اولياء امور مدرسة التكامل( صباح السالم )

[كويتيه ذربه]

السلام عليكم .. شخباركم بنات واشلون اطفالكم انشالله بخير .. جاتكم ايونس قلبتوا على امريكا
الله يردكم بالسلامه رفرف ويشافي مريضكم بس هالله هالله بالهدوم حق البنوتات انا بنت وحده وكبتها بينفجر من الهدوم وعلى فكره انا دايما اطلبلها بالنت لان روحاتي للسوق قليله واحب اشتري البدله كامله يعني اكملها من شباصتها لي دلاقها لي الجنطه واهم شي عندي الكبوس يختج مرض وادمان صار فيني عالكبابيس والجناط حقها .
مس تايقر ولدي كان يبي كاراتيه بس والله اخاف ادخله ويطق اليهال يجرب فيهم عشان جذي قلت السباحه بالوقت الحالي افضل .
كويتيه ذربه شخبارج .. والله برايي مدديلها اذا تبي بالنادي العلمي لان على قوله رفرف صج مكان ثقه وشوفي محتوى دوره كيميا الصناعات ترى حلوه .

هلا والله انتي اشلونج
انا بنتي مو من النوع اللي تتاقلم وايد هاديه وخجوله
انا سجلتها العام 3 اماكن وكل بجت وماداومت
وهالسنه سجلتها هم كذا مكان هم ماراحت بس الحمدلله بالنادي العلمي استانست
لان اختي معاها بس اختي بالثانويه وهي بالمبنى اللي يمهم ومع بعض يروحون
بس اخاف امدد لها بعدين تمل لان بس تخلص على طول رمضان ومدرسه وانا تعبت من التوصيل

وعلى طاري البنات انا بنت وحده والكبت متروس ملابس ومافي شي بعد ماعندها ومن الحين قاعده افكر لها
بلبس حق القرقيعان والعيد

 

[رفرف]

يا حلاتكم امهات البنات

انا ماقمت اشتري كبابيس يبطون جبدي ما يلبسونهم ولا الصغيرة لو شنوووو ما تحط كبوس على راسها ..
بس الشبابيص ادمااان والجناط اصلا جناطهم اكثر من جناطي واشوه صبوية تموت ع الجناط ماتطلع بدون جنطة يعني مبردة قلبي ..
يعني احس لما اشتريلهم هدوم جنه ايام قبل اللي نلعب باربي ونشتريلها بدل ونكشخها احس بناتي جذي جنهم العاب احب البسهم واكشخهم متعة عندي ..
واحب سوالف نفانيف منفشة وتنانير تحسون عندنا نقص ..
لأن اصغر بنت عندنا بالبيت اختي عمرها 27 ومتزوجة وعقبها ماشالله كله شباب واختي واخوي عندهم صبيان محد عنده بنات الا انا فتحسون الفناتق كلها عندي انا والكل يتحلى عليهم ..

 

[كويتيه ذربه]

رفرف نفس الحاله
انا تلقين سنه كامله افكر بعيد ميلادها لازم مميز واللبس مميز واذا لبس تنكري بعد لازم شي مو موجود بالسوق
واذا خلصنا نفكر بالقرقيعان انا من الحين قاعده افكر لها بافكار
والمدرسه نفس الشي لازم حركات بالشبابيص او الدلاغات الله يهداهم اللبس القديم الواحد كان يقدر يتفنن بس اللبس هذا احسه عادي
والشبابيص من كثر ما انا ادمان تلقين بالسفر بس ادور لها ماشات وشبابيص
وامس وديتها السوق خذت لها كل الوان الجنط وطبعا لازم كليرز تبي مكياج واكسسوارات

 

[Miss_Tiger79]

عيل انا شفيني مو مهووسه بالشباصات مثلكم ؟؟؟؟؟
اكيد فيني خلل
يعني اشتري ملابس اهم شي وتكرمون جواتي ونظارات بس هم مو وايد لانه عمرها تكبر بسرعه
بس باصات وجناط مو وايد

رفرف وكويتيه ذربه
انتو جنكم احنا ما عندنا غير بنتي وبنت اخوي والباجي ماشالله شباب

 

[رفرف]

كويتية ذربة خلصتي من جنطة المدرسة ؟؟
بغيت اسألج حق قريد 1 اييب جنطة كبيرة يعني كتبهم وايد ولا لا ؟؟
هني الجناط يهبلون بامريكا وايد حلوين وعمليين بس الدعلة بنتي الا تبي على شخصيات شكلي باخذ لها من الكويت اخليها تنقي لأن جناط الشخصيات هني مو وايد حلوين ..
وتنانير المدرسة ماحبيت تنانيرهم العام ما لبستها لأن صعبة حق تكرمين الحمام 100 زرار وسحاب ماتعرف تصكها ..
خذيت لها من مذركير تنانير كحلية وتحتها شورت رياضة بس الحين مادري من وين اخذلها .. عيزت ادور لها هني مالقيت الشي الي ابالي يا اما وايد قصار التنانير او خامتهم مو شي ..


تايقر ..
انا بناتي قرعان شعورهم خفيفة وماخليت شباصة بالدنيا ماخذيتها واللي يقهر مسوكة حدها الشباصة لبسة وحده تالي مادري وين تقطها مفقودااات وكل مرة اقول حدها شبابيص بو100 وماتوب ..

 

[كويتيه ذربه]

عيل انا شفيني مو مهووسه بالشباصات مثلكم ؟؟؟؟؟
اكيد فيني خلل
يعني اشتري ملابس اهم شي وتكرمون جواتي ونظارات بس هم مو وايد لانه عمرها تكبر بسرعه
بس باصات وجناط مو وايد

رفرف وكويتيه ذربه
انتو جنكم احنا ما عندنا غير بنتي وبنت اخوي والباجي ماشالله شباب

اي انا بنتي اول بنيه بالعايله بعدين عندها عمه وحده بالثانويه عشان جذيه عند خالتي اهيا الدلوعه
وطبعا امي بعد مدلعتها وماترضى احد يكلمها والابو من سافر وهو يدز مسجات اشلون بنتي واي رقم تلبس
وشنوناقصها

 

[كويتيه ذربه]

كويتية ذربة خلصتي من جنطة المدرسة ؟؟
بغيت اسألج حق قريد 1 اييب جنطة كبيرة يعني كتبهم وايد ولا لا ؟؟
هني الجناط يهبلون بامريكا وايد حلوين وعمليين بس الدعلة بنتي الا تبي على شخصيات شكلي باخذ لها من الكويت اخليها تنقي لأن جناط الشخصيات هني مو وايد حلوين ..
وتنانير المدرسة ماحبيت تنانيرهم العام ما لبستها لأن صعبة حق تكرمين الحمام 100 زرار وسحاب ماتعرف تصكها ..
خذيت لها من مذركير تنانير كحلية وتحتها شورت رياضة بس الحين مادري من وين اخذلها .. عيزت ادور لها هني مالقيت الشي الي ابالي يا اما وايد قصار التنانير او خامتهم مو شي ..


تايقر ..
انا بناتي قرعان شعورهم خفيفة وماخليت شباصة بالدنيا ماخذيتها واللي يقهر مسوكة حدها الشباصة لبسة وحده تالي مادري وين تقطها مفقودااات وكل مرة اقول حدها شبابيص بو100 وماتوب ..

لا والله لي الحين ماشريت لها انا دايمه اخذ لها من برا الكويت بعدين تيي هني ماتبي
العام شريت لها جنط من فرنسا من ديزني بس اول ما حطت كتبها الجنطه انشقت لان جناطتها ماتتحمل كتبنا
بس تبين نصيحتي اخذيلها جنطه سحب ( عربانه )
لان يعطونهم قصه شوي متينه يعني حرام تعور ظهرها
هما عندهم كتاب اسلاميه وعربي وقران منهج الحكومه
وكتاب رياضيات وقصه كل اسبوع يقرون جزء يعني هي مجموعه قصص


بس اهم شي اخذي وايد ملفات
ونصيحه اخذي الملفات اللي فيها سحاب من فوق لانها تتحمل الكتب
ولاتشترين لادفاتر ولا اقلام ولا الوان هما يعطونج طلبات معينه والدفاتر عليهم



طولت عليج
وانشاءالله نلتقي بالمدرسه لان القريد 1 و2 نفس القسم

 

[كويتيه ذربه]

رفرف
اخذيلها بنطلونات اريح
وانا العام شفت وايد بنات يلبسون نفنوف ماذركير
انا بنتي العام ماحبت تنورتهم وما لبستها الامرتين واخر السنه خذيت لها نفنوف من مذركير قالت لي ممنوع مستر براين مايرضى بعدين شفت عادي وايد يلبسون

 

[manarah]

السلام عليكم ..
كويتيه ذربه يعني برايج الحل حق البنوتات بالبنطلون حق المدرسه ؟ انا كنت امفكره اشتريلها من المدرسه بنطلون وتنوره بس اذا التنوره على قولتكم مو عمليه لا نهون عنها انا بروحي توني قاعده اعلمها انها تستخدم الحمام تكرمون بروحها يعني بالحضانه كان لازم في خدامه وياهم بالحمام بس بالروضه ما اضمن يتروالي الخدم بس يوقفون بره ...
رفرف انا شفت سايت دزني وجناطهم زوغه وعلى كل الشخصيات اخذيلها عن الحسافه مدامج هناك ..
مس تايقر بسألج سؤال ومادري والله اذا بمحله والا لا مره شفت ومن زمااااااااااان في موضوع شنو شريتي اليوم اللي موجود بالمنتدى وحده شاريه ثوب حق بنتها اللي فيه زري ومطرز عليه اسم بنتها والله جنه اذا ماخاب ظني انتي المقصوده اهي وحده كان في اسمها مس عاد مس شنو مو متاكده اميه بالاميه يمكن انتي .. اذا كنتي انتي قوليلي من وين واكون شاكرتلج

 

[كويتيه ذربه]

مناره البنطلون عملي اكثر حق اللعب خاصه اذا صغيره تبي تلعب اريح لها
انا اخذ لها هم تنوره وهم بنطلون

 

[Miss_Tiger79]

رفرف
الله يهداج خليتينا نحاتي جنطة المدرسه
(هو ده الي ما كنش على بالي)
صج نسيت ان عندهم كتب
وصاجه كويتيه انا اشوف اليهال كل جناطهم الي تنسحب


مناره
اي انا
الي يابته لها اهيه خالت ريلي بس اذا تبين اقولها لانها تعرف وحده تسويهم وسوتلها

 

[Miss_Tiger79]

كويتيه ذربة
صج يعني شنو يطلبون منكم تيبون وشنو الملفات الي قصدج النايلون الي فيها سحاب ؟؟
وجم كتاب تقريبا

وبنات ليش ما تلبسون بناتكم شورتات مثل مالت الصبيان انا عندي احسن

 

[رفرف]

كويتيه ..

مشكووورة خل ادور لها جنطة بالمواصفات الي قلتيها عيل ..
انا عجبوني جناط قاب لأن اللنش بوكس تتثبت بالجنطة بس مو سحب ومو على شخصيات وبنتي دععععله ..
والبنطرون صج عملي اكثر بس ما ترضى لو شنووو تقول انا مو صبي ابي نفنوف ولا تنورة ..
اخاف النفنوف ما يرضون بعد مالي خلق شكلي باخذ لها تنورة .. بس الله يعين على رحلة البحث ..
وانا البسها تحته شورت رياضة (بايكر شورت) اسهل واريح وارتب واستر ..


مناره ..
انا نفسج شفت جناط ديزني زاغ قلبي عليهم بس بالطبيعة كلش مو حلوين بس ملوت الصبيان بلى ..
مرتين ادش ديزني ستور واطلع اقول يمكن اغير رايي بس كلش مو حلوين للأسف يعني ملوت الكويت وايد احلى ..
وصبوية كنت البسها تنانير مذركير وشورت رياضة احسن ومرتبين ..


تايقر ..
اي شفتي شلون قاعدة احاتي الجنطة من الحين .. دام انا بره اخذلها من هني احسن بس عاد انشالله القى ..
والانوثة تخترب بالبنطرون انا بنتي كلش ما ترضى لا بنطرون ولا شورت ..
شوفي لي بغينا نطلع نروح مكان العاب وقلت لها لبسي جينز علبو عملي واحسن جني سابتها ..
بجي وطناقر وانا مو ولد وعيب البنات يلبسون جينز (هاو وانا شنو خو امج بكبرها تلبس جينزات !!) وماما والله صدقيني ماكو ولا أميرة بالدنيا تلبس بنطرون ما يصير ماما عييييب ..
امس اختي موديتها تشتريلها هدوم يننتها بالتشرط تقول اخر شي طلعنا من السوق وهي مطنقرة ومادة البوز مو عاجبها ..

 

[Miss_Tiger79]

رفرف

خلاص عيل جنطة ولدي وولد مناره عليج هالسنه مادام جناط الصبيان حلوه
اتغشمر معاج

 

[manarah]

اشلونكم بنات ..
مس تايقر الحمدلله انا مستانسه ان ذاكرتي ليلحين شغاله وطلعتي انتي .. المهم اذا اهم مشغل والا شي جذي تقوليلي مكانه وانا اروح بس اذا وحده وموصينها لا خلاص مابي اتعبج وأتعب خالتج مشكوره وتسلمين ..
بالنسبه للجناط انا اقول هاليهال ادعل يعني شكلي بخليهم يشترون الجنطه من اهني على الاقل شايفينها وما يتعنفقون وترى مكتبات حولي هم جناطهم اتينن وغير عن شغل مكتبات الحمعيات صج سعر اغلى بس شي حلو .. تصدقون بنتي بس جناط الحضانه امس عديتهم 11 جنطه يعني باختصار كل الشخصيات والحين كل ما اقولها تبين جنطه الكي جي على شنو تحتار لان كل الشخصيات عندها اخر شي قالتلي اياه يصير جنطه على صورتي ؟ شفتوا الهوس اللي احنا فيه

رفرف ضحكتيني على صبويه الاميرات ما يلبسون جينز وبنطونات :dddds: يادي الاميرات اللي امخربين مخ البنيه بس والله ما تنلام انا اللي اشكبري استانس على اشكالهم اشلون الياهل .. اقول عسى اختها بعد مو اميره يتروالي بتصير اميره بالعدوى

 

[كويتيه ذربه]

كويتيه ذربة
صج يعني شنو يطلبون منكم تيبون وشنو الملفات الي قصدج النايلون الي فيها سحاب ؟؟
وجم كتاب تقريبا

وبنات ليش ما تلبسون بناتكم شورتات مثل مالت الصبيان انا عندي احسن

يعني صمغ واقلام وملفات يعني طلبات معينه والوان شمعيه معينه الماركه الصفرا بس تاكدي على حسب المس
الملفات النايلون اللي فوق سحاب هما احسن شي لان الكتب ثقيله وتنشق الملفات العاديه بسرعه

طبعا انا العام شريت لها كل جنطه مع اقلام وكراسه وكل شي نفس الطقم بس المس مارضت قالت لازم كرتون اقلام عادديه
يعني استدلر لان المس تحطهم عندها وكلما يخلص تعطيهم غيرها

بالنسبه للكتب هما يعطونهم جدول بس انا ما اتقيد فيه
كتبهم :
عربي كتابين وقران واسلاميه ورياضيات ودفتر عربي ( من المدرسه )
وبالنسبه لانجليزي مثل قصه كبيره فيها مجموعه قصص كل اسبوع قصه

عشان جذي الجنطه السحب اريح

 

[رفرف]

تايقر ..
انتي تامرين والله من صجي ترا ..


مناره ..
لا والله الثانية كلش مو أميرة بس انشالله تصير بالعدوى على قولتج .. ماحب بنية دفشة
شخصيتها غيير شوي فيها دفاشة وتحب دورا وبارني بس هالايام صايرة تحب جاسم (جاسمين) لوووول وتيكا بيل (تنكربيل)
ويختي حلات البنات اللي يبون جنطة على صورتهم ..


كويتية ..
مشكوورة وايد فدتينا زين عندنا احد مجرب ..
عيل القرطاسية ماني شارية شي الحين بس الجنطة .. وانشالله القى شي يعجب

 

[كويتيه ذربه]

رفرف حاضرين اذا عندج اي استفسار

 

[Miss_Tiger79]

مناره
حبيبتي من عيوني انشالله بقولها ولا يصير خاطرج الا طيب .. بس تبين على اسمها واسم العايله والا بس اسمها عشان اقولها اذا ؤوكي اقولج طيني اسمها تسويلها وطبعا ابي مقاس طولها

رفرف
حبيبتي والله تسلمين لا مشكوره حبيبتي
نبي سلامتج
تدرين عاد بنتي دفشه بعد انا انعم

كويتيه
حبيبتي تسلمين على هالمعلومات
والله يعينا على التدريس والواجبات


انا اليوم رحت شفت جناط قاب عجبوني واهم شي على قولة رفرف اللنش بوكس معاها بس لازم الربع معاي عشان يشوفونها

 

[كويتيه ذربه]

مناره
حبيبتي من عيوني انشالله بقولها ولا يصير خاطرج الا طيب .. بس تبين على اسمها واسم العايله والا بس اسمها عشان اقولها اذا ؤوكي اقولج طيني اسمها تسويلها وطبعا ابي مقاس طولها

رفرف
حبيبتي والله تسلمين لا مشكوره حبيبتي
نبي سلامتج
تدرين عاد بنتي دفشه بعد انا انعم

كويتيه
حبيبتي تسلمين على هالمعلومات
والله يعينا على التدريس والواجبات


انا اليوم رحت شفت جناط قاب عجبوني واهم شي على قولة رفرف اللنش بوكس معاها بس لازم الربع معاي عشان يشوفونها

الله يسلمج
اي والله الله يعينا