .... عيل اشوه ما خذيته ..
وحضانة الابداع بصباح السالم ق5 بس زينه ومديرتهم حلييييييييييوه
وبلاي قروب عيال رفيجاتي فيها في الحضانه وفي الروضه ويمدحونها بس مثل ما قالتلج رفرف دراستهم منهج بريطاني مو امريكي

مناره
شخبارج
شلون بنتج

اخيرا شفناج

 

[كويتيه ذربه]

اشلوووووووونكم

 

[jolie_q8]

مس تايقر ,, اي والله صفهم بالذات مو مصورينهم بس الحفله مصورينهم يهبلون ولما يقولون الاسامي هذي اهم لقطه

انزين ابي تفاصيل اكثر عن الابداع دوامهم من متى ليمتى ,, واي صوب بصباح السالم ماعرف القطع :/

وسامعين عن حضانه افنان برميثيه ؟ مالت الخليفي ,, انا رحت لهم العام حليوه بس ثنائية ,,

ودي يستانس قبل كراف الروضه والمدرسه