اولياء امور مدرسة التكامل( صباح السالم )

[كويتيه ذربه]

مس تايقر عظم الله اجركم

 

[رفرف]

عظم الله أجركم تايقر وانشالله اخر الاحزان ..


مشكووورة ذربة ..
تدرين انا كلش ماحب المايوهات قطعة وحدة احس بناتي يحتاسون بتكرمين روحة الحمام ..
وقبل بوقطعتين عادي لين لاحظت ان بنتي صارت فصعوونة قلت خلاص هذولا بس حق البيت ..
اخذ لهم من اتش اند ام مايوهات قطعتين بس مسترة ..
البطن ما يطلع القطعة اللي فوق شوي طويلة يعني ومن تحت شورت شوي يغطي مو حفر كلش ..
حق تكرمين الحمام تقدر تروح .. جربيهم حق بنيتج والله حلوين ..
واشوه شعر صبوية قصير اصلا ما ينربط يعني ماتعاني من هسالفة بس زين قلتيلي خل اجهز لها مرة وحدة من هني

 

[كويتيه ذربه]

رفرف اي بنتي عندها مايو قطعتين بس مالبستها
انشاءالله هالمره بلبسها لان يايبتهم من بره وكانوا كبار بس الحي اكيد بلبسها
انا بنتي بعد شعرها مو طويل وايد فوق جتفها والحمدلله ناعم
وقلت هالمره بطرش معاها كبوس تلبسه بعد ماتطلع من الحوض

 

[manarah]

السلام عليكم ..
مس تايقر عظم الله اجركم والله يجعله اخر احزانكم انشالله ...

كويتيه ذربه مشكوووره وما قصرتي عالافاده بصراحه وايد نفعتينا يزاج الله خير وتفرحين بالعروسه انشالله ..

رفرف شخبارج واشلون الرحله انشالله كل شي تمام .. والسباحه بروحها قصه ثانيه يللا اذا على الكورس الثاني نخلي امحاتاتها بعدين

 

[كويتيه ذربه]

السلام عليكم ..
مس تايقر عظم الله اجركم والله يجعله اخر احزانكم انشالله ...

كويتيه ذربه مشكوووره وما قصرتي عالافاده بصراحه وايد نفعتينا يزاج الله خير وتفرحين بالعروسه انشالله ..

رفرف شخبارج واشلون الرحله انشالله كل شي تمام .. والسباحه بروحها قصه ثانيه يللا اذا على الكورس الثاني نخلي امحاتاتها بعدين

العفو حبيبتي
حاضرين للطيبين

 

[Miss_Tiger79]

اجرنا واجركم بنات ماقصرتو

انتو شخباركم ان شاءالله بخير ...

 

[رفرف]

ذربة ..

اي خوش فكرة الكبوس احسن ما يلفحها هوا ...



مناره ..

اي الكورس الثاني بس احنا امهات البنات معاناة مع المايوه ههه لازم مطابق للشروط ..
بو قطعة وحدة مو عملي تكرمين للحمام وبو قطعتين بالغالب مو شي حق مدرسة وصبيان وخلط ..
انا احتاس حووووسة على مايوهاتها ..
لا واحنا اهل ريلي مايرضون البسها الا طويل بو شورت ومايكون حفر فلازم اخذلها مايوه اذا بتتسبح عندهم او بتروح معاهم الشاليه ..
وهي تحب بوقطعتين وبيني وبينج اسهل واريح فآخذلها حق حمام السباحة اللي بالبيت او بيت اهلي عادي ..
والحيب يبيلي بعد حق المدرسة خخخ مادري البنات اللي حوسة والا انا ..
والرحلة الحمدلله مرة المعنويات فوق ومرة تحت والله كريم ..

 

[كويتيه ذربه]

ماتدرون متى ييبون الملابس بالمدرسه
عشان نلحق على المقاسات
والعام وايد اقترحوا عليهم ييبون نفانيف مابندرى اذا سووا ولا لأ

 

[رفرف]

ذربة ..

اذكر مستر براين قال ان حطينا ملاحظة تنانير البنات بالاعتبار وبنشوف لها حل لأن صج صج مو عملية بالمرة خاصة للصغار ..
انا عموما ماراح ارد الكويت الحين يعني اتوقع قبل دوامهم بجم يوم يالله اقدر اروح اخذلها الملابس ..

 

[manarah]

السلام عليكم ..

رفرف لا البنات اهم حوسه واحنا خبه اكثر منهم واكيد حق المدرسه لازم تاخذيلها قطعتين وساتر طويل يعني الشورت والبلوزه احسن لان الصبيان وياهم .. أذكر سايت ديزني منزلين كانوا بو قطعتين اللي يكون شورت وهم في على برنسس حبايب قلب صبويه شوفيلها اهناك .. وانشالله معنوياتكم دوم مرتفعه والله يفرجها عليكم انشالله ..

كويتيه ذربه راح انكون على اتصال بالمدرسه واذا درينا راح انبلغ بعض انشالله .

 

[كويتيه ذربه]

اوكي مناره انشاءالله

 

[manarah]

شخباركم بنات .. شمسوين مالكم حس .. انا توني هاليومين امداومه من بعد اجازه الامومه وضييييقه خلق هالدوام قعدت البيت مع اليهال أونس ماعندي سالفه بس بسلم عليكم .

 

[كويتيه ذربه]

هلا والله مناره
الله يعينج على الدوام والسهر بالليل مع ياهل صغير

 

[Miss_Tiger79]

مناره
وااي عاد الدوام عقب الاجازة يصير ثقيل عالقلب
عيل انا شسوي ماكو شغل بالدوام والله قاعده وشابكة واقول حق البنات مو القعده بالبيت مجابلة اليهال احسن ؟؟
شنسوي

 

[كويتيه ذربه]

اشلونج مس تايقر
انا بعد بالدوام ماكو شغل
ولا في نت وممنوع ناخذ لاب توب معانا
عادي نطق روس ونحل كلمات متقاطعه ونلعب بالتلفون

 

[manarah]

ايه والله كويتيه كله سهر والدليل اني قاعده ليلحين صارلي فتره طويييييله ما انام عدل عشان جذي تلقين حتى تركيزي قل وما قمت اثبت وكله فيني النوم ومع الدوام الحين كملت ..
مس تايقر احنا هذي كلمتنا بالدوام دايما نقول قعدتنا مع اليهال ابرك يعني صج جربتها بهالعطله وانا وياهم من عطلوا يعني امجابلتهم واقعدهم امبجر شوي الصبح ماحب نومة الياهل لي الظهر احس يتكيسل واشغل وقتهم باشياء مفيده بس الحين لأ من داومت واهم ينامون لي الظهر وسهاريه بالليل .. انا طبعا الحين مالي أمل باجازه بس نصيحه لكم انتوا اخذوا اجازه برمضان أريح لكم .

 

[Miss_Tiger79]

كويتيه
واي من صجج ما يصير تاخذين لاب توب معاج انزين اخذي كتاب معاج على ما يخلص الدوام الا انتي خالصته

لا اشوه دوامي مو جذي

مناره
انتي نفس روتيني
انا بالليل سهر والظهر يقومون بس انا اسهر واروح الدوام فتشوفيني الصبح بالطريج ما الف راسي لا يمين ولا يسار ولا حتى لي خلق اشوف المنظره الي جدامي بالسياره
انا برمضان اجازة باذن الله

 

[كويتيه ذربه]

ايه والله كويتيه كله سهر والدليل اني قاعده ليلحين صارلي فتره طويييييله ما انام عدل عشان جذي تلقين حتى تركيزي قل وما قمت اثبت وكله فيني النوم ومع الدوام الحين كملت ..
مس تايقر احنا هذي كلمتنا بالدوام دايما نقول قعدتنا مع اليهال ابرك يعني صج جربتها بهالعطله وانا وياهم من عطلوا يعني امجابلتهم واقعدهم امبجر شوي الصبح ماحب نومة الياهل لي الظهر احس يتكيسل واشغل وقتهم باشياء مفيده بس الحين لأ من داومت واهم ينامون لي الظهر وسهاريه بالليل .. انا طبعا الحين مالي أمل باجازه بس نصيحه لكم انتوا اخذوا اجازه برمضان أريح لكم .

والله ودي اخذ اجازه برمضان بس اللي معاي ولادتهم برمضان مضطره اداوم ومايعطوني اجازه الا لمن يرجعون
يعني اناكليتها عدل

 

[كويتيه ذربه]

كويتيه
واي من صجج ما يصير تاخذين لاب توب معاج انزين اخذي كتاب معاج على ما يخلص الدوام الا انتي خالصته

لا اشوه دوامي مو جذي

مناره
انتي نفس روتيني
انا بالليل سهر والظهر يقومون بس انا اسهر واروح الدوام فتشوفيني الصبح بالطريج ما الف راسي لا يمين ولا يسار ولا حتى لي خلق اشوف المنظره الي جدامي بالسياره
انا برمضان اجازة باذن الله

جربت اودي كتاب بس قريت صفحه جان اقفل عدل
عشان جذي بس العب بالتلفون وتخيلي لو يناديني المسئول يشوفني مقفله
يقول يعطيج العافيه بدال مايقول روحي بيتكم نامي

 

[manarah]

اشلونكم بنات ..
مس تايقر زين سويتي عالاجازه الواحد اول رمضان ممكن يقزرها بس على اخر اسبوعين خلاااااص يطلع التعب كله عليه .. اجازه سعيده انشالله ..
كويتيه ذربه الله يعينج على هالدوام وهاللي بيولدون يحليلهم رمضان مو خوش توقيت حق الولاده .